ကြက်သားကိုရေဆေးကာ ဆား၊ ကြက်သားမှုန့်၊ရှာလကာရည်အနည်းငယ်၊ အချောင်းလေးများဖြစ်အောင် လှီးထားသော ဂျင်းသင့်ရုံ၊ ညက်အောင်ထောင်းထားသော ကြက်သွန်ဖြူနှင့် လေးစိပ်စိပ်ထားသော ကြက်သွန်နီတို့ကိုနယ်ကာ နာရီဝက်ခန့် နှပ်ထားပါ။ ထိုနောက် ဆီသင့်ရုံကို ပုံမှနိမီးနှင့် ပူအောင်တည်ပါ။ဆီပုပါက သကြားတဇွန်းကိုထည့်ကာ ဆီသတ်ပါ။ သကြားပျော်ကာ အညိုရောင်သန်းပါက နယ်ထားသောကြက်သား ထည့်ကာလုံးပါ။ကြက်သားတင်းကာ လုံးလာပါက ရေနွေးသင့်ရုံထည့်ကာ အဖုံးအုပ်ထားပါ။ ရေခမ်းစပြုပါက လက်ဖက် (ကျမကတော့ ဗေဒါရွှေကြာ လက်ဖက်ညွန့် သုံးထားပါတယ်) လက်တစုပ်စာနှင့်အတူ ညက်အောင်ထောင်းထားသော ငရုတ်သီးစိမ်းအနည်းငယ်နှင့် ကြက်သွန်ဖြူရောကာ ကြက်သားနှင့်အတူရောကာ ဆီပြန်သည်ထိ ချက်ပေးပါ။ ဆီပြန်ပါက သုံးဆောင်ရန်အသင့် ထမင်းမြိန်စေမယ့် ကြက်သားလက်ဖက်ဟင်းလေး ရပါပြီရှင်။
မှတ်ချက်။ ကြက်သားအစား ဝက်သားနှင့်လည်း ချက်နိုင်ပါတယ်ရှင်။ဒီဟင်းချက်နည်းလေးကို မျှဝေပေးတဲ့ မမင်းမင်းအေးကို ကျေးဇူးအထူးပါရှင်။
Shared from မေ့မေ့သမီး Cooking (FB)
No comments:
Post a Comment