မြတ်စွာဘုရားလက်ထက်တော်က ဒန္တိကာဆိုတဲ့ အမျိုးသမီးလေးတစ်ယောက် ရှိခဲ့ဖူးပါတယ်။ ဒန္တိကာအရွယ် ရောက်တဲ့အချိန်မှာပဲ အနာထပိဏ်သူဌေးကြီးရဲ့ ဇေတဝန်ကျောင်း ရေစက်ချအလှူပွဲကြီးနဲ့ ကြုံလိုက်ရပါတယ်။ အဲဒီ ကျောင်းရေစက်ချပွဲကြီးကိုကြည့်ပြီး သာသနာ့ဘောင်ကို ဝင်ချင်တဲ့စိတ် စဖြစ်ခဲ့ပါတယ်။ ဒါပေမဲ့ ချက်ချင်းမဝင်နိုင်ခဲ့ပါဘူး။
ဒန္တိကာဟာ ဇေတဝန်ကျောင်းရေစက်ချပြီး နောက်ပိုင်း သာသနာ့ဘောင်ကိုမဝင်နိုင်သေးပေမယ့် သရဏဂုံနဲ့ ငါးပါးသီလကို အမြဲ ဆောက်တည်နေခဲ့ပါတယ်။
ကာလတစ်ခုကြာလာတဲ့အခါမှာတော့ ဒန္တိကာဟာ မိဘတွေကို ခွင့်တောင်းပြီး မိထွေးတော် ဂေါတမီဆီမှာ ဘိက္ခုနီမ ဝတ်လိုက်ပါတယ်။ ဘိက္ခုနီမဝတ်လိုက်တော့ ဒန္တိကာထေရီရယ်လို့ အမည်တွင်သွားပါတယ်။
ဒန္တိကာထေရီဟာ ဘိက္ခုနီမဝတ်ပြီးတာနဲ့ ဆရာဥပဇ္ဈာယ် မိထွေးတော် ဂေါတမီရဲ့ အဆုံးအမ တရားစကားကို နာကြားပြီး ဝိပဿနာတရားကို ကြိုးကြိုးစားစား အားထုတ်နေပါတော့တယ်။ ဒါပေမဲ့ စိတ်မတည်ငြိမ်လို့ သမာဓိမရဘဲ ဖြစ်နေပါတယ်။ ဒီတော့ တရားအားထုတ်ရတာ အဆင်မပြေတော့ပါဘူး။
တစ်နေ့မှာတော့ ဒန္တိကာထေရီဟာ ဂီဇ္ဈကုဋ်တောင်ပေါ်ကို တစ်ပါးတည်း တက်ခဲ့ပါတယ်။ တောင်ပေါ်ရောက်တော့ အရှေ့အနောက်တောင်မြောက် ဝဲယာကြည့်ရင်း ဆင်တစ်ကောင်နဲ့ ဆင်ဆရာကို တွေ့ရပါတယ်။ ကြည့်လက်စနဲ့ ဆက်ပြီး ကြည့်နေမိပါတယ်။
ဆင်ဆရာက ချွန်းကိုကိုင်ပြီး 'ခြေထောက်ဆန့်ပေးစမ်း'လို့ ပြောလိုက်ပါတယ်။ ဆင်ကြီးကလည်း ခြေထောက်ဆန့်ပေးပါတယ်။ ဒီတော့ ဆင်ထိန်းက ဆင်ပေါ်ကို လွယ်လွယ်ကူကူနဲ့တက်သွားပါတယ်။
ဆင်နဲ့ ဆင်ဆရာရဲ့မြင်ကွင်းကိုကြည့်ပြီး ဒန္တိကာထေရီဟာ 'ဆင်ဆရာ ချွန်းကိုကိုင်ပြီး ရှေ့ပိုင်းမှာ မယဉ်ကျေးတဲ့ ဆင်ရိုင်းကို လူတွေအလိုလိုက်အောင် ဆုံးမသလို ပျံ့လွင့်နေတဲ့ ငါရဲ့စိတ်ကို ဆုံးမရင် ရနိုင်တယ်။ ဝီရိယချွန်းနဲ့ ငါ့ရဲ့ ပျံ့လွင့်နေတဲ့စိတ်ကို ယဉ်ကျေးအောင် ဆုံးမမယ်' ဆိုပြီး အတွေးသံဝေဂ အဖြေရသွားပါတယ်။
ဒန္တိကာထေရီဟာ ဆင်ရိုင်းနဲ့ဆင်ဆရာကို ဥပမာယူပြီး ဝီရိယချွန်းနဲ့ စိတ်ကိုဆုံးမရင်း စိတ်တွေ ကြည်လင်လာပါတယ်။ စိတ်တွေ ကြည်လင်လာတော့ သမာဓိပါ ရလာပါတယ်။ သမာဓိ ရလာတာနဲ့အမျှ ဝိပဿနာတရားကို ဆက် အားထုတ်လိုက်တာ ရဟန္တာဖြစ်သွားပါတော့တယ်။
(ထေရီအဋ္ဌကထာ-ဒန္တိကာထေရီဝတ္ထု)
တကယ်ဆို ကိုယ် အားထုတ်နေတဲ့ ဝိပဿနာတရားနဲ့ ဆင်နဲ့ ဆင်ဆရာရဲ့အပြုအမူနဲ့ ဘာမှမဆိုင်ဘူးလို့ ထင်စရာ ရှိပါတယ်။ ဘေးက ကြည့်ရင်လည်း 'ဒီ ဘိက္ခုနီမ ဆင်စီးတာကိုပဲ ကြည့်နေရတယ်လို့ ကိုယ့်တရား ကိုယ်အားထုတ်တာမဟုတ်ဘူး'ဆိုပြီး ဝေဖန်ချင်စရာပါ။ ဒန္တိကာထေရီအတွက်တော့ ဆင်နဲ့ ဆင်ဆရာရဲ့မြင်ကွင်းလေးကိုပဲ ကိုယ့်ဘဝ ဖြစ်စဉ်နဲ့နှိုင်းယှဉ်ပြီး ကိုယ့်အတွက် အသုံးချ သွားခဲ့တဲ့ တကယ့် သာဓကလေးတစ်ခုပါပဲ။
တစ်ခါတလေ တချို့မြင်ကွင်းတွေဟာ ကိုယ်နဲ့ မဆိုင်ဘူးလို့ထင်ရပေမယ့် ဒန္တိကာထေရီတို့လို ယူတတ်ရင် ကိုယ့် အတွက်တော့ တရားအားလေးတွေပါပဲ။
မြင်ကွင်းကို ရိုးရိုး မကြည့်ဘဲ ကိုယ့်အလုပ်နဲ့ ယှဉ်တွဲပြီး ကြည့်သွားတာပါ။ အထူးသဖြင့် တရားနဲ့ ယှဉ်ပြီး ကြည့်သွားတာပါ။ ဒီတော့ မြင်ကွင်းအားလုံးဟာ ကြည့်တတ်ရင် တရားတွေချည်းပါပဲ။ မကြည့်တတ်ရင်တော့ ဒေါသတွေ, အာဃာတတွေ, အမုန်းတွေ, ဣဿာမစ္ဆရိယတွေ, တဏှာရာဂတွေချည်း ဖြစ်နေမှာပါ။
ဒန္တိကာထေရီတို့လို တရားထူး မရပေမယ့် မြင်ကွင်းတွေကို တရားနဲ့ ယှဉ်ကြည့်တတ်တာလေးကိုတော့ ကိုယ်က အတုယူမှာပါ။
တရားနဲ့ကြည့်ရင် စိတ်ချမ်းသာပြီး မတရားနဲ့ကြည့်ရင် စိတ်ဆင်းရဲရတော့တာပါ။ ဒါက တကယ့်လက် တွေ့ပါ။
တစ်နည်းအားဖြင့် ပြောရင် ပေါ့စတစ်အတွေးနဲ့ နဂ္ဂတစ်အတွေးပါ။ ပါရမီပါခဲ့သူတွေဟာ ကြုံလာတဲ့ အာရုံတစ်ခုကို ပေါ့စတစ်အတွေးနဲ့တွေးပြီး စိတ်အေးချမ်းမှုကို ယူသွားကြတာပါ။ အထူးသဖြင့် နဂ္ဂတစ်အတွေးနဲ့ တွေးရင် စိတ်ဆင်းရဲရတယ်ဆိုတာ သေချာ သိထားရလို့ပါ။
ဘဝရဲ့တစ်နေ့တာမှာ အာရုံမျိုးစုံနဲ့ ကြုံနေရမှာပါ။ ကြိုက်တဲ့အာရုံရော မကြိုက်တဲ့ အာရုံရော ပါနေမှာပါ။ နဂ္ဂတစ်အတွေးရဲ့ ဆိုးကျိုးဆိုးပြစ်ကို သိထားပြီး ပေါ့စတစ်အတွေးနဲ့ တွေးတတ်တာလေးကို လေ့ကျင့်ထားရမှာပါ။ နဂ္ဂတစ်နဲ့ကြည့်မိရင် ဒေါသ, အာဃာတ စသည်တွေ ဝင်လာတတ်ပါတယ်။ ဒီတရားတွေ ဝင်လာပြီဆိုရင်တော့ နောက်ဆုံး ရလဒ်က စိတ်ဆင်းရဲရတော့တာပါ။
လူဟာ တစ်ခုခုကို လုပ်ပါများရင် စွဲနေတတ်ပါတယ်။ နဂ္ဂတစ်နဲ့ ကြည့်တတ်တာ အကျင့်ဖြစ်နေရင် ဘယ်မြင် ကွင်းပဲကြည့်ကြည့် နဂ္ဂတစ်နဲ့ပဲကြည့်နေတော့တာပါ။ စွဲနေတဲ့အစွဲကိုဖျောက်ဖို့ သိပ်ခက်ပါတယ်။ နဂ္ဂတစ်နဲ့ကြည့်မိ လိုက်လို့ စိတ်ဆင်းရဲရတယ်ဆိုတာလည်း မသိတော့ပါဘူး။ အဲဒီ မသိတာက ပိုချက်နေတော့တာပါ။
နဂ္ဂတစ်နဲ့ ကြည့်တတ်တာစွဲနေရင် ကောင်းတဲ့ မြင်ကွင်း, ကုသိုလ်ဖြစ်စေတဲ့ မြင်ကွင်းကို မြင်ဦးတော့ နဂ္ဂတစ်နဲ့ပဲ ကြည့်နေတော့တာပါ။
ဒီနေရာမှာ ကိုယ့်ကိုဖေးမပြောပြပေးမယ့် မိတ်ကောင်း ဆွေကောင်း သိပ်လိုပါတယ်။ ကိုယ်တိုင်ကလည်း ကိုယ့်ကိုယ်ကိုယ် နဂ္ဂတစ်သဘောဖြစ်နေတယ်ဆိုတာသိဖို့ အရေးကြီးပါတယ်။ ဒါမှ ဖေးမပေးရတဲ့သူလည်း လွယ်တာပါ။ ကိုယ့်ကို ချစ်တဲ့သူကပဲ ဖေးမမှာပါ။ မုန်းတဲ့သူကတော့ တကူးတကလာပြီး မဖေးမပါဘူး။ ဒီသဘောလေးတွေကို အာရုံ ပြုလိုက်ရင်လည်း ဖေးမလာသူကို တန်ဖိုးထားလာနိုင်ပါတယ်။ အဓိက ကိုယ်က ပြုပြင်ပြောင်းလဲချင်စိတ်ရှိဖို့ပါ။ ဆိုလိုတာက ကိုယ်က အဓိကပါ။
မြင်ကွင်းတစ်ခုကို ကြည့်တဲ့အခါ ပေါ့စတစ်နဲ့ ကြည့်တတ်တာ, နဂ္ဂတစ်နဲ့ကြည့်တတ်တာတွေဟာ အတိတ်ပါရမီ တွေနဲ့လည်း ဆိုင်နေပါတယ်။
ပါရမီပါခဲ့တဲ့သူကတော့ ပေါ့စတစ်နဲ့ကြည့်ပြီး ပါရမီမပါခဲ့တဲ့သူကတော့ နဂ္ဂတစ်နဲ့ ကြည့်တော့တာပါ။ ကိုယ်က နဂ္ဂတစ်နဲ့ ကြည့်တတ်သူဆိုရင်လည်း ပြန်လေ့ကျင့်ယူရမှာပါ။ ပါရမီပါသူနဲ့ မပါသူဟာ နေရာတိုင်းမှာ သိပ်ကွာပါတယ်။
တစ်ခါက ဦးဇင်းအရှင်ဆန္ဒာဓိကနဲ့ တစ်နေရာကို ဆွမ်းစားကြွ ဖြစ်ပါတယ်။ ဆွမ်းစားပြီးလို့ ပြန်ထတော့ ဦးဇင်းအရှင်ဆန္ဒာဓိကက လက်အုပ်လေးချီပြီး 'အရှင်ဘုရားကို နေရာထိုင်ခင်း လှူပါတယ်။ ဤထိုင်ခင်း လှူရသော
ကုသိုလ်ကောင်းမှုကြောင့် ဗောဓိဉာဏ်၏ အထောက်အပံ့ ဖြစ်ပါစေလို့' ပြောလာတော့ အောက်ကို ငုံ့ကြည့်လိုက်မိပါတယ်။ အောက်မှာ မိမိထိုင်ထားတာက ဦးဇင်းအရှင်ဆန္ဒာဓိကရဲ့ ထိုင်ခင်းပါ။ ဦးဇင်းအရှင်ဆန္ဒာဓိကကလည်း မိမိရဲ့ထိုင်ခင်း ပေါ် ထိုင်ထားပါတယ်။ ထိုင်ခင်းမှားထိုင်မိကြတာပါ။
ဒီတော့ မိမိကလည်း 'ဘုန်းကြီးကိုလည်း ထိုင်ခင်းလှူပါတယ်။ ဤကုသိုလ်ကောင်းမှုကြောင့် နိဗ္ဗာန့်အထောက် အပံ့ဖြစ်ပါစေ'လို့ ကောက်ကာငင်ကာ အမြန်ဆုတောင်းလိုက်ပါတယ်။ 'သြော်..အရှင်ဘုရားရယ် ကုသိုလ်ယူတတ်လိုက်တာ'လို့ စိတ်ထဲက လေးစားကြည်ညိုလိုက်မိပါတယ်။
တရားနဲ့တွေးတတ်တာဟာ အတိတ်ပါရမီ, အလေ့အကျင့်တွေနဲ့လည်း ဆိုင်နေတာဆိုတော့ ပါရမီဆိုတာလည်း အလေ့အကျင့်ကြောင့် ဖြစ်လာရတာပါ။ ဒီတော့ ကိုယ်က အထုံဖြစ်အောင်လေ့ကျင့်ယူရမှာပါပဲ။
ပါရမီပါခဲ့သူကတော့ သစ်ရွက်ကြွေတာလည်း တရားနဲ့ ကြည့်မှာပါပဲ။ မီးပျက်တာလည်း တရားနဲ့ကြည့်မှာပါပဲ။ ခွေးချင်းကိုက်တာလည်း တရားနဲ့ကြည့်မှာပါပဲ။ သစ်ရွက်လေးတွေကြွေတာကြည့်ပြီး 'သြော်..သက်မဲ့ဖြစ်တဲ့ သစ်ရွက်ကလေးတွေ မမြဲသလို ငါရဲ့ရုပ် နာမ်လည်း မမြဲဘူး။ မသေခင် ကုသိုလ်တရားတွေ ကြိုးစားအားထုတ်ထားမှ တော်ကာကျမယ်'လို့ ဆင်ခြင်မိသလို ခွေးချင်းကိုက်တာကြည့်ပြီးလည်း 'သြော်..ဒေါသဆိုတာ တိရစ္ဆာန်တွေမှာလည်း ရှိတာပဲ။ ငါလည်း ဒေါသ မဖြစ်အောင်နေမှ တော်ကာကျမယ်'လို့ တရားသဘောနဲ့ကြည့်တော့တာပါ။
ဒီတော့ သစ်ရွက်ကြွေတာ, မီးပျက်တာ, ခွေးချင်း ကိုက်တာတွေဟာလည်း တရားနဲ့ ကြည့်တတ်သူအတွက် တော့ တရားတွေ ဖြစ်နေပါတော့တယ်။
ပါရမီမပါသေးရင်လည်း ဘာမှ စိတ်ပျက်စရာ မလိုပါဘူး။ ရနိုင်သမျှ ဖြည့်ဖြည့် ယူသွားရမှာပါပဲ။ သံသရာ အများကြီး ကျင်လည်ခဲ့တာဆိုတော့ ပါရမီလုံးဝမပါတဲ့သူတော့ မဖြစ်နိုင်ပါဘူး။ ပါရမီရှင်တွေနဲ့ ယှဉ်လိုက်ရင် ကိုယ်က နည်းနေတာပဲဖြစ်မှာပါ။ ပါရမီနည်းနေရင် ပိုဖြည့်ရုံပဲ ရှိတော့တာပါ။
ဒီနေရာမှာ ပုဂ္ဂိုလ်လေးမျိုးကို အာရုံပြုကြည့်ရအောင်ပါ။
ပုဂ္ဂိုလ်လေးမျိုး -
၁။ ဥဂ္ဂါဋိတညူပုဂ္ဂိုလ် = အကျဉ်းဟောလိုက်တာနဲ့ မဂ်ဖိုလ် ရနိုင်တဲ့ပုဂ္ဂိုလ်။
၂။ ဝိပဥ္စိတညူပုဂ္ဂိုလ် = အကျယ်ဟောပြမှ မဂ်ဖိုလ် ရနိုင်တဲ့ပုဂ္ဂိုလ်။
၃။ နေယျပုဂ္ဂိုလ် = အကျဉ်းအကျယ်ဟောရုံမက ကျက်သင့် ကျက်ထိုက်တာကျက်, ဆောင်သင့် ဆောင်ထိုက်တာ ဆောင်, ဆရာသမားကလည်း ဂရုစိုက်ပေး, ကိုယ်တိုင်လည်း နှစ် လ ရက်ရှည် ကြိုးကြိုးစားစား အားထုတ်ပါမှ မဂ်ဖိုလ် ရနိုင်တဲ့ပုဂ္ဂိုလ်။
၎။ ပဒပရမပုဂ္ဂိုလ် = ဒီဘဝ ဘယ်လောက်ပဲ အားထုတ် အားထုတ် မဂ်ဖိုလ် မရနိုင်တဲ့ပုဂ္ဂိုလ်။
ဒါပေမယ့် လယ်တီဆရာတော်ဘုရားကြီးက ဒီဘဝမရနိုင်ပေမယ့် နောက်ဘဝ ဤ ဘုရားသာသနာမှာ ကျွတ်နိုင်သလို နောက်နောက် ဘုရားသာသနာတွေမှာလည်း ကျွတ်နိုင်တဲ့အကြောင်း ဆတ္တမာဏဝလုလင်, ဖားနတ်သားဝတ္ထု, သစ္စကပရိဗိုဇ်တို့ကို သာဓကပြပြီး အားပေးထားပါတယ်။
ပိုပြီး ရှင်းသွားအောင် ဆတ္တမာဏဝလုလင်, ဖားနတ်သားအကြောင်းတို့ကို နည်းနည်းလောက် ပြောပြရအောင်ပါ။
မြတ်စွာဘုရားလက်ထက်တော်က ဆတ္တမာဏဝဆိုတဲ့ လုလင်တစ်ယောက်ရှိပါတယ်။ အရွယ်ရောက်လာတော့ အဖေလုပ်သူက ပေါက္ခရသာတိပုဏ္ဏားကြီးဆီမှာ ပညာသင်ခိုင်းပါတယ်။ ပညာသင်မှုပြီးဆုံးတော့ ဆရာက ပညာသင်ခ အသပြာတစ်ထောင်တောင်းပါတယ်။ ဒါကြောင့် ဆတ္တမာဏဝလုလင်ဟာ အိမ်ပြန်ပြီး အဖေ့ဆီမှာ ငွေပြန်တောင်းပါ တယ်။ ဒီသတင်းကို သူခိုးတွေသိသွားပြီး လမ်းကစောင့်နေပါတယ်။
ဒါကို မြတ်စွာဘုရားရှင် သိတော်မူလို့ သူခိုးတွေထက် ဦးအောင် လမ်းက ကြိုစောင့်ပြီး သရဏဂုံနဲ့ ငါးပါးသီလ ပေးပါတယ်။ သေဖို့ကံ ပါလာရင် မြတ်စွာဘုရားလည်း တားလို့မရပါဘူး။ ဆတ္တမာဏဝ လုလင်ဟာ သရဏဂုံသုံးပါးကို နှလုံးသွင်းပြီး လမ်းခရီးကို ဆက်ခဲ့ပါတယ်။ ခရီးတစ်ဝက်မှာ သူခိုးတစ်ယောက်ရဲ့မြားချက်နဲ့ သေသွားရပါတယ်။ သေလွန်တော့ တာဝတိံသာ နတ်ပြည်မှာ ဖြစ်ရပါတယ်။
လူ့ပြည်မှာ ကျန်ခဲ့တဲ့ ဆတ္တမာဏဝ လုလင်ရဲ့အလောင်းကို မိဘ ဆရာသမား မိတ်ဆွေတွေက မီးသင်္ဂြိုဟ်ပေး ပါတယ်။ မြတ်စွာဘုရားရှင်က ဈာပနနဲ့မနီးမဝေး သစ်ပင်ရိပ်မှာကြွပြီး သီတင်းသုံးနေလိုက်ပါတယ်။
ဆတ္တမာဏဝ လုလင်ဟာ နတ်သားအဖြစ်နဲ့ လာပြီး မြတ်စွာဘုရားကို ကန်တော့ပါတယ်။ မြတ်စွာဘုရားတရားနာပြီး ဆတ္တမာဏဝ နတ်သားရော မိဘတွေရော သောတာပန် တည်သွားပါတယ်။
ဆတ္တမာဏဝလုလင်ဟာ ပထမ ဘဝမှာ တရားထူး မရပေမယ့် ဒုတိယဘဝမှာတော့ တရားထူး ရသွားခဲ့ပါတယ်။
ဖာနတ်သားဝတ္ထုမှာလည်း ဒီအတိုင်းပါပဲ။ မြတ်စွာဘုရားတရားဟောနေစဉ် ရေကန်တစ်ကန်က ဖားလေးတစ်ကောင်တက်လာပြီး 'ဒါတရားပဲ'ဆိုတဲ့ အမှတ်နဲ့ အဓိပ္ပါယ်မသိပေမယ့် တရားဆိုတဲ့ အမှတ်နဲ့ ဝပ်နေပါတယ်။ အဲဒီအချိန်မှာ နွားကျောင်းသားတစ်ယောက်ကလည်း တရားနာဖို့ တုတ်တစ်ချောင်းနဲ့ထောက်ပြီး ရပ်နေလိုက်တာ ဖားခေါင်းပေါ် တုတ်ထောက်မိလျက်သားဖြစ်သွားပြီး ဖားငယ်သေသွားပါတော့တယ်။ တရားအမှတ်နဲ့ သေသွားတဲ့အတွက် နတ်ပြည် မှာဖြစ်ပြီး နတ်သားဘဝနဲ့ တရားပြန်နာရလို့ သောတာပန်တည်သွားရပါတယ်။
ဒီဘဝမှာမရနိုင်ပေမယ့် ဒုတိယ တတိယဘဝ စသည်တွေမှာ ရနိုင်တယ်ဆိုတာ ဆရာတော်ဘုရားကြီးက အား ပေးထားပါတယ်။
လယ်တီဆရာတော်ဘုရားကြီးရဲ့ ဗောဓိပက္ခိယဒီပနီ စာမျက်နှာ ၁၃ မှာ-
'ပဋိသမ္ဘိဒါပတ္တရဟန္တာခေတ် အနှစ်တစ်ထောင်မှ နောက်ကာလ၌ ဤသာသနာတော်သည် နေယျပုဂ္ဂိုလ်, ပဒပရမပုဂ္ဂိုလ်နှစ်မျိုးတို့၏ ခေတ် သမယသာ ဖြစ်၏။ ယခုအခါ၌ သာသနာတွင်းမှာ ထိုပုဂ္ဂိုလ်နှစ်မျိုးသာ ရှိကြတော့သည်' လို့ ရေးပြထားပါတယ်။ ဆိုလိုရင်းက သာသနာနှစ်တစ်ထောင် နောက်ပိုင်း အခုခေတ်မှာ နေယျပုဂ္ဂိုလ်နဲ့ ပဒပရမ ပုဂ္ဂိုလ်နှစ်ဦးပဲ ရနိုင်ပါတော့တယ်တဲ့။ အပြန်အားဖြင့် ပြောရင် ဥဂ္ဂါဋိတညူပုဂ္ဂိုလ်နဲ့ ဝိပဥ္စိတညူပုဂ္ဂိုလ် နှစ်ဦး မရနိုင်တော့ပါဘူးတဲ့။
ဆရာတော်ဘုရားကြီးရဲ့စကားကိုထောက်ပြီး သန္တတိအမတ်ကြီးတို့လို ဂါထာတစ်ပုဒ်ကို အကျဉ်းနာကြားပြီး တရားထူးရနိုင်တဲ့ခေတ်ကို ကျော်လွန်ခဲ့ပြီဆိုတော့ ကြိုးကြိုးစားစားအားထုတ်နိုင်မှ တရားရနိုင်တဲ့ခေတ်ပါ။ နေယျပုဂ္ဂိုလ်ဆိုတာ အကျဉ်း အကျယ်ဟောရုံမက ကြိုးကြိုးစားစား အားထုတ်မှ တရားရနိုင်တဲ့ပုဂ္ဂိုလ်ပါ။
လူငယ်စကားနဲ့ ပြောရင် အပြတ်အားထုတ်မှ တရားရနိုင်မှာပါ။ ဒါပေမဲ့ မပြတ်တပြတ် အားထုတ်နေတဲ့သူတွေ အတွက်လည်း တရားထူးမရနိုင်ပေမယ့် ကိုယ်အားထုတ်နေတဲ့ တရားတွေကတော့ နောက်ဘဝ နောက်ဘဝတွေအတွက် ပါရမီတွေ ဖြစ်နေတော့တာပါပဲ။
သံသရာခရီးရှည်ကြီး ဆက်ရဦးမယ်ဆိုရင်တော့ ဝိပဿနာတစ်ခုတည်းနဲ့တော့ မလုံလောက်ပါဘူး။ ဒီဘဝ တရားတွေ အားထုတ်ခဲ့တဲ့ အထုံဓာတ်ကြောင့် နောက်ဘဝမှာလည်း ဆက်တော့ အားထုတ်နေပါရဲ့။ ဒါနမပြုခဲ့လို့ နောက်ဘဝမှာ မွဲနေရင် ရိပ်သာသွားတဲ့အခါ မျက်နှာငယ်နေရမှာပါ။
ကိုယ့်မှာ ပိုက်ဆံရှိရင် ရိပ်သာသွားရင်တောင် သူများထက် ပိုဦးစားပေးခံရပါတယ်။ 'လာပါ လာပါ'ဆိုပြီး ရိုရိုသေသေ လေးလေးစားစား ဆက်ဆံခံရတယ်။ အခန်းကောင်းကောင်းရတယ်။ ရိပ်သာမှာလည်း ကိုယ်လှူချင်တာ ကြိုက်သလောက်လှူလို့ရတယ် စသည်ဖြင့် အခွင့်အရေးတွေက အများကြီးရယ်ပါ။
ဒါကြောင့် ပါရမီဖြည့်တဲ့နေရာမှာ စုံအောင် ဖြည့်ရပါမယ်။ နောက်ဘဝ ဉာဏ်ကောင်းအောင်ဆိုပြီး ဉာဏ်ကောင်းကြောင်းကုသိုလ်တွေပြုခဲ့ပါရဲ့, ဒါနတော့ မပြုခဲ့ဘူးဆိုရင် နောက်ဘဝ ဆယ်တန်းမှာ ဘာသာစုံဂုဏ်ထူးနဲ့ အောင်ပြီး ဆေးတက္ကသိုလ်တော့ တက်ခွင့်ရပါရဲ့ ဆေးတက္ကသိုလ်တက်ဖို့ ပိုက်ဆံမရှိဘူးဆိုရင် ဘယ်လိုလုပ်မလဲ။
ဒါကြောင့် နောက်ဘဝ ဘာသာစုံဂုဏ်ထူးနဲ့ အောင်ပြီး ပိုက်ဆံအတွက် ပူစရာမလိုဘဲ လင့်ခရူဇာ ကားစီးပြီး ကျောင်းတက်နိုင်အောင် ဒါနပါရမီလေးတွေပါ တွဲဖြည့်သွားရပါမယ်။
ဒါနဆိုလို့ ကျောင်းတွေ သိမ်တွေဆောက်လှူမှ ရှင်တစ်ထောင် ရှင်တစ်သောင်းတွေပြုပေးမှ မဟုတ်ပါဘူး။ ကိုရင်သေးသေးလေးကို ဆပ်ပြာခဲတစ်ခဲလှူလိုက်လည်း ဒါနပါပဲ။ စာသင်သားဘဝမှာ ဆင်းရဲကြတာများတော့ ရသွားတဲ့ ကိုရင်လေးမှာလည်း ပျော်သွားမှာပါ။
ဆပ်ပြာတစ်ခဲ ဘယ်လောက် တန်ဖိုးရှိလို့လဲ။ ဆပ်ပြာ၊ သွားတိုက်ဆေး၊ ဘောပင်၊ ဗလာစာအုပ် စသည်တွေဟာ စာသင်သား ကိုရင်ပေါက်စတွေ အတွက် သိပ်တန်ဖိုးရှိတဲ့ ပစ္စည်းတွေပါ။
ဒီလိုပါပဲ၊ အိမ်မှာရှိတဲ့ဘုရားမှာ ရေချမ်းကပ်တာ၊ ပန်းကပ်တာ၊ ဆွမ်းကပ်တာ၊ ငှက်ကလေးတွေ အစာကျွေးတာ၊ ကိုယ့်မိတ်ဆွေကို ကော်ဖီတိုက်တာ စသည်တွေဟာ ဒါနတွေချည်းပါပဲ။
တရားသဘောလေးတွေ အာရုံပြုနေရင်တော့ တရားသဘောတွေ ဖြစ်နေလို့ ကုသိုလ်ပြုရတာလည်း ပျော်ပျော်ကြီးပါပဲ။
မတရားသဘောတွေ အာရုံပြုနေရင်တော့ မတရား သဘောတွေချည်း ဖြစ်နေလို့ စိတ်ဆင်းရဲစရာတွေပဲ ဖြစ်နေတော့မှာပါ။ တရားသဘောပဲ အာရုံပြုပြု မတရားသဘောပဲ အာရုံပြုပြု တကယ်တော့ စိတ်ပါပဲ။ တကယ်လို့ မတရား သဘော အာရုံပြုမိလို့ သိလိုက်တာနဲ့ 'သြော် မတရား သဘောတွေပါလား'လို့ ဆင်ခြင်လိုက်ရင် တရားသဘောတွေ ပြန်ဖြစ်သွားတာပါ။ အဲဒီလို သိလိုက်နိုင်တာကိုက တော်တော်လေး တော်နေပါပြီ။ ဒီလိုပါပဲ စိတ်ကို လေ့ကျင့်ယူရမှာပါပဲ။
လူ့ဘဝမှာ စိတ်ချမ်းသာဖို့လည်း သိပ်အရေးကြီးပါတယ်။ ချမ်းသာပြီး စိတ်ဆင်းရဲနေပြန်ရင်လည်း နေရာမကျပါဘူး။ မတရား သဘောတွေ နှလုံးသွင်းနေလို့ကတော့ စိတ်ဆင်းရဲနေတော့မှာပါ။
တချို့ တအား ချမ်းသာကြပါတယ်။ ဒါပေမဲ့ စိတ်မချမ်းသာကြပါဘူး။ တော်တော်များများက ကုသိုလ်ပြုကြရင် ပစ္စည်း ဥစ္စာ ချမ်းသာဖို့ပဲ ဆုတောင်းကြတာပါ။ စိတ်ချမ်းသာဖို့ကျတော့ ဆုတောင်းသူ နည်းကြပါတယ်။ သူတစ်ပါးကို စိတ်ဆင်းရဲအောင် လုပ်ရင်၊ လူအများကို စိတ်ဆင်းရဲအောင်လုပ်ရင် ကိုယ်လည်း စိတ်ဆင်းရဲရတတ်ပါတယ်။
စိတ်မချမ်းသာရင် တရား အားထုတ်တာကအစ အဆင်မပြေပါဘူး။ စိတ်ချမ်းသာမှ တရားအားထုတ်ရတာလည်း အဆင်ပြေတာပါ။ ဒါကြောင့် စိတ်ချမ်းသာဖို့ သိပ်အရေးကြီးပါတယ်။
ဘာပဲပြောပြော မြင်ကွင်းတစ်ခုကို ကြည့်တဲ့အခါ ပေါ့စတစ်နဲ့ကြည့်တတ်တဲ့ အလေ့လေးကို လေ့ကျင့်ထားဖို့ပါပဲ။ ပေါ့စတစ်နဲ့ ကြည့်ဖြစ်ရင် စိတ်ချမ်းသာရတာပါပဲလေ။
ဆရာတော် အရှင်ရာဇိန္ဒ
(ရဝေနွယ် -အင်းမ)
ကျမ်းကိုး -
၁။ ဗောဓိပက္ခိယဒီပနီ။ လယ်တီဆရာတော်။
၂။ ဓမ္မပန်းချီ(၅) သုံးမျိုးသူနာ ဥပမာ ဆောင်းပါး၊
တည်တောဆရာတော်၊
၃။ ထေရီအပဒါန်ဝတ္တုတော်ကြီး။ အရှင်ဓမ္မဿာမီဘိဝံသ။
[အလင်းတန်း ဂျာနယ်]
သာဓု သာဓု သာဓု ပါဘုရား။ဒီတရားကိုဖတ်ရှုနာကြားရတဲ့  အတွက်တပည့်တော်မ၏ စိတ်ကို အများကြီးအေးချမိးရာရပါတယ် အကောင်းဘက်က တွေးတတ်အောင်ကြိုးစားအားထုပ်ပါမည်ဘုရား
ReplyDelete