Computer ဆက်တိုက် သုံးနေသူများ မျက်စိကို ဘယ်လို ကာကွယ် ထိန်းသိမ်းကြမလဲ

ယနေ. အိုင်တီခေတ်ကြီးမှာ လူကြီးရော လူငယ်ပါ ကွန်ပျူတာ ဖြင့် နေစဉ် ရက်ဆက် အလုပ်လုပ်ကိုင် နေကျရခြင်းကြောင့် မျက်စိ ချွတ်ယွင်း၊ အားနည်းခြင်း တို.ဖြစ်ပေါ်လာတာ ထူးဆန်းတဲ့ အရာတော့မဟုတ်ပါဘူး။ ဒီလို မချွတ်ယွင်း၊ အားမနည်းအောင် .ဘယ်လိုကာကွယ်ကြမလဲ။အောက်ပါ နည်းလမ်းလေး တွေကိုလိုက်နာပေးလိုက်ပါ။

နေရာ မှန်ပါစေ

သင့်ရဲ့ကွန်ပျူတာ၊ keyboard၊ mouse တို. ကို နေရာမှန်ထားတက်ဖို. အရေးကြီးပါတယ်။ သင့်ရဲ့ ကွန်ပျူတာ screen ဟာ သင့်မျက်လုံးကနေ သင့်ရဲ့လက်တဆန်.စာ အကွာ နဲ. မျက်လုံးရဲ့ ၂၀ ဒီဂရီအောက် နိမ့် နေရပါမယ်။ အလင်းရောင်သင့် အခန်းတွင်း အလင်းရောင် ပျံ့နှံ့နေပါစေ။

ဒါမှ ကွန်ပျူတာ screen မှလာသော reflection တွေကို လျှော့ချနိုင်မှာဖြစ်ပါတယ်။ ကွန်ပျူတာ screen အား သင့်မျက်စိ နှင့် သင့်တော်ရာ အလင်း၊အမှောင် setting လုပ်ထားပါ။မျက်မှန်Anti-reflective Lenses ပါသော မျက်မှန် ကို တပ်ပေးခြင်းဖြင့် တောက်ပသော အရာမှလာသော reflection တွေကို ကာကွယ်နိုင်ပါတယ်။

သင့်ရဲ.မျက်စိဆရာဝန်က သင့် အား ကွန်ပျူတာ နှင့် ထိတွေ.နေသူမှန်းသိရင် ထို Anti-reflective Lenses ထည့်ထားတဲ့ မျက်မှန်ကို ညွန်းပါလိမ့်မယ်။ 

မိနစ် ၂၀၊ ပေ ၂၀၊ အခါ ၂၀၊ ခြေလှမ်း ၂၀

ကွန်ပျူတာ နှင့် အလုပ်လုပ်သူများ မိနစ် ၂၀ လောက် ကြာတိုင်း ခေါင်းကို ခဏဘေးကိုလှည့်ပြီး ပေ၂၀လောက်ဝေးတဲ့ အရာတခုခုကို ကြည့်ကြည့်ပေးပါ။

ဒီနည်းလမ်းဟာ သင့်ရဲ့ ပင်ပန်းနေတဲ့ မျက်လုံးအား သက်သာရာ ရစေပါတယ်။ နောက်ပြီး အခါ ၂၀ လောက် မျက်စိ အား ပိတ်လိုက်ဖွင့် လိုက်လုပ်ခြင်းဖြင့် မျက်လုံး စိုစွတ်ခြင်းကို ရယူပါ။ ပြီးရင် ခဏ ထိုင်ခုံမှ ထပြီး ခြေလှမ်း ၂၀ လောက် လမ်းလျှောက်ခြင်းဖြင့် သွေးလှည့်ပတ်ပါစေ။ 

မျက်စဉ်း ခတ်ပေးပါ 

လူတစ်ယောက်ဟာ ၁ မိနစ်အတွင်း ပုံမှန် ၁၂ ခါ မျက်တောင်ခတ် ကျပါတယ်။ ဒါပေမယ့် ကွန်ပျူတာနဲ. အလုပ်လုပ်နေရရင် ၅ ခါ လောက်သာ မျက်တောင်ခတ်တာကို သင် သတိထားမိပါသလား။

အကျိုးဆက်အနေဖြင့် မျက်စိအား ခြောက်ကပ်နေစေပါတယ်။ ထိုသို့ ခြောက်ကပ်မနေအောင် မျက်စဉ်း ခတ်ပေးနိုင်ပါတယ်။

လက်ဖဝါးအုပ်ခြင်း

ထိုင်ခုံပေါ်တွင် မတ်မတ်ထိုင်ပြီး သင့်ရဲ့လက်ဖဝါး နှစ်ခုအား နွေးလာသည်အထိ ပွတ်ပေးပါ။ ထိုနွေးနေသော လက်ဖဝါးနဲ့ သင့်မျက်စိနှစ်ဖက်ကို ၁မိနစ်လောက်ဖုံးအုပ်ပေးလိုက်ပါ။သင့်မျက်စိညောင်းကိုက်၊ ပင်ပန်းလာတိုင်း ၂ကြိမ်၊ ၃ကြိမ်လောက် လုပ်ပေးပါ။ ထို လက်ဖဝါးမှ လာသော နွေးထွေးမူသည် သင့်ရဲ့ ပင်ပန်းနေသော မျက်စိအား သက်သာစေပါတယ်။

မျက်နှာသစ်ခြင်း

အားတဲ့အချိန်မှာ မျက်စိမှိတ်ပြီး ရေအေးဖြင့် မျက်နှာသစ်ပေးပါ။ အင်မတန် လန်းဆန်းခြင်းကို ခံစားရပါလိမ့်မယ်။ 

လက်ဖက်ခြောက် အထုပ်

သောက်ပြီးသား လက်ဖက်ခြောက် အထုပ်ကလေး များကို လွင့်မပစ်ပဲ ရေခဲသေတ္တာထဲ ထည့်ထားပြီး အားတဲ့အချိန်ကျရင် ထို လက်ဖက်ခြောက်အထုပ် ၂ထုပ်အား သင့်မျက်စိ တဖတ်စီိတွင် တင်ပြီး အနားယူပါ။ မျက်စိအား အေးမြစေပါသည်။ 

အစားအသောက်

ဗီတာမင် A, C, E ပါသော အစားအစာများ ပိုစားပါ။ သံပရာရည်၊ အသီးအရွက်၊ ခရမ်းချဉ်သီး၊ ဥ နှင့် နို့ထွက်ပစ္စည်းများ လဲ ပိုစားပေးပါ။မျက်စိရောဂါ ကင်းဝေးကြပါစေ။

Credit to: Good Health

ဗုဒ္ဓ သာသနာတော် ကျင့်ထုံးမဟုတ်သော သက်သတ်လွတ်စားခြင်း

ယခုအခါ လွဲမှားသော ကိုးကွယ်ရာများကို ရှေ့တန်းတင်ထားသော သက်သတ်လွတ် စားသောဝါဒ၊ အသွေးလွတ် အသားလွတ် စားသောဝါဒ၊ မီးလွတ်စားသောဝါဒ၊ တို့ ကို တွင်ကျယ်အောင် ဖြန့် ဖြူးနေသော အင်အားစုများ ရှိနေပါသည်။

ထေရ၀ါဒ ရှုထောင့်မှကြည့်သော် အထွက်တင်ရမည့် သာသနကျင့်စဉ် မဟုတ်ပါ။ အဓိဌာန်ဟုဆိုကာ ၉ ရက် ၁၈ ရက် စသည်ဖြင့် ၉ န၀င်း ၉ အလီ တင်ပြီး သက်သတ်လွတ်စားကြသည်။ လွှဲမှားသော ကိုးကွယ်ရာများဖြင့် ညှစ်ထေးစေကြသည်။ သာသနာပြင်ပ ကိုးကွယ်မှုများဖြင့်ဆောင်ကြဉ်းကြသည်။ သက်သတ်လွတ်စားခြင်း၊မီးလွတ်စားခြင်းတို့ ဖြင့်ဂုဏ်တစ်ခု၊ မြင့်မြတ်ကျင့်စဉ်တစ်ခု အဖြစ် အမွှမ်းတင် ဗန်းတင်မှုကား ထေရ၀ါဒ သာသနာတော် ရှုထောင့်မှကြည့်လျှင် အထွတ်တင်ရမည့် "သာသနကျင့်စဉ်" မဟုတ်ပါ။

သက်သတ်လွတ် စားမှုကို ၀ါဒဖြန့် ချိရင်း "သာသနထိတ်ခေါင်" စသည်ဖြင့် ဘိုးတော်ဝါဒဖြန့် ချိရေးဆောင်းပါးများ မဂ္ဂဇင်းတွေမှာ တွေ့ နေရပါသည်။ လွဲမှားသော ကိုးကွယ်မှုဖြင့် "သာသနာတော်ကို "ညှစ်ထေးစေခြင်းမှာ မလျော်ကန်ပါ။ ဖြူစင်ပြီး ရိုးသားသန့် စင် သူများအား စည်းရုံးကာ၊ သာသနာပြင်ပ ကိုးကွယ်မှုသို့  တွန်းပို့ ခြင်းမှာ မလုပ်သင့် မလုပ်အပ်ပါ။

သက်သတ်လွတ်စားခြင်း၊ မီးလွတ်စားခြင်းများကို အကြောင်းပြု၍ ကျေးဇူးတော်ရှင်၊ ပထမ လယ်တီဆရာတော်ကြီး ၏ ဩ၀ါဒတော်မှာ===
"သက်သတ်လွတ်၊ မီးလွတ်စားတဲ့ အကျင့်လည်း သာသနာတော်ကျင့်ထုံးမဟုတ်။ သီလကအစ၊ သမာဓိအဆုံး ဒါတွေအားလုံးဟာ စရဏပဲ။ ဒီစရဏမမှန်ရင်၊ ၀ိဇ္ဇာဥာဏ် မရနိုင်ဘူး။ ဒီစရဏ ပါရမီမှန်မှန်နဲ့  သက်စွန့် ကြိုးပမ်း ကမ္မဌာန်း အားထုတ်သူများပင်လျှင် နိဗ္ဗာန်ကိုလိုချင်မည် ကာမတ္တ နှင့် မရနိုင်ဘူး။ နိဗ္ဗာန်ကို စေလွှတ်အပ်သောစိတ် အမြဲရှိနေရမယ်လို့  ဟောတော်မူတာ ဒီဘ၀ရဲ့  အလုပ်ပဲလို့  တခါတည်း ငုတ်စိုက်ထားတာကို ပဟိတ္ထ ခေါ်တာပဲ။"

{မင်းနန်(မော်ကျွန်း) ပထမလယ်တီဆရာတော်ဘုရားကြီး၏ ဩ၀ါဒတော်များကို ကိုးကားရေးသားပါသည်။}

အရိယာတို့၏ စိတ်နေသဘောထား

လောကတွင် မိစ္ဆာဒိဋ္ဌိ လူမျိုးထဲမှာပင် အရိယာလောက်  အနေအထိုင် ကောင်းသူများ ရှိတတ်ပါသည်။ ၄င်းတို့မှာ ငါးပါးသီလကို ခံယူဆောက်တည်ခြင်း မရှိသော်လည်း ငါးပါးစလုံးကို မကျူးလွန်ဘဲ ရှောင်ကျဉ်ရုံမျှမက ပေးကမ်း စွန့်ကြဲလှူဒါန်းခြင်း သည်းခံခြင်း သဘောကောင်းခြင်း ကိုယ်ချင်းစာတရားရှိခြင်း စသည်တို့နှင့် ပြည့်စုံကြပါသည်။ ဤသို့သောသူများကို အရိယာနှင့်သွင်ပြင်မှုရာ တူသောကြောင့် အရိယာဟုဆိုလျှင် မှားမည်ဖြစ်သည်။

ထို့နောက် ကုက္ကုဋမိတ္တမုဆိုးသည် အမဲသားတွေ လှည်းနဲ့တင်၍ အကျီမပါဘဲ ချွေးရွှဲရွှဲ သွေးရဲရဲနှင့် လှည်းမောင်းရင်း ဈေးသို့သွားတာကို ဘုံခုနှစ်ဆင့်ပေါ်မှာနေသော သူဌေးသမီးသောတာပန်အပျိုကြီးက မြင်ရုံနှင့်မျှ ကိလေသာမှာ မျက်စိမရှိဟူသော စကားပုံအရ မုဆိုးကြီးကို မေတ္တာသက်ဝင် ချစ်ခင်စုံမက်ပြီး ကြိုက်မရှက် ငိုက်မရှက် ငတ်မရှက်
ဟူသော စကားပုံအရ မုဆိုးကြီး ဈေးကအပြန်တွင် ဘုံပေါ်ကဆင်းပြီး မုဆိုးကြီးနောက်ကို ကောက်ကောက်ပါအောင် လိုက်သွားသတဲ့။ မုဆိုးကြီးက မလိုက်ရန် အကြိမ်ကြိမ် တားတာတောင် မရဘူးတဲ့။ တားမရတာနဲ့ဘဲ လှည်းပေါ်တင်၍ခေါ်သွားပြီး လင်မယားအဖြစ်နဲ နေထိုင်လျက် သူဌေးသမီးသောတာပန်က မုဆိုးကြီးအတွက် လေးမြှား
အစရှိသော လက်နက်ကိရိယာတို့ကို အဆင်သင့်ပြုပြင် စီမံ၍ပေးသတဲ့။

အဲဒီသူဌေးသမီးသောတာပန်၏ ပြုမူပုံကို မြင်ရကြားရလျှင် သောတာပန်ပါလို့ပြော၍ ဘယ်သူ ယုံကြည်နိုင်ပါမည်လဲ။ ဒီသောတာပန်က ဒီလိုပြုကျင့်သောကြောင့် အခြားသော သောတာပန်များလည်း အတူပြုလုပ်ကြမှာပဲဟု ယူဆနိုင်ပါမည်လော။ သို့အတွက်ကြောင့် တစ်စုံတစ်ယောက်သောသူ၏ ပြုမူကျင့်ကြံမှုသည် ၄င်းသူနှင့်သာဆိုင်၍ ပုဂ္ဂလဓိဋ္ဌာန်အနေဖြင့်သာ ယူဆထိုက်သည်။
တစ်စုံတစ်ယောက်၏ ပြုမူချက်ကိုကြည့်ပြီး လူတိုင်း ဒီလိုချည်းပဲဟု ဓမ္မဓိဋ္ဌာန်အနေမျိုးကို မယူဆသင့်ပါ။

ထို့ကြောင့် ရှေးတုန်းက ၀တ္ထုသက်သော တစ်ခုကိုတင်ပြ၍ သူတစ်ပါးကို ကဲ့ရဲ့လိုသော သူများမှာ မိမိပြမည့်သာဓကမှာ ပုဂ္ဂလဓိဋ္ဌာန်လား ဓမ္မဓိဋ္ဌာန်လားဆိုတာ ရှေးဦးစွာ စူးစမ်းပါ။ ပုဂ္ဂလဓိဋ္ဌာန်မှာ တစ်စုံတစ်ယောက်၏အတွက် ဖြစ်၏။ ဓမ္မဓိဋ္ဌာန်မှာ အဘိဓမ္မာဒေသနာတော်အတိုင်း အတိအကျ ယူတတ်မှဖြစ်သည်။

အရိယာတို့၏ ကိုယ်နှုတ်စိတ်တို့၏ အလေ့အကျင့် အမှုအရာ
စိတ်နေသဘောထားကို အဘိဓမ္မာကို ကောင်းစွာတတ်၍
အဘိဓမ္မာသဘောကို ကောင်းစွာယုံကြည်ပြီး အဘိဓမ္မာ သဘောအတိုင်း တိကျစွာ ညှိနှိုင်း၍ ယူဆတတ်သော ပုထုဇဉ် ပညာတတ်များမှာ နီးကပ်စွာ ရိပ်မိနိုင်ပါသည်။ အဘိဓမ္မာသဘောကို ကောင်းစွာမနိုင်ဘဲ သုတ္တန်ဒေသနာတွင်ပါရှိသော ပုဂ္ဂလဓိဋ္ဌာန်ဖြစ်သည့် ၀တ္ထုသက်သေတို့ကို စံနမူနာတင်ပြီး ယူဆတတ်သောသူများမှာ အဘိဓမ္မာသဘော ဓမ္မဓိဋ္ဌာန်မကျလျှင် အယူအဆ မှားယွင်းတတ်ပါသည်။

သို့အတွက် အရိယာ၏ စိတ်နေသဘောထားကို သူ့ကိုယ်သူသာ အမှန်အတိုင်း သိနိုင်သည်။ ပုထုဇဉ်များက သိဖို့ရာမှာ လွန်စွာမှ ခဲယဉ်း၏။ အရိယာအချင်းချင်းတောင်မှ တစ်ဦးနှင့်တစ်ဦး ၀ါသနာချင်း တူချင်မှတူမျှသည်။ အရိယာဆိုတာဝါသနာကို မစွန့်နိုင်။ အချို့အရိယာမှာ အလှူအတန်း၌ ၀ါသနာပါသည်။ အချို့မှာ သမာပတ်
ဝင်စားခြင်း၌ ၀ါသနာပါသည်။ အချုို့မှာ ကျောင်းကန်ဘုရားသွားခြင်း၌ ၀ါသနာပါသည်။ အချို့မှာ တရားဟောခြင်း၌ ၀ါသနာပါသည်။ အချို့မှာ တရားဆွေးနွေးခြင်း၌ ၀ါသနာပါသည်။ အချို့မှာ အေးအေးဆေးဆေး တစ်ယောက်တည်း နေချင်တတ်သည်။ ဤသို့စသည်ဖြင့် တစ်ယောက်တစ်မျိုး ၀ါသနာပါသလို နေတတ်ကြသည်။

ဝိပဿနာ  ပါရဂူကျမ်း
Shared from ဓမ္မစာပေများ (FB)

အဖော်မွန် အစစ် (or ) သံယောဇဉ်မဲ့သူများသို့

အလွန်အံ့သြဖို့ကောင်းတဲ့အဖြစ်အပျက်တခုကျမဒီနေ့တွေခဲ့ရပါတယ်။
ဒီနေ့ နေ့ခင်းရွှေဘုန်းပွင့်ဘုရားရှေ့ကဖြတ်အသွားလူတယောက်ငှက်
တွေလွတ်ပေးနေတာတွေ့ရတယ်။

အဲ့ဒီမှာငှက်လွတ်တဲ့သူကပြောလိုက်တာက.'ဒီငှက်ပြန်လဲပေးပါသူက
ဒီနားပဲပြန်လာနေတယ်လို့ပြောသံကြားလိုက်တယ်'။
ကျမလည်းသိချင်တာနဲ့ရပ်ကြည့်လိုက်တော့ ငှက်ကလေး ကကောင်းကောင်မပျံ်နိုင်တာတွေရတယ်။

ဒါနဲ့ကျမလည်း ဈေးသယ်အစ်မကြီးကိုမေးကြည့်တော့ သူ့အဖော်အထဲ
မှာရှိနေလို့ မသွားထင်တယ်လို့ မှတ်ချက်ပေးတယ်။
ဒါမျိုးတွေဖြစ်တတ်ပါတယ်လို့ ကျမကိုပြန်ပြောလိုက်သေးတယ်။
အဲ့ဒါနဲ့ကျမလည်း သတင်းသမားပီပီ အဲ့ဒီငှက်ကိုယူပြီး ခပ်ဝေးဝေးသွား လွှတ်ကြည့်တော့လည်းပြန်လာတာပဲ။ ကျမလည်းငှက်ကလေးကြည့်ပြီး
စိတ်မကောင်းတာနဲ့တစ်ကောင်ပြီးတစ်ကောင်လွတ်ကြည့်တယ။်

စာကလေးအကောင်နှစ်ဆယ်သာ ကုန်သွားတယ်သူအဖော်ပါမလာဘူး ။
ဒါနဲ့ပဲ ဈေးသယ်ကို အကုန်လွတ်မယ်ဆို ဘယ်လောက်လဲလို့မေးကြည့်တော့ခြောက်သောင်းလောက်ကျမယ်တဲ့ လှောင်အိမ်ထဲမှာ အကောင်200လောက် ကျန်သေးတာကိုး ။ဒါလည်းမဖြစ်ချေဘူးပေါ့ ။

နောက် ကျမလည်းအကြံတစ်ခုရလာတယ် အပြင်က ငှက်ကလေးကိုခြေထောက်မှာ အမှတ်အသားတခုလုပ်ပြီး လှောင်အိမ်ထဲပြန်ထည့်လိုက်တယ်။

ခဏစောင့်ကြည့်ပြီး သူဘေးနားကပ်လာတဲ့ အဖော်စာကလေး
တစ်ကောင်ကိုပါ အတူဖမ်းပြီး လွတ်ကြည့်လိုက်တယ်။
အဲ့ဒီတော့မှပဲငှက်ကလေးကသူ့အဖော်နဲ့အတူအဝေးက်ိုပြန်သွားတော့တယ်။

ဒါပါပဲ တိရစ္ဆာန်ဖြစ်ပေမယ့် ကိုယ်အကျဉ်းအကျပ်ထဲကလွတ်သွားပေမဲ့ ပြန်ဖမ်းရင်လည်းဖမ်းပါစေဆိုပြီး သေအတူရှင်မကွာနေမယ်ဆိုပြီး စိတ်ပိုင်းဖြတ်ထားပုံရပါတယ်။

ကျမတွေးမိတာက ကျမတို့လူ့အဖွဲ့အစည်းမှာမိသားစုဖြစ်စေ။
လင်မယားဖြစ်စေ။ မိတ်ဆွေဖြစ်စေ။ သူငယ်ချင်းဖြစ်စေ။လုပ်ဖော်ကိုင်
ဖက်ဖြစ်စေ. တစ်ယောက်နဲ့တစ်ယောက်ဟာ ဒီငှက်ကလေးတွေထားတဲ့ သံယောဇဉ်မျိုးထားနိုင်ဖို့တော်တော်ကြိုးစားယူကြရမယ်ထင်ပါတယ်။

ဘာဖြစ်လို့လဲဆိုတော့ကျမတို့အသက်ကြီးလာလေပိုပြီးအတ္တတွေကြီး
လာကြလို့ပါပဲ။

Credit to လှလှဝင်း
K.K(ကနောင်)

Gandhi ပြောခဲ့ဖူးတဲ့စကားတစ်ခွန်းရှိတယ်

Gandhi ပြောခဲ့ဖူးတဲ့စကားတစ်ခွန်းရှိတယ်

" ကိုယ့်ရဲ့ စိတ် ကို သူတစ်ပါးရဲ့ ညစ်ပေတဲ့ ခြေထောက်တွေနဲ့ ဖြတ်သန်း လျှောက်လှမ်းသွားမှာကို ခွင့်မပြုပါဘူး " တဲ့

တခါတလေ ကိုယ့်စိတ်ထဲက နှလုံးသား အဖြူရောင်ဟာ
တစ်ပါးသူရဲ့ ညစ်ပေမည်းညစ်တဲ့ အပြုအမူ ၊ စိတ်ဓါတ်တွေကြောင့်
ညစ်ပေသွားတတ်တယ်

သူတစ်ပါးရဲ့ လုပ်ရပ်တွေကြောင့် သင့်စိတ်ကို ဒေါသထွက်ခွင့်မပြုပါနဲ့
သူတစ်ပါးရဲ့ ရက်စက်မှုကြောင့် သင့်စိတ်ကို ပူလောင်ခွင့်မပြုပါနဲ့
သူတစ်ပါးရဲ့ လှောင်ရယ်မှုကြောင့် သင့်စိတ်ကို ညှိုးနွမ်းခွင့်မပြုပါနဲ့
သူတစ်ပါးရဲ့ နှိမ့်ချမှုကြောင့် သင့်စိတ်ကို နိမ့်ကျခွင့်မပြုပါနဲ့

နောက်ဆုံး သူတစ်ပါးရဲ့ ယုတ်ညံ့တဲ့ ခြေထောက်တွေရဲ့နင်းဖြတ်မှုကြောင့်
သင့်ရဲ့ဖြူစင်တဲ့နှလုံးသားတွေ ညစ်ပေခွင့်မပြုပါနဲ့ ။

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Posted by သက်တန့်ချို

စာမေးပွဲအောင်ကြောင်း အဆောင်ကောင်း

(သာသနာနွယ်)
တက္ကသိုလ်ဝင်တန်းစာမေးပွဲကြီးနီးလာပြီဆိုတော့ စာမေးပွဲဖြေဆိုမယ့် ကျောင်းသား၊ ကျောင်းသူတွေ အတွက် အမြဲဆောင်ထားဖို့ အဆောင်တစ်ခုလောက် ပေးချင်ပါတယ်။

စာမေးပွဲကြီးနီးပြီဆိုတော့ တချို့က ကျက်ထားတဲ့ စာတွေ ပြန်နွှေးလို့ အလုပ်များနေမှာပါ။ တချို့ကတော့ မရတဲ့စာတွေကြား ခေါင်းစားနေကြမှာပါ။ တချို့ကတော့ ခိုးကူးဖို့စဉ်းစားရင်း Copy စာရွက်တွေကြား ရတက်ပွား နေကြလို့ တချို့ကတော့ဓာတ်ရိုက်ဓာတ်ဆင်ဆရာတွေ နဲ့ ဥုံဆရာ၊ သြောင်းဆရာတွေကြား ဗျာများနေကြမှာပါ။ တချို့ကလည်း Hot Spot တွေအတွက် ရှုပ်ရှက်ခတ် နေကြမှာပါ။

စာရေးသူ တက္ကသိုလ်ဝင်တန်းဖြေတုန်းက ခုလို စာမေးပွဲနီးတဲ့အချိန်ဆို ကျက်ပြီးသားစာတွေ ပြန်နွှေးလို့၊ မရသေးတာတွေလည်း ထပ်ကျက်နဲ့ မနားရပါဘူး။ မနားရဆို Guide လုပ်ပေးတဲ့ ဦးလေး(လက်ထောက် ကထိက) က စည်းကမ်းကောင်းတာကိုး၊ စာသင်နှစ်စ ကတည်းက စာကိုတစ်နေ့စာတစ်နေ့ ကျေအောင် သေသေ ချာချာလုပ်ရပါတယ်။
အပါတ်စဉ်စာမေးပွဲတွေမှာလည်း အမှတ်ကောင်းအောင် ကြိုးစားရပါတယ်။ စာရေးသူ စာအပေါ် အာရုံစူးစိုက်မှုနည်းခဲ့လို့အလယ်အလတ် အဆင့်လောက်နဲ့ပဲ အောင်ခဲ့ပါတယ်။
အမှတ်နည်းနည်းကောင်းလို့ တက္ကသိုလ်မှာ 'ဥပဒေ ပညာ' ဘာသာရပ်မှာ တက်ခွင့်ရခဲ့ပါတယ်။ (ယခင်က စာမေးပွဲအောင်မှတ်အလိုက် မေဂျာရွေးပေးပါသည်။) အခုတော့ ဘွဲ့ရပြီး လောကုတ္တရာ ပညာတွေကို ဆက် လက်သင်ယူနေပါတယ်။ စာရေးသူ တက္ကသိုလ်ဝင်တန်း စာမေးပွဲဖြေစဉ်တုန်းကဆို ဘာလောကီအဆောင်မှ လည်းမပါပါဘူး။ ကိုယ့်ဘာသာကိုယ် ကြိုးစားလို့ အောင်ခဲ့ရတာပါ။ စာမေးပွဲအကြောင်း စဉ်းစားလိုက်တိုင်း စာမေးပွဲ ဖြေတုန်းက ဘာသာရပ်တိုင်းကို တစ်လုံးကူးမချဘဲ (ခိုးမချဘဲ) ကိုယ့်ဉာဏ်စွမ်းနဲ့ကိုယ် ဖြေခဲ့တာကို တွေးမိ တိုင်း ကျေနပ်မှုတွေနဲ့ ဂုဏ်ယူမိပါတယ်။

အခုခေတ်အချိန်မှာတော့ စာမေးပွဲနီးပြီဆိုရင် မြင်တွေ့နေရတာတွေက စာမကျက်ဘဲ ဓာတ်ရိုက်ဓာတ် ဆင်ဆရာတွေ၊ ဥုံဆရာ၊ သြောင်းဆရာတွေ၊ Copy စာရွက်တွေနဲ့ အလုပ်ရှုပ်နေကြသူတွေက ရိုးရိုးသား သား ကြိုးစားပြီးဖြေဆိုမယ့်သူတွေထက် အရေအတွက် ပိုများနေပါတယ်။ စာရေးသူကတော့ ကြိုးစားသူတွေကို ရော မရိုးသားသူတွေကိုပါ မေတ္တာထားပြီး မေတ္တာပွား နည်း အဆောင်လေးပေးချင်တာပါ။

ဒါကလည်း စာရေးသူ လုပ်နေကျ နည်းလမ်းလေး ကို ကျောင်းသူ ကျောင်းသားတွေ အကျိုးများစေဖို့ ဖြန့်ဝေပေးလိုက်တာပါ။ မေတ္တာဆိုတာကလည်း အချိန်၊ နေရာ၊ ပုဂ္ဂိုလ်မရွေး ပွားများနေရမှာပါ။ စာမေးပွဲဖြေဆိုမယ့် ကျောင်းသူကျောင်းသားတွေအတွက်တော့ စာမေးပွဲကြီး နီးကပ်လာတဲ့အချိန်တွေ၊ စာမေးပွဲမဖြေခင်အချိန် တွေနဲ့ ဖြေနေတုန်းကနေ အောင်စာရင်းထွက်သည် အထိ ရည်စူးမေတ္တာတွေ ပွားများပေးရမှာပါ။

ဒီနည်းနဲ့ မေတ္တာပွားနေတဲ့သူလည်း ရှိမှာပါ၊ မပွား ဘူးရင်လည်း ဒီကနေ့ကစလို့ မေတ္တာပွားပေါ့။ လုပ်ရမှာက မနက်စောစောအချိန်၊ စာမကျက်ခင်အချိန်၊ မအိပ် ခင်အချိန်နဲ့ အားရင်အားသလို ရည်စူးမေတ္တာလေးတွေ ပွားများဖို့ပါ။ မေတ္တာမပွားခင်မှာ အိမ်က ဘုရားမှာ သောက်တော်လေရေလေး ကပ်လှူပြီးမှ မေတ္တာပို့ပေး ရင် ပိုကောင်းပါတယ်။
မေတ္တာပွားနည်းက -
(၁) ကျွန်ုပ်သည် ကျန်းမာချမ်းသာပါစေ။
(၂) ကျွန်ုပ်၏ မိဘနှစ်ပါး ကျန်းမာချမ်းသာကြပါစေ။
(၃) ကျွန်ုပ်၏ သင်ဆရာ၊ မြင်ဆရာ၊ ကြားဆရာ အပေါင်းတို့ ကျန်းမာချမ်းသာကြပါစေ။
(၄) ကျွန်ုပ်ဖြေဆိုမည့် စာမေးပွဲ မေးခွန်းထုတ်မည့် ပါမောက္ခဆရာကြီး၊ ဆရာမကြီးများ ကျန်းမာ ချမ်းသာကြပါစေ။
(၅) ကျွန်ုပ် စာမေးပွဲဖြေဆိုမည့် အခန်းစောင့်မည့် ဆရာ၊ ဆရာမများ ကျန်းမာချမ်းသာကြပါစေ။
(၆) ကျွန်ုပ်၏အဖြေလွှာများကို စစ်ဆေးမည့် ဆရာ ဆရာမများ ကျန်းမာချမ်းသာကြပါစေ။
(၇) ၃၁ ဘုံ၌ ကျင်လည်ကြကုန်သော သတ္တဝါများ အားလုံးကျန်းမာချမ်းသာကြပါစေဆိုပြီး မေတ္တာ ပွားများပေးရမှာပါ။

ဒါကလည်း ကျောင်းသား၊ ကျောင်းသူတွေအချိန် ကုန်သက်သာစေပြီး မေတ္တာထိရောက်စေဖို့ပါ။ မေတ္တာ ပွားတဲ့အချိန်မှာလည်း ပါးစပ်က နှုတ်တက်ရွတ်နေရုံ မဟုတ်ဘဲ၊ သေချာအာရုံပုံဖေါ် ရည်မှန်းပြီး စိတ်ပါ လက်ပါ ပွားများပေးရမှာပါ။

ပထမဆုံးအနေနဲ့က မိမိကိုယ်တိုင်အရင် မေတ္တာ ပွာများပါ။ ကိုယ်က အေးချမ်းမှ သူများတွေကို မေတ္တာမျှဝေ ပေးလို့ ပိုကောင်းတာပေါ့။

ဒုတိယက ကိုယ့်အပေါ်အနီးကပ်ပြုစုစောင့် ရှောက်ပေးနေတဲ့ မိဘနှစ်ပါးကို မေတ္တာပို့ပေးပါ။ ဒါမှ လည်း မိဘတွေ ချစ်ခင်ကြင်နာမှု များများရလေ စာကျက်လို့ ပိုကောင်းလေဖြစ်မှာပေါ့။

တတိယအနေနဲ့က ငယ်စဉ်ကနေ ယခုအချိန် အထိ သာမက နောက်နောင်အထိပါ ကျေးဇူးကြီးမား လှတဲ့ ကိုယ့်ရဲ့သင်ဆရာမြင်ဆရာ ကြားဆရာအပေါင်း ကို ပွားများပေးပါ။ ဒါဆိုရင်တော့ အမြဲတမ်းဆရာ သမားတွေရဲ့ ချစ်ခင်စောင့်ရှောက်မှုကို ရသွားမှာပါ။

စတုတ္ထအနေနဲ့ စာမေးပွဲမေးခွန်းထုတ်မယ့် ပါမောက္ခကြီးတွေကို မေတ္တာပို့ပေးပါ။ ဒါမှ မေတ္တာ အပို့ခံရသူတွေမှာလည်း အေးချမ်းပြီး စိတ်ကောင်း စေတနာတွေ ပိုများလို့ မေးခွန်းတွေကို သိပ်မလှည့်ဘဲ တည့်တည့်နဲ့ လွယ်လွယ်လေးတွေ မေးနိုင်ပါတယ်။ ပြီးတော့မှ စာမေးပွဲခန်းစောင့်မယ့် ဆရာ ဆရာမ တွေကို မေတ္တာပို့ပေးပါ။ ဒါဆိုရင် စာမေးပွဲဖြေတဲ့အခါ စာမေးပွဲခန်းထဲ ဆူညံဆူညံမလုပ်ဘဲ အေးအေးဆေးဆေး
နေတတ်တဲ့ ဆရာ၊ ဆရာမတွေနဲ့ ကြုံတွေ့ရမှာပါ။ မေတ္တာဖြန်းမထားရင်တော့ သဘောထားဆိုးပြီး တချိန်လုံး ပွစိပွစိ လိုက်လုပ်နေတဲ့ ဆရာမမျိုးနဲ့တွေ့ ရင်တော့ ရထားတဲ့စာတွေတောင် ပျောက်ကုန်ပါလိမ့် မယ်။

ဒါကြောင့် စာမေးပွဲဖြေပြီးတဲ့အချိန်အထိ စာမေးပွဲခန်းစောင့်တဲ့ ဆရာ၊ ဆရာမတွေကို သေချာ အာရုံပြုပြီး မေတ္တာပို့ပေးပါ။
နောက်တော့ အဖြေလွှာတွေကို စစ်ဆေးမယ့် ဆရာ ဆရာမတွေကိုလည်း အောင်စာရင်းထွက်တဲ့ အထိ သေချာမေတ္တာပို့ပေးပါ။ နောက်ဆုံးကတော့ ၃၁ဘုံမှာ ကျင်လည်နေတဲ့ သတ္တဝါအားလုံးကို မေတ္တာ ပို့ပေးရမှာပါ
။
စာမေးပွဲအတွက် စာကိုလည်း သေသေချာချာ ကျက်ပါ။ မေတ္တာလည်း တစ်နေ့နှစ်ကြိမ် သုံးကြိမ် ဒါမှ မဟုတ် အားတိုင်း၊ သတိရတိုင်းပွားများပေးပါ။ ဒါဆိုရင် အေးအေးချမ်းချမ်းနဲ့ စာကျက်ရလို့ နေ့တိုင်း စာတွေလည်းရ၊ ကုသိုလ်တွေလည်း တိုးပြီး စာမေးပွဲ ကံတွေ လည်းကောင်းနေမှာပါ။ ဒါကြောင့် စာမေးပွဲ ဖြေမယ့် သူတွေအားလုံး ဒီနည်းလေးအတိုင်း မေတ္တာ ပွားများသွားရင် ပွားများနိုင်ရင် ပွားများနိုင်သလောက် စာမေးပွဲမှာ လက်တွေ့အကျိုးခံစားရသလို မေတ္တာ အကျိုး (၁၁) မျိုးကိုလည်း ရရှိဦးမှာပါ။

မိမိကိုယ်သာ အားကိုးထားပြီး စာကိုသေသေချာ ချာ ကျက်မှတ်လို့ စာမေးပွဲအတွက် ပြည့်စုံအောင် ကြိုးစားတဲ့အပြင် မေတ္တာကိုပါ ခြုံလိုက်ရင်တော့ ပိုလုံခြုံ သွားတာပေါ့။
တချို့က စာမေးပွဲနီးတာတောင် စာမကျက်ဘဲ ဓာတ်ရိုက်၊ ဓာတ်ဆင်ဆရာတွေဆီသွားပြီး စာမေးပွဲ ဖြေတဲ့နေ့ ဘာလုပ်ဖို့၊ ဘယ်လိုဝတ်ဖို့၊ ဘာဆောင်ဖို့ ဆိုတဲ့ ဖို့ပေါင်းများစွာအတွက် အလုပ်ရှုပ်နေကြပါ တယ်။ တချို့ကတော့ ဥုံဆရာ၊ သြောင်းဆရာတွေ ဆီသွားပြီး စာရေးကိရိယာတွေကို မန်းမှုတ်လို့ အလုပ်ရှုပ်နေကြပါတယ်။

အဲဒီလိုဆိုရင်တော့ အချိန်ကုန်၊ ငွေကုန်၊ လူပန်းလို့ အကျိုးမရှိဘဲ စာရေးကိရိယာတွေ အာပုပ်စော်နံတာပဲ အဖတ်တင်ပါလိမ့်မယ်။ ကိုယ့်အတွက်က ကိုယ်လုပ်မှ ကိုယ်ရမှာပါ။ မသမာနည်းနဲ့ ဖြေလို့စာမေးပွဲအောင် သွားခဲ့ရင်လည်း ကိုယ့်ကိုယ်ကို လေးစားလို့မရတဲ့ ''အတ္တာနုဝါဒဘေး'' သင့်ပါလိမ့်မယ်။

တက္ကသိုလ်ဝင်တန်းစာမေးပွဲဖြေမယ့်သူတွေသာ မကပဲ ပညာသင်ကြားနေသူတိုင်း စာမေးပွဲနဲ့ မကင်းပါ ဘူး။ ဒါကြောင့် နေ့စဉ်နေ့တိုင်း စာလည်းကျက်
မေတ္တာတရားတွေလည်း လွှမ်းခြုံထားကြမယ်ဆိုရင် အရည် အချင်းစစ်စာမေးပွဲတွေမှာ အောင်ပွဲဆင်ရုံ တင်မက တစ်နေ့ သေမင်းနဲ့စစ်ခင်းလို့ ဘဝရဲ့နောက် ဆုံးနေ့မှာ သံသရာအတွက် အရည်အချင်းစစ် စာမေး ပွဲကိုလည်း မေတ္တာတရားနဲ့အတူ အရှုံးမဖက်ဘဲပြုံး လျက်နဲ့ အောင်ပွဲဆင်သွားနိုင်မှာပါ။

အဂ္ဂပတ္တော ပမောဒတိ။
သာသနာနွယ်
24.2.2007
ရွှေမြန်မာဂျာနယ်

ကရေကရာ

မြန်မာ့အစားအစာ ကရေကရာကို ကောက်ညှင်းစပါးကနေ လုပ်ပါတယ်။ ကောက်ညှင်းစပါးတွေကို မိုးဗြဲဒယ်ထဲထည့်ပြီး
အပေါ်ကနေ အဖုံးအုပ်-အောက်ကနေ အပူတိုက်ရင်
ကောက်ညှင်းပေါက်ပေါက်တွေ ရလာပါမယ်။
ကောက်ညှင်းပေါက်ပေါက်ကို အမှုန့်ဖြစ်အောင်လုပ်ပြီး သကာရည်နဲ့နယ်ပါ။ သကာရည်မဟုတ်ရင်လည်း
ထန်းညက်ရည်၊ သကြားရည်ပျစ်ပျစ်နဲ့နယ်လို့ရပါတယ်။
အုန်းသီးကို ဂျစ်ထိုးပြီး သကြားနဲ့ယိုထိုးပါ။ နှစ်သက်ရင် ဒူးရင်းယိုထည့်နိုင်ပါတယ်။ နယ်ပြီးသားကရေကရာကို အောက်ကနေ လက်မ၀က်လောက် အထူတစ်ထပ်ခင်းပါ။ အပေါ်ကနေ ဌာပနာတစ်ထပ်ခင်းပါ။ အပေါ်ဆုံးကနေ ကရေကရာတစ်ထပ်တင်ပါ။
ပြီးရင် ပေါက်ပေါက်မှုန့်ကို အပေါ်ဆုံးကနေဖြူးပါ။ အပေါ်ကနေ စက္ကူဖြန့်ခင်းပြီး လက်နဲ့ဖိပေးပါ။ စက္ကူ ခင်းတာက လက်ကို မုန့် မကပ်အောင်လို့ပါ။ ပြီးမှ အပေါ်ကနေ အလေးတစ်ခုခုတင်ပြီး ဖိထားပေးပါ။ ပြီးရင် လိုသလောက် လှီးဖြတ် နိုင်ပါတယ်။
မလိုင်ကရေကရာလုပ်ချင်ရင်တော့-
နွားနို့စစ်စစ်ကိုမီးအေးအေးနဲ့ မလိုင်တက်အောင်ကျို ပါ။
မလိုင်အချပ်လိုက်ကို သံဒယ်အိုးအပြန့်မှာ မီးနွေးနွေးနဲ့ အိုးပူကပ်ပါ။
ပြီးရင် စောစောကနည်းအတိုင်း ဖြန့်ခင်းထားတဲ့ အုန်းသီးပေါ်ကနေ မလိုင်အချပ်လိုက်တင်ပါ။ ဒါဆို မလိုင်ကရေကရာ ရပါပြီ။


Shared from ချက်ကြမယ်ဟေ့ မကောင်းတကောင်း-အန်တီလော်ရာရဲ့ ဟင်းချက်နည်းများ (FB)