နားပြီးတော့ စိတ်ကလေးကို ငြိမ်းချမ်းအောင်လုပ်ပါ။ တစ်နာရီပြည့်တိုင်းပြည့်တိုင်း သတိထားပြီးတော့ ''၂မိနစ်,၃မိနစ်'' ဖြစ်ဖြစ် အသက်ကို အားရပါးရ ဝအောင်ရှူပြီးတော့ ခန္ဓာကိုယ်ကိုရော လျှော့ပြီးတော့ ချလိုက်ပါ။
အဲဒီအချိန်မှာ ဘာမှမတွေးပါနဲ့။
အားရပါးရ အသက်ရှူတာကိုပဲ သတိလေးကပ်ထားပါ။
အကယ်၍ ခဏလေးထပြီးတော့ လမ်းလျှောက်လို့ ရတယ်ဆိုရင်
ထပြီးတော့ ဟိုဘက်ဒီဘက် ခြေလှမ်း ၁၀-လှမ်းလောက်ပဲဖြစ်ဖြစ်
သတိလေးထားပြီးတော့ လှမ်းလိုက်ပါ။
အဲဒီလို တစ်နေ့တာလုံး တစ်နာရီမှာ တစ်ခါလောက် ၂-မိနစ် -၃မိနစ်
လုပ်သွားမယ်ဆိုရင် . .
တစ်နေ့တာ ကုန်သွားတဲ့အခါမှာ ကိုယ့်ကိုယ်ကိုယ် သတိထားကြည့်ရင်
တွေ့လိမ့်မယ်။
အရင်ကလောက် မပင်ပန်းဘူး။
တစ်နေ့တာလုံး သတိရတဲ့အချိန် ရောက်တဲ့နေရာမှာ ရသလောက်သတိနဲ့ ခန္ဓာမှာဖြစ်နေတာ၊ စိတ်မှာဖြစ်နေတာကို ကြည့်ရမယ်။
ဒီလို တစ်နေ့တာလုံး လုပ်သွားတဲ့သူဟာ ..
သတိပိုပြီးတော့ အားကောင်းလာတယ်။
( ဆရာတော်ဦးဇောတိက )
No comments:
Post a Comment