စိတ်တစ်ခုကို ကောင်းတယ်မကောင်းဘူးသတ်မှတ်တဲ့နေရာမှာ အများအားဖြင့် ကိုယ့်အထင်နဲ့ကိုယ် သတ်မှတ်တာ များပါတယ်။
အထင်ဟာ အထင်မျှသာဖြစ်တဲ့အတွက် စစ်မှန်တဲ့ စိတ်ကောင်းစိတ်မြတ်ကို ဘယ်လိုနည်းနဲ့မှ မရနိုင်ပါဘူး။ ကိုယ့်သန္တာန်မှာဖြစ်နေတဲ့
စိတ်တစ်ခုကို စိတ်ဆိုးလား စိတ်ကောင်းလား ခွဲခြားသိနည်း အစစ်အမှန်ကို လိုချင်ရင်တော့ မြတ်ဗုဒ္ဓရဲ့တရားဒေသနာတွေကို ကျယ်ကျယ်ပြန့်ပြန့်နှံ့နှံ့စပ်စပ် လေ့လာထားဖို့လိုပါတယ်။ မြတ်ဗုဒ္ဓရဲ့ “တရားမှန်”
ရှေ့မှာ စစ်ဆေးကြည့်မှ ကိုယ့်စိတ်ကိုယ် အမှန်အတိုင်း သိနိုင်မှာပါ။
ကိုယ်စိတ်ကို ကိုယ်က စိတ်ကောင်းထင်နေပေမယ့် တကယ်တမ်းကျတော့ “စိတ်ဆိုး”ဖြစ်နေတာမျိုး လုံးဝမဖြစ်စေဖို့အတွက် စိတ်ကို လှည့်ပတ်တတ်တဲ့ ဝဉ္စနာတရား(၃၇)ပါးကို အကျဉ်းချုပ်ခေါင်းစဉ်အနေလောက်နဲ့ တင်ပြလိုက်ပါတယ်။
(၁) ချစ်ခင်နှစ်သက်ခြင်း၊ တပ်မက်စွဲလမ်းခြင်းဆိုတဲ့ “ရာဂ”က
“မေတ္တာ”ယောင်ဆောင်ပြီး စိတ်ကိုလှည့်ပတ်တတ်ပါတယ်။
သံယောဇဉ်နဲ့ချစ်တာကို မေတ္တာနဲ့ချစ်တယ်လို့ ထင်တာမျိုး၊
တဏှာနဲ့ ပွတ်သပ်ပိုက်ထွေးတာကို မေတ္တာနဲ့ ကြင်နာယုယတယ်လို့
ထင်တာမျိုးပေါ့။
(၂) စိတ်ပူခြင်း စိုးရိမ်ခြင်း ဝမ်းနည်းပူဆွေးခြင်း ဆိုတဲ့ “သောက” က
ကရုဏာယောင်ဆောင်ပြီး စိတ်ကိုလှည့်ပတ်တတ်ပါတယ်။
ကိုယ်ချစ်ရတဲ့သူတွေ ဆင်းရဲဒုက္ခရောက်နေတာကို ကြည့်ပြီး စိတ်မချမ်းမသာ ဖြစ်နေတာကို သနားတတ်တယ်၊ စာနာတတ်တယ်လို့
ထင်နေတာမျိုးပေါ့။
(၃) ပျော်ရွှင်မြူးထူးခြင်းဆိုတဲ့ “ပဟာသ”က မုဒိတာ ယောင်ဆောင်ပြီး စိတ်ကိုလှည့်ပတ်တတ်ပါတယ်။သူတစ်ပါးရဲ့ အောင်မြင်မှု တစ်ခုခုကို အကြောင်းပြုပြီး အူမြူးခုန်ပေါက်နေတာ၊ ရယ်မောဟစ်နေတာ၊ ပျော်ပွဲနွှဲပြီး ကဲနေတာ၊ အပျော်ကြူးပြီး မူးနေတာကို သူတစ်ပါးရဲ့ အောင်မြင်မှုအတွက် နှစ်သက်ဝမ်းမြောက်တတ်တယ်၊ မုဒိတာ ပွားတတ်တယ်လို့ ထင်နေတာမျိုးပေါ့။
(၄) ကုသိုလ်အလုပ် အားထုတ်မှုမပြုတော့ခြင်းဆိုတဲ့ “နိက္ခိတ္တဓုရ” က
ဥပေက္ခာယောင်ဆောင်ပြီး စိတ်ကို လှည့်ပတ်တတ်ပါတယ်။
ကုသိုလ်ကိစ္စကြောင့်ကြမစိုက်ချင်တော့တာ ၊ တာဝန်ယူချင်စိတ်မရှိတော့တာကို “ကံအတိုင်းပဲ၊ မတတ်နိုင်ဘူး” လို့ ကံကိုလွှဲချပြီး
အပျင်းထူနေတာမျိုးပေါ့။
(၅)စိတ်ပူလောင်ခြင်း စိတ်ဆင်းရဲခြင်းဆိုတဲ့ “စိတ္တသန္တာပ” က
သံဝေဂယောင်ဆောင်ပြီး စိတ်ကိုလှည့်ပတ်တတ်ပါတယ်။
ရတာမလို ၊ လိုတာမရလို့ ၊အလုပ်အကိုင်အဆင်မပြေလို့ ၊စိတ်ညစ်စရာ ပြဿနာတွေနဲ့ကြုံတွေ့ရလို့ စိတ်ပူလောင်နေတာ၊
စိတ်ဆင်းရဲနေတာ၊ လောကကြီးအပေါ်မကျေမနပ်ဖြစ်နေတာကို
ဘဝကြီးကို ငြီးငွေ့နေပြီ၊ သံသရာကြီးကို ထိတ်လန့်နေပြီလို့
ထင်နေတာမျိုးပေါ့။
(၆) သူတစ်ပါးအပေါ် မယုံမကြည်ဖြစ်နေခြင်းဆိုတဲ့ “အသဒ္ဓိယ”က ပညာလို့ခေါ်တဲ့ ဝီမံသယောင်ဆောင်ပြီး စိတ်ကို လှည့်ပတ်တတ်ပါတယ်။ ဟိုလူ့မယုံ ဒီလူမယုံ ဟိုဟာမယုံ ဒီဟာမယုံနဲ့နေရာတကာ ယုံမှားသံသယဖြစ်နေတာ သဒ္ဓါတရားခေါင်းပါးနေတာကိုပဲ စူးစမ်းဆင်ခြင်တတ်တယ်၊ ဝိဘဇ္ဇဉာဏ်ရှိတယ်လို့ အသားလွတ်ကြီးအထင်ကြီးနေတာမျိုးပေါ့။
(၇) ပုဂ္ဂိုလ်ရေး ဝေဖန်ပုတ်ခတ်ခြင်းဆိုတဲ့ “ပုဂ္ဂလဂရဟိတာ” က
မကောင်းမှုကို ကဲ့ရဲ့ခြင်းဆိုတဲ့ “ပါပဂရဟိတာ” ယောင်ဆောင်ပြီး
စိတ်ကို လှည့်ပတ်တတ်ပါတယ်။ကောင်းစေချင်လို့ ပြောတာပါ၊
သာသနာမျက်နှာကိုကြည့်ပြီး သာသနာစိတ်နဲ့ရေးတာပါလို့ အသံကောင်းဟစ်ပေမယ့် တကယ်တမ်းကျတော့ ဆရာကြီးလုပ်လိုစိတ် မနာလိုစိတ် နာကျည်းစိတ်တွေနဲ့ အပြစ်မရှိ အပြစ်ရှာပြီး ပုဂ္ဂိုလ်ရေး ဂုဏ်သိက္ခာ ထိခိုက်အောင် ပြစ်တင်ဝေဖန် ကဲ့ရဲ့ရှုတ်ချ ပုတ်ခတ်စော်ကားတာမျိုးပေါ့။
(၈) စကားကြမ်း စကားရိုင်း ပြောဆိုခြင်းဆိုတဲ့ “ဖရုသဝါစာ” က
အပြစ်ကို နှိပ်ကွပ်ပြီး ဆုံးမခြင်းဆိုတဲ့ “နိဂ္ဂယှဝါဒိတာ”ယောင်ဆောင်ပြီး
စိတ်ကိုလှည့်ပတ်တတ်ပါတယ်။ အပြစ်ရှိသူကို နှိမ်ချပြီး ရိုင်းရိုင်းစိုင်းစိုင်း
ကြမ်းကြမ်းတမ်းတမ်း မာမာကြောကြော ပြောဆိုတာကိုပဲ
ကောင်းစေချင်လို့ ဆုံးမတာ မခံချင်စိတ်ဖြစ်အောင်လို့ နှိုးဆွတာလို့
လှည့်စားတာမျိုးပေါ့။
(၉) ဒကာ ဒကာမတွေအပေါ် အောက်ကျို့ပြောဆိုခြင်းဆိုတဲ့
“စာဋုကမျတာ” က ချစ်ဖွယ်စကားပြောဆိုခြင်းဆိုတဲ့ “ပီယဝါဒိတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။ လာဘ်လာဘကို ငဲ့ပြီး ကိုယ့်ကိုယ်ကိုယ် နှိမ့်နှိမ့်ချချနဲ့ ခ, ယ ဆက်ဆံတာကိုပဲ ဒကာ ဒကာမတွေအပေါ် စကားပြောချိုသာတယ် သဘောကောင်းတယ်လို့ ထင်နေတာမျိုးပေါ့။
(၁၀) မိမိပိုင် ပစ္စည်းဥစ္စာတွေကို သူတစ်ပါးနဲ့ခွဲဝေ မသုံးစွဲခြင်းဆိုတဲ့
“အသံဝိဘာဂသီလတာ”က အသက်မွေးစင်ကြယ်ခြင်းဆိုတဲ့
“အာဇီဝပါရိသုဒ္ဓိ” ယောင်ဆောင်ပြီး စိတ်ကိုလှည့်ပတ်တတ်ပါတယ်။
ကိုယ့်ပစ္စည်း သူများမပေးချင်လို့ နှမြောတွန့်တိုနေတာကိုပဲ
သီလမစင်ကြယ်သူကိုလှူရင် အဆိပ်ပင်ရေလောင်းရာ ရောက်မှာစိုးလို့ လို့ အကြောင်းပြတာမျိုးပေါ့။
(၁၁) မှားမှားယွင်းယွင်း အသက်မွေးခြင်းဆိုတဲ့ “မိစ္ဆာဇီဝ”က
မိမိပိုင်ပစ္စည်းဥစ္စာတွေကို သူတစ်ပါးနဲ့ခွဲဝေ သုံးစွဲခြင်းဆိုတဲ့
“သံဝိဘာဂသီလတာ” ယောင်ပြီး စိတ်ကိုလှည့်ပတ်တတ်ပါတယ်။
သီလ မစင်ကြယ်သူတွေကို ထောက်ပံ့နေတာကိုပဲ အလှူးအတန်း ရက်ရောတယ်လို့ သူတစ်ပါး ထင်မြင်စေချင်တာမျိုးပေါ့။
(၁၂) တရားနဲ့အညီ မချီးမြောက်ခြင်းဆိုတဲ့ “အသင်္ဂဟသီလတာ” က ဒကာ ဒကာမတွေနဲ့မရောနှောခြင်းဆိုတဲ့ “အသံသဂ္ဂဝိဟာရိတာ”
ယောင်ဆောင်ပြီး စိတ်ကို လှည့်ပတ်တတ်ပါတယ်။ အခြေအနေပေးပါလျှက် စကားမပြောချင် တရားမဟောချင်တာကိုပဲ ဝိနည်း အထူးလေးစား သလိုလို လူသူပရိတ်သတ်နဲ့ မရောနှောချင်သလိုလို ဟန်ဆောင်တာမျိုးပေါ့။
(၁၃) ရဟန်းနဲ့မသင့်တော်တဲ့ လူပေါင်းပေါင်းခြင်း
“အနနုလောမိကဂိဟိသံသဂ္ဂ” က ချီးမြောက်ခြင်း “သင်္ဂဟသီလတာ”
ယောင်ဆောင်ပြီး စိတ်ကိုလှည့်ပတ်တတ်ပါတယ်။ ရဟန်းစည်း လူ့စည်းမထားဘဲ လူးအချင်းချင်းပေါင်းသလို ပေါင်းသင်းဆက်ဆံတာကိုပဲ
ဒကာ ဒကာမတွေကို မေတ္တာနဲ့ ချီးမြှောက်တာလို့ အထင်ရောက်နေတာမျိုးပေါ့ ။
(၁၄) ကုန်းချော ကုန်းတိုက်ခြင်းဆိုတဲ့ “ပိသုဏာဝါစတာ” က
အမှန်စကားပြောဆိုခြင်းဆိုတဲ့ “သစ္စာဝါဒိတာ”ယောင်ဆောင်ပြီး
စိတ်ကိုလှည့်ပတ်တတ်ပါတယ်။ “တို့က မှန်တာပြောတာပဲ၊ ဘာဖြစ်လဲ” ဆိုပြီး ချစ်ခင်နေသူအချင်းချင်း အချစ်ပြယ်သွားအောင် ညီညွတ်နေသူချင်း အစည်းပြေသွားအောင် စကားကို ကိုယ်သိတိုင်း လျှောက်ပြောတာမျိုးပေါ့။
(၁၅) သူတစ်ပါးအကျိုးမဲ့ကို လိုလားခြင်းဆိုတဲ့ “အနတ္ထကာမတာ”က ကုန်းစကားမပြောလိုခြင်းဆိုတဲ့ “အပိသုဏဝါစတာ” ယောင်ဆောင်ပြီး စိတ်ကိုလှည့်ပတ်တတ်ပါတယ်။ တစ်စုံတစ်ယောက်ရဲ့ အကျိုးစီးပွားပျက်ပြားရာ ပျက်းပြားကြောင်း တခြားတစ်စုံတစ်ယောက်က ကြံစည်ပြောဆို လုပ်ကိုင်နေတာကို သိပါလျှက် “ကုန်းတိုက်ရာ ရောက်မှာစိုးလို့” အကြောင်းပြပြီး မပြောဘဲထားတာမျိုးပေါ့။
(၁၆) ကိုယ့်ဒကာကို သူ့ဒကာဖြစ်သွားမှာ စိုးရိမ်ခြင်းဆိုတဲ့ “ကုလမစ္ဆရိယ” က ကိုယ့်ဒကာကို ညှာတာသနားခြင်း အားနာခြင်းဆိုတဲ့
“ကုလာနုဒယတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၁၇) ကိုယ့်ကျောင်း သူများမလာစေလိုခြင်း၊ ကျောင်းဝန်တိုခြင်း ဆိုတဲ့
“အာဝါသမစ္ဆရိယ”က ကျောင်းရေရှည် တည်တံ့စေလိုခြင်း၊ ကျောင်း မပျက်စီးစေလိုခြင်း ဆိုတဲ့ “အာဝါသစိရတရကာမတာ” ယောင်ဆောင်ပြီး စိတ်ကိုလှည့်ပတ်တတ်ပါတယ်။
(၁၈) တရားဓမ္မနဲ့ ပတ်သက်တာတွေကို ဝန်တိုခြင်းဆိုတဲ့ “ဓမ္မမစ္ဆရိယ”က တရားဓမ္မနဲ့ ပတ်သက်တာတွေကို ထိန်းသိမ်းစောင့်ရှောက်ခြင်း
ဆိုတဲ့ “ဓမ္မပဋိဗန္ဓပရိဟရဏတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၁၉) အကျိုးမဲ့စကားတွေကို အချိန်ဖြုန်းပြောဆိုရတာကို ပျော်မွေ့ခြင်းဆိုတဲ့ “ဘဿာရာမတာ” က တရားစကားပြောကြားနေရတာကို
ပျော်မွေ့ခြင်းဆိုတဲ့ “ဓမ္မဒေသနာဘိရတိ” ယောင်ဆောင်ပြီး
စိတ်ကိုလှည့်ပတ်တတ်ပါတယ်။
(၂၀) အပေါင်းအဖော်နဲ့ မွေ့လျော်ြ့ခင်းဆိုတဲ့ “သင်္ဂဏိကာရာမတာ”က
တပည့်အပေါင်းကို ချီးမြှောက်ခြင်းဆိုတဲ့ “ဂဏာနုဂ္ဂဟကရဏတာ”
ယောင်ဆောင်ပြီး စိတ်ကိုလှည့်ပတ်တတ်ပါတယ်။
(၂၁) အမှုကိစ္စအမျိုးမျိုးမှာ မွေ့လျော်ခြင်းဆိုတဲ့ “ကမ္မာရာမတာ” က
ကုသိုလ်ကောင်းမှုမှာ မွေ့လျော်ခြင်းဆိုတဲ့ “ပုညကမ္မတာ”
ယောင်ဆောင်ပြီး စိတ်ကိုလှည့်ပတ်တတ်ပါတယ်။
(၂၂) ဒေါသနဲ့ ရွံရှာစက်ဆုပ်ခြင်းဆိုတဲ့ “ဗျာပါဒ” က ဘာဝနာကမ္မဋ္ဌာန်းနဲ့ ရွံရှာစက်ဆုပ်ခြင်းဆိုတဲ့ “ပဋိကူလသညတာ”ယောင်ဆောင်ပြီး
စိတ်ကို လှည့်ပတ်တတ်ပါတယ်။
(၂၃) ကာမဂုဏ် အာရုံအပေါ် နှစ်သက်ခြင်းဆိုတဲ့ “ကာမစ္ဆန္ဒ” က
ဘာဝနာကမ္မဋ္ဌာန်းကြောင့် မရွံရှာမစက်ဆုပ်ခြင်းဆိုတဲ့
“အပ္ပဋိကူလသညတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၄) အိပ်ငိုက်ခြင်း ပျင်းရိခြင်းဆိုတဲ့ “ထိနမိဒ္ဓ”က စိတ်တည်ငြိမ်ခြင်း
ဘေးအာရုံတွေမသိတော့ခြင်း ဆိုတဲ့ “သမာဓိ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၅) စိတ်ပျံ့လွင့်ပြီး ဟိုလုပ်ဒီလုပ် လျှောက်လုပ်ခြင်းဆိုတဲ့ “ ဥဒ္ဓစ္စ” က
ကြိုးစားအားထုတ်ခြင်း “ဝီရိယ”ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၆) အပ်, မအပ် စိတ်ပူပန်ခြင်းဆိုတဲ့ “ကုက္ကုစ္စ”က ဝိနည်း အထူးလေးစားခြင်း ဆိုတဲ့ “သိက္ခာကာမတာ ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၇) ယုံမှားသံသယဖြစ်ခြင်းဆိုတဲ့ ဝိစိကိစ္ဆာ”က ဟိုဘက် ဒီဘက်
နှစ်ဘက်မျှအောင် စူးစမ်းဆင်ခြင်းခြင်းဆိုတဲ့ “ဥဘယပက္ခသန္တီရဏတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၈) အကောင်း - အကောင်းမှန်းမသိ ၊ အဆိုး အဆိုးမှန်း-မသိ တဲ့“ သမ္မောဟ”က အကောင်းအဆိုး အားလုံးကို မတုန်မလှုပ် လျစ်လျှူရှု့တဲ့ “ဣဋ္ဌာနိဋ္ဌသမုပေက္ခနာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၂၉) အယူအဆ မှားယွင်းခြင်းဆိုတဲ့ “ မိစ္ဆာဒိဋ္ဌိ”က စူးစမ်းဆင်ခြင်ခြင်း အကြောင်းဟုတ်မဟုတ်လေ့လာခြင်း ဆိုတဲ့ “ဝီမံသာ ဟေတုပရိဂ္ဂဟ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၀) သတ္တဝါတွေအပေါ် သနားဂရုဏာ မရှိခြင်း ဆိုတဲ့ “အဒယာပန္နတာ”က သတ္တဝါတွေအပေါ် တပ်မက်မှုကင်းခြင်းဆိုတဲ့
“ဝိရတ္တတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၁) ကာမဂုဏ်ချမ်းသာတွေအပေါ် ငြိကပ်စွာခံစားခြင်းဆိုတဲ့
“ကာမသုခလ္လိကာတနုယောဂေ” က ရဟန်းတွေကို ဘုရားရှင်ခွင့်ပြုတဲ့
ပစ္စည်း သုံးဆောင်ခြင်းဆိုတဲ့ “အနုညာတပဋိသေဝနာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၂) ဆရာသမားတွေရဲ့ အဆုံးအမကို တရိုတသေမခံယူခြင်းဆိုတဲ့
“အပဒက္ခိဏဂ္ဂါဟိတာ” က ကိုယ့်ကိုယ်ကို အကြီးအမှူး ထားအားကိုးခြင်းဆိုတဲ့ “အတ္တာဓိပတေယျတာ” ယောင်ဆောင်ပြီး စိတ်ကို
လှည့်ပတ်တတ်ပါတယ်။
(၃၃) တရားကျင့်ဖက် သီတင်းသုံးဖော်တွေအပေါ် မရိုမသေ
မလေးစားခြင်းဆိုတဲ့ “သဗြဟ္မစာရီအဂါရဝ”က တရားတော်ကို
ရိုသေးလေးစားခြင်းဆိုတဲ့ “ဓမ္မဓိပတေယျတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၄) မိမိကိုယ်ရော တရားတော်ကိုပါ ဖျက်ဆီးခြင်းဆိုတဲ့ “အတ္တဓမ္မပရိဗ္ဘဝ”က လောကကို အလေးအမြတ်ပြုခြင်း ဆိုတဲ့ “လောကာဓိပတေယျတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၅) မိတ်ဆွေ အပေါင်း ဧည့်သည်အပေါင်းနဲ့ဝမ်းမြောက်ဝမ်းသာ
မပြောဆိုနိုင်ခြင်းဆိုတဲ့ “အသမ္မောဒနသီလတာ”က နှိုင်းနှိုင်းချင့်ချင့်ပြောဆိုခြင်းဆိုတဲ့ “မိတဘာဏိတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၆) လှည့်ပတ်ခြင်း ကောက်ကျစ်ခြင်းဆိုတဲ့ “မာယာသာဌေယျ” က
ဝမ်းမြောက်ဝမ်းသာ ပြောဆိုနိုင်ခြင်းဆိုတဲ့ “သမ္မောဒနသီလတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
(၃၇) မစူးစမ်း မဆင်ခြင်ခြင်းဆိုတဲ့ “အပရိက္ခဏတာ” က
သဒ္ဓါတရားအားကြီးခြင်းဆိုတဲ့ “သဒ္ဓါလုတာ” ယောင်ဆောင်ပြီး စိတ်ကို လှည့်ပတ်တတ်ပါတယ်။
ဓမ္မပရိတ်သတ်များ မြတ်ဗုဒ္ဓရဲ့တရားဓမ္မ မှန်မှာ ကိုယ့်စိတ်ကိုယ်
မလိမ်မညာ အမှန်အတိုင်း စစ်ဆေးရင်း
အရည်အသွေးအမြင့်ဆုံး စိတ်ပိုင်ရှင်တွေဖြစ်အောင်
ကြိုးစားအားထုတ်နိုင်ကြပါစေ။
{ဆရာတော်အရှင်ဆန္ဒာဓိက(ရွှေပါရမီတောရ)}
ကိုယ့်စိတ်ကိုယ်စစ် စာအုပ် စာ(၁၈မှ ၂၈) ထိကောက်နှုတ်ချက်
_/\_ _/\_ _/\_ဓမ္မမိတ်ဆွေများ ကျန်းမာချမ်းသာကြပါစေ။_/\__/\__/\_
ဤဓမ္မဒါနကုသိုလ်ကြောင့် သာသနာတောကိုထောက်ပံ့နိုင်ပြီး နိဗ္ဗာန်၏
အထောက်အပံ့ဖြစ်ပါစေ။
Shared from Pay Thoe (FB)
No comments:
Post a Comment