မိန်းကလေးတစ်ယောက်ကအိမ်ထောင်ကျသွားပြီဆိုရင် လူတွေကအထင်နဲ့ ယောင်္ကျားရကံကောင်းတယ် ကံဆိုးတယ်ဆိုပြီးသတ်မှတ်ပြောဆိုတတ်ကြပါတယ်။
ရုပ်ကလေးလှရုံနဲ့ မပြည့်စုံတဲ့ မိန်းကလေးတစ်ယောက်က သူ့ထက်သာတဲ့ပြည့်စုံတယ်လို့ယူဆရတဲ့ ယောင်္ကျားတစ်ယောက်နဲ့ အိမ်ထောင်ကျရုံနဲ့ သူမမှာကံကောင်းခြင်းတွေ မပိုင်ဆိုင်ပါဘူး။ သူ့လင်ယောင်္ကျားရဲ့ အရှိန်အဝါကိုတော့ သူသိမ်ငယ်နေရတာပါ ..
ယောင်္ကျားတစ်ယောက် ရှာဖွေကျွေးမွေးတာကို ထိုင်စားနေတဲ့မိန်းမမို့
ကိုယ့်ဝမ်းစာကိုယ် ရှာမစားရလို့လည်း ကံကောင်းတယ် မဆိုနိုင်ပါဘူး။ အနည်းဆုံးတော့ သူဟာ သူ့ဘဝကိုပစ်ပယ်ပြီး သားသမီးအတွက် လင်ယောင်္ကျားအတွက် ပေးဆပ်အချိန်ကုန်နေရတာပဲ။
ဒါ့ထက်ပိုဆိုးရင် ယောင်္ကျားမျက်နှာကြည့်ပြီး မဝံ့မရဲဘဝနဲ့ နေနေရတာပါ။ တခါတလေ သူ့မှာ ဆုံးဖြတ်ပိုင်ခွင့်ဆိုတာ ဘာမှတောင် မသိပဲ ကိုယ့်ဘဝကိုယ်သတ်ပြီး ရှင်သန်နေရတာပါ။ ယောင်္ကျားလုပ်သမျှ မပြောရဲမဆိုရဲနေရတဲ့အချိန်တွေတောင် ရှိရင် ရှိနေနိုင်ပါတယ်။
မိန်းမသားတွေဟာ အိမ်ထောင်ပြုတယ်ဆိုကတည်းက မှီခိုချင်လို့အားကိုးချင်လို့ မှီခိုထိုက်အားကိုးထိုက်သူကို ရွေးချယ်တတ်ကြတယ်။ ဒါကိုပဲ အနိုင်ယူ နှိမ်ထားချင်တဲ့ယောင်္ကျားတွေမှ တပုံကြီး။ အားလုံးကိုတော့ မဆိုလိုပါ။ ပြီးတော့ ယောင်္ကျားတွေက ကိုယ်ကပေးဆပ်နေတာပဲမြင်တာ ကိုယ့်ကိုပေးဆပ်နေခဲ့ရင်တော့ မသိချင်ယောင်ဆောင်တတ်ကြတယ်။ တချို့တွေဆိုရှိပါတယ် တလောကလုံးနဲ့ အဆင်ပြေအောင်နေတယ် အိမ်ကမိန်းမတော့ ဘယ်လိုနေနေ အပြစ်မလွတ်ဘူး။ တဖြည်းဖြည်း ပါးစပ်ကနေ ထုတ်ဖော်ကဲ့ရဲ့ခံရတဲ့အထိ နှိမ်ချခံနေရတဲ့ မိန်းမသားတွေ ရှိပါတယ်။
အသိဥာဏ်သေးသိမ်တဲ့ ပတ်ဝန်းကျင်က ဒီလိုယောင်္ကျားမျိုးရတာ ကံကောင်းတယ်မှတ် နင့်ကိုသူမို့ယူတာ လိမ်လိမ်မာမာနေ ဒါမျိုးတွေပြောပြောပြီး လင်မယားကြား သွေးခွဲလိုက်တာကို သွေးနားထင်ရောက်နေတဲ့ ယောင်္ကျားများကတော့ ကမ္ဘာမှာသူကပဲ ကယ်တင်ရှင်လူစွမ်းကောင်းလိုပုံစံ ချိုးပြပါလေရော။ ကျွန်မပြောပါ့မယ် ငွေရှာနိုင်တဲ့အဆင့်တခု ရှိနေနိုင်တဲ့ ယောကျာင်္းတစ်ယောက်ကိုရတာနဲ့ ဒီမိန်းကလေးက ကံကောင်းသွားရောတဲ့လား သူ့ရဲ့အကျင့်စာရိတ္တ ဘာဆိုဘာမှမသိပဲ ဂုဏ်မျက်နှာတခုထဲနဲ့ ဆုံးဖြတ်လိုက်လို့ရလား ငွေကြေးမချမ်းသာတာနဲ့ပဲ သမ္မာအာဇီဝကျကျ နေထိုင်စားသောက်နေတဲ့မိန်းကလေးမှာ အလိုလိုနေရင်း မျက်နှာမွဲကိုဖြစ်လို့။ အမှန်တကယ်တော့ ကိုယ့်စိတ်ကြိုက်ကိုယ် ရွေးကြတာပါ ကိုယ်လက်ခံနိုင်လို့ ရယူထားတဲ့ဘဝကို ကိုယ်စီမံရမှာပဲ မဟုတ်လား။
အရင်ကတော့ ချစ်ခင်ကြင်နာစက ကိုယ့်ချစ်သူရဲ့ အားနည်းချက်ဟာ ကိုယ့်အသက်ထက် ပိုကာကွယ်ပေးမလိုနဲ့ ကြာလာတော့ နိုင်ကွက်လိုအသုံးချလာတယ်။ အားကိုးစရာ မိဘမရှိတဲ့ မိန်းကလေးဆို အိမ်ကနှင်ချမယ်။ မိဘက ထောက်ပံ့မှုမပေးနိုင်တဲ့ မိန်းကလေးဆို အနှိမ်ခံရမယ်။ ငွေမရှာနိုင်တဲ့ မိန်းကလေးဆိုလို့ကတော့ သွားပြီ..တသက်လုံး
ကျွန်လိုသာ နေပေတော့ပဲ။
အသိုင်းဝိုင်းမရှိတဲ့ မိန်းကလေးဆိုရင် ယောင်္ကျားလုပ်သူက ဆွေဂုဏ်မျိုးဂုဏ်နဲ့ မာန်တက်ပြီး နှိမ်ချဆက်ဆံခံနေရတတ်တယ်။ တချို့သောယောင်္ကျားတွေက လူကိုနာအောင် လုပ်တာထက် စိတ်ကိုနာအောင် ပိုလုပ်တတ်ကြတယ်။ စကားလုံးအမျိုးမျိုးနဲ့ တသက်လုံး လူအညွှန့်တုန်းအောင်
ချိုးထားတတ်ကြတယ်။ အစကတည်းက အချစ်ဆိုတာကို ရှေ့တန်းမတင်ပဲ ကိုယ်နဲ့အဆင်ပြေတာကို ရွေးတတ်ခဲ့ရမှာ။ ရိုင်းရိုင်းပြောရရင် ကိုယ့်အတွက် ရိုးအီသွားမှ အနိုင်ကျင့်နှိပ်စက် နှိမ်ခံနေရတဲ့ အိမ်ထောင်ရေးတွေမှ ဒုနဲ့ဒေး။
မိန်းမတစ်ယောက်အတွက် အသည်းအနာဆုံးစကားက ငါရှာကျွေးနေတာ ပါးစပ်ပိတ်ပြီး အေးဆေးထိုင်စား ငါဘာလုပ်လုပ် လာမစွက်ဖက်နဲ့ဆိုတာပဲ။ အဲ့ဒါမိန်းမတယောက်ကို ကျွန်လိုဆက်ဆံတာ။ ငါယောင်္ကျားဟဲ့ဆိုပြီး အနိုင်ယူလိုက်တာ။ ငွေလေးနည်းနည်းရှာနိုင်လာတော့ ကိုယ့်ကိုယ်ကို အလံထူလာတယ်။ မရှိစဉ်အဆင်မပြေချိန်က ငပိရည်နဲ့ကြက်ဥကြော် အတူစားခဲ့တာတွေ မေ့တတ်လာတယ်။ စားစရာမရှိချိန် ဘဝကိုရုန်းကန်ခဲ့ဖူးတာတွေ သတိမရတတ်တော့ဘူး။ ငွေစကြေးစလေးရှိလာတော့ မင်းသွားလိုက်တော့ ငါ့အတွက် မိန်းမမရှားဘူးဆိုပြီး ဖြစ်လာတယ်။
မိန်းမကလွဲရင် အကုန်လုံး အလှပဂေးလေး ဖြစ်လာတယ်။ တချိန်က သနပ်ခါးပါးကွက်ကြားနဲ့ မြန်မာဆန်လို့ချစ်တယ်ဆိုတာတွေက အခုတော့ ဆေးရောင်စုံတွေကြား တောဂိုက်ကြီး ဖြစ်လာတယ် ။
မိန်းမတယောက်ဖြစ်နေလို့ဆိုပြီး အရာအားလုံးကို မြိုသိပ်ခံစားနေရတာတွေ ဘယ်သူမှ မသိနိုင်ပါဘူး။ လူတွေက သတ်မှတ်လိုက်တဲ့ ပညတ်ချက်တွေကြောင့် တချို့ မပျော်ရွှင်နေတာကို ပျော်ရွှင်ချင်ယောင်ဆောင်တယ်။ သူဘယ်လောက်ပဲ ရုန်းထွက်ချင်နေပေမယ့် ကြိတ်မှိတ်မြိုသိပ်တယ်။
ကိုယ့်ကိုလူတွေ ဘယ်လိုမြင်မလဲဆိုတာ တွေတွေးရင်းနဲ့ ကိုယ့်ဘဝကိုယ်သတ်ပစ်နေရတယ်။ မိန်းကလေးတယောက် အိမ်ထောင်ရေး ကံဆိုးတယ် ကံကောင်းတယ်ဆိုတာ ပတ်ဝန်းကျင်က သတ်မှတ်လို့မရဘူး။ ကာယကံရှင် မိန်းကလေးကိုယ်တိုင်ပဲ သိပါတယ်။ အဲ့ဒါ့ကြောင့် သူတပါးဘဝကို အမြင်နဲ့ မသုံးသပ်ကြပါနဲ့။ ။
ခိုင်သဇင်ဟိဏ်း
