ပိန်းဥ တဲ့။ ဆယ်လီနာ တဲ့။ တစ်နေ့ကမှ အဲဒီဗန်းစကားတွေ ကြားဖူးတာ။ ဖေ့ဘွတ်ပေါ်ကလာတဲ့ စကားတွေပေါ့။ ဆယ်လီနာ ဆိုတာ ဟိုနိုင်ငံခြားက ကျွန်တော်ကြိတ်ချစ်နေတဲ့ ဆယ်လီနာဂိုးမက် ဆိုတဲ့လှတပတ ကောင်မလေးကို ပြောတာ မဟုတ်ဘူးခင်ဗျ။ ဖေ့ဘွတ်မှာ လူကြိုက်များသူကို ဆယ်လီခေါ်တယ်မဟုတ်လား။
ဥပမာ အဲဒီဆယ်လီတစ်ယောက်ယောက်က သူများစာခိုးချတယ်၊ သို့မဟုတ် သူများအသက်မွေးဝမ်းကျောင်းကို ထိခိုက်ပြီးဆိုတဲ့အခါ၊ အခြားတစ်ယောက်ယောက်က အဲဒါကို ထောက်ပြရင်၊ မှန်၏ မမှန်၏၊ သင့်၏ မသင့်၏တွေ ဘေးချိတ်လို့ အဲဒီမှားတဲ့ ဆယ်လီကိုထိရင် ဆတ်ဆတ်ခါနာကြသူတွေကို ဆယ်လီနာ ခေါ်တာတဲ့ဗျာ။
ပိန်းဥ ဆိုတာကတော့ ဥပမာ - လူတစ်ယောက်က ဖေ့ဘွတ်မှာ စာရေးတင်လိုက်တယ် "ဘူ" တဲ့။ အဲဒီစာကို နှစ်သက်ကြောင်းပြတဲ့ လူလေးငါးထောင်ဟာ ပိန်းဥ တွေပါပဲ။ သူတို့က သူတို့ကောင်းတယ်ထင်တဲ့လူ ဘာပြောပြောယုံ၊ ဘာလုပ်လုပ် အကောင်းထင်တတ်တဲ့ ရောဂါရှိတယ်။
ကဲ ကြက်ဥနဲ့ ကြက်မ ဘယ်ကစ။ ပိန်းဥတွေ ဆယ်လီနာတွေ မိတ်ဆွေတို့ ပတ်ဝန်းကျင်မှာတွေ့ဖူးနေမှာတော့ သေချာတယ်။ ဒီလူတွေ ဘယ်လိုမွေးလာတုန်းပေါ့။
စကားလေးကြမ်းရင် သည်းခံပါခင်ဗျာ။ မိတ်ဆွေများလည်း ကြားဖူးမှာပေါ့။ "လင်တရူး၊ စုန်းပူး" ဆိုတဲ့စကား။ နားတော့ နည်းနည်းခါးမှာပေမယ့် အဲဒါလေးက စပြောရအောင်။ ဆရာမောင်သာရရဲ့ 'ကတ္တီပါ ဖိနပ်စီး ရွှေထီးဆောင်း' ဆိုတဲ့ ဝတ္ထုလေးဟာ ကျွန်တော်အမှတ်မမှားရင် အဲဒါ ဟစ်စတီးရီးယား ရောဂါသည်မလေး(ဇာတ်ကောင်နာမည်က မမထား ထင်ပါရဲ့) အကြောင်း ရေးထားတာခင်ဗျ။
အခုနောက်ပိုင်း အပျိုအရွယ်လေးတွေ ဘုရားပေါ်မှာ လူးလှိမ့်လို့ ဘာပူးတာ ညာပူးတာ။ ပိုဆိုးလာတာက စာသင်ကျောင်းတွေမှာ နဂါးပူးတာ ဘာညာ။ ဒါနဲ့ အင်္ဂလန်မှာလက်ရှိနေနေဆဲ ဆရာဝန်တစ်ယောက်ကို ဒါနဲ့ပက်သက်လို့ လှမ်းမေးရတယ်။ အဲဒီမှာ ဟစ်စတီးရီးယား (Hysteria) ဆိုတဲ့စကား ပြန်ကြားရတာပဲ။ ဟစ်စတီးရီးယား ဆိုတာဘာတုန်းလို့ ဆရာ့ကိုမေးတော့၊ သူပြန်ဖြေတဲ့စကား အခုမိတ်ဆွေတို့ နားခံသာမှာမဟုတ်လို့ လွယ်လွယ်မှတ်တော့ စောစောက ကျွန်တော်ပြောတဲ့စကား "လင်တရူး၊ စုန်းပူး"။
ဒါဖြင့် ကျောင်းတွေမှာကလေးတွေ ဖြစ်တာကျရောဆို ကျွန်တော့်အမြင်သီးသန့်က ကျောင်းတာဝန်ရှိသူတွေကိုယ်နှိုက်က ဒါကို ခွင့်ပြုလို့ဖြစ်ရတာ။ သို့သော် ဆရာကတော့ ဒီလိုဆိုတယ်။ ကလေးဆိုတာ ရှေ့က အပေါင်းအသင်းတယောက်လုပ်တာကို နောက်က လိုက်လုပ်တတ်ပါသတဲ။့ (Herd psychology / Mass behaviour) တဲ့။ စိတ်ရောဂါ အနုစားတွေလို့ ဆိုပါတယ်။
ကျွန်တော်တို့နိုင်ငံကဲ့သို့ လူဦးရေ သန်း ၅၀ ၀န်းကျင် ရှိသော်လည်း ကျွန်တော်တို့လောက် လူမှုဒုက္ခမများသော အင်္ဂလန်လိုတိုင်းပြည်မှာတောင် စိတ်ရောဂါ နဲ့ ပတ်သက်လို့ စောစောကလို စိတ်ရောဂါအနုစား ရှိသူတွေဟာ လူဦးရေရဲ့  ၂၅% ပါသတဲ့။
ပြင်းထန်သော စိတ်ရောဂါ ရှိသူတွေကတော့ ( schiz / endogenous depression / bipolar) ၃% ရှိပါသတဲ့။ စာသင်ရခက်ခဲသော ကလေးများကတော့ (အနုစား၊ အရင့်စား အားလုံး) ၁၁% ရှိပါသတဲ့။ ဒီလူတွေကို နှစ်စဉ် ကုသစရိတ် ဘီလျံနဲ့ချီ ကုန်ကျခံစောင့်ရှောက်ရပါသတဲ့။
ကဲ… ဒါဆို ကျွန်တော်တို့ စာပေါင်းသိုက်ပြည်ကြီးမှာရော။ စစ်တမ်းမရှိလို့ ဂဏန်းတစ်ခုသာ ထွက်မလာမယ်၊ အင်္ဂလန်ထက် ဘယ်နှဆသာတုန်းလို့သာ ပြောဖို့ရှိတာပဲ။
ဒီတော့ ခေါင်းလောင်းပေါ်မယ်ပြောလည်း ယုံတာပဲ။ ကျွန်တော်က မြစ်ရိုးသား။ ကျွန်တော့်တစ်သက် ကျွန်တော်ငယ်ငယ်က မြစ်ရှိခဲ့တဲ့နေရာတွေမှာ အခုမြစ်မရှိတော့ဘဲ မြစ်မရှိတဲ့နေရာတွေက မြစ်ကြောင်းပြောင်းစီးနေတာတွေ တွေ့ဖူးလှပြီ။ အလယ်တန်းပညာမှာ ပထဝီဝင်သင်ဖူးရင် မြစ်ကျိုးအင်းတို့ဘာတို့ ဘယ်လိုပေါ်လာတယ်ဆိုတဲ့ သဘောလည်း နားလည်ပြီ။ ဒါနဲ့ကို ဟိုးနှစ်ပေါင်းများစွာကမြုပ်ခဲ့တဲ့ ခေါင်းလောင်းကို မြစ်ထဲရှိမယ်ထင်တုန်း။ အောင်မယ် မြင်မကောင်းရှုမကောင်း နဂါးပါပူးလိုက်ကြသေးဗျာ။ စောစောက ပြောတဲ့ ပိန်းဥ တွေပေါ့။
ဒီလို အယူအဆကို လက်ခံသူတွေထဲ စာပေနဲ့ စာနယ်ဇင်းနယ်က လူတွေလည်းပါတယ်။ သူတို့က သူတို့တင်လက်ခံတာမဟုတ်ဘဲ ဖြန့်ဝေသေးတော့ နဂိုခံစိတ်ရောဂါရှိသူတွေမှာ ပိုဆိုး။ ဒါနဲ့ပဲ စာပေါင်းသိုက်ပြည်မှာ အရူးဇာတ်ကို လက်ဆင့်ကမ်းရင်း ပိန်းဥတွေ များများလာတယ်ထင်မိတာပဲ။
အဆိုးဆုံးကတော့ စာသင်ကျောင်းတွေမှာဒါတွေကို လက်ခံတဲ့ သတင်းတွေကြားရတာပါပဲ။ ကလေးတွေစိတ်ခံမှာ အရူးဇာတ်သွင်းပေးနေတယ်လို့ပဲ ကျွန်တော်မြင်ပါတယ်။ အင်္ဂလန်မှာ ဒီလိုစိတ်ရောဂါလို့ သံသယရှိခံရသူတွေဟာ ဆင်းရဲသား အောက်ခြေလူတန်းစားဆို ဆေးရုံဆေးခန်းဆီပြေးပါသတဲ့။ ပိုက်ဆံနည်းနည်းရှိရင်တော့ စိတ်ရောဂါကုဆရာဝန် ဆီသွားသတဲ့။ ကျွန်တော်တို့ဆီမှာတော့ မီးသတ်တပ်ဖွဲ့ကတောင် ပရိတ်ရေကူဖြန်းဆိုလား၊ နိုင်ငံတော်အဆင့်လူတွေကတောင် အမိန့်ပြန်ပေးတယ်ဆိုလား။ အင်း… ဘိလပ်လိုသာ သုံးကြိမ် သုံးခါလောက် ကြူးရင့်လိုက်ချင်တော့တယ် "ဂွတ်ထဟေ့။ ဂွတ်ထဟ" လို့။
ဒီတော့ အနှစ်ချုပ်ရရင် ပင်လယ်ရေ ငန်မငန်၊ သမုဒ္ဒရာအလယ်ထိ သွားကြည့်စရာမလိုဘူးခင်ဗျ။ ကမ်းနားကရေ ခပ်မြည်းကြည့် သိတယ်ရယ်။ စာရှုသူများ ပတ်ဝန်းကျင်မှာရော ပိန်းဥတွေ ပေါမပေါ ပြောကြည့်။ ဒါဆို စောစော ကျွန်တော်ရေးပြခဲ့တဲ့ အင်္ဂလန်ရဲ့ စိတ်ရောဂါစာရင်းနဲ့ ယှဉ်တွေးကြည့်ရင် အဖြေလေး ရေးရေးတော့ရလာမယ်။
ပိန်းဥတွေနည်းလာဖို့က မလိုအပ်တဲ့ ဟိုဟာပူး ဒီဟာပူးတွေ အားပေးမနေဘဲ၊ နည်းမှန်လမ်းမှန် ကုကြဖို့ရယ်၊ ကိုယ့်မှာ အရူးသွေးပါလာရင်လည်း နောက်မျိုးဆက်ကို လက်ဆင့်မကမ်းကြဖို့ရယ် ဒါလေးတွေပြောချင်မိတာ။
ဒါတွေက ကိုယ့်ပတ်ဝန်းကျင်မှာ ကိုယ်တိုင်လုပ်ယူရမယ့်ဟာတွေ။ အစိုးရကိုချည်းအားကိုးလို့မရသလို၊ ဒါ့အတွက် အစိုးရကို အပြစ်တင်ဖို့ဆိုတာကလည်း လက်ရှိအစိုးရဟာ ဒီလူများစုကြီးရဲ့ဆန္ဒနဲ့ တင်ခဲ့တဲ့ အစိုးရလေ။ ဆိုလိုတာက သူ့မှာလည်း အခြားလုပ်စရာလေးတွေ အများအပြား ရှိမယ်လို့၊ ကိုယ်ထူကိုယ်ထကြဖို့ အဲဒါလေး ပြောချင်တာပါ။ ဆယ်လီနာတွေကတော့ အခုအောက်ဆုံးစာပိုဒ်ကို ရှာကြံအထအနကောက်ပြီး နာကြမလားပဲ။ ကျွန်တော်က ရိုးရိုးပြောတာပါဗျာ။ တကယ်ပါ။
အောင်မျိုးသူလွင်
၁၀၊၁၂၊၂၀၁၆
စနေ
နေ့လယ် ၁၂း၁၃
😜
