စွန့်ပစ်ခံ တိရစ္ဆာန်များသည် လူသားကို အန္တရာယ်ပေးမည့် သတ္တ၀ါအဖြစ် သတ်မှတ်၍မရ ( ဒေါက်တာ သန်းထိုက်)

ယခုတလော သတင်းစာ ဂျာနယ် များတွင် ခွေးရူးရောဂါ နှင့်ပတ်သက်၍ ပြောဆို ရေးသား မှုများ မကြာခဏ ဖတ်ရသည်။ လွှတ်တော် တွင်လည်း ကျန်းမာရေး ၀န်ကြီး ဒေါက်တာ ဖေသက်ခင်က မြန်မာနိုင်ငံ တွင် ခွေးရူး ရောဂါ ဖြစ်ပွားမှု၊ သေဆုံးမှု၊ ကာကွယ်ဆေး ထုတ်လုပ်နိုင်မှု စည့်တို့ကို တင်ပြ ဆွေးနွေး သွားခဲ့သည်။

ဂျာနယ်နှင့် သတင်းစာ များတွင် ခွေးရူးရောဂါ အကြောင်း ခွေးလေ ခွေးလွင့်များ အကြောင်း၊ အချို့တိရစ္ဆာန် ချစ်တတ် သူများကြောင့် ခွေးလေ ခွေးလွင့်များ ပေါများ ခြင်းထိန်း ချုပ်ရ ခက်ခြင်းများကို ဆောင်းပါးများ ရေးသား ကြ၍ ကျွန်တော့် နည်းတူ ဖတ်ရူသိရှိပြီး ဖြစ်မည်ထင် ပါတယ်။ ထိုသို့ ရေးသား ပြောဆိုကြ သည်ကို ဖတ်ကြည့်ပါက ကျွန်တော်တို့ လူသားများကို အန္တရာယ် ပေးနိုင် သည့်အတွက် ခွေးလေ ခွေးလွင့်များ သုတ်သင် ရှင်းလင်းရေး ကိုသာ အဓိကထား ပြောကြားသည်ကို တွေရသည်။ လမ်ဘေး ခွေး (ခွေးလေ ခွေးလွင့်) မရှိပါမှ ကျွန်တော် တို့အန္တရာယ် ကင်းဝေးမည့် သဘောတရား များကို တွေ့ရသည်။ ထို့ကြောင့် လူတော်တော် များများ၏ စိတ်ထဲတွင် ခွေးလေ ခွေးလွင့်များကို ကြောက်ရွံ့ မုန်းတီးရေး စိတ်ဓာတ်များ ပိုမိုပွားများ စေသည် ဟုထင်ပါသည်။

ခွေးရူး ရောဂါ ကြောက်စရာ ကောင်းသည်မှာ မှန်ပါသည်။ ထို့ အကြောက် တရားကြောင့် တရားခံ ခွေးလေ ခွေးလွင့်များ သုတ်သင် ရှင်းလင်း ရေးတည်း ဟူသော ရည်ရွယ်ချက် တစ်ခုတည်း နှင့်တော့ မပြည့်စုံ၊ မလုပ်သင့် ဟု ထင်ပါသည်။ ဘာကြောင့် ဆိုတော့ သူတို့သည် လည်း ဒီမြေမှာမွေး၊ ဒီမြေမှာ ကြီးသည့် အတွက် သက်ရှိ သတ္တ၀ါ များဖြစ်လို့ပါ။ သတ္တ၀ါ တိုင်း၏ အဓိက အရေးကြီး ဆုံးမှာ အသက် ရှင်သန် နေထိုင် ရေးပင် ဖြစ်သည်။ သူတို့ မှာလည်း အဲဒီရည်ရွယ် ချက်ရှိကြမည်။ သူတို့ လည်း အသက်ရှင် နေထိုင်ခွင့် (သို့မဟုတ်) ရပိုင်ခွင့် ရချင်ပေ လိမ့်မည်။ ကျွန်တော် တို့မဟာ လူသားများကို အဲဒီအခွင့် အရေးတောင်း ဆိုချင်ရှာ လိမ့်မည်ဟု တွေးတော ဆင်ခြင် မိပါသည်။

ကျွန်တော်တို့ နိုင်ငံသား အများစုမှာ ဗုဒ္ဓဘာသာဝင် ဖြစ်သည်။ မေတ္တာ ၊ကရုဏာ ကြီးမားပြီး သနားကြင်နာ တတ်မှုကြောင့် လမ်းဘေးခွေး၊ ကြောင်များ ငတ်ပြတ် ဒုက္ခရောက် နေသည်ကိုတွေ့ ချင်လျှင် လျစ်လျူမပြုနိုင် ကြသူများ ပါသည်။ တတ်နိုင်သရွေ့ ကျွေးမွေး စောင့်ရှောက် တတ်သည်မှာ ဓလေ့တစ်ခု လိုပင်ဖြစ်ပါသည်။ ကိုယ့်လို ဘဲသူတို့လည်း အသက်ရှင် ရပ်တည်ချင် ရှာလိမ့်မည် ဟူသော ကိုယ်ချင်းစာ တရားနှင့် ကုသိုလ်လို ချင်လို့ လည်း ပါပါသည်။

၂.၂.၂၀၁၃ နေထုတ် The Messenger ဂျာနယ် စာမျက်နှာ (၂၀) တွင် ရဲလွင်အောင် ရေးသားသည့် မက္ကဆီကို နိုင်ငံ မြို့တော်တွင် တိရစ္ဆာန် များအား သေလောက် အောင် နှိပ်စက် ညှင်းပန်းပါက ထောင်ဒဏ် လေးနှစ်နှင့် ဒဏ်ငွေ ဒေါ်လာ (၃၀၀၀) ပေးဆောင်ရမည်။ သေဆုံးခြင်း မရှိပါက ထောင်ဒဏ် ၂ နှစ်နှင့် ဒဏ်ငွေ (၇၅၀) ထိပေး ဆောင်ရမည် ဟုဥပဒေ ပြဌာန်းကြောင်း၊ အိမ်မွေးနှင့် တောရိုင်း တိရစ္ဆာန် များအား နှိပ်စက် ညှဉ်းပန်းပါက ရာဇ၀တ်မှု သင့်ကြောင်း ဖော်ပြထားသည်။ ခွေးလေ ခွေးလွင့် များကဲ့သို့ စွန့်ပစ်ခံ တိရစ္ဆာန် များအား လူသားမျိုးနွယ်ကို အန္တရာယ် ပေးမည့် သတ္တ၀ါများ အဖြစ်သတ် မှတ်၍ မရကြောင်း၊ ဥပဒေသစ် တွင်ဖော်ပြ ထားကြောင်း ရေးသား ထားသည်။

၆.၂.၂၀၁၃ နေထုတ် ကြေးမုံ သတင်းစာတွင် မောင်စေအောင် ၏ သတင်းဆောင်း ပါး၌လည်း သက်ဆိုင်ရာ မှ ခွေးလေ ခွေးလွင့်များကို ရပ်ကွက်၊ လမ်းများ၊ အလိုက်စိစစ် ရှာဖွေ သုတ်သင် ပေးပါက ပြည်သူများ၏ အသက်ကို ကယ်တင်ရာ ရောက်မည် ဖြစ်ကြောင်း ဆိုထားပါသည်။
ကျွန်တော်တို့ လူသားများ အသက်ကယ်ရန် သက်ဆိုင်ရာမှ လုပ်နေကြဖြစ်သည့် အဆိပ် ကျွေးသတ်ဖြတ် ပေးရန် တောင်းဆို ထားခြင်း၊ ပင်ဖြစ်ပါသည်။ မြန်မာနိုင်ငံ တွင်အခြားနည်းဖြင့် ဖြေရှင်းခြင်း မတွေ့ဘူး၊ မကြားဘူး သေးပါ။ ခွေးရူး (သို့မဟုတ်) ခွေးရူးဟု သံသယ ရှိသူ (သို့မဟုတ်) ခွေးရူး အကြောက် လွန်ရောဂါ ကြောင့် ခွေးကောင်း များ၏ အသက်ပေါင်း များစွာ စတေးခံ ရတော့မည်။ ဒီနည်းဖြင့် ဖြေရှင်းလာ ကြတာနှစ်ပေါင်း မည်မျှ ကြာပြီနည်း။ လူနှင့်ခွေးတို့ အကြား ကြောက်ရွံ့ မုန်းတီး ရေးနှင့် အာဃာတ တရားများ ပြေပျောက် သွားခြင်းမရှိပါ။ ပို၍သာ ကြီးထွားလာ နေသည်။

ကျွန်တော့် အယူအဆက တော့လူနှင့် ခွေးတို့ အကြားမေတ္တာ၊ ကရုဏာ ဖြစ်ထွန်း စေမည့် ကောင်းမွန်သော ဖြေရှင်းနည်း တစ်ခု ဖြစ်ပေါ် လာအောင် ၀ိုင်းဝန်းကြိုး စားစေချင်ပါသည်။ လူသားတို့ ဘ၀ကလည်း လုံခြုံမှုရှိပြီး သူတို့ (စွန့်ပစ်ခံ တိရစ္ဆာန်) လည်း အေးချမ်းစွာ အသက်ရှင် နေထိုင်ခွင့် (ရပိုင်ခွင့်) ဖန်တီး ပေးနိုင်မှ လူသာဓုခေါ်၊ နတ်သာဓု ခေါ်မည့် လောကီ လောကုတ္တရာ နှစ်ဖြာသော အကျိုးရရှိမည်ဟု ယုံကြည် ယူဆမိပါသည်။ ဗုဒ္ဓဘာသာ နိုင်ငံမ ဟုတ်သော မက္ကဆီကို လိုမြို့တော်၌ ပင်စွန့်ပစ်ခံ တိရစ္ဆာန်များ အပေါ်ဤကဲ့သို့ သဘောထား နိုင်လျှင် ကျွန်တော်တို့ ဗုဒ္ဓဘာသာ နိုင်ငံ ကြီးတစ်နိုင်ငံ အနေနှင့် ပို၍ပင် လေးစားအတု ယူဆင်ချင် သင့် လှပါသည်။

အချုပ်အား ဖြင့်ဆိုရသော် ခွေးလေခွေးလွင့်၊ ကြောင်လေ ကြောင်လွင့် များနှင့် ခွေးရူးရောဂါ စသည့် ကိစ္စများ ကို ဌာန တစ်ခုတည်း၊ အဖွဲ့ အစည်းတစ်ခု တည်းနှင့် ဆောင်ရွက်၍ အလုံးစုံ ပြည့်စုံ အောင်မြင်နိုင် မည်မဟုတ်ပါ။ ကျွန်တော်တို့ ကဲ့သို့ သော ပညာရှင်များ၊ သက်ဆိုင် ရာဌာန များ၊ NGO များ၊ စိတ်ပါ ၀င်စား သူပြည်သူများ၊ ငွေကြေး ချမ်းသာသူများ စုပေါင်း ပါဝင်နိုင် မည့်ဆွေးနွေး ပွဲတစ်ခုဖြစ် အောင် စီစဉ်ပေး စေချင်ပါသည်။ ထိုသို့ တွေ့ဆုံ ဆွေးနွေး အကြံပြု ကြလျှင် လူနှင့် တိရစ္ဆာန် အဖွဲ့ အစည်း နှစ်ခုစလုံး အတွက် ကောင်းသော နည်းလမ်းများ ပေါ်ပေါက် လာနိုင် ပါသည်။ ကျွန်တော် ကိုယ်တိုင်လည်း အချိန်ယူ တွေးတော စဉ်းစားထား သည့်နည်း လမ်းများ၊ ဖြစ်နိုင် ခြေများကို တင်ပြ ဆွေးနွေး ချင်ပါသည်။
ကဏ္ဍ ပေါင်းစုံ၊ အလွှာ ပေါင်းစုံမှ ၀ိုင်းဝန်း အကြံ ပြုဖြေရှင်း ပေးစေချင်ပါသည်။ လူနှင့် စွန့်ပစ်ခံ တိရစ္ဆာန် များအကြား မေတ္တာ၊ ကရုဏာ တရားများ ဖြစ်ထွန်း ပေါ်ပေါက်နိုင်ပါစေ။ လူသားများ ခွေးရူး အန္တရာယ် ကင်းဝေး ပါစေ။ စွန့်ပစ်ခံ တိရစ္ဆာန် များလည်း ရှင်သန် ခွင့်ရပါစေ။

Credit to ~ SuMon Hlaing

ပေးပို့  သူ Thiri Phyo Thaw ကို ကျေးဇူးတင်ပါတယ်

Shared from Save Street Dog (FB)