ကိုယ့်မှာ ပိုက်ဆံချမ်းသာပေမယ့်၊ စိတ်မချမ်းသာဘူးလား။
ဆင်းရဲတဲ့သူတွေကို ကြည့်လိုက်၊ ထမင်းတစ်နပ် မနဲ ရှာစားနေရတယ်။
ဒီလို ရှာဖွေစားမနေရတာ တစ်ပန်းသာတယ်။
ကိုယ့်မှာရှိတဲ့ ပိုက်ဆံနဲ့ ကုသိုလ်ရအောင် ဘာတွေလုပ်မလဲ။
လုပ်စရာတွေအများကြီး။
ကိုယ့်ကို လိုအပ်နေသူတွေ အများကြီး။
ဒီကုသိုလ်တွေနဲ့ ပျော်အောင်နေတတ်လာရင် ဘဝဟာ အဓိပ္ပာယ်ရှိလာမယ်။
ကုသိုလ်ဆိုတာ လုပ်တုန်းမှာလဲ ပျော်ရတယ်။
ပြန်စဉ်းစားရင်လည်း ပီတိဖြစ်ရတယ်။
သံသရာမှာလည်း အထောက်အပံ့ဖြစ်တယ်။
@@@@@@@@@@@@@@@@@@@@@@@@@@@@
ပိုက်ဆံမရှိလို့ ဆင်းရဲနေလို့ စိတ်ညစ်နေတာလား။
ကျန်းမာရေးကောင်းနေတယ်လေ။
သူများတွေ ပိုက်ဆံအများကြီး အကုန်ခံပြီး ကျန်းမာအောင် ဆေးတွေသောက်ရတယ်။
ဆေးတွေကုနေရတယ်။
ကိုယ်က အလကားရနေတာ။
ဒီ ခွန်အားနဲ့ အသက်မွေးဝမ်းကျောင်းတစ်ခုခုကို ရအောင်သင်မယ်။
ဒီခွန်အားနဲ့ စေတနာပေါင်းပြီး သူများတွေကို တတ်နိုင်သလောက် ကူညီမယ်။
ဒါဆိုရင် တစ်နေ့မှာ ချမ်းသာလာနိုင်သလို မသေခင် ရှင်သန်ချိန်တိုင်းဟာ အဓိပ္ပာယ်ရှိ တန်ဖိုးရှိလာ
မယ်။
@@@@@@@@@@@@@@@@@@@@@@@@@@@@
မကျန်းမာလို့ စိတ်ညစ်နေတာလား။
ခန္ဓာရှိလို့ ဝေဒနာတွေရတာ။
ကိုယ်တစ်ယောက်တည်း မဟုတ်ဘူး။
ခန္ဓာရတဲ့လူတိုင်း တစ်ချိန်မဟုတ်တစ်ချိန် ကြုံရမှာ။
ကိုယ်က အခုကြုံနေရတော့ ဘုရားရှင်ဟောတဲ့ ဝေဒနာနုပဿနာ သတိပဋ္ဌာန် ကို အခုပဲ
အားထုတ်လို့ရတယ်။
ဝေဒနာဟာ ငါမဟုတ်ဘူး။
ရောဂါဟာ ငါမဟုတ်ဘူး။
နာတာလေးပေါ်တော့ နာတာဟာ ငါမဟုတ် ဝေဒနာသဘော ဆိုတော့ နာတာလေးနောက်မှာ
နှလုံးသွင်းလေးက မှန်နေတယ်။
ဒီတော့ ငါ့ကျမှ နာတယ်ဆိုတဲ့ ငါရော ဝေဒနာရော ပျောက်သွားတယ်။
ဒီတော့ ကိုယ်သာနာတယ်။ စိတ်မနာတော့ဘူးပေါ့။
ရောဂါသည်ပေမယ့် ခံသာနေတယ်။
စိတ်မဆင်းရဲတော့ဘူး။
သတိပဋ္ဌာန်ကုသိုလ်တွေရနေတယ်။
အဓိပ္ပာယ်ရှိသမှ အဖိုးအတန်ဆုံး လူကို ဖြစ်နေတာ။
@@@@@@@@@@@@@@@@@@@@@@@@@@@@
ကိုယ်ချစ်တဲ့သူ က ပြန်မချစ်ဘူးလား။
ဘာဖြစ်လဲ။ လောကမှာ ကိုယ့်ကို ချစ်မယ့်သူ သူတစ်ယောက်တည်းရှိတာမဟုတ်ဘူး။
အဖေရှိတယ် အမေရှိတယ်။
ညီအကို မောင်နှမတွေရှိတယ်။
သူငယ်ချင်းတွေရှိတယ်။
သူတစ်ယောက်တည်းအတွက်နဲ့ အကုန်လုံးကို လျစ်လျူရှုတော့မလို့လား။
သူ့အကြောင်းတွေးရင် သူ့ကို လွမ်းနေရဦးမယ်။
ဒါ ကိလေသာစိတ်ပဲ။
လူကို နှိပ်စက်တာ အဆန်းမဟုတ်ဘူး။
ဘုရားစင်ရှင်းမယ်။ ဘုရားရှိခိုးမယ်။ ကုသိုလ်ရေးတွေလုပ်မယ်။
ဒီကုသိုလ်တွေကို အာရုံပြုနေတော့ စိတ်က စင်ကြယ်နေတယ်။
မလွမ်းချင်ရင် Drama မကြည့်နဲ့ပေါ့။
ဒီသဘောပဲ။
ကုသိုလ်ရေးမှာ စိတ်ကို နှစ်ထားတော့ ဒီကုသိုလ်တွေက ကိုယ့်စိတ်နှလုံးကို ဖြူစင်စေတယ်။
သဘောထားမှန်စေတယ်။ အဆင့်အတန်းမြင့်မားစေတယ်။ သံသရာကို အထောက်အပံ့ ဖြစ်စေတယ်။
သူ့ကို လွမ်းတဲ့စိတ်နဲ့ အဆင့်အတန်းချင်း တခြားစီ။
အဲဒီ လွမ်းစိတ်နဲ့သာ သေကြည့်။
ရုပ်ဆိုးဆိုး ပြိတ္တာကြီး ဖြစ်မှာ၊ အပါယ်ကျမှာ။
ဒီလိုလေး ကိုယ့်ကိုယ်ကို ချမ်းသာအောင် ထားတတ်ရင် ဘယ်သူမှ ကိုယ့်ကို နှိပ်စက်လို့ မရတော့ဘူး။
အနာကင်းတဲ့ လက်ကလေး အဆိပ်မဝင်နိုင်သလိုပေါ့။
@@@@@@@@@@@@@@@@@@@@@@@@@@@
ရှိတာလေးကို တန်ဖိုးထား
အကျိုးများလို့. ပူဆွေးခြင်းများ ကင်းဝေးပါစေ
မိတ်များဆွေ။
Shared from သုညတ (FB)
No comments:
Post a Comment