မြတ်စွာဘုရား ဟောကြားတော်မူသော ခန္ဓာ့ဝန်ထုပ်ကြီးအကြောင်း

ရဟန်းတို့… ၀န်ထုပ်ယူကြောင်းဟူသည် အဘယ်နည်း။ ဘ၀သစ်ကို ဖြစ်စေနိုင်သော၊ နှစ်သက်စွဲလမ်းမှုနှင့်တကွဖြစ်သော၊ ထိုထိုဖြစ်ရာ အာရုံတို့ကို အလွန်နှစ်သက်တတ်သော ကာမ၌တပ်မက်မှု ‘ကာမတဏှာ’၊ ဘ၀၌တပ်မက်မှု ‘ဘ၀တဏှာ’၊ ဘ၀ပြတ်ခြင်း၌တပ်မက်မှု ‘၀ိဘ၀တဏှာ’ ဟူသော တဏှာပင်တည်း။ ရဟန်းတို့… ဤတဏှာကို ၀န်ထုပ်ယူကြောင်းဟု ဆိုအပ်၏။

တဏှာဟူသည်။ ။ ဆာလောင်တတ်သောကြောင့် တဏှာဟု ခေါ်၏။

ပေါနောဘ၀ိကာ။ ။ တဏှာသည် အဖန်ဖန် အထပ်ထပ် ဘ၀သစ်ကို ဖြစ်အောင် လုပ်တတ်၏။ ထို့ကြောင့် ပေါနောဘ၀ိကာဟု ခေါ်၏။

နန္ဒီနှင့် ရာဂ။ ။ အာရုံကို နှစ်သက်တတ်သောကြောင့် နန္ဒီ။ အာရုံကို တပ်မက်တတ်သောကြောင့် ရာဂ။

မှတ်ချက်။ ။ နန္ဒီရာဂနှင့် တဏှာဟူသောစကားသည် သဒ္ဒါအားဖြင့်သာကွဲ၏။ အနက်အဓိပ္ပါယ်ကား အတူတူပင်တည်း။

နန္ဒီနှင့် နန္ဒီရာဂ အထူး။ ။ အာရုံတစ်မျိုးတည်းကို ဖြစ်စေ၊ အာရုံတစ်မျိုးကို တစ်ခါသာဖြစ်စေ နှစ်သက်မိခြင်းကို နန္ဒီ။ အာရုံတစ်မျိုးတည်းကို ဖြစ်စေ၊ အာရုံအမျိုးမျိုးကို ဖြစ်စေ အကြိမ်အခါများစွာ ခုံမင်နှစ်သက်ခြင်းကို နန္ဒီရာဂ။

(အဋ္ဌသာလိနီ)

တတြတတြာဘိနန္ဒိနီ။ ။ ခန္ဓာကိုယ်တို့၏ ရှိရာ၊ ဖြစ်ရာဖြစ်သော ဘုံဘ၀တို့ကို အလွန်အမင်း နှစ်သက်တတ်သော ထိုတဏှာကိုပင် တတြတတြာဘိနန္ဒိဟု ခေါ်၏။

တနည်း။ ။ ရူပါရုံစသော ထိုထိုအာရုံ အရပ်ရပ်တို့ကို အလွန်နှစ်သက်တတ်သောကြောင့်လည်း ထိုတဏှာကို တတြတတြာဘိနန္ဒိနီဟု ခေါ်၏။

*******************************

တဏှာသုံးပါး

ကာမတဏှာ။ ။ အာရုံငါးပါး ကာမဂုဏ်များကို သာယာတတ်သော တဏှာကို ကာမတဏှာဟု ခေါ်၏။ မိမိသန္တာန်က အာရုံဖြစ်စေ၊ သူတပါးသန္တာန်က အာရုံဖြစ်စေ၊ မည်သည့်ဘုံ၌ဖြစ်စေ နှစ်သက်စရာအာရုံကို လိုချင်လျှင် ကာမတဏှာဟု ခေါ်၏။

ဘ၀တဏှာ။ ။ “ဘ၀=မပြတ်မစဲ အမြဲရှိနေခြင်း၊ ဖြစ်နေခြင်း”ဟု အဓိပ္ပါယ်ရ၏။ “ရုပ်ကြမ်းကိုယ်ကြီး သေသော်လည်း အတ္တကောင်ကား မသေ၊ အမြဲတမ်း ရှိမြဲရှိနေတယ်”ဟု သဿတဒိဋ္ဌိနှင့် ယှဉ်တွဲပြီးဖြစ်လျှင် ဘ၀တဏှာ မည်၏။

ထို့ကြောင့် အတ္တကောင်၊ အသက်ကောင် အမြဲရှိနေသည်ကို နှစ်သက်သဘောကျ၏။ “ရှေးကရှိခဲ့သော ငါသည်ပင် အခုလည်း ခံစားနေ၏။ နောင်လည်း ခံစားသွားမည်”ဟု ယုံကြည်လျက် အာရုံများကို နှစ်သက်လိုချင်၏။ ဤအတ္တသည်ပင် နောက်ဘ၀၌ ခံစားလိမ့်မည်ဟူသော ယုံကြည်ချက်ဖြင့် လူချမ်းသာ၊ နတ်ချမ်းသာ၊ ဗြဟ္မာချမ်းသာများ ရရေးအတွက် ကုသိုလ်ကောင်းမှုများ ပြုကြ၏။

အချို့လည်း ဆရာမှားကို ချဉ်းကပ်မိသဖြင့် အကုသိုလ်များကိုပင် ကုသိုလ်ဟု ထင်မှတ်ကာ နောက်ဘ၀ကောင်းစားရေးအတွက် ပြုလုပ်ကြ၏။ ထိုတဏှာဖြင့် ပြုလုပ်သော ကံများကပင် နောက်ထပ်ဘ၀များကို ထုတ်လုပ်ပေးသဖြင့် ပေါနောဘ၀ိကာဟု ဆိုခြင်းဖြစ်၏။

ဘ၀တဏှာ ၄ မျိုး

၁။ ကာမဘ၀ကို တောင့်တတတ်သော တဏှာ၊
၂။ သဿတဒိဋ္ဌိနှင့်တကွဖြစ်သော တဏှာ၊
၃။ ရူပဘ၀၊ အရူပဘ၀ကို တပ်မက်သော တဏှာ၊
၎။ ရူပဈာန်၊ အရူပဈာန်ကို နှစ်သက်တတ်သော တဏှာ၊

ဝိဘ၀တဏှာ။ ။ “၀ိဘ၀=ဖြစ်မှု-ရှိမှု ကင်းခြင်း၊ ပြတ်ခြင်း”ဟု အဓိပ္ပါယ်ရ၏။ “မသေခင်သာရှိပြီး သေလျှင်ပြတ်၏”ဟု ဥစ္ဆေဒအယူနှင့် ယှဉ်တွဲဖြစ်သော တဏှာသည် ၀ိဘ၀တဏှာမည်၏။

“ဘ၀ဟူသည် အရင်က မရှိခဲ့ပေ၊ လာမည့် အနာဂတ်မှာလည်း ရှိလိမ့်မည် မဟုတ်ပေ။ ယခုပစ္စုပ္ပန်မှာ ရှိသောဘ၀လည်း သေပြီးလျှင် ပြတ်မည်သာ”ဟု ယူဆလျက် ပစ္စုပ္ပန်ဘ၀ ကောင်းစားရေးတစ်ခုတည်းအတွက်သာ လုပ်တော့၏။ ၄င်းအယူဖြင့် လုပ်သမျှ ကံသင်္ခါရများကြောင့် နောက်ထပ် ဘ၀သစ်များကို ပြန်လည် ဖြစ်စေပြန်၏။

ဆောင်။ ။
ကာမတဏှာ၊ ကောင်းနိုးရာ၊ သာယာနှစ်သက်မှု။
ဘ၀တဏှာ၊ သဿတာ၊ ထင်ကာနှစ်သက်မှု။
ဝိဘ၀မှာ၊ ဥစ္ဆေဒါ၊ ထင်ကာနှစ်သက်မှု။

*****************************

ရဟန်းတို့… ၀န်ထုပ်ကို ချထားခြင်းဟူသည် အဘယ်နည်း။ ထိုတပ်မက်မှု တဏှာ၏သာလျှင် အကြွင်းမဲ့ ကင်းပြတ်ချုပ်ငြိမ်းခြင်း၊ စွန့်ခြင်း၊ မကပ်ငြိခြင်း၊ လွတ်ခြင်း၊ မတွယ်တာခြင်းတည်း။

ရဟန်းတို့… ဤသည်ကို ၀န်ထုပ်ချထားခြင်းဟု ဆိုအပ်၏။

အဓိပ္ပါယ်။ ။ ခန္ဓာဝန်ထုပ်ကို လက်ခံယူတတ်သော တဏှာကို အရဟတ္တမဂ်ဥာဏ်ဖြင့် အကြွင်းမဲ့ ပယ်သတ်လိုက်ခြင်းသည် ၀န်ထုပ်ကို အကြွင်းမဲ့ ပစ်ချလိုက်ခြင်းပင် ဖြစ်၏။

ဆောင်။ ။
တဏှာချုပ်က၊ နိရောဓ၊ ဒုက္ခအငြိမ်းမှန်။
ငြိမ်းရာကိုပင်၊ ဆိုက်ရောက်မြင်၊ မဂ္ဂင်အကျင့်မှန်။

အောက်မဂ်များဖြင့်လည်း ခန္ဓာဝန်ကို ပစ်ချပုံ။ ။ အနာဂါမိမဂ်ဖြင့် ၁-ဘ၀ထက် အလွန်ဖြစ်မည့် ခန္ဓာဝန်ထုပ်များကို ပစ်ချ၏။ သကဒါဂါမိမဂ်ဖြင့် ကာမဘုံ၌ ၂-ဘ၀ထက် အလွန်ဖြစ်မည့် ခန္ဓာများကို ပစ်ချ၏။ သောတာပတ္တိမဂ်ဖြင့် အပါယ်လေးပါး၌ဖြစ်မည့် ခန္ဓာများကို အပြီးတိုင် ပစ်ချပြီး၊ လူ့ပြည် နတ်ပြည်၌ ၇-ဘ၀ထက် အလွန်ဖြစ်လာမည့် ခန္ဓာများကိုလည်း ပစ်ချ၏။

ဝိပဿနာဖြင့် ခန္ဓာဝန်ထုပ်ကို ပစ်ချခြင်း။ ။ အမြဲမပြတ် ရှုမှတ်သော ယောဂီသည် ဖြစ်ပေါ်လာသော အာရုံအပေါ် စွဲလမ်းနိုင်သည့် တဏှာဥပါဒါန်တရားများ တဒင်္ဂအားဖြင့် ပယ်နေ၏။ ထိုသို့ တဒင်္ဂပဟာန်အားဖြင့် ရှုမှတ်ပြီး ပယ်တိုင်း ပယ်တိုင်း ဘ၀သစ်ခန္ဓာကို ပယ်ချသည် မည်၏။

(ဘာရသုတ်၊ မဟာစည်ဆရာတော်)

****************************

ခန္ဓာကိုယ်ကို ဒုက္ခ၀န်ထုပ်ကြီးအဖြစ် ပြောဆိုကြပုံများ

၁။ “ဒီဃရတ္တံ မယာ ပရိဟတောယံ ဒုက္ခဘာရော န စိရေဿဝ နိက္ခိပိယတီ”တိ ပဿတော
ပရိနိဗ္ဗာနဂုဏပစ္စဝေက္ခဏေ တဿ ဥဠာရံ ပီတိသောမနဿံ ဥပ္ပဇ္ဇိ။

(ဥဒါန၊ ဌ၊ ၂၉၈)

“ငါဘုရားသည် ရှည်မြင့်စွာသော ကာလပတ်လုံး ထမ်းဆောင်လာခဲ့ရသော ဤဒုက္ခ၀န်ထုပ်ကြီးသည် မကြာမီ ပစ်ချရတော့မည်”ဟု မြင်တော်မူသော ထိုမြတ်စွာဘုရားအား ပရိနိဗ္ဗာန်ပြုခြင်း၏ ဂုဏ်ကျေးဇူးကို ဆင်ခြင်သောအခါ၌ မြင့်မြတ်လှစွာသော ပီတိသောမနဿ ဖြစ်ပေါ်လာ၏။

၂။ “သစေ က္ကုမေ မာရေဿန္တိ၊ က္ကုဒါနေ၀ါဟံ အနုပါဒါယ ပရိနိဗ္ဗာယိဿာမိ။ ဒုက္ခဘာရော ၀ိဂစ္ဆိဿတီ”တိ
ဥဠာရံ ပီတိ သောမနဿံ ဥပ္ပဇ္ဇိ။

(အဓိမုတ္တထေရဂါထာ၊ ဋ္ဌ-၂၊ ၂၆၅)

“ဤသုပုန်တို့သည် ငါ့ကို သတ်ကုန်အံ့၊ ယခုပင်လျှင် ၀ိပါက်ကမ္မဇရုပ် အကြွင်းမရှိသော အနုပါဒိသေသ ပရိနိဗ္ဗာန် ပြုရတော့အံ့။ ဒုက္ခ၀န်ထုပ်ကြီး ကင်းငြိမ်းတော့အံ့”ဟု မြတ်သော ပီတိ သောမနဿ ဖြစ်ပေါ်လာ၏။

၃။ “ကီဝ စိရံ နု ခေါ အယံ ဒုက္ခဘာရော ၀ဟိတဗ္ဗော”တိ။

(သာရတ္ထဒီပနီဋီကာ-၂၊ ၂၄၉)

“ဘယ်လောက်ကြာအောင် ဤဒုက္ခ၀န်ထုပ်ကြီးကို ထမ်းဆောင်ရပါဦးမည်နည်း”ဟု ဆင်ခြင်သောအခါ၌..။

ဆောင်။ ။
ဝန်ထုပ်ဆိုတာ၊ ငါးခန္ဓာ၊ လွန်စွာ ဆင်းရဲသည်။
ဝန်ထမ်းခေါ်လတ်၊ ပုဂ္ဂိုလ်မှတ်၊ ပညတ်သာဖြစ်သည်။
ဝန်ထုပ်ယူက၊ ဆင်းရဲစွ၊ ပစ်ချ ချမ်းသာသည်။

(ဘာရသုတ်၊ မဟာစည်ဆရာတော်)

နိဂုံးဂါထာ

ဘာရာ ဟဝေ ပဉ္စက္ခန္ဓာ၊ ဘာရာဟာရော စ ပုဂ္ဂလော။
ဘာရာဒါနံ ဒုခံ လောကေ၊ ဘာရနိက္ခေပနံ သုခံ။
နိက္ခိပိတွာ ဂရုံ ဘာရံ၊ အညံ ဘာရံ အနာဒိယ။
သမူလံ တဏှမဗ္ဗယှ၊ နိစ္ဆာတော ပရိနိဗ္ဗုတော။

“ခန္ဓာငါးပါးတို့သည် စင်စစ် ၀န်ထုပ်တို့တည်း။ ပုဂ္ဂိုလ်ကား ၀န်ထမ်းသမားတည်း။ ၀န်ထုပ်ကို ယူရခြင်းသည် လောက၌ ဆင်းရဲ၏။ ၀န်ထုပ်ကို ချထားခြင်းသည် ချမ်းသာ၏။

လေးသောဝန်ကို ချထားပြီးလျှင် တစ်ပါးသောဝန်ကို မယူမူ၍ အမြစ်ရင်းနှင့်တကွ တဏှာကို နှုတ်ပယ်ပြီးလျှင် ဆာလောင်မှုတဏှာ ကင်းသည်ဖြစ်၍ ငြိမ်းအေးရ၏”ဟု မိန့်တော်မူ၏။

**********************

ရဋ္ဌပါလ ရဟန်း။ ။ ဖခင်က သားရဟန်း လူပြန်ထွက်ရန် ရွှေပုံငွေပုံတွေ အလယ်မှာ ရတနာစံသာမက ဇနီးမယား အလှကိုပါ ခေါ်ကာပြလျက် သွင်သွင်ဖြားယောင်း၏။ အ၀ိဇ္ဇာနှင့် တဏှာအယုတ်ကို အမြစ်ပါ ပယ်နှုတ်ပြီးသော အရှင်ရဋ္ဌပါလက ဆွမ်းစားပြီးနောက် အောက်ပါအတိုင်း ပြောဆိုပြီးကာ မင်းဥယျာဉ်သို့ ပြန်သွားလေ၏။

ရှုကြည့်စမ်းပါ……. ဤခန္ဓာကား၊ အနာပြည်ပုပ်၊ ရွံဖွယ်ရုပ်ကို၊ အဟုတ်လှပ၊ ထင်လေရအောင်၊ ထိန်ပြောင် ၀တ်စား၊ ပတ္တမြား နားတောင်း၊ သွယ်ပြောင်းတန်ဆာ၊ ဆင်လေကာဖြင့်၊ နံ့သာသွယ်သွယ်၊ ရောင်စုံ ခြယ်လျှက်၊ လှဖွယ် ပြင်ကာ၊ ထားလေပါလည်း၊ တဏှာတန်းလန်း၊ လူ့မိုက်ကန်းသာ၊ စွဲလန်းနိုင်ပါ၊ ဖမ်းနိုင်ရာ၏။

တဏှာ နယ်တွင်း၊ လွတ်ကင်းပြီးနောက်၊ ခေမာပေါက်အောင်၊ ရောက်လေပြီးသူ၊ လာမချုနဲ့၊ မူဆိုး ထောင်လာ၊ မာယာ ကျော့ကွင်း၊ လွတ်အောင် နင်း၍၊ စားလျင်း ပြီးခါ၊ တောမှာ ပြန်သွား၊ သမင်လားသို့၊ ငါ့အား ငြိတွယ်၊ ရှင်းရှင်း ပြယ်သည်၊ လ,နှယ်ပမာ ကင်း၏သောဝ်။ ။
(ရဋ္ဌပါလသုတ်၊ မဇ္ဈိမနိကာယ်)

*************************

ဘာရသုတ် လင်္ကာ

အိုဘယ့်လူသား၊ သတိထားလော့...။

ခန္ဓာငါးပါး၊ ရုပ်နာမ်များကား၊ မခြားနေ့ည၊ ပြုစုရ၍၊ ၀န်ထုပ်ပမာ၊ လေးလံစွာ၏။

ခန္ဓာငါးဝ၊ ရှိနေကြသည့်၊ များလှ ထိုထို၊ ပုဂ္ဂိုလ်မှန်သမျှ၊ ခေါ်ကြသည်မှာ၊

ဝန်ထမ်းသာတည်း။ လာလာသမျှ၊ ဘ၀ါ ဘ၀ကို၊ စိတ်က စွဲယူ၊ လက်ခံသူမှာ၊

တဏှာ မည်သကွဲ့၊ ထိုနယ်ချဲ့တည်း။ နယ်ချဲ့ မည်ပါ၊ ထိုတဏှာကို၊ မြစ်ပါမကျန်၊ တွန်းလှန် ပယ်နှုတ်၊ သင်ဖယ်ထုတ်က၊ ၀န်ထုပ် ချသူ၊ မယွင်း တူ၏။

ဆူဆူ ဒုက္ခ၊ လေးလံလှသည့်၊ ခန္ဓ သမုတ်၊ ဤ၀န်ထုပ်ကို၊ အဟုတ်မှန်စွ၊

ပစ်ချနိုင်ရန်၊ သတိပဋ္ဌာန်ကို၊ မှန်မှန်ပွားမှ လွတ်မည်သောဝ်။ ဖန်ဖန်ပွားမှ ကျွတ်မည်သောဝ်...။

*** ဘာရသုတ်ကို မြတ်စွာဘုရားက ရဟန်းတော်များကို ဇေတ၀န်ကျောင်းတော်မှာ ဟောကြားတော်မူခဲ့ပါတယ်။ 

(ခန္ဓ၀ဂ္ဂသံယုတ်၊ ဘာရ၀ဂ်၊ ဘာရသုတ်)

======= ******* =======
            ဘာရသုတ် ပြီး၏။
======= ******* =======

ဆရာတော် ဦးသြသဓ ဟောကြားတော်မူသော ဘာရသုတ် (May 15, 2016) တရားသင်တန်းမှ တစ်နေ့စာ ဘာရသုတ် နောက်ဆုံးအပိုင်းအား ကောက်နုတ်ရေးသား မျှဝေပါတယ်။ 

စာဖတ်သူအပေါင်းလည်း ခန္ဓာ့ဝန်ထုပ်ကြီးကို အပြီးတိုင်လွှတ်ချနိုင်သည့် သူတော်ကောင်းများ ဖြစ်နိုင်ကြပါစေ…

မေတ္တာဖြင့်
Favorite Collections
https://www.facebook.com/Favorite-Collections-273212476167679/