တချို့ဒေသတွေမှာ ပတ္တမြားမျက်ရှင်ကို လိုက်ရှာနေကြတယ်။ တန်ခိုးရှိတဲ့ ဓာတ်လုံးကို ရှာနေကြတယ်။ ဖိုထိုးပြီး သိဒ္ဓိဣဒ္ဓိကို ရှာနေကြတယ်။ ရောဂါကင်းတယ်၊ မြေလျှိုး မိုးပျံတယ်လို့ ဆိုကြတယ်၊ သေနတ်ပြီးတယ် မသေဘူး အနှစ် ၁၀၀၊ ၂၀၀၊ ၂၀၀၀ နေရတယ် ဘာညာ - ပြောနေကြတယ်။ အလွန်အစွဲနာတဲ့ အတ္တဒိဋ္ဌိ သမားတွေပဲ။ သူတို့တစ်တွေဟာ ဝိပဿနာဉာဏ် မဂ်ဉာဏ် ဖိုလ်ဉာဏ်သာ "ပတ္တမြားမျက်ရှင်"ပဲဆိုတာ မသိကြဘူး။ ဉာဏ်ပညာဟာ အတုမရှိတဲ့ တန်ဖိုးမဖြတ်နိုင်တဲ့ ပတ္တမြားကြီးပဲ။
ဒါကြောင့် ဓာတ်လုံးပတ္တမြားမျက်ရှင်ဆိုတာ သစ္စာလေးပါးသိမြင်ပြီး ငါးပါးသီလ ခိုင်မြဲမှုကို ဆိုလိုတာပဲ။ ဒုက္ခအကုန်၊ အန္တရာယ်အကုန် အကြွင်းမဲ့ ရှင်းလင်း ပယ်သတ်ပေးတာက သစ္စာလေးပါးသိမှု မဂ်ဉာဏ်ပဲရှိတယ်။
သတိ ပညာ သီလ ဆိုတဲ့ ပတ္တမြားမျက်ရှင်ရှိနေရင် နိဗ္ဗာန်တရားမြတ်ကြီးအထိ ရလို့ တန်ခိုးသတ္တိ အကြီးမားဆုံးပဲ။ ပဋိသန္ဓေ အို နာ သေခေါ်တဲ့ အကြီးဆုံး ဒုက္ခကြီးလေးခုကလဲ အပြီးအပိုင် လွတ်မြောက်တယ်။
အမတနိဗ္ဗာန်လဲ ရတယ်။ နိဗ္ဗာန်ဟာ အိုခြင်း နာခြင်း သေခြင်း မရှိတဲ့ အမတဓာတ်လုံးကြီးပါပဲ။ မဂ္ဂင်လေ့ကျင့်ရင် အသိဉာဏ်ရော ကိုယ်ပါ အမြဲလန်းဆန်း နုပျိုနေတယ်။ ဒီထက်ကောင်းတဲ့ ပတ္တမြားမျက်ရှင်ဟာ လောကမှာ မရှိတော့ဘူး။
ကျေးဇူးတော်ရှင် အီတာလျံ ဘုန်းတော်ကြီး ဦးလောကနာထ
No comments:
Post a Comment