Grive, and they turn and go.၀မ်းနည်းနေရင်၊ ပူဆွေးနေရင်တော့ လှည့်ပြီးတော့ ထွက်သွားပါလိမ့်မယ်။ ဒါဟာသတိပေးနေတာပါနော်။ ၀မ်းနည်းစရာ၊ ပူဆွေးစရာဆိုတာ လူတိုင်း ကြုံရပါတယ်။အဲဒါကို တာရှည်မွေး မထားပါနဲ့။ တစ်ချို့က ၀မ်းနည်းစရာကိုယ့်မှာရှိတဲ့အခါမှာ ကိုယ်က များများဝမ်းနည်းပြလို့ရှိရင် လူတွေကကိုယ့်ကို ပိုသနားမယ်။ အကူအညီတွေ ပိုပြီးတော့ ပေးလိမ့်မယ်လို့မျှော်လင့်တာလည်း ရှိတယ်။ ၀မ်းနည်းပြနေရင် လူတွေကိုယ့်ကို များများဂရုစိုက်လိမ့်မယ်။ Attention တွေ အများကြီးရလိမ့်မယ်လို့ ထင်တယ်။ ခဏတော့ရမယ်။ ဒါပေမဲ့ ကြာရင်တော့ ကိုယ့်အနားမှာ ဘယ်သူမှ နေမှာမဟုတ်တော့ဘူး။သွားကြမှာဘဲ။
ဒါ့ကြောင့် ကိုယ့်မှာ ဒုက္ခနဲ့ကြုံရတဲ့အခါမှာ အဲဒီဒုက္ခကို ကိုယ့်သတိနဲ့ကိုယ့်ဥာဏ်နဲ့ ကိုယ့်တရားနဲ့ကိုယ် မြင်ဖို့၊ သိဖို့ နားလည်နိုင်ဖို့ခံနိုင်ရည်ရှိဖို့၊အဲဒီဒုက္ခကို လွန်မြောက်နိုင်ဖို့ ကြိုးစားရမယ်။ ဒါကိုယ့်တာဝန်ဘဲ။အဲဒီတာဝန်ကို ကိုယ်မယူလို့ရှိရင်တော့ ၀မ်းနည်းပြရင် လူတွေက အကူညီ များများပေးမယ်လို့ ထင်ပေမယ့် ကြာရင်တော့ ကိုယ် တစ်ယောက်ထဲဘဲ ၀မ်းနည်းနေရလိမ့်မယ်။
ကိုယ်တစ်ယောက်ထဲ ၀မ်းနည်းနေတာကြာရင် ဘယ်လို ဖြစ်လာမလဲ စိတ်ဓာတ်ကျပြီးတော့ စိတ်ပျက်ပြီးတော့ လောကကြီးကို မုန်းလာမယ်။ အဖော် ပိုပြီးတော့မဲ့လာမယ်။ အဖော် ပိုပြီးမဲ့လာရင်ကိုယ့်ပြဿနာက တိုးလာမလား လျော့လာမလား။ ပိုပြီးတော့ဘဲ တိုးလာမယ်။ ကိုယ့်မှာပိုပြီးတော့ဘဲ စိတ်မကောင်းစရာတွေဖြစ်လာမယ်။ ဒါ့ကြောင့် ကိုယ့်ဘ၀မှာအဆင်ပြေတာတွေ များချင်ရင်၊ တတ်နိုင်သလောက် စိတ်ကြည်ကြည်လင်လင်အေးအေးချမ်းချမ်း တည်တည်ငြိမ်ငြိမ် နေပါ။ စိတ်ဒုက္ခကို တာရှည်မွေးမထားဖို့သတိထားပါ..နော်။
စိတ်ဆင်းရဲစရာကို တာရှည်တွေးနေတဲ့သူဟာ ကြာရင် ဒီစိတ်ဆင်းရဲစရာထဲကထွက်လို့ကို မရတော့ဘူး။
ဘယ်လောက်အထိတောင် ဖြစ်သွားနိုင်သလဲဆိုတော့ အဲဒီလို မပျော်မရွှင်ကြီးနေနေတာကဘဲ သူ့ရဲပင်ကိုယ်လို ဖြစ်သွားတတ်တယ်။ ဒါသူ့ရဲ့ personality လိုဖြစ်သွားးတယ်။
သူပျော်ပျော်ရွှင်ရွှင် နေတာကို လူတွေ မြင်သွားရင် ပြန်ပြီးတော့မပျော်ဟန်ဆောင် လိုက်တယ်။ အဲဒီလို လူတွေရှိပါတယ်။ သူတစ်ယောက်ထဲဆိုရင်သူပျော်နေတယ်။ လူတွေ့တာနဲ့သူမပျော်တော့ဘူး။ ဒါစိတ်ရောဂါတစ်မျိုး ဖြစ်သွားတယ်။ သတိထားကြည့်ပါ။ ဒီစိတ်ရောဂါမျိုးက တော်တော် ဆန်းကြယ်တယ်။ သူ့ဟာသူ တစ်ယောက်ထဲဆိုရင်အေးအေးဆေးဆေး ပျော်လို့ဘဲ။ သီချင်းလေး ဘာလေး ဆိုနေတယ်။လူတစ်ယောက်လာတာမြင်တာနဲ့ သူမပျော်တော့ဘူး ဖြစ်သွားတယ်။
အဲဒါဟာ သူ့ရဲ့ role တစ်ခုလို သူယူလိုက်တာနော်။ ဇာတ်လမ်းတစ်ခုမှာသရုပ်ဆောင်ရတာကို role လို့ ခေါ်တယ်။ သူက အမြဲတမ်း စိတ်ဆင်းရဲနေရတဲ့အခန်းကဏ္ဍမျိုးမှာ သရုပ်ဆောင်နေတယ်။ပီပီပြင်ပြင် သရုပ်ဆောင်နေတယ်။ အဲအထဲကကို သူ မထွက်နိုင်တော့ဘူး။သူ့ဇာတ်လမ်းကို သူ မပြောင်းနိုင်တော့ဘူး။ ဒါကြောင့် သတိထားပြီးတော့စိတ်ကို ကြည့်ဖို့လိုတယ်။
စိတ်ဆိုတာ သိပ်အံ့သြစရာ ကောင်းတယ်။ သိပ်ဆန်းကြယ်တယ်။ သိပ်လည်းကြောက်စရာကောင်း ပါတယ်။ ဒါပေမယ့် သူ့ကိုဘဲ သတိနဲ့ဥာဏ်နဲ့ ကြည့်ပြီးတော့နေသွားမယ်ဆိုရင်တော့ သူကဘဲ အားကိုးစရာဖြစ်လာမယ်။ ဒီစိတ်ထဲမှာဘဲ အသိဥာဏ်ဆိုတာ ဖြစ်လာတာကိုး။
ဒါ့ကြောင့် စိတ်ညစ်စရာ အခက်အခဲလေးတွေ စိတ်ဒုက္ခလေးတွေရှိခဲ့မယ်ဆိုရင်တာရှည်မွေးမထားဖို့ သတိထားပါ။ အတတ်နိုင်ဆုံးတော့အဲ့ဒုက္ခကနေလွတ်မြောက်နိုင်အောင် ရုန်းထွက်နိုင်အောင်ကိုယ့်စိတ်ကို ဖြေသိပ်ပြီး ပျော်ရွှင်နိုင်အောင် ကြိုးစားရမှာဖြစ်ပါတယ်။
[Reference: from a forward mail]
No comments:
Post a Comment