အဝတ်အစား ခေတ်ဆန်ဆန် ခပ်တိုတို စတင် ဝတ်စားလာကြတဲ့ သမီး သုံးဦးကို အဖေက ခေါ်ပါတယ်။ သင်ခန်းစာပေးလိမ့်မယ်ဆိုတာ လူတိုင်း သိပါလိ့မယ်။ အဖေ့ရဲ့ သင်ခန်းစာလေးကတော့ -
"သမီးတို့ရေ.. လောကမှာ ကျောက် သုံးမျိုး နည်းနဲ့ခွဲလို့ရတယ်။ လမ်းပေါ်မှာ မြင်နေရတဲ့ ကျောက်စရစ်ခဲတွေကတော့ လူတွေ မလိုချင်တဲ့ အစိတ်အပိုင်းတွေ။ လမ်းခင်းချင်ရင် ယူသွားကြတယ်။ မလိုရင် ပစ်ထားတယ်။
နောက်တစ်မျိုးကတော့ကွယ် .. မြေမြင်ကနေ သိပ်မနက်တဲ့ ကျောက်တွေပေါ့။ သူတို့က တန်ဖိုးသိပ်တော့ မရှိဘူး။ ဒါပေမယ့် မြေပေါ်နဲ့ စာရင် တူးယူလို့လွယ်တယ်။ ဒီတော့ မှောင်ခိုလည်း တူးကြသလို၊ ကုမ္ဗဏီတွေအဖွဲ့လိုက်လည်း တူးကြတယ်။
နောက်တစ်မျိုးကတော့ကွယ် တကယ့် ရှားပါး ကျောက်တွေပေါ့။ သူတို့ကို ရှာဖွေဖို့ ခက်ခဲတယ်။ မြေကြီးရဲ့ ဟိုး ပေပေါင်း ထောင်သောင်းမက အောက်မှာ ရှိတယ်။ ဒါကို ရှာဖွေဖို့အတွက် လူတိုင်း လုပ်ယူလို့ မရဘူး။ ကုမ္ဗဏီတွေကနေ အစိုးရဆီက ခွင့်ပြုချက်ယူပြီး စနစ်တကျ နည်းမှန်လမ်းမှန်နဲ့ တူးကြတယ်။ ယူကြတယ်။ ပင်လယ်ရေအောက်တွင်လည်း ဖြစ်ချင်ဖြစ်မယ်။
အမျိုးသမီးတွေလည်း ဒီဥပမာလိုပါပဲ သမီးတို့..။ မြေပေါ်မှာ လွယ်တကူ မြင်ရတဲ့ ကျောက်ကတော့ ဘယ်လို လူစားလည်းဆိုတာ သမီးတို့ သိမှာပေါ့။ မြေပေါ်မဟုတ်၊ ဒါပေမယ့် တွင်းအောက်လည်း မနက်တဲ့ ကျောက်ကရော် ဘယ်လိုဖြစ်မလဲဆိုတာ သမီးတို့ သိကြလား...
နောက်ဆုံးတစ်မျိုးကတော့ကွယ် လုံလုံခြုံခြုံ သိုသိုသပ်သပ် ရှိတဲ့ အမျိုးသမီးတွေပေါ။ ယောင်္ကျားတွေ အမြင်အားဖြင့် ချက်ပေါ်လော်လီတွေမြင်ရင် ကြိုက်ကြတယ်။ လွယ်တကူ ယူလို့၊ ခူးလို့လွယ်တယ်လို့ ထင်တယ်။ တကယ်လည်း ယူကောင်းယူလိမ့်မယ်။
ဒါပေမယ့်ကွယ် တကယ်တန်း လူတိုင်း အမြတ်တနိုး တန်ဖိုးထားပြီးတော့ လိုချင်တာ ဘာဖြစ်မလိမ့်မလဲ.. လုံလုံခြုံ့ခြုံ အလှကိုလည်း ယဉ်ကျေးစွာ ဖောင်ဆောင်နိုင်သူတွေပေါ့။ သူတို့ကို ရယူဖို့ဆိုရင် မှောင်ခိုနည်းလမ်းလည်း မရှိဘူး။ ချစ်ကြောင်း ကြိုက်ကြောင်း ရိုသေစွာ ချည်းကပ်ခံရပြီး မိဘဆီကနေ တောင်းရမ်းခြင်း အစရှိသဖြင့် အဆင့်ဆင့်သွားတယ်။ ဒီလိုပြောလို့ အခြားအမျိုးအစားကို အဲ့လိုမဖြစ်ဘူးလို့ ပြောတာ မဟုတ်ဘူးနော်။
ကျောက်တစ်ခုရဲ့ တန်ဖိုးကို ပြဖို့အတွက် မြေပေါ်မှာ ရှိနေဖို့မဟုတ်၊ တကယ် တန်ဖိုးသိသူ ပညာရှင်က မြေကို စမ်းသပ် သိရှိသလို၊ တကယ်တန်ဖိုးကြီးသူ အမျိုးသမီးကို လုံခြုံ သိုသပ်စွာ နေသည့်တိုင် တန်ဖိုးသိသူများက ချည်းကပ်ပါလိမ့်မယ်ကွယ်..။ မိမိရဲ့ တန်ဖိုးကို ပေါ်ထင်အောင် ဝတ်စား ပြသခြင်းဟာ ကောက်အလားရလိုရငြား မှောင်ခိုတူသူ အဆင့်များဖြင့်သာ တွေ့ကြုံရပါလိမ့်မယ်။
သမီးတို့ ဝတ်စားဆင်ယဉ်မှုမှာ ဥာဏ်ယှဉ်ပါစေ။"
.
Ref: dyknow
အောင်ခမ်း (ရိုးရာလေး)
No comments:
Post a Comment