အာနာပါနကမ္မဋ္ဌာန်း စတင် အားထုတ်ရာ၌ တွေ့ ရတတ်သော အခက်အခဲများ

( အရှင်အဂ္ဂည ~ ဖားအောက်တောရ )

၁။ ခန္ဓာကိုယ်နာကျင်ကိုက်ခဲတာ
အိမ်မှာတစ်နာရီ၊ နှစ်နာရီ၊ သုံးနာရီလောက် တီဗွီရှေ့ မှာ ကွန်ပြူတာရှေ့ မှာ ထိုင်ပြီး ပြောင်းလဲနေတဲ့ အမြင်အာရုံတွေကိုကြည့်ပြီး၊ ဣရိယာပုထ်ကို ပြောင်းလဲ ပေးနေတာကြောင့် နာကျင်ကိုက်ခဲတဲ့ဝေဒနာကို မသိမသာလှပေမယ့် ရိပ်သာမှာ အိပ်ရာထကနေ အိပ်ရာဝင်တဲ့အထိ တစ်နာရီ တစ်နာရီခွဲ တရားထိုင်လိုက် စင်္ကြန် လျှောက်လိုက်နဲ့ တစ်နေ့ လုံးကြာတော့မှ ခန္ဓာကိုယ် တစ်ကိုယ်လုံး အရိုက်ခံ ထားရသလို နာကျင်ကိုက်ခဲနေတက်ပါတယ်။ တရားစခန်း စ၀င်ပြီး နှစ်ရက်၊ သုံးရက်လောက်မှာ တင်ပါး၊ ပေါင်၊ ဒူး၊ ခြေသလုံးတွေ ပြင်းပြင်းထန်ထန် နာပါတယ်။ တချို့ယောဂီဆိုရင် တရား ထိုင်ရတာ သူများ ပြောသလို ဘာမှလည်း ချမ်းသာတဲ့ အတွေ့ ကောင်းမရဘူး။ ခန္ဓာကိုယ် နာတာပဲရှိတယ်။ ပြန်ပြေးချင်တယ်လို့  ပြောတဲ့သူတွေနဲ့  တချို့လည်း ဒီအခက်အခဲကို သည်းမခံနိုင်တော့လို့  အကြောင်း အမျိုးမျိုးပြပြီး ရိပ်သာကနေ ပြန်သွားတဲ့ လူတွေလဲရှိတယ်။ တကယ်တော့ ခန္ဓာကိုယ်ဟာ အလေ့အကျင့် မရှိတဲ့ အလုပ် တစ်ခုကို ပြင်းပြင်းထန်ထန် ပင်ပင်ပန်းပန် လုပ်ရရင် နာကျင်ကိုက်ခဲ နေတတ်တာ ဟာ ခန္ဓာကိုယ်ရဲ့  သဘာဝပဲလို့ သဘောပေါက် ထားရမယ်။ ငယ်ငယ်တုန်းက အပြေးလေ့ကျင့်တာ၊ စက်ဘီးစီးသင်တာ၊ အလေးမတာစတဲ့ အားကစားအလုပ် တွေလုပ်ရင် စလုပ်ပြီး တစ်ရက် နှစ်ရက် သုံးရက် လောက်ဟာ တစ်ကိုယ်လုံး ကိုက်ခဲနေတာပါဘဲ၊ နောက်တော့ ဒီလိုမျိုး နာတာကိုက်ခဲတာ တွေပျောက်ပြီး ပေါ့ပေါ့ပါးပါးနဲ့  ပျော်ရွှင်စွာ အားကစား အလုပ်တွေကို လုပ်သွား နိုင်ပါတယ်။ တချို့ ဆို တစ်စိုက်မတ်မတ် လေ့ကျင့်သွားပြီး ပြိုင်ပွဲတွေဝင်ပြီး ဆုတံဆိပ်တွေ တောင်ရသွားကြတယ်။ ဥုးဇင်း အင်ဒိုနီးရှားဘာလီကျွန်း တရားပြသွားတုန်းက တရားစခန်းပြီးတော့ ဘာလီကျွန်းသား ဟိန္ဒူ ဘာသာဝင်တွေရဲ့ အထွဋ်အမြတ် ထားကိုးကွယ်တဲ့ ဘုရားကျောင်းတွေကို လိုက်ပြကြတယ်။ အဲဒီဘုရားကျောင်း တွေထဲမှာမှ အမြင့်ဆုံး ဘုရားကျောင်း လှေကားထစ်ပေါင်း တထောင့်ငါးရာကျော် ရှိတဲ့ တောင်ထိပ်ကို တက်ခဲ့ကြတယ်။ တောင်တက်လမ်းတလျှောက်မှာ နယ်ခံ ယောက်ျား၊ မိန်းမ နဲ့ကလေးတွေ တချို့ သက်ကြီးရွယ်အို အဖွားကြီး တွေလည်း ပါတယ်။ တောင်ပေါ်မှာဆောက်လုပ်ရေး လုပ်ငန်းတွေအတွက် ကျောက်၊ အုတ်၊ သဲ၊ ဘိလပ်မြေအိတ်တွေကို ထမ်းရွက်ပြီး သီချင်း တကြော်ကြော် စကား တစ်ပြောပြောနဲ့  သယ်နေလိုက်ကြတာ၊ သူတို့ ကြည့်ရတာ မပင်ပန်းသလိုပါပဲ၊ သက်သက် သာသာ ပေါ့ပေါ့ပါးပါး ပဲထင်ရတယ်။ ဥုးဇင်းတို့ မှာတော့ ဖြည်းဖြည်း ချင်းလှမ်းတက်ရတယ်။ တောင်ပေါ်ပြန်ဆင်း ကျောင်းပြန်ရောက်တဲ့ ညနေကစပြီး တစ်ရက် နှစ်ရက် လောက်ထိဟာ ပေါင်တွေ၊ ဒူးတွေ၊ ခြေသလုံးတွေ နာနေလိုက်တာ အရိုက်ခံထားသလိုပဲ။ ဟိုတောင်တက်လမ်းက တွေ့ ခဲ့တဲ့သူ တွေကတော့သူတို့ ရဲ့  ခန္ဓာကိုယ်က ဘာမှမဖြစ်သလိုပဲ၊ နေ့ စဉ်လုပ်နေကျ ဆိုတော့ နေ့ စဉ်ပဲ လုပ်နိုင်ကြတယ်။ ဒါဟာအလေ့အကျင့်ပဲ၊ ဥုးဇင်း တို့  မြန်မာပြည်မှာလည်း ပုပ္ပါးတောင်၊ ကျိုက်ထီးရိုးတောင်၊ ဖားအံ ဇွဲကပင်တောင်မှာ အလုပ်လုပ်နေတဲ့သူတွေလည်း ဒီလိုပဲ ပြေးတက်ပြေးဆင်းနဲ့  အကျင့်မရှိတဲ့ ဘုရားဖူးတွေကတော့ ခြေတုန်ဒူးတုန် ဖြစ်နေတယ်။ တရားထိုင်တဲ့အလုပ် ကလည်း အလေ့အကျင့်မရသေးရင် နှစ်ရက်၊ သုံးရက်မှာ ဒီလိုပဲ ကိုက်ခဲနာကျင် တာဖြစ်ပေမယ့် နောက်ရက် တွေမှာ ဒီနာတာ ကိုက်တာခဲတာတွေ ပျောက်သွားပြီး ခပ်ကြာကြာ မပြင်ပဲ ထိုင်နိုင်ပါလိမ့်မယ်။ တဖြည်းဖြည်း စိတ်ပျံ့ လွင့်မှူနည်းလာတာနဲ့ အမျှ အာနာပါနရှုမှတ်တဲ့ အရသာတွေ့ လာ ပါလိမ့်မယ်။ ဗုဒ္ဓအဘိဓမ္မာသဘော အရစိတ်တစ်ခု၊ ၀ီထိစဉ်တစ်ခုဟာ အာရုံနှစ်ခုပြိုင်တူ မယူနိုင်ပါဘူး။ စိတ်ကသိပ်မြန်တော့ အာရုံတွေတပြိုင်တည်း သိနေတယ်လို့  ထင်ရတယ်။ အာရုံအလိုက်သိတဲ့ ၀ီထိစိတ် တွေဟာ အစဉ်အတိုင်း တစ်ခုပြီးတစ်ခု ဖြစ်နေတယ်။ နာတဲ့ဝေဒနာရော ၀င်လေ ထွက်လေကိုပါ တစ်ပြိုင်တည်း သိနေတယ်လို့  ထင်ရတယ်။ ၀င်လေထွက်လေကို ရှုမှတ်သိနေတဲ့စိတ်တွေ ဆက်ကာဆက်ကာ ဖြစ်လာပြီ ဆိုရင် နာကျင်ခံခက်တာ တွေကို သိနေတဲ့ ဒုက္ခသဟဂုတ် ကာယ၀ိညာဏ်စိတ် ဖြစ်တာ နည်းသွား ပါ လိမ့်မယ်။ အဲဒီလိုဖြစ်တဲ့ အတွက် တချို့ယောဂီတွေ ပြောကြတယ်။ နှာခေါင်းပျောက်သွားတာမျိုး၊ ခေါင်းပိုင်း၊ ခန္ဓာကိုယ်အပေါ်ပိုင်း ပျောက်သွား သလိုလည်း တရားရှုမှတ်နေရင်း ခံစားရတယ်လို့ ပြောပါတယ်။ ဒါဟာ အဲဒီ အချိန်မှာဝင်လေထွက်လေကိုပဲ သိတဲ့စိတ်တွေ အဖြစ်များနေတော့ ခန္ဓာကိုယ် အစိတ်အပိုင်းတွေက ဖောဋ္ဌဗ္ဗာရုံကိုသိတဲ့ ကာယ၀ိညာဏ်စိတ်တွေကို ဆက်ကာဆက်ကာ မဖြစ်တော့တာကိုပဲ အဲဒီလို ပျောက်နေတယ်လို့  ပြောကြတာပါဘဲ။ တချို့  ယောဂီတွေကျတော့လည်း အဲဒီလို ခန္ဓာကိုယ်ကြီး ပျောက်သွားလို့  ကြောက်ပြီး တရားဆက်မရှုပဲ ရပ်ပစ်လိုက်တာမျိုးလည်း ပြောကြတယ်။ အဲဒီလိုပြောလာရင်တော့ ဥုးဇင်းတို့ ကလည်း ခန္ဓာကိုယ်ကြီး ပျောက်သွားတာကောင်းသွားတာပေါ့။ အခုကခဏလေးပဲ ပျောက်သွားတာ ခန္ဓာကိုယ်ကြီးတစ်ခါတည်း အမြဲတမ်း လုံးဝပျောက်သွားရင် မကောင်းဘူးလား။ ဒီကိုယ်ကြီးအတွက် ကြောင့်ကြပြုပြင် စောင့်ရှောက်နေစရာ မလိုတော့ဘူး လို့ ရယ်စရာပြောလိုက်ရင် ယောဂီတွေ က ကောင်းတော့ကောင်းပါတယ်။ မဖြစ်သေးဘူး။ တပည့်တော်တို့ က သံယောဇဉ်တွေနဲ့  အရှင်ဘုရားတို့ လို မဟုတ်ဘူး။ ကျန်တဲ့လူတွေ ၀မ်းနည်းပက်လက် ဖြစ်မှာစိုးလို့တဲ့။ အဲဒီတော့ ဒကာတို့ နိဗ္ဗာန်လိုချင် တာက ပုံပြင်ထဲက အဘိုးကြီးလိုဖြစ်နေပြီဆိုပြီး ဒီပုံပြင်လေး ကို တစ်ခါတစ်ရံ ပြောပြလိုက်ပါတယ်။
ရွာတစ်ရွာမှာ အဘိုးကြီးတစ်ယောက်က လူသူလေးပါးရှင်းတဲ့ရွာပြင်က ဘုရားတန်ဆောင်းတစ်ခုမှာ နေ့ စဉ်သွားပြီးဘုရားရှိခိုးလေ့ရှိတယ်။ ရှိခိုးတဲ့အခါ သူကျက်မှတ်ထားသမျှ ဘုရားရှိခိုးစာတွေကို ဘုရားကိုးဆူဆရာက အရှုံးပေး ရလောက်အောင် အသံကျယ်ကျယ်ရွတ်ပြီး ရှိခိုးတယ်။ ဘိန်းစားတစ်ယောက်က လည်း ဒီတန်ဆောင်းမှာလူရှင်းတော့ ဘိန်းစားပြီး စည်းစိမ်ခံလေ့ရှိတယ်။ အဘိုးကြီး ဘုရားရှိခိုးသံက သူရဲ့ စည်းစိမ်ပျက်လေတော့ စိတ်ကူးတစ်ခုရပြီး တစ်နေ့ ရွာအနီးက ဇာတ်အဖွဲ့ တစ်ခုက နတ်ဝတ်တန်ဆာ တွေကို ငှားလာတယ်။ နောက်တစ်နေ့  မှာ ဘိန်းစားက နတ်ဝတ်တန်ဆာတွေ ၀တ်ပြီး ဘုရားနောက်က ပုန်းနေတယ်။ ဆင်းတုတော်ကလည်း ခပ်ကြီးကြီး ဆိုတော့ အရှေ့ကလူက မမြင်ဘူး။ အဘိုးကြီးလည်း ရောက်လာပြီးထုံးစံအတိုင်း ဘုရားရှိခိုးစာ တွေ ရွတ်ဆိုရှိခိုးပြီး နိဗ္ဗာန်မဂ်ဖိုလ်ကိုရက်တိုတိုနဲ့ လျှင်မြန်စွာ ဆိုက်ရောက် မျက်မှောက် ပြုရပါစေလို့  ဆုတောင်းပြီး ထိခြင်းငါးပါးနဲ့  ပြားပြားဝပ် ရှိခိုး ၀ပ်ချ နေဆဲမှာ ဘိန်းစားလည်း နတ်ဝတ်စုံအပြည့်နဲ့  ဘုရားနောက်က ဘွားခနဲ ထွက်လာပြီး အဘိုးကြီးလက်ကိုဆွဲလို့  “နိဗ္ဗာန်အမြန်သွားချင်တဲ့ မောင်မင်း လာလိုက်ခဲ့ “ ဆိုပြီးဆွဲအခေါ်မှာ အဘိုးကြီး လည်း ကြောက်အား လန့် အားနဲ့  သူ့ လက်ကိုပြန်ဆွဲရုန်းပြီး “နေပါအုံး ဘုရားတပည့်တော်အိမ်က အမယ်ကြီးနဲ့  တိုင်ပင်ပါရစေဦး” ဆိုပြီး၊ ထီး၊ ဖိနပ်ဆွဲလို့  တချိုးတည်း ရှိသမျှအားနဲ့  ခြေကုန်သုတ်ပြန်ပြေး တော့တယ်။ အိမ်ရောက်တော့ အမယ်ကြီးက အဘိုးကြီးမောကြီးပန်းကြီးနဲ့  ပြန်ပြေးလာတာမြင်တော့ “ဘာဖြစ်လဲ” ဆိုပြီး ပျာပျာသလဲဆီးမေးတော့ အဘိုးကြီးက သူရဲ့အဖြစ်ကို အမောတကောနဲ့  ပြောပြတယ်။ အဲဒီတော့မှ အမယ်ကြီးက“အော် ဒီလောက်ချမ်းသာတဲ့ နိဗ္ဗာန်နတ်က လာခေါ်နေတာများ လိုက်သွားပါလားတော်။ ဘာများ ကျုပ်နဲ့  တိုင်ပင်နေဦးမှာလဲ“ ပြောလိုက်တော့…. “အိုး မင်းတစ်ယောက်တည်း ဘယ်ဖြစ်မလဲကွ”လို့ ဆိုပြီး အဲဒီနေ့ ကစလို့  အဘိုးကြီးဘုရားတန်ဆောင်းကို မသွားတော့ဘူးတဲ့။ အခုလည်း သမာဓိစွမ်းအားကြောင့် ခန္ဓာကိုယ်ပျောက်သလို ဖြစ်တာ ကြောက်လို့  တရားရှုနေတာက ရပ်လိုက်တယ်ဆိုရင် ဒီအဘိုးကြီးလိုပဲ နိဗ္ဗာန်တော့လိုချင်တယ် ဆုတောင်းတယ်။ အမယ်ကြီးစိတ်မချသလို၊ မခွဲနိုင် လို့ ဆိုရင်တော့ နိဗ္ဗာန်နဲ့ ကဝေးနေဦးမှာပဲ။ အဲဒီလိုဖြစ်လာခဲ့ရင်ဆက်ရှုပါ။ ဒါထက်ကောင်းတဲ့ချမ်းသာတဲ့ အတွေ့ အကြုံတွေရလာပါလိမ့်လို့ တိုက်တွန်း ရတယ်။ တကယ်တော့ ၀င်လေထွက်လေ အပေါ်မှာ စိတ်ငြိမ်လာပြီး နီဝရဏတရားတွေရဲ့ လွှမ်းမိုးမှုက လွတ်လာပြီဆိုရင် မဟာကုသိုလ်စိတ်တွေ အဖြစ်များနေပါပြီ။ မဟာကုသိုလ်ဇောစိတ်စိတ္တုပ္ပါဒ် တစ်ခဏမှာ ပီတိဉာဏ် ယှဉ်မယ်ဆိုရင် စိတ်စေတသိက် သုံးဆယ့်လေးပါး ပြိုင်တူဖြစ်နေပါတယ်။ အဘိဓမ္မာသဘောအရ ပြောရမယ်ဆိုရင် သဗ္ဗစိတ္တသာဓာရဏ စေတသိတ်(၇)ပါး၊ ပကိဏ်းစေတသိက်(၆)ပါး၊ သောဘဏသာဓာရဏ စေတသိတ်(၁၉)ပါး၊ ပညိနြေ္ဒစေတသိက်နဲ့  အသိစိတ်ပါပေါင်းရင် အားလုံး(၃၄) ပါးရှိတယ်။ အဲဒီ စေတသိက်တွေထဲမှာ ကာယပဿဒ္ဓိ၊ စိတ္တပဿဒ္ဓိ၊ ကာယ လဟုတာ၊ စိတ္တလဟုတာ၊ ကာယမုဒုတာ၊ စိတ္တမုဒုတာ၊ ကာယကမ္မညတာ၊ စိတ္တကမ္မညတာ၊ ကာယပါဂုညတာ၊ စိတ္တပါဂုညတာ၊ ကာယုဇုကတာ၊ စိတ္တဇုကတာ၊ စေတသိတ်တွေ ပြိုင်တူဖြစ်နေကြတယ်။ ဒီစေတသိက်တွေ အားကောင်း လာတာနဲ့  ခန္ဓာကိုယ်မှာ ပီတိပဿဒ္ဓိတွေဖြစ်ပြီး ငြိမ်းအေးပေါ့ပါး ချမ်းသာ လို့ နာတာ၊ ကိုက်ခဲတာတွေပျောက်ပြီး တရားထိုင်လို့  ကောင်းလာပါတယ်။ တ ချို့ ဆိုရင် တရားထိုင်လို့ ကောင်းနေတာကြောင့် သူများတွေ အချိန်စေ့လို့  ထသွား ကြတာတောင်မှ မလှုပ်ချင်မဖြုတ်ချင် လောက်အောင် နာရီပိုတွေ ဆက်ထိုင်နိုင် လာကြတယ်။
(မှတ်ချက်။ ။ ဒီစေတသိတ်တွေကို နာမ်ကမ္မဋ္ဌာန်းပိုင်း ရောက်တဲ့အခါ ဆင်ခြင်သိမြင်နိုင်ပါတယ်။ ဒီလိုမွန်မြတ်တဲ့ သမထ ၀ိပဿနာ စိတ်တွေကြောင့် ဖြစ်ပေါ်လာတဲ့ စိတ္တဇရုပ်ကလာပ်တွေ ခန္ဓာကိုယ်တကိုယ်လုံး ပျံ့ နှံ့  ထုံမွှမ်းနေပြီဆိုရင် နာကျင်ကိုက်ခဲတာတွေတင် သာမက တချို့ ရောဂါ ဝေဒနာဟောင်းတွေလည်း ပျောက်ကင်းသွားတတ်တာမျိုးလည်းရှိတတ်တယ်။ ယနေ့ စထိုင် ယနေ့ ဖြစ်မယ်။ တရားရှုလို့  ရောဂါအားလုံး ဆေးထိုး ဆေးသောက် စရာမလိုပဲ ပျောက်မယ်လို့  မဆိုလိုပါ။) ဒါက ဗုဒ္ဓအဘိဓမ္မာ သဘောအရပြောတာပါ။ နောက်တခုက ဆရာတော်ဦးဇောတိက( မဟာမြိုင် ) ရေးတဲ့ “လမ်းပျောက်ရာမှလမ်းမှန်ပေါ်ရောက်လာသူ” စာအုပ်တစ်အုပ်ထဲမှာ ဥုးဇင်းဖတ်လိုက်မိတယ်။ အနောက်နိုင်ငံတစ်ခုမှာ သိပ္ပံပညာရှင်တွေက တရားအားထုတ်တဲ့ ယောဂီတွေဟာ မနာမကျင် မကိုက်ခဲပဲ မပြောင်းမပြင်တဲ့ ဣရိယာပုထ်နဲ့  နာရီပေါင်းများစွာ ဘာကြောင့် ထိုင်နိုင်ကြတာလဲလည်းဆိုပြီး သုတေသနပြုကြတယ်။ သူတို့ ကရုပ်ကို အားသန်တဲ့ ပုဂ္ဂိုလ် မျက်စိနဲ့  မြင်နိုင်တာကိုသုတေသနပြုကြတာဆိုတော့ ယောဂီတွေရဲ့ သွေးကိုထုတ်ပြီး ဓါတ်ခွဲကြည့်တော့ သွေးထဲမှာ အင်ဒိုဖိန်းဓာတ်ပါဝင်မှုတွေဟာ သာမာန်လူ တွေထက် များနေတာတွေ့ ရတယ်။ ဒီဓာတ်ကို ဦးနှောက်ထဲကဂလင်းတစ်ခုက ထုတ်လွှတ်ပေးတယ်လို့ ဆိုတယ်။ ဒါကြောင့် တရားစခန်း စတင်ဝင်ရောက် အားထုတ်ကြတဲ့သူတွေအနေဖြင့် တရားထိုင်လို့  ဖြစ်တဲ့ နာကျင်ကိုက်ခဲတဲ့ ဝေဒနာဆိုး တွေကို စိတ်မပျက်ပါနဲ့ ။ ကိုယ် စိတ် နှစ်ပါး ချမ်းသာတဲ့ အတွေ့ ကောင်းတွေ ရလာပါလိမ့်မယ်။
====================================
တရားထိုင်လို့  သတိ၊ သမာဓိ နည်းနည်းလေးကောင်းလာပြီဆိုရင် ဝေဒနာကိုလည်း သည်းခံပြီးထိုင်သွားလို့ ရှိရင် ခန္ဓာကိုယ်ဟာ Endorphin လို့ ခေါ်တဲ့ဓာတ်တစ်မျိုးထုတ်ပေးလာတယ်။ Endogenous + Morphin နှစ်လုံးကိုပေါင်းထားတာပါ။ ဒီခန္ဓာကိုယ်ကထွက်လာတဲ့ Morphin ကခွဲစိတ်ခန်းသုံးတဲ့ Morphin နဲ့  အာနိသင်ချင်းတော်တော်ပဲ တူပါတယ်။ သို့ သော် Endogenous ဆိုတဲ့အတွက်ကြောင့်ခန္ဓာကိုယ်အတွင်းမှာပဲ သူ့ကိုထုတ်လုပ်တယ်။
အဲဒီ Endorphin ဓါတ်ထုတ်လုပ်တာနည်းသွားတယ်ဆိုရင်ညောင်းညာ ကိုက်ခဲမှု အင်မတန်ခံစားရတယ်။
Endorphin level မြင့်လာလို့ ရှိရင်လူဟာကြည်လင်လာတယ်၊ ရွှင်လန်းတယ်။ Relax လည်းပိုဖြစ်တယ်လို့ ဆိုတယ်။ တရားထိုင်လိုက်လို့  ရှိရင်တော့ Endophin ဟာတော်တော် ကြီးမြင့်တက်လာတယ်။
တရားထိုင်လို့  သမာဓိအင်မတန် အင်အားကောင်းနေတဲ့အခါမှာ ညောင်းညာ ကိုက်ခဲပူလောင် ဆင်းရဲခြင်းဘာမှမရှိဘူး။ ခန္ဓာကိုယ် floating sensation (လေထဲမှာ လွင့်မျောနေသလို) ဖြစ်နေတယ်။ အဲ့ဒီအချိန်မှာ ဦးနှောက်ကနေပြန်ပြီးဆင်းလာတဲ့ သွေးပြန်ကြောကိုဖောက်ပြီးသွေးကို ဓာတ်ခွဲကြည့်တဲ့အခါ Endophin ဓာတ်သိပ်မြင့်နေတယ်ဆိုတာကိုတွေ့  ရတယ်။
ဦးဇောတိက”လမ်းပျောက်ရာမှလမ်းမှန်ပေါ်ရောက်သူ”(Pg 140-143)