*ရှင်* အသုဘ

စက်ဆုပ်ရွံရှာဖွယ်ကောင်းသည်၏ အဖြစ်ဆိုသည်မှာ သူသေကောင်၏ ကိုယ်၌သာမဟုတ်သေး ၊ စင်စစ်မှာမူ အသက်ရှင်ဆဲ လူ၏ကိုယ်၌မူလည်း ရှိပေသည်။

သေသူ၏ ကိုယ်ကဲ့သို့ပင် ရှင်ဆဲ လူ၏ကိုယ်သည်လည်း စက်ဆုပ်ရွံရှာဖွယ် မတင့်တယ်သော အသုဘသာဖြစ်ပေသည်။ သို့သော်လည်း ရှင်ဆဲဖြစ်သော ဤကိုယ်၌ ဧည့်သည်ဖြစ်သော ရေချိုးသုတ်သင် နံ့သာတင်၍ တန်ဆာဆင်ခြင်းဖြင့် ဖုံးကွယ်ထားသောကြောင့် စက်ဆုပ်ရွံဖွယ် မတင့်တယ်ဟု မှတ်စရာ အသုဘလက္ခဏာသည် လူအများစုအား မထင်ပဲရှိချေသည်။ပကတိပင်ကိုယ်အားဖြင့်မူကား ဤကိုယ်မည်သည်မှာ သုံးရာကျော်သော အရိုးတို့ဖြင့် စိုက်ထောင်ထားပေသည်။တရာ့ရှစ်ဆယ်သော အဆက်အစပ်တို့ဖြင့် ဆက်စပ်ထားပေသည်။
ကိုးရာသောအကြောတို့ဖြင့် ဖွဲ့ချည်ထားပေသည်။ကိုးရာသော သားတစ်တို့ဖြင့် မွမ်းမံလိမ်းကျံထားပေသည်။စိုသော အရေထူဖြင့် မြှေးယှက်ထားပေသည်။ အရေပါးဖြင့် ဖုံးအုပ်ထားအပ်ပေသည်။အသေးအမွှား အပေါက်များ အနှံ့အပြားရှိ၏။

အဆီထည့်ထားသော မြေအိုးမြေခွက်ကဲ့သို့ အထက်အောက် ဆူပွက် ယိုထွက်လျက် ရှိ၏၊ ပိုးအပေါင်း တို့၏ မှီဝဲရာ နေရာဖြစ်၏၊ အနာရောဂါတို့၏ စွဲကပ်ရာလည်းဖြစ်၏၊

ဆင်းရဲတရားတို့၏ ဖြစ်ပွါးရာလည်းဖြစ်၏၊ အနှံ့အပြား ပေါက်ကွဲသော အိုင်းအမာအိုကြီးကဲ့သို့ ကိုးခုသော အမာဝတို့မှ အမြဲမပြတ် ယိုထွက်လျက်ရှိ၏၊

ယိုထွက်ပုံမှာ

ယင်းကိုယ်၏ နှစ်ခုသော မျက်စိပေါက်တို့မှ မျက်ရည် မျက်ချေး ယိုထွက်၏၊နှစ်ခုသော နားပေါက်တို့မှ နဖာချေး ယိုထွက်၏၊ နှစ်ခုသော နှာခေါင်းပေါက်တို့မှ နှာရည် နှပ်ချေးယိုထွက်၏၊ ခံတွင်းမှ အစာသစ် သည်းခြေ သလိပ် သွေးတို့ အန်ထွက်ကြ၏၊ အောက်ဒွါရတို့မှ ကျင်ကြီး ကျင်ငယ်တို့ (ယိုထွက်ကြ၏)၊ ကိုးသောင်းကိုးထောင်သော မွေးညှင်းတွင်းတို့မှ စက်ဆုပ်ဖွယ် ချွေးစေး ချွေးရည် ယိုထွက်၏၊ 

ယင်မမဲရိုင်းစသော အကောင်တို့သည် (ယင်းကိုယ်ကို) ဝန်းရံလျက် နားကုန် တည်ကုန်၏။ ယင်းကိုယ်ကို သွားတိုက်ခြင်း, မျက်နှာသစ်ခြင်း, ဦးခေါင်းကို ဆီလိမ်းခြင်း, ရေချိုးခြင်း, ခါးဝတ်ကိုယ်ရုံ ဝတ်ရုံခြင်း စသည် တို့ဖြင့် မသုတ်သင် မပြုပြင်ပဲ မိမွေးတိုင်းသာ ဖြစ်လျက် ကြမ်းတမ်းသောဆံပင်များ ဖရိုဖရဲကြဲလျက် တရွာမှ တရွာသို့ လှည့်လည်သွားလာနေလျှင် ပြည့်ရှင်မင်းသည်၎င်း၊ ပန်းမှိုက်သွန်ဒွန်းစဏ္ဍား စသည်တို့ထဲက တယောက်ယောက်သည်၎င်း စက်ဆုပ်ဖွယ်ကိုယ်ရှိပုံချင်း တူညီနေသောကြောင့် ထူးခြားခြင်း မရှိတော့ပေ၊ ဤသို့ မစင်မကြယ် ရွံဘွယ်ညှီသိုး အနံ့ဆိုး ရှိလျက် စက်ဆုပ်ဖွယ် ကောင်းကြသည်ချည်းသာ ဖြစ်သောကြောင့် ပြည့်ရှင်မင်း၏ ကိုယ်၌သော်၎င်း ဒွန်းစဏ္ဍား၏ ကိုယ်၌ သော်၎င်း (အယုတ်အမြတ် အကောင်းအဆိုးအားဖြင့်) ထူးခြားခြင်းမည်သည် မရှိတော့ပေရာ။ 

ဤသို့ ထူးခြားခြင်း မရှိရာ သော်လည်း သွားတိုက်ခြင်း မျက်နှာသစ်ခြင်း စသည်တို့ဖြင့် ဤကိုယ်၌ သွားချေး စသည်တို့ကို သုတ်သင်၍ အမျိုးမျိုးသော အဝတ်အထည်တို့ဖြင့် ဖုံးထားသင့်သော ရှက်ဖွယ်ကိုယ်အင်္ဂါကို ဖုံးလွှမ်း၍ အသွေးအရောင် အမျိုးမျိုးရှိသော အမွှေး အကြိုင် နံ့သာဖြင့် လိမ်းကျံ၍ ပန်းအဆင်တန်ဆာတို့ဖြင့် ဆင်မြန်းလျက် ''ငါ, ငါ့ဟာ''ဟု မှတ်ယူအပ်သော အခြေအနေသို့ ရောက်အောင် ပြုလုပ်နေကြပေသည်၊ ထိုသို့ပြုကြသဖြင့် ဧည့်သည်အာဂန္တု ဖြစ်သော ဤ အဆင်တန်ဆာက ဖုံးကွယ်ထားသော ကြောင့် ဤကိုယ်၏ဟုတ်တိုင်းမှန်သည့် သူ့ပင်ကိုသဘောဖြစ်သော ထိုအသုဘလက္ခဏာကို မမှတ်နိုင်-မသိနိုင်ကြသော ကြောင့် ယောက်ျားတို့သည် မိန်းမတို့၌၎င်း၊ မိန်းမတို့သည်လည်း ယောက်ျားတို့၌၎င်း မွေ့လျော်နှစ်သက် တပ်မက်နေကြပေသည်။

အစစ်အမှန် ပရမတ်သဘောအားဖြင့်မူကား ဤကိုယ်ထဲ၌ တပ်မက်နှစ်သက်ရန် သင့်လျော်သော အရာမည်သည် အဏုမြူမျှသော်လည်း မရှိချေ။ ထိုသို့ မရှိသောကြောင့်ပင်လျှင် ဆံပင် အမွေး လက်သည်း ခြေသည်း သွား တံတွေး နှပ် ကျင်ကြီး ကျင်ငယ် စသည်တို့တွင် တခုသော အဖို့အစုသော်လည်း ကိုယ်မှ အပြင်ပသို့ ကျသွားလျှင် လူသတ္တဝါတို့သည် လက်ဖြင့် ထိရန်သော်လည်း အလိုမရှိကြတော့ပေ၊ အနှိပ်စက်ခံရသလိုပင် မုန်းတီးကြ၏၊ ရွံရှာကြ၏၊ စက်ဆုပ်ကြ၏။ 

သို့သော်လည်း ဤကိုယ်ထဲ၌ ကျန်ရှိနေသမျှ အဖို့အစုကိုမူ ထို (အပြင်သို့ ကျသွားသော အဖို့အစု) ကဲ့သို့ပင် စက်ဆုပ်ဖွယ် ဖြစ်ငြားသော်လည်း အဝိဇ္ဇာမှောင်က မြှေးယှက်ဖုံးကွယ်ထားသောကြောင့် မိမိကိုယ်၌ ချစ်ချင်သော ရာဂဖြင့် တပ်မက်ကြလျက် ''လိုချင်စရာကောင်းပေသည်၊ နှစ်သက်စရာပဲ၊ မြဲသည်၊ ချမ်းသာသည်၊ အတ္တပဲ''ဟု မှတ်ယူကြ၏။ ထို သတ္တဝါတို့သည် ဤသို့ မှတ်ယူကြသောကြောင့် တောထဲ၌ပေါက်ပင်ကို တွေ့မြင်၍ ပေါက်ပင်မှ (ကြွေကျသော ပန်းကို ပန်းဟုသိသော်လည်း) မကြွေကျသေးသော အပင်ထက်ရှိ ပန်းကို ''အပင်ထက်ရှိ ဤအရာသည် သားတစ်ပင်''ဟု (ထင်မှတ်ကာစောင့်မြော်လျက်) ပင်ပန်းရသော မြေခွေးအိုနှင့် တူညီခြင်းသို့ ရောက်ကြရလေသည်။ 

မြေခွေးသည် တောထဲ၌ ပန်းပွင့်နေသော ပေါက်ပင်ကို တွေ့မြင်၍ ''ငါသည် အသားပင်ကို ရပေပြီ''ဟု အဆောတလျင် ပြေးသွားပြီးလျှင် ကျလာတိုင်း ကျလာတိုင်းသော ပန်းကို အလွန်မက်မောလျက်(ဝါ-အလောတကြီး) ကိုက်ခဲ ၍ ''ဤအရာကား အသားမဟုတ်၊ သစ်ပင်ထက်၌ရှိသော ထိုအရာကား အသားပင်တည်း''ဟု မှတ်ယူသကဲ့သို့ ပညာ ရှိသည် ''ကိုယ်မှကျသော ဆံပင်စသော ခန္ဓာအစိတ်အပိုင်းတို့ကိုသာလျှင် အသုဘ''ဟု ထိုမြေခွေးကဲ့သို့ မမှတ်ယူမူ၍ ကိုယ်၌ တည်ရှိနေသော ယင်းအစိတ်ပိုင်းတို့ကိုလည်း (ကိုယ်မှကျသော) ထိုအဖို့အစုကဲ့သို့ပင် အသုဘဟု မှတ်ယူရာ၏။ ထိုသို့ ယူသင့်ခြင်း၏ အကြောင်းကား (စက်ဆုပ်ဖွယ်တို့ဖြင့် ပြည့်နေသော) ဤကိုယ်ကို တင့်တယ်သည်ဟု စွဲယူကြ ၍ ထိုကိုယ်၌ မက်မောတွေဝေကြသော သူမိုက်တို့သည် (ကိုယ်ကျိုးအတွက်)မကောင်းမှုတို့ကို ပြုကြသောကြောင့် အပါယ် ဆင်းရဲ အစရှိသော ဒုက္ခမှ မလွတ်မြောက်ပဲ ရှိကြလေသည်။

ထို့ကြောင့် ပညာရှိသည် အသက်ရှင်ဆဲမူလည်းဖြစ်သော သေပြီးမူလည်းဖြစ်သော ကိုယ်ကောင်ပုပ်၏ တင့်တယ် သည်၏ အဖြစ်သည်ကြဉ်အပ်သော (ဝါ-တင့်တယ်ခြင်း ကင်းသော) စက်ဆုပ်ဖွယ် သဘောကို ရှုရာ၏။သုံးဆဲ့နှစ်ပါးသော အဖို့အစုအပေါင်းဖြစ်သော ကိုယ်သည် နံစော်ညှီဟောင်း မကောင်းသော အနံ့ရှိ၏၊ အဖန်ဖန် ဆေးကြော သုတ်သင်သော်လည်း မစင်ကြယ်၊ ခွေးကောင်ပုပ် မြွေကောင်ပုပ်နှင့်တူ၏၊ ကျင်ကြီးတွင်းနှင့်(လည်း) တူ၏။ (ဤသို့ စသည်ဖြင့်) ပညာမျက်စိ ဖြစ်ပြီးသော ပုဂ္ဂိုလ်တို့က ကဲ့ရဲ့ရှုတ်ချ (အပ်) ၏။ ပညာမျက်စိ မဖြစ်သေးသော ဗာလ ပုဂ္ဂိုလ်တို့ကမူ ယင်း ကိုယ်ကို မွှေးကြိုင်သည် စသည်ဖြင့် ထင်မှတ်၍ အလွန်ပင် နှစ်သက်မြတ်နိုးနေပေ၏။

ထို့ကြောင့် ကျွန်ုပ်တို့သည် ပညာရှိ သူတော်ကောင်းပုဂ္ဂိုလ်များ ဖြစ်လိုပါမူ အသက်ရှင်ဆဲ ကိုယ်၌လည်း စက်ဆုပ်ဖွယ် သဘောကို ရှုအပ်ပေတော့ သာတည်း။။။။။။
(၀ိသုဒ္ဓိမဂ်မှ ကောက်နှုတ်ဖော်ပြပါသည်)

Shared from Dhamma Rakhita (FB)