လမင်းသည်ကောင်းကင်၌ လှည့်လည်သွားလာစဉ် တစ်စုံတစ်ယောက်သောသူနှင့် မိတ်ဆွေဖွဲ့ခြင်း ချစ်ခင်ကျွမ်းဝင်ခြင်း၊ ကပ်ငြိတွယ်တာခြင်း၊ တပ်မက်တောင့်တခြင်းတို့ကို မပြုမူတတ်ပေ။ ထိုသို့မပြုမူသော်လည်း လူအပေါင်းတို့ ချစ်ခင်မြတ်နိုးအပ်သည်သာတည်း။
ဤအတူ ရဟန်းတို့သည်လည်း လမင်းနှင့်တူစွာ ဒါယကာ ဒါယကာမတို့တွင် တစ်စုံတစ်ယောက်သောသူကိုမျှ မိတ်ဆွေဖွဲ့ခြင်း၊ ချစ်ခင်ကျွမ်းဝင်ခြင်း၊ ကပ်ငြိတွယ်တာခြင်း၊ တပ်မက်တောင့်တခြင်းတို့ကို မပြုမူရာ။ ထိုသို့မပြုမူသော်လည်း ဒါယကာ ဒါယကာမတို့ ချစ်ခင်ကြသည်ဖြစ်၍သာလျှင် ချဉ်းကပ်ကြကုန်ရာ၏။
ရဟန်းတို့သည် ဒါယကာ ဒါယိကာမတို့အိမ်သို့ ချဉ်းကပ်ရာ၌ လောကွတ်ပျူငှာခြင်း၊ ပြောသင့်သောစကားထက် ပိုလွန်၍ ပြောခြင်း၊ အရာမဟုတ်သည်၌ ရေးကြီးခွင်ကျယ်လုပ်၍ပြောခြင်း (ဖွဲ့နွဲ့ပြောဆိုခြင်း) စသည်ဖြင့် ဒါယကာ ဒါယိကာမတို့ချစ်ခင်ကျွမ်းဝင်၍ ရင်းနှီးလာအောင်ပြုမူခြင်းကို ရှောင်ကြဉ်ရာ၏။
ဒါယကာ ဒါယိကာမတို့နှင့်ချစ်ခင်ကျွမ်းဝင်လာသည်ရှိသော် ထိုရဟန်းသည် အမျိုးလေးပါးဟုဆိုအပ်သော ဒါယကာ ဒါယိကာမတို့၏နှောင်ဖွဲ့ခြင်းကို ခံရတော့မည်သာတည်း။ ယင်းအနှောင်အဖွဲ့ခံရသောရဟန်းသည် မိမိလိုရာအရပ်သို့လည်းကောင်း၊ ဂန္ထဓူရ ၀်ိပဿနာဓုရတို့၌ နှောင့်နှေးနေပေမည်။ ဖြောင့်မတ်စွာကျင့်ကြံနိုင်ဖို့ မလွယ်ကူတော့ပေ.။
``အရှင်ဘုရား တပည့်တော်တို့အိမ်ကို မနေ့ကဘာဖြစ်လို့ ဆွမ်းခံမကြွတာလည်းဘုရား၊ တပည့်တော်တို့ကပ်တာကျတော့ မဘုန်းပေးဘူး။ ဟို ဒကာ ဒကာမတွေ ကပ်တာကျတော့ ဘုန်းပေးတယ်´´စသည်အားဖြင့် လည်းကောင်း၊ ``အရှင်ဘုရား ဟိုတော့မကြွနဲ့၊ ဒီတော့ မကြွနဲ့´´ စသည်ဖြင့် နှောင်ဖွဲ့ကြပေတော့မည်။ ရဟန်းတို့သည် ဒါယကာ ဒါယိကာမတို့ နှောင်ဖွဲ့ခြင်းကိုသာယာနစ်မြောကာ ဓုရအရာ၌မကျင့်ဆောင်နိုင်ကြတော့ပေ။ ဓုရနှစ်ဖြာ မကျင့်ဆောင်နိုင်ပါမူ သီလတရား၌အားနည်းလာပေမည်။ သီလတရား၌ အားနည်းလာပါမူ လိုချင်မှု တပ်မက်မှုတို့ဖြင့် သံသရာ၌နစ်မွန်းနေပေတော့မည်။
အချို့သောရဟန်းတော်တို့သည် ဒါယကာ ဒါယိကာမတို့၏အိမ်သို့ ချဉ်းကပ်၍ ``ဟိုဟာမရှိဘူးလား၊ ဤဟာမရှိဘူးလား၊ ဦးဇင်းကဒီဟင်းကိုတော့ မကြိုက်ပါဘူး။ ဟိုဟင်းကလေးများ လောင်းပါလား၊ ဆွမ်းများများလောင်းနော်၊ ကျောင်းမှာဘာမှမရှိဘူး။ ဘာလိုသေးတယ် လှူပါဦး´´စသည်ဖြင့် ရင်းနှီးကျွမ်းဝင်စွာ တောင့်တကြ၏။ ထိုသို့တောင်းကြရာ၌ ဒါယကာ ဒါယိကာမတို့၏ သဒ္ဓါတရားတို့ ပျက်ပြယ်သွားတတ်ပါ၏။
ရဟန်းတော်တစ်ပါးသည် မိမိကိုယ်ပိုင်ကားတစ်စီးဝယ်နိုင်ရန်အတွက် ဒါယကာ ဒါယိကာမတို့အိမ်သို့ ၀တ္ထုငွေအလှူခံသည်ဟု ဆို၏။ ထိုရဟန်းနှင့်အလွန်ရင်းနှီးသော ဒါယကာတစ်ဦး၏အိမ်၌ အလှူခံရာတွင် ဒါယကာလှူဒါန်းသော ၀တ္ထုငွေသည် ထိုရဟန်းခန့်မှန်းထားသည်ထက် နည်းနေ၏။ ယင်းသို့နည်းနေသောကြောင့် မရောင့်ရဲနိုင်ဘဲ ထပ်မံ၍အလှူခံပါ၏။
``ဒကာရာ၊ ငါက ကားဝယ်ဖို့ အလှူခံတဲ့ဥစ္စာ မင်းလှူတဲ့ငွေက နည်းနည်းကလေးနဲ့ ဘယ်လိုလုပ်ကားဝယ်နိုင်မလဲ၊ ငါ့ကို အရမ်းရင်းနှီးတဲ့ မင်းကတောင် ဒီလောက်ပဲလှူရင် တခြားအိမ်တွေကျရင် ငါ့ကို နည်းနည်းလေးလှူတော့မှာပေါ့ကွ´´ဟု ဆိုသောကြောင့် ဒါယကာသည် မလှူချင်လှူချင်ဖြင့် စေတနာမပါဘဲ လှူဒါန်းလိုက်ရသည် ဆို၏။ ဤကားရင်းနှီးမှုကို ခုတုံးလုပ်၍ အတိုင်းအရှည်မသိဘဲ အလှူခံခြင်းကြောင့် ဖြစ်ရ၏။
(မန္တလေးမြို့ မိုးကောင်းတိုက် သိန်းသန်းစာချဆရာတော်၏ သြ၀ါဒစကားမှ)
ဒါယကာဒါယိကာမတို့က ဆွမ်းဘုန်းပေးပင့်သောအခါ၌ဖြစ်စေ၊ အလှူအတန်းတစ်ခုခုပြုလို၍ အိမ်သို့ပင့်သည့်အခါ၌ဖြစ်စေထိုဒါယကာ ဒါယိကာမတို့နှင့် ကျွမ်းဝင်စိမ့်သောငှါ လောကွတ်ပျူငှါခြင်းလည်း မပြုအပ်ပေ။ အမြဲတမ်းအသစ်ဖြစ်သော တစ်ခါဖူးမျှမကြွရသေးသော အာဂန္တုအဖြစ်သာ ရှိစေရပါမည်။
ဝသာဠနဂရရွာသား ညီနောင်နှစ်ဦးတို့သည် မိမိတို့ရွာကို စွန့်ခွါ၍ စူဠနာဂထေရ်နှင့် မဟာနာဂထေရ်တို့သည် စိတ္တလတောင်၌လောကုတ္တရာချမ်းသာဖြင့်သာ သီတင်းသုံးတော်မူကြ၏။ နှစ်ပေါင်း(၃၁)နှစ်ကြာသော် မိမိတို့ဇာတိ၌ကျန်ခဲ့သော မိခင်ကြီးအားကြည့်ရှု့လို၍ ပြန်ကြွလာကြသည်။ ၀သာဠနဂရကျောင်းသို့ရောက်၍ နောက်တစ်နေ့၌ မယ်တော်ကြီးရှိရာသို့ ဆွမ်းခံကြွတော်မူခဲ့ကြ၏။
မိခင်ကြီးသည် ယာဂုဆွမ်းလောင်းလှူရင်းရှေ့မှကြွလာသော ရဟန်းတော်ကိုမော်ဖူးကာ ရင်းသွေး၌သားတည်းဟူသော ချစ်ခြင်းတရားသည် အသွေးအသားမှတစ်ဆင့် သူ့အလိုလိုပေါက်ဖွားလာရ၏။ ယင်းသိရှိလာသည်နှင့်အမျှ မေတ္တာအဟုန်၏ နှိုးဆွမှုကြောင့် မထိန်းနိုင်တော့ဘဲ ၀မ်းသာအားရမေးမြန်းမိ၏။
``အရှင်ဘုရား၊ အရှင်ဘုရားသည် တပည့်တော်၏သားအကြီး မဟာနာဂမဟုတ်ပါလား´´
``ဒကာမကြီး နောက်ရဟန်းကို မေးလိုက်ပါ´´
မဟာနာဂမထေရ်ဖြေပုံကား တစိမ်းတရံဆန်လွန်း၏။ မိခင်ကြီးကိုပင် ကိုယ့်မိခင်ဟူသောအသိ၊ သားဟူသောအသိကို မပေး။ မိခင်ကြီးက သားမှန်းသိပါလျက်ယခုမူ ဤရဟန်းကသားတည်းဟူသော အမှတ်သညာကိုပင်မပြုဘဲ နောက်ရဟန်းကိုသာမေးခိုင်းခြင်းကြောင့် ၀မ်းနည်းကြီးစွာဖြင့် ယာဂုဆွမ်းလောင်းရင်း နောက်ရဟန်းကိုသာ ထပ်မံ၍မေးရရှာပါ၏။
``အရှင်ဘုရား အရှင်ဘုရားသည် တပည့်တော်၏သားငယ် စူဠနာဂ မဟုတ်ပါလား´´
``ဒကာမကြီး ရှေ့ရဟန်းကို မမေးလိုက်ဘူးလား´´ဟုသာ ဖြေကြားတော်မူ၍ ရှေ့ဆက်ကြွတော်မူခဲ့၏။
ဤမထေရ်နှစ်ပါးသည် မိခင်ရင်းမှန်းသိ၏ ကြည့်ရှု့လို၍လည်း လာခဲ့ပါ၏။ သို့သော် ``ဒါ ငါ့မိခင် ဒါငါ့မယ်တော် ဟူသောအသိဖြင့် အကျွမ်းတ၀င်မပြုခဲ့ပေ။ `သား´ဟူသော အသိကိုပင် မပေး။ မယ်တော်ကြီးနှင့်ဘာမျှမတော်စပ်သကဲ့သို့လည်းကောင်း၊ တစ်ခါမျှမတွေ့ဖူးသကဲ့သုိ့ လည်းကောင်း အမြဲတမ်းအသစ်ဖြင့်လာရောက်သော အာဂန္တုရဟန်းတို့ပမာ ဆက်ဆံတော်မူကြကုန်၏။ မြတ်ဗုဒ္ဓသည် အမျိုးလေးပါးအိမ်သို့ချဉ်းကပ်ရာ၌ လမင်းနှင့်တူစွာ ချဉ်းကပ်တတ်သော ရှင်မဟာကဿပမထေရ်ကြီး၏ ဂုဏ်ကို ပေါ်လွင်စိမ့်သောငှါ မထေရ်အပေါင်းတို့၏အလယ်၌ မိန့်တော်မူခဲ့၏။
``ရဟန်းတို့ မဟာကဿပသည် လမင်းနှင့်တူစွာ အမျိုးလေးပါးအိမ်သို့ ချဉ်းကပ်လေ၏။ ကိုယ်နှင့်စိတ်ကိုငြိမ်စေလျက် အာဂန္တုကဲ့သို့ အမြဲအသစ်ဖြစ်၍သာ မာန်စောင်ခက်ထန်ကြမ်းကြုတ်မှုမရှိဘဲ ချဉ်းကပ်ပေ၏။
ရဟန်းတို့ ငါဘုရား၏ လက်တော်သည် ကောင်းကင်၌ဝှေ့ရမ်းသော်လည်း ထိုကောင်းကင်အား မကပ်ငြိမ်မထိကပ်ပေ။ နှောင်ဖွဲ့မိခြင်းကင်းသကဲ့သို့ အမျိုးလေးပါးအိမ်သို့ချဉ်းကပ်သော မဟာကဿပသည် ရလိုသူတို့ရကြပါစေ၊ ကောင်းမှုလိုလားသူတို့ ကောင်းမှုကိုပြုနိုင်ကြပါစေဟု အမျိုးလေးပါးတို့၌ အကပ်ငြိပေ။ မထိမိပေ။ မိမိ၌ရရှိထားပြီးသော ပစ္စည်းနှင့်သာနှစ်သက်ရောင့်ရဲ၍ ၀မ်းမြောက်နိုင်ပါပေ၏။
ရဟန်းတို့ ကဿပသည် စင်ကြယ်သောစိတ်ထားဖြင့်သာ တရားဟောတော်မူ၏။ ငါ၏တရားကိုနာကြားမူကောင်းပေစွ၊ ငါ့တရားနာကြားပြီး ငါ့အားကြည်ညို၍ ပစ္စည်းလေးပါး၌ လိုလေသေးမရှိအောင်လှူဒါန်းကြပါမူ ကောင်းလေစွဟူသော ဓမ္မဒေသနာတွင် မစင်ကြယ်သောစိတ်ထား မရှိပေ။ လမင်းနှင့်တူစွာ အမျိုးလေးပါး၌မကပ်ငြိသဖြင့် စင်ကြယ်သောစိတ်နှလုံးရှိ၍ သတ္တ၀ါတို့အား သနားသဖြင့်သာ ဓမ္မဒေသနာတို့ကို စင်ကြယ်စွာ ဟောကြားတတ်ပေ၏´´ဟု မိန့်တော်မူခဲ့ပါ၏။
ရဟန်းတို့သည် ကိုယ်ဖြင့် ကြမ်းကြုတ်မှု(ကာယဂမ္ဘီယ)၊ နှုတ်ဖြင့်ကြမ်းကြုတ်မှု(၀စီဂမ္ဘီရ)၊ စိတ်ဖြင့်ကြမ်းကြုတ်မှု (မနောဂမ္ဘီရ)မရှိကြဘဲ အမျိုးလေးပါးဖြစ်သော ဒါယကာ ဒါယိကာမအိမ်တို့သို့ ချဉ်းကပ်ရာ၏။
ဥပမာဆိုသော် တစ်စုံတစ်ယောက်သောသူသည် တွင်းဟောင်းစသော တောင်ချောက်ကမ်းပါးတို့၌ ပျော်ပါးလိုခြင်းဖြင့် ခါးကိုင်းခြင်းကိုမပြု၊ ဒူးခြေစသော အောက်ပိုင်းခန္ဓာကိုယ်ကို တောင့်တောင့်ထားခြင်းမပြု၊ ဤနေရာမှကျသွားလျှင် လက်ကျိုးခြေကျိုးစသည် ဖြစ်လိမ့်မည်ဟု အပြစ်မမြင် စိတ်ကိုမထိတ်လန့်စေဘဲ ကြည့်ချင်လွန်းသောစိတ်ဖြင့် အငမ်းမရကြည့်မိ၏။ ထိုသူသည် အောက်သို့ကျ၍ ခြေကျိုးလက်ကျိုးခြင်းစသော အကျိုးမဲ့အဖြစ်သို့ ရောက်ရတတ်၏။
တွင်းစသည်မှရေကိုသော်လည်းကောင်း၊ တစ်စုံတစ်ခုကိုသော်လည်းကောင်း၊ ကြည့်လိုသည်ရှိသော် ဒူး ခြေ အောက်ပိုင်းကို တောင့်တောင့်ထား၍ (ကိုယ်ကိုဖယ်ခွါသည်မည်၏) ဤနေရာ၌ကျသွားလျှင် လက် ခြေကျိုးခြင်းစသော အကျိုးမဲ့ဖြစ်လိမ့်မည်ဟူသော အပြစ်ကိုမြင်၍ (စိတ်ကိုဖဲခွါသည်မည်၏) ထိတ်လန့်သောစိတ်ဖြင့် သတိထားကာ ကြည့်ရှု့၏။ ထိုသူသည် တွင်းဟောင်းစသည်၌ မကျစေဘဲ ကြည့်ရှု့နိုင်၍ ချမ်းသာရာအရပ်သို့ အလိုရှိစွာ သွားလာနိုင်ပါ၏။
ဤအတူ မြူးထူးပျော်ပါးခြင်းအလေ့ရှိသော ရဟန်းသည် ကိုယ်နှင့်စိတ်ကိုမခွါစေဘဲ တွင်းဟောင်း၌ကြည့်ရှု့သကဲ့သို့ ကိုယ်နှုတ်စိတ်သုံးပါးကို မစောင့်စည်းဘဲ အမျိုးလေးပါး၌ဖြစ်သော ဒါယကာဒါယိကာမတို့ထံသို့ ချဉ်းကပ်သောရဟန်းသည် ကပ်ငြိခြင်း နှောင်ဖွဲ့ခြင်းမှ မလွတ်မြောက်နိုင်။ ထို့ကြောင့် သီလတည်းဟူသော လက်ခြေကျိုးခြင်းစသော အကျိုးမဲ့ကို ဖြစ်စေပါ၏။
ကိုယ်နှင့်စိတ်ကို ဖဲခွါ၍ ကြည့်သောသူသည် တွင်းဟောင်းစသည်၌ မကျသကဲ့သို့ ကိုယ်နှုတ်စိတ်သုံးပါးဖြင့်ကောင်းစွာစောင့်စည်း၍ အမျိုးလေးပါးဖြစ်သော ဒါယကာဒါယိကာမတို့အိမ်သို့ ကပ်သောရဟန်းသည် ဒါယကာဒါယိကာမတို့၌ မကပ်ငြိပေ။ မနှောင်ဖွဲ့ပေ။ ထို့ကြောင့် သီလ သမာဓိ ဉာဏ်တည်းဟူသော လက်ခြေတို့မကျိုးဘဲ ရာဂတည်းဟူသော ဆူးငြောင့်ခလုတ်တို့မှ လွတ်မြောက်၍ လိုရာခရီးသို့ တစ်ပါးတည်းကြွသွားနိုင်၏။
ထို့အတူ အမျိုးလေးပါးဖြစ်သော ဒါယကာဒါယိကာမတို့၏ပစ္စည်းလေးပါးကို မှီဝဲရာ၌ မကပ်ငြိမနှောင်ဖွဲ့မိဘဲ ကမ္မဋ္ဌာန်းတရားကို ပွားများအားထုတ်နိုင်၍ အရဟတ္တဖိုလ်သို့ဆိုက်ရောက်တက်လှမ်းကာ နိဗ္ဗာန်ချမ်းသာကို လွတ်လပ်စွာ ခံစားနိုင်ပါ၏။
သျှင်တေဇမာလ (နဂါးပေါ်)
Shared from ဓမ္မစာပေများ
