အသက်ငယ်ငယ် အိမ်ခြံမြေပွဲစားမိန်းကလေးဘဝမှသည်…… မီလျံနာ တစ်ယောက်ဘဝဆီသို့

လူငယ်တွေမှန်ရင် တောက်ပတဲ့အနာဂတ် ရည်မှန်းချက်တွေ အတွက် လုံ့လဝရီယနဲ့ ရိုးသားကြိုးစားပါက တစ်နေ့မှာ ဧ ကန်မုချ အောင်မြင်လာနိုင်ပါတယ်ဆိုတာကို စင်ကာပူနိုင်ငံ က အိမ်ခြံမြေပွဲစား မိန်းကလေးငယ်ရဲ့ အားကျအတုယူစရာ ကောင်းတဲ့ အောင်မြင်မှုအံ့မခန်းကသက်သေပြသွားနိုင်ခဲ့ပါ တယ်။ 

သူမ အမည်က ရှရီလေး ဆန်။ အသက်က ၂၆ နှစ်ရှိပြီးစင် ကာပူမြို့တော် Nanyang Polytechnic ကျောင်းမှ ဘွဲ့ရရှိထားသူတစ်ယောက်ပါ။ ဒါပေမယ့် သူမ စိတ်ဝင်စားတဲ့ အိမ်ခြံမြေပွဲစားလုပ်ငန်းနဲ့ အသက်မွေးဝမ်း ကြောင်းမယ်လို့ ယခင်ကတည်းက ဆုံးဖြတ်ချက်ချထားခဲ့ တာပါ။

စင်ကာပူမြို့တော်တစ်ဝိုက်က အိမ်ခြံမြေလုပ်ငန်းမှာ လုပ် သက်ငါးနှစ်တောင်မရှိသေးတဲ့ သူမအတွက် အကြီးမားဆုံး စိန်ခေါ်မှုကြီးတစ်ရပ်က ပြီးခဲ့တဲ့ မတ်လ လဆန်းပိုင်းမှာ သူမ ထံစတင်ရောက်ရှိလာခဲ့ပါတယ်။ အဲ့ဒါက သူမရဲ့ဖောက် သည် အိမ်ပိုင်ရှင်က မြို့တွင်းအိမ်ခြံမြေအရောင်းဈေးကွက် ထဲမှာ ရောင်းထွက်နိုင်ဖို့နဲ့ ဝယ်လက်ရဖို့ ဘယ်လိုမှမဖြစ်နိုင် တဲ့ တန်ကြေးဈေးခေါ်ထားတဲ့ စင်ကာပူမြို့တော်မှာရှိတဲ့ Le Nouvel Ardmore အထပ်မြင့် ဇိမ်ခံကွန်ဒိုတိုက်ခန်းအ ဆောက်အအုံကို ဒေါ် လာ ၅၁ သန်းနဲ့အရောင်းထုတ်နိုင်ဖို့ သူမထံအပ်ခဲ့ပါတယ်။

အဲ့ဒီအလုပ်ကို လက်ခံချိန်ကနေစပြီး သူမက မနားမနေ အလုပ်အပေါ်ကို အာရုံစိုက်ပြီး လုပ်ခဲ့ပါတယ်။ မြို့တော်တစ် ဝိုက်က သူမရဲ့သူကြွယ်ဖောက်သည်များစွာထံ အိမ်အရောင်း စပ်ခဲ့တယ်။ အိမ်ခြံမြေအရောင်းပွဲစား လောကထဲက အချုပ် အိမ်ခြံမြေဈေးကစားသူတွေထံ ချဉ်းကပ်ပြီး ကွန်ဒိုတိုက်ခန်း အရောင်းထွက်နိုင်ဖို့ ရသမျှနည်းလမ်းတွေ အကုန်လုံးနဲ့ကြိုး စားပြီးဝယ်ယူနိုင်မယ့် ဝယ်လက်ကို ပိုက်စိပ်တိုက်လိုက်ရှာခဲ့ ပါတယ်။
ဆန်က ဝင်ငွေကိုအများအပြားရှာဖွေပြီး သူမရဲ့မိသားစုကို ကောင်းမွန်တဲ့လူမှုနေထိုင်မှု ဘဝပုံစံတည်ဆောက်ပေးမယ့် စိတ်ကူးထားပြီး အဲဒီစိတ်ကူးကိုလည်း အကောင်အထည်ဖော် နိုင်ဖို့ အမြဲတစေကြိုးပမ်းနေတာပါ။

“ ဒါက လုံးဝကို ငွေအကြီးကြီးရမယ့် ဂွင်တစ်ခုပဲလေ။ ကျွန်မ ဘဝတစ်ခုလုံးကို ပြောင်းလဲပစ်နိုင်မယ်လို့လည်း ကျိန်းသေ ပေါက်သိထားတယ်။ ဒီ့အတွက် ကျွန်မအောင်မြင်အောင်လုပ် ဖို့ပဲ ရှိတော့တယ်။ အကယ်၍ ကျွန်မအားလပ်ရက် ခရီးရှည် သွားဖြစ်ခဲ့မယ်ဆိုရင်တောင် ပြန်လာတဲ့အခါကျ ကျွန်မ ဖောက်သည်တွေကို ဆုံးရှုံးကောင်းဆုံးရှုံးရနိုင်တယ်” လို့ သူမက ဆိုပါတယ်။

သူမက လက်ရှိမှာလည်း စင်ကာပူအရှေ့ပိုင်း စီရန်ဂွန်းမှာ ရှိတဲ့ အဘိုးတွေအဘွားတွေ၊ မိဘနှစ်ပါး၊ မောင်နှမသားချင်း တွေနဲ့ မိသားစုသိုက်သိုက်ဝန်းဝန်းရှိတဲ့ မိသားစု မိဘအိမ်မှာ နေထိုင်နေဆဲဖြစ်ပါတယ်။ သူမရဲ့ ဒီကွန်ဒိုတိုက်ခန်းအ ရောင်းထွက်နိုင်စေဖို့လက်ခံထားတဲ့ ခက်ခဲတဲ့အလုပ်အတွက် မိသားစုဘိုးဘွား မောင်နှမတွေက အားပေးကြပါတယ်။ နောက်ပြီး လုပ်သက်နု သေးတဲ့ သူမအတွက်လည်းအရမ်း ကြီး မျှော်လင့်မထားဖို့နဲ့ မျှော်လင့်ထားသလို မအောင်မြင် ခဲ့ရင်လည်း စိတ်မလျှော့လိုက်ဖို့ တိုက်တွန်းခဲ့ကြတယ်။သူ ငယ်ချင်း၊ အိမ်ခြံမြေပွဲစား အပေါင်းအသင်းမိတ်ဆွေထဲက ဘယ်သူကမှလည်း သူမ လုပ်နိုင်လိမ့်မယ်လို့ မထင်ထားကြ ပါဘူး။

သူမရဲ့ ဖခင်ဖြစ်သူက လွန်ခဲ့တဲ့ တစ်နှစ်ကျော်ကမှ လေဖြတ် သွားခဲ့တာကြောင့် သူမရဲ့ မိသားစုစားဝတ်နေရေးက သူမထံ တာဝန်ရောက်လာခဲ့တာဖြစ်ပြီးသူမကို ယနေ့အချိန်ထိ လူ လားမြောက်ပညာတတ်အောင် ပြုစုပျိုးထောင်ပေးတဲ့ မိသား စုကိုပြန်လည်ထောက်ပံ့ရှာဖွေ ကျွေးမွေးနေသူတစ်ဦးလည်း ဖြစ်ပါတယ်။ သူမရဲ့ အဘိုးနဲ့အဘွားမိဘတွေ သက်တောင့် သက်သာစီးနင်းဖို့ ခုနှစ်ယောက်စီးနင်းနိုင်တဲ့ ဗောက်စ်ဝက် ဂွန်ကားကို သူမရဲ့လုပ်အားခနဲ့ဝယ်ပေးထားပါတယ်။
နေအိမ်မှာ နားလိုက်၊ အိမ်ခြံမြေအရောင်းပွဲစားတွေနဲ့ ဝယ် လက်ချိတ်ဆက်လိုက်၊ တစ်နေရာပြီးတစ်နေရာ လူကုန်ထံ သူကြွယ်တွေတစ်ဦးပြီး တစ်ဦးစီသွားချည်လာလှည့် တိုက် ခန်းအရောင်းစပ်ပြီးတဲ့ နောက်ဆုံးမှာတော့ သူမအောင်မြင် သွားခဲ့ပါတယ်။

မတ်လမှာ စတင်အလုပ်လက်ခံခဲ့တာဖြစ်ကာ ဈေးနှုန်းညှိနှိုင်း မှုတွေနဲ့ ဝယ်လက် အရောင်းစပ်မှုတွေပြုလုပ်ပြီး အချိန်တို တွင်း ဧပြီလမှာ အပြီးသတ်အရောင်း ထွက်သွားခဲ့ပါတယ်။ တရုတ်နိုင်ငံရဲ့ထိပ်တန်းစီးပွားရေးလုပ်ငန်းရှင် အသိုင်းအဝိုင်း တွေရဲ့ ရင်းနှီးခင်မင်မှုနဲ့တစ်ဆင့်တစ်ဆင့် ချိတ်ဆက်ပြီးသူမ ရဲ့ကွန်ဒိုတိုက်ခန်းဝယ်လက်ဖြစ်တဲ့ အင်တာနက်စီးပွားရေး လုပ်ငန်းစု အလီဘာဘာရဲ့ တွဲဖက်တည်ထောင်သူ မစ္စတာ ဆန်တန်ယုက ယုံကြည်စွာနဲ့ ဝယ်ယူလိုက်ခဲ့ပါတယ်။

ထိုသို့ ဒေါ်လာ ၅၁ သန်းတန် တိုက်ခန်းအရောင်းထွက်သွား ခြင်းမှ သူမအတွက် အကျိုးဆောင်ပွဲစားခ ဒေါ်လာ ၁ ဒသမ ၅ သန်းရရှိသွားကာ မီလျံ နာတစ်ယောက်ဖြစ်လာခဲ့ပါတော့ တယ်။
ဆန်က အလုပ်နဲ့ပတ်သက်ရင် လူငယ်ပီပီ လောဘကြီးတဲ့ သူတစ်ယောက်ပါ။ ပြီးခဲ့တဲ့ လ တစ်လတည်းမှာ လက်ခံတဲ့ အလုပ်ပေါင်း ၁၆ ခုကို လက်ခံခဲ့ပြီး အပြီးသတ်အလုပ်ပြန် အပ်နှံနိုင်ခဲ့ပါတယ်။ ယခုလမှာလည်း သူမက စင်ကာပူမြို့ တော်ရဲ့ လူကုန်ထံတွေချည်းသာ နေထိုင်တဲ့ Marina Bay နဲ့ Orchard area တစ်ဝိုက်က ဇိမ်ခံတိုက်ခန်းအရောင်း အငှား တွေအပါအဝင် ရောင်းဝယ်ငှားအလုပ်ပေါင်း ၅၀ ကျော်ကို လက်ခံဆောင်ရွက်ပေးခဲ့ပြီး အဲ့ဒီကနေမှ ဒေါ်လာ ၁ ဒသမ ၇ သန်းကို အကျိုးဆောင်ခ ရရှိခဲ့တယ်လို့ သိရပါတယ်။

လက်ခံထားတဲ့ အိမ်အရောင်းပွဲစားအလုပ်ကို မငြီးမငြူပဲ အော်ဒီ ကားလေးနဲ့ အလုပ်ချိတ်ဆက်တဲ့နေရာတွေကို ဆက် လက်သွားမြဲသွားနေပြီး ဒီထက်ပိုမိုကောင်းမွန်တဲ့ ဘဝရပ် တည်မှုကို ရရှိနိုင်ဖို့ကြိုးစားနေဆဲဖြစ်တဲ့ ဆန်က “ အချိန်က ကျွန်မတို့လက်ထဲမှာပဲ။ ၁၀ နှစ်လား အနှစ် ၂၀ လား။ ဒီက နေ့ အိမ်ခြံမြေပွဲစားတွေက ဖောက်သည်အလုပ်ရှင်တွေအများ ကြီးရဖို့လိုတယ်။ ဒါပေမယ့် နှလုံးသားနဲ့ အလုပ်လုပ်ကိုင်ဖို့ တော့လိုတာပေါ့နော်။ ဒါမှလည်း သင်တို့အချင်းချင်းယုံကြည် မှုဆိုတာတည်ဆောက်နိုင်ပြီး အလုပ်အောင်မြင်နိုင်မယ်လေ။ တစ်ခါတစ်လေမှာ ကျွန်မကို လာလာမေးကြတယ်။ ပိုက်ဆံ က လူတွေကို လိုရာနှင်တာလားတဲ့။ အဲ့ဒီမေးခွန်းကို ကျွန်မ ဖြေမယ်။ ပိုက်ဆံက စေလိုရာနှင်တာမဟုတ်ပါဘူး။ ပိုက်ဆံ ကို စေလိုရာသာနှင်ပါ။ ပိုက်ဆံနဲ့ ဘဝတွေ တိုးတက်ဖို့ကို တွန်းအားပေးကြပါ။ ကျွန်မဆိုလိုချင်တာ ဒါပါပဲ။ ကျွန်မက တော့နှလုံးသားနဲ့အလုပ်လုပ်ပြီး ကျွန်မတို့မိသားစုကို ဒီ့ထက် ပိုကောင်းတဲ့ ဘဝနေထိုင်မှုကိုဖန်တီးပေးမှာပါ” လို့ သူမက ပြောပါတယ်။

Moe Wathan Oo မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com