"သူငယ်ချင်းဆိုတာ..."

သူငယ်ချင်းဆိုတာ ဘာလဲလို့မေးရင် စာမှာ ဒီလိုဖွင့်ပြထားပါတယ်။

" သုခဒုက္ခံ သဟ အာယန္တိ ဥပဂစ္ဆ န္တိတိ သဟာယကော၊"
အဓိပ္ပါယ်ကတော့ ချမ်းသာဆင်းရဲကို အတူတကွ ခံစား
တတ်သောကြောင့် သူငယ်ချင်းပါတဲ့၊
သူငယ်ချင်းရဲ့ ပါဠိက "သဟာယ" ပါ။

မကြာသေးခင်က မိမိတို့ရဲ့ ရိပ်သာကို သုံးဆယ်စွန်းစွန်း ဆရာဝန်နှစ်ယောက် ရောက်လာပါတယ်။ တစ်ယောက်က
တရားဝင်ဖို့၊ တစ်ယောက်ကတော့ အဖော်အာမခံအဖြစ်
လိုက်လာတာပါ။

အဖော်အာမခံ အဖြစ်လိုက်လာတဲ့ ဆရာဝန်က ကျောင်းတိုက်
နဲ့ ဆက်စပ်နေသလို တရားရိပ်သာဝင်မယ့် ဆရာဝန် ကလည်း
"ဆရာတော် အရှင်ဆန္ဒာဓိက"နဲ့ ဆက်စပ်နေပြန်ပါတယ်။
ဒီတော့ မိမိကလည်း ထိုက်သင့် သလောက် ကူညီရုံပေါ့။ ကူညီတယ်ဆိုပေမယ့် ထူးပြီးမကူညီပါဘူး။
နှုတ်အားဖြင့် ပြောပြရုံပါ။

မိမိစိတ်ဝင်စားတာက အဖော်အဖြစ်လိုက်လာတဲ့သူငယ်ချင်း
ဆရာဝန်ကိုပါ။ အဲဒီဆရာဝန်က ရောက်တဲ့နေ့မှာ သူ့သူငယ်ချင်းဆရာဝန်အတွက် ကိုယ်တိုင်အိပ်ရာခင်းပေး ကိုယ်တိုင်ခြင်ထောင် ထောင်ပေး ပါလာတဲ့ပစ္စည်းတွေကို သင့်တော်သလိုထားပေးရင်း သူ့သူငယ်ချင်းကို အားပေး
စကားတွေ တွင်တွင်ပြောနေပြန်ပါတယ်။

ပြန်ခါနီးတော့ မိမိကိုလည်း သူ့သူငယ်ချင်းက တစ်ခါမှ
တရားစခန်း မ၀င်ဖူး သေးလို့ ဂရုစိုက်ဖို့မှာနေပြန်ပါတယ်။
တရားဝင်နေတဲ့ အခြားရက်တွေမှာလည်း မကြာခဏလာပြီး
လိုအပ်တာတွေ လုပ်ပေးလေ့ ရှိပါတယ်။ သူ့ရည်းစားတောင်
ဒီလောက် ဂရုစိုက်ပါ့မလားလို့ ကြံကြံ ဖန်ဖန်တွေးလိုက်မိ
ပါသေးတယ်။

သူတို့နှစ်ယောက်ရဲ့ ကံသုံးပါးအမူအရာလေးတွေဟာ
မြင်နေရသူ မိမိအတွက်တော့ သူငယ်ချင်း ဆိုတဲ့ အဓိပ္ပါယ်ကို
ဖွင့်ပြနေသလို ခံစားရပါတယ်။ စိတ်ထဲမှာလဲ အဖော်အဖြစ်လိုက်ပို့တဲ့ ဆရာဝန်ကို တော်တော်လေး ကြည်ညိုသွားမိပါတယ်။
ဟုတ်တယ်လေ။ တရားအားမထုတ်ဖူးသေးတဲ့ သူငယ်ချင်းကို ရိပ်သာရောက်အောင် ပို့ပေးနိုင်တာဟာ နည်းတဲ့သံယောဇဉ် နည်းတဲ့အသိဉာဏ်မှ ဟုတ်တာ။ သူငယ်ချင်း ဆိုတာ ဒါမျိုးမှ တခြားပစ္စည်းတွေနဲ့ ချီးမြှောက်တာထက် "ဓမ္မ"နဲ့ ချီးမြှောက်တာဟာ အကောင်းဆုံး ချီးမြှောက်မှုပါ။

အဲဒီ ဆရာဝန်သူငယ်ချင်းနှစ်ယောက်ရဲ့ ကံသုံးပါး အမူအရာလေးတွေကြည့်ပြီး ကြည်ညို ဖြစ်ရင်း
အခုပြောပြမယ့် ၀ထ္ထုလေးက အတွေးထဲပေါ်လာတာပါ။

ဖြစ်စဉ်နှစ်ခုကို နှိုင်းယှဉ်တာတော့မဟုတ်ပါဘူး၊
နှိုင်းယှဉ်ရအောင် ပုံသဏ္ဌာန်ချင်းလဲ မတူပါဘူး။
ဒါပေမယ့် ဖြစ်စဉ်နှစ်ခုလုံးက သူငယ်ချင်းဆိုတဲ့ အဓိပ္ပါယ်ကို
ဖွင့်ပြနေလို့ပါ။

♦ ကဿပဘုရားရှင်လက်ထက်တော်က "ဃဋိကာရ"
လို့ အမည်ရတဲ့ အိုးထိန်းသည် တစ်ယောက် ရှိခဲ့ဖူးပါတယ်။
ဃဋိကာရရဲ့ အချစ်ဆုံးသူငယ်ချင်းက" ဇောတိပါလ"ပါ။
ဃဋိကာရက ဇာတ်နိမ့်အမျိုး၊
ဇောတိပါလက ဇာတ်မြင့်အမျိုး၊
ဒါပေမယ့် သူတို့နှစ်ယောက် အတော်ချစ်ကြတယ်လို့ ဆိုပါတယ်။

♦ တစ်နေ့တော့ ဃဋိကာရက ဇောတိပါလကို ကဿပဘုရားရှင်ကို သွားဖူးဖို့ခေါ်ပါတယ်။ ဒီတော့ ဇောတိပါလက ဘယ်လိုပြန်ပြောသလဲ
ဆိုတော့ " ဦးပြည်းရဟန်းယုတ်ကို ဖူးလို့ ဘာအကျိုးရှိမှာလဲ " လို့ ပြန်ပြောပါတယ်။

♦ ဇောတိပါလရဲ့ စကားသံထဲမှာ ဇာတ်မြင့်ဆိုတဲ့မာနသံက အထင်းသားပေါ်နေပါတယ်။ ဃဋကာရက သုံးကြိမ်သုံးခါ
ခေါ်ပါတယ်။ ဇောတိပါလက သုံးကြိမ်သုံးခါ ငြင်းပါတယ်။

♦ ဇောတိပါလရဲ့ ငြင်းသံအဆုံးမှာ ဃဋိကာရက ရေချိုးဖို့
မြစ်ဆိပ်ကို ခေါ်ပြန်ပါတယ်။ ဒီအခါမှာတော့ ဇောတိပါလ
မငြင်းပါဘူး။ ဃဋိကာရနောက်ကို ဖြောင့်ဖြောင့်တန်းတန်း
လိုက်ခဲ့ပါတယ်။

♦ တကယ်တော့ ဃဋိကာရက ဇောတိပါလကို ပရိယာယ်နဲ့ 
့ခေါ်တာပါ။ ဘာဖြစ်လို့လဲဆိုတော့ မြစ်ဆိပ်နဲ့ မြတ်စွာဘုရားကျောင်းတော်နဲ့နီးလို့ပါ။
ဃဋိကာရက မြစ်ဆိပ်ရောက်တော့ ဘုရားရှင်ဆီသွားဖူးဖို့
ထပ်ခေါ် ပြန်ပါတယ်။ ဒါပေမယ့် ဇောတိပါလက ငြင်းမြဲပါပဲ။

♦ ဒီတော့ ဃဋိကာရက ဇောတိပါလရဲ့ ခါးပုံစကိုကိုင်ပြီး တောင်းတောင်းပန်ပန်နဲ့ ခေါ်ပြန်ပါတယ်။ ဇောတိပါလကတော့ ရှေးနည်းအတိုင်း ငြင်းမြဲပါပဲ။

♦ နောက်ဆုံးတော့ ဃဋိကာရက ဘာလုပ်လိုက်သလဲဆိုတော့
ဇောတိပလရဲ့ ဆံပင်ကိုကိုင်တဲ့ပြီး မြတ်စွာဘုရားဆီ လိုက်ခဲ့ဖို့ တိုက်တွန်းလိုက်ပါတယ်။ ဒီအချိန်မှာတော့ ဇောတိပါလလည်း တော်တော်လေး ထိတ်လန့်တုန်လှုပ်သွားပါတယ်။

♦ ဇောတိပါလက ဇာတ်မြင့်၊ ဃဋိကာရက ဇာတ်နိမ့်။
ဇာတ်နိမ့်သူက ဇာတ်မြင့်သူရဲ့ ဆံပင်ကို ကိုင်ခဲ့ရင်
သူတို့ခေတ်ဥပဒေအရ သေဒဏ်ပါ။ ဒီတော့ ဇောတိပါလက
ဘယ်လို စဉ်းစားသလဲဆိုတော့
" သူငယ်ချင်း ဃဋိကာရဟာ သေဒဏ်ကိုမမှုဘဲ ငါရဲ့ဆံပင်ကို ကိုင်ပြီး သူ့ဆရာ ဘုရားရှင်ဆီ လိုက်ခဲ့ဖို့ ခေါ်တယ်။ ဒီအပြုအမူ
ဟာ ငါ့အပေါ်အတော်ချစ်လို့ဖြစ်မယ်၊ ပြီးတော့ တစ်စုံ တစ်ခုသော
အကျိုးကို လိုလားလို့ဖြစ်မယ်ထင်တယ်။ ဘာပဲပြောပြော
သူ့စေတနာကို အသိအမှတ်ပြုတဲ့ အနေနဲ့ လိုက်သွားမှာပဲ " လို့ စဉ်းစားပါသတဲ့။

♦ ပြီးတော့ " သူငယ်ချင်း ဃဋိကာရ… ဆံပင်ကိုင်တဲ့ အထိ
တောင် သင့်ဆရာကို ဖူးမြင်စေလိုသလား " လို့ ပြန်မေးလိုက်
ပါတယ်။ ဃဋိကာရလည်း " ဟုတ်ပါတယ်သူငယ်ချင်းရယ်"
လို့ပြောပြီး ဇောတိပါလကို ဘုရားရှင်ဆီ ပို့ပေးဖို့ စီစဉ်ပါတယ်။
ဒီနေရာမှာ ပြောချင်တာက ဇောတိပါလရဲ့ အတွေးပါ။ သူငယ်ချင်းဆိုတဲ့အသိကို မေ့ပြီး ဇာတ်နိမ့် ဇာတ်မြင့်ဥပဒေဆီ
ကိုသာ တွေးလိုက်ရင် ပွဲကတစ်မျိုး တစ်မည်ပြောင်းပြီး အကျည်းတန်သွားနိုင်ပါတယ်။ ဒါပေမယ့် သူတို့တစ်တွေဟာ တကယ့်သူငယ်ချင်းတွေဖြစ်နေတာကြောင့် ပွဲက အကျည်းတန်
မသွားဘဲ အလှပဆုံးပွဲလေးတစ်ပွဲ ဖြစ်သွားတာပါပဲ။
ဘာဖြစ်လို့လဲဆိုတော့ ဇောတိပါလက မြတ်စွာဘုရားဆီ
ရောက်သွားခဲ့လို့ပါ။

♦ပြီးတော့ ပိုပြီးအံ့သြဖို့ကောင်းတာက ဇာတ်ပေါင်းခန်း
ကြည့်လိုက်တော့ မြတ်စွာဘုရားဆီသွားဖို့ အကြောက်အကန်
ငြင်းနေခဲ့တဲ့ ဇောတိပါလဟာ တခြားသူဟုတ်ရိုးလား၊ မိမိတို့ရဲ့
" ဂေါတမဘုရားအလောင်း" ဖြစ်လို့နေတာပါပဲ။

ဘာပဲပြောပြော ကိုယ်ချစ်တဲ့သူငယ်ချင်းတစ်ယောက်ယောက် ဂမ္ဘီရယောင်ယောင်၊ ဓာတ်ယောင် ယောင်၊ နတ်ယောင်ယောင်
တောလိုလို တောင်လိုလို ဆရာဆီရောက်ပြီး ဘာသာရေး
လမ်းကြောင်း ချော်နေလို့ တည့်မတ်ပေးရတဲ့အရေး အင်တင်တင်လုပ်နေခဲ့ရင်တော့ "ဃဋိကာရ"
ထုံးနှလုံးမူပြီး နားရင်း အုပ်သင့်ရင် အုပ်ပစ်လိုက်ဖို့ပါပဲလေ။

[အရှင်ရာဇိန္ဒ(ရဝေနွယ်-အင်းမ)]

ကျမ်းကိုး
မဇ္ဈိမပဏ္ဏာသပါဠိတော်- ဃဋိကာရသုတ်
အင်တာဗျုးဂျာနယ်
25-12-2002
----------------------*----------------------
_/|\_ ခပ်သိမ်းသော ရဟန်း၊ ရှင်၊ လူ၊ နတ်၊ ဗြဟ္မာ၊
သတ္တဝါ အားလုံး ဘေးရန် ကြောင့်ကြ ဆင်းရဲကင်း၍
ကိုယ်, စိတ်နှစ်ဖြာကျန်းမာ, ချမ်းသာကြပါစေ ။
လူအချင်းချင်း လှည့်ပတ်ခြင်း၊ ကင်းရှင်းကြပါစေ၊… _/|\_

Shared from Honey Lay (FB)