ကလေးတွေ ဘာကြောင့် လိမ်တတ်ရသလဲ

■လိမ်တယ်၊ ညာတယ် ဆိုတာဟာ မကောင်းတဲ့ အကျင့်စရိုက် တခုပါ။

■ဘယ်မိဘ မဆို ကိုယ့်ရဲ့ သားသမီးကို မလိမ်တတ်၊ မညာ တတ် တဲ့၊ ရိုးသားဖြောင့်မတ်တဲ့ ကလေးမျိုး ဖြစ်စေချင် ကြပါတယ်။

■ဒါပေမယ့် ကလေး တော်တော် များများဟာ အကြောင်း အမျိုးမျိုးကြောင့် မိဘများ၊ ဆရာများကို လိမ်ပြောတတ်ကြ ပါတယ်။

■လိမ်တယ် ညာတယ် ဆိုတာဟာ တကယ်တော့ ကလေးတစ်ယောက်ချင်း အတွက်ရော၊ အနာဂတ် လူ့အဖွဲ့အစည်း အတွက်ပါ မကောင်းတဲ့ အကျင့်ဆိုးကြီးပါ။

■ လိမ်တတ်၊ ညာတတ်တဲ့ ကလေးတွေကို ငယ်ငယ်ကတည်းက ကျွန်တော်တို့ မပြုပြင်၊ မထိန်းကျောင်းခဲ့ဘူး ဆိုရင် အနာဂတ်မှာ လိမ်တတ်၊ ညာတတ်တဲ့ လူကြီးတွေ များပြားတဲ့ လူ့အဖွဲ့စည်းကြီး တရပ် ဖြစ်လာမှာပါပဲ။

■ ဖွံ့ဖြိုးပြီး နိုင်ငံများမှာတော့ ကလေးတို့ရဲ့ လိမ်ညာတဲ့ ကိစ္စကို ကျောင်းတွေမှာ တော်တော်လေး ကိုပဲ ဂရုတစိုက်နဲ့ ထိန်းကျောင်း ပဲ့ပြင် ပေးကြပါတယ်။

■ကျွန်တော်တို့ ဆီမှာတော့ ကလေးတွေ လိမ်တာတွေ့ရင် မှတ်လောက်အောင်ဆိုပြီးတော့ ရိုက်နှက် ဆုံးမတာမျိုး၊ အရှက်ခွဲပြီးတော့ ဆုံးမတာမျိုးတွေ လုပ်တတ်ကြပါတယ်။

■အမှန်တော့ ဒီလို ဆုံးမတာမျိုးဟာ ကလေးတို့ရဲ့ စိတ်ပိုင်းဆိုင်ရာကို နာကျင် ထိခိုက် သွားရုံ ကလွဲလို့ ကလေးတို့ မလိမ် မညာအောင်လို့ မတားမြစ်နိုင်ပါဘူး။

■ပိုပြီးတော့ လိမ်တတ်၊ ညာတတ်အောင် လုပ်လိုက်သလိုတောင်မှ ဖြစ်သွားစေပါတယ်။

■ကလေးတို့ လိမ်ကြတယ်၊ ညာကြတယ် ဆိုတဲ့နေရာမှာ ဘာကြောင့် လိမ်သလဲ၊ ဘာဖြစ်လို့ လိမ်သလဲဆိုတဲ့ လိမ်ရ၊ ညာရတဲ့ အကြောင်းရင်းတွေ အမျိုးမျိုး ရှိပါတယ်။

■ကလေးတို့ ရင်ထဲက အဲဒီ အကြောင်းအရင်းကို သိအောင်လို့ အရင် လုပ်ကြရမှာပါ။

■အကြောင်းရင်းကို သိပါမှ ကလေးတို့ မလိမ်ညာကြဖို့ အတွက် ကျွန်တော်တို့က ပြုပြင်ပေးလို့ ရမှာပါ။

■ လိမ်ညာခြင်းနဲ့ ပတ်သက်ပြီး ကလေးစိတ်ပညာရှင် များကတော့ ကလေးတို့ လိမ်ရ၊ ညာရတဲ့ အကြောင်းရင်းကို အကြမ်းအားဖြင့် သုံးမျိုး ခွဲပြထားပါတယ်။

၁။ ပြဿနာကို ဖြေရှင်းဖို့
အတွက် လိမ်ညာခြင်း
••••••••••••••••••••••••••

- ဒီ လိမ်ညာခြင်းကတော့ ကိုယ့်ကိုကိုယ် ကာကွယ်ဖို့ အတွက် ကလေးတို့ အများဆုံး သုံးကြတဲ့ လိမ်ညာနည်းပါပဲ။

- ပန်းကန် ကွဲသွားတာမျိုး၊ လူကြီးရဲ့ပစ္စည်းကို ယူကိုင်ကြည့် မိရင်း ပျက်စီးသွားတဲ့ အခါမျိုးတို့မှာ ကလေးတို့ဟာ အဆူခံ၊ အရိုက်ခံရမှာ စိုးလို့လိမ်ပြော တတ်ကြပါတယ်။

- မောင်နှမ အချင်းချင်း ရန်ဖြစ်တဲ့အခါမျိုးမှာပဲ ဖြစ်ဖြစ်၊ သူငယ်ချင်း အချင်းချင်း စကားများ ရန်ဖြစ်တာမျိုးပဲ ဖြစ်ဖြစ် ကိုယ့်အပြစ် လွတ်အောင်လို့ လိမ်ညာပြောတတ်ကြပါတယ်။

- အထူးသဖြင့် အကြောက်တရားနဲ့ အုပ်ချုပ်တတ်တဲ့ ကျောင်းမျိုး၊ အိမ်မျိုးမှာ နေရတဲ့
ကျောင်းသားမျိုး၊ ကလေးမျိုး တွေဟာ ပိုပြီးတော့ လိမ်ညာ တတ်ကြပါတယ်။
ကြောက်ရွံ့ခြင်း ကြောင့် လိမ်ညာရတာပါ။

- တချို့ မိဘများ ကတော့ ကလေးတို့ ကို မလိမ် မညာအောင်လို့ ပြဿနာ တစ်ခုခု ဖြစ်လာတိုင်းမှာ “ မင်း အမှန်တိုင်း ပြောစမ်း၊ မလိမ်နဲ့။

- မလိမ်ဘဲနဲ့ အမှန်တိုင်းပြောရင် သက်သာမယ်။ အေး..လိမ်တာကို မိရင်တော့ မလွယ်ဘူး ” ဆိုပြီးတော့ ပြောတတ်ကြပါတယ်။

- အဲဒီလို ပြောနေပေမယ့်လည်း ကလေးတို့ဟာ အမှန်ကို ဝန်မခံကြပါဘူး။

- ဆက်ပြီးတော့ လိမ်ကြမြဲပါ။

- ဘာကြောင့် ဒီလို လိမ်သလဲ ဆိုတာကို ပြန်ပြီးတော့ ဆန်းစစ်ကြည့်မယ် ဆိုရင်ဖြင့် လူကြီး တော်တော် များများဟာ ကလေးတွေ အပြစ် တစ်ခုခု လုပ်မိလို့ အမှန်ကို ဝန်ခံတိုင်းမှာ မလိမ်တဲ့ အတွက် မရိုက်ကြ၊ မနှက်ကြပေမယ့်လည်း မပြီးနိုင် မစီးနိုင်အောင် ဆူပူနေ တာမျိုး၊ ကလေး စိတ်ထဲမှာ ရှက်သွားအောင်၊ ထိခိုက် နာကျင်သွားအောင်လို့ ပြောဆို ဆုံးမတာမျိုးတွေလုပ်တတ်ကြလို့ ပါပဲ။

- ဒါကြောင့် ကလေးများဟာ သူတို့ အပြစ်လုပ်မိတဲ့ အခါမျိုးတိုင်းမှာ ဝန်ခံလိုက်တာထက် စာရင် ဗြောင်လိမ်လိုက်တာက ပိုပြီးတော့ နားအေး စိတ်သက်သာရာ ရစေတယ် လို့ တွေးမိတတ်ကြပါတယ်။

- နောက်တစ်ခု ကတော့ ပြဿနာကို ဖြေရှင်းဖို့ အတွက် လိမ်တဲ့နည်းကို မိဘတွေက ကလေးရှေ့မှာ သုံးတတ် ကြလို့ပါပဲ။

- ဥပမာ ရုံးမသွားချင်လို့ ဒီနေ့ နေမကောင်းဘူး ဆိုပြီးတော့ ရုံးကို ခွင့်တိုင်တာမျိုး၊

- ကိုယ် မကိုင်ချင်တဲ့ ဖုန်းတွေ လာတဲ့ အခါမျိုးမှာ သားရေ မေမေ အိမ်မှာ မရှိဘူးလို့ ပြောလိုက် ဆိုပြီးတော့ ကလေးကို လွယ်လွယ် အပြောခိုင်းတာမျိုးတွေပါ။

- ဒီလိုမျိုး ကလေးရှေ့မှာ လွယ်လွယ် လိမ်လိုက်တာမျိုး၊ ကလေးကို လိမ်ပြောခိုင်းတာမျိုးတွေ ကို ကျွန်တော်တို့ လူမှုဝန်းကျင်မှာ လူကြီး မိဘတွေ တော်တော်လုပ် တတ်ကြပါတယ်။

- အဲဒီလိုမျိုး ကလေးရှေ့မှာပြဿနာကို လွယ်လွယ် ဖြေရှင်းတဲ့နည်းနဲ့ မိဘက လိမ်ပြထား တာမို့ ကလေးဟာလည်း မိဘတွေ လိမ်တဲ့ ပုံစံအတိုင်း လိုက်လိမ်တော့တာ ပါပဲ။

- ညဘက် ဂိမ်းတွေ ကစားနေလို့ အိမ်စာ မပြီးတာ ကို “ သား ညက ဗိုက်အောင့် နေလို့ အိမ်စာတွေ မလုပ်ခဲ့တာပါ ” လို့ ဆရာမကို လိမ်ပြောတာမျိုးတွေပါပဲ။

၂။ ကိုယ့်ရဲ့အတ္တနဲ့ ကိုယ့်ကိုကိုယ်
ကာကွယ်မှု အတွက် လိမ်ပြောခြင်း
•••••••••••••••••••••••••••••••••

- ဒီ လိမ်ပြောနည်း ကလည်း ကလေးတော်တော် များများ ပြောလေ့ရှိတဲ့ လိမ်ပြောနည်း တစ်မျိုးပါ။

- ကိုယ့်ရဲ့ အတန်းထဲက သူငယ်ချင်း က ဂါဝန်လှလှလေး ဝတ်လာတာမျိုး တွေ့တဲ့အခါမှာ

“ ငါ့မှာလည်း ဒီလို ဂါဝန်မျိုး ရှိတယ် ” ဆိုပြီးတော့ လိမ်ပြောတာမျိုးပါပဲ။

- သူငယ်ချင်းက ကမ်းခြေကို အပန်းဖြေသွားတဲ့ အကြောင်း ပြောပြတဲ့အခါမျိုးမှာလည်း ငါတို့လည်း

ဒီကျောင်းပိတ်ရက်မျိုးကျရင် ကမ်းခြေ သွားမှာလို့ မခံချင်စိတ်နဲ့ ကလေးတို့ ပြောတတ်ကြပါတယ်။

- ဒီလိုမျိုး မခံချင်စိတ်နဲ့ လိမ်ညာပြောတာကို မိဘများ တွေ့တဲ့ အခါမျိုးမှာ ကလေးရဲ့ လိုအပ်မှု တွေကို ကိုယ့်ရဲ့ ဝင်ငွေက လိုက်ပြီးတော့ မဖြည့်ဆည်း ပေးနိုင်လို့ ကလေး ဒီလို ပြောတာပဲ ဆိုပြီးတော့ အမှုမဲ့ အမှတ်မဲ့ မနေရပါဘူး။

“ သမီးရေ ၊ သမီးကို မေမေတို့က ချောင်းသာတော့ လိုက်မပို့နိုင်ဘူး။ ဒါပေမယ့် မေမေက သမီးကို ကစားကွင်း လိုက်ပို့ပေးမယ်။ နောက်တခါ သူငယ်ချင်းတွေကို အဲဒီလိုမျိုး ညာ မပြောရဘူး ” ဆိုတာမျိုးနဲ့ ကလေး နားလည်အောင် ပြောပြရပါမယ်။

၃။ အတို့အထောင်သဘောမျိုး
ဆန်တဲ့ လိမ်ပြောနည်း
•••••••••••••••••••••••••••••

- ဒီလိမ်ပြောနည်းကို ကလေးကျွမ်းကျင်သူ စိတ်ပညာရှင်များက လိမ်နည်း တစ်နည်းရယ်လို့ သတ်မှတ် ထားပေမယ့် ကျွန်တော်တို့ ဆီမှာတော့ ဒါကို လိမ်တယ်လို့ တောင်မှ မထင်တတ် ကြပါဘူး။

- ဥပမာအနေနဲ့ ပြောရရင် မီးမီးက ပထမအစမ်း စာမေးပွဲမှာ အတန်းထဲမှာ ပထမ ရလာပါတယ်။

- မီးမီးက စာတော်တဲ့သူမို့ အမြဲတမ်း ပထမ ရနေကျပါ။

- မီးမီး အစ်ကို ကတော့ အဆင့် ၉ ရလာ ပါတယ်။

- မီးမီးအစ်ကိုက စာညံ့သူမို့ မီးမီးအစ်ကို အဆင့် ၉ ရလာတာကို အားလုံးက ဝိုင်းချီးကျူးကြပါတယ်။

- မီးမီး ကိုတော့ ဘယ်သူကမှ ပထမ ရလို့ မချီးကျူး ပါဘူး။

- အဲဒီ အခါမှာ မီးမီးက “ ဘွားဘွား သိလား။ ဘွားဘွား ကိုလေ ကိုကိုက ပြောတယ်။ ဗျစ်တောက် ဗျစ်တောက်နဲ့ တစ်ချိန်လုံး ဆူနေတဲ့ အဘွားကြီးလို့ ပြောတယ် ” ဆိုပြီးတော့ ဝင်ပြောတော့ တာ ပါပဲ။

- အတို့ အထောင် ဝင်လုပ်တာပေါ့။

- စာမေးပွဲ အကြောင်း ပြောနေတဲ့အချိန်မှာ ကိုကို အဆူခံရ အောင်လို့ မီးမီးက အတို့ အထောင် ဝင်လုပ်တာပါ။

- ကိုကို တကယ် ပြောတာက ဘွားဘွားက သိပ်ဆူတာပဲ၊ စိတ်ညစ်တယ် ဆိုတာလောက်ပဲ ပြောတာကို မီးမီးက ကိုကို ပြောတာထက် ပိုပြီးတော့ အပိုလေးတွေပါ ထည့်ပြီးတော့ ပြောလိုက်တာမျိုးကို ပြောတာပါ။

- ဒီလို အကျင့်စရိုက်မျိုးကို လက်မခံ ရပါဘူး။

- ချက်ချင်း အရေးယူရ ပါမယ်။

- မီးမီးကို ဒီလိုပြောတာ မကောင်းဘူး ဆိုတဲ့ အကြောင်း၊ ကိုကို့ အတွက်ရော၊ ဘွားဘွား အတွက်ရော ဘယ်သူ့ အတွက်မှ မကောင်းတဲ့ ဒီစကားမျိုးကို သယ်ဆောင် မလာသင့်ဘူး ဆိုတဲ့ အကြောင်း၊ ကိုကို မပြောတဲ့ အပိုတွေကိုပါ ထည့်ပြောတာမျိုးကတော့ ပိုပြီးတော့ မကောင်းဘူး ဆိုတဲ့ အကြောင်းကို တစ်ခါတည်း သင်ကြားရပါမယ်။

- ကျွန်တော်တို့ဆီမှာတော့ အဖေနဲ့ အမေ မတည့်ရင်၊ အမေနဲ့ အဒေါ်တွေ အဘွားတွေနဲ့ မတည့်ရင် သား၊ သမီးများ ကို စကား အပို့အယူ လုပ်ခိုင်း တတ်ကြ ပါတယ်။

- အဲဒီလို အပို့အယူ လုပ်တာကိုပဲ မိဘ ကလည်း လက်သင့်ခံပြီးတော့ နားထောင် တတ်ကြ ပါတယ်။

- တကယ်တော့ ဒီလို စကား အသယ်အပို့၊ အပို့အယူ လုပ်တဲ့အကျင့်မျိုးဟာ လူ့လောက အသိုင်းအဝိုင်း အတွက် အင်မတန်မှ အန္တရာယ်များတဲ့ အကျင့် စရိုက်ဆိုးမျိုး ပါပဲ။

- ဒီလို အကျင့်ဆိုးမျိုးကို ကြီးတဲ့အထိ မသယ်ဆောင်လာစေဖို့ အတွက် ကလေးတို့ကို ငယ်ငယ် ကတည်းက သင်ကြားထားပေးရမှာပါ။

- နောက်တခုက ကလေး လိမ်တာကို မိလို့ ကလေးကို ဆုံးမတဲ့ အခါမျိုးမှာလည်း

- မင်းက လူလိမ်ပဲ ဆိုတဲ့ အသုံးမျိုးကို ဘယ်တော့မှ မသုံးရပါဘူး။

- ကလေးရဲ့ လိမ်တဲ့ အပြုမူကိုပဲ မကြိုက်တဲ့အကြောင်း ပြောရပါမယ်။

- အခု လိမ်လိုက်တဲ့ အတွက် သူဟာ တစ်သက်လုံး လိမ်တော့မယ့် လူလိမ်ကြီး လုံးလုံး ဖြစ်သွားပြီလို့ ကလေးတို့ စိတ်ထဲမှာ ထင်မြင် ဝမ်းနည်း သွားလောက်အောင် အထိ မပြောဆိုရ ပါဘူး။

- ကလေးတို့ လိမ်တယ် ညာတယ် ဆိုတာဟာ တကယ်တော့ ပတ်ဝန်းကျင်နဲ့ အများဆုံး သက်ဆိုင် ပါတယ်။

- လိမ်တတ်၊ ညာတတ်တဲ့ ပတ်ဝန်းကျင် အသိုင်းဝိုင်းမှာ ကြီးပြင်းလာတဲ့ ကလေး တစ်ယောက်ဟာ ရိုးသား ဖြောင့်မတ်ဖို့နဲ့ မလိမ်တတ် မညာတတ်တဲ့ ကလေး တစ်ယောက်ဖြစ်ဖို့ မလွယ်ပါဘူး။

- ကလေးများဟာ ရေမြှုပ်နဲ့ တူပါတယ်။

- သူတို့ ပတ်ဝန်းကျင်က မြင်သမျှ၊ တွေ့သမျှ အားလုံးကို အတုခိုး လိုက်လုပ် တတ်ကြ တာမျိုးပါပဲ။

- ကလေး တို့ကို မလိမ်ညာတတ်စေဖို့၊ ရိုးသား ဖြောင့်မတ်စေဖို့ အတွက် အကောင်းဆုံးကတော့

- ကျွန်တော်တို့ လူကြီးတွေ အနေနဲ့ ကလေးရှေ့မှာ မလိမ်ညာမိ စေဖို့နဲ့၊

- ကလေး တို့ကို အကြောက်တရားနဲ့ မအုပ်ချုပ်မိစေဖို့ ပါပဲ။

- ဒါဆိုရင်ဖြင့် လိမ်ပြောရမှာကို ရှက်တတ်တဲ့၊ ရိုးသားဖြောင့်မတ်စွာ ပြောဆို နေထိုင်တတ်တဲ့ လူ့အဖွဲ့ အစည်းကြီးတစ်ရပ် အနာဂတ်မှာ ပေါ်လာနိုင်မှာပါ။ ။

Irrawaddy
Credit to Search Myanmar
Tin Tun Oo မှ ပြန်လည်ကူးယူသည်။