ကျွန်တော်မသိသော မနက်ဖြန်...

ချစ်ခင်တန်ဖိုးထားရပါသောနောင်တော်၊ညီတော်များ၊အမတော်၊နှမတော်များ.....

လူတွေ ခဏခဏ ပြောကြတဲ့ စကားတစ်ခွန်းကို ကျွန်တော်တို့နားတွေ နားပူတိုက်တဲ့အထိ
ကြားဖူးခဲ့ကြတယ်...။
ဘ၀ဆိုတာ အရမ်းတိုတောင်းတယ်တဲ့..။
ကျွန်တော်တို့သူငယ်ချင်းတွေအတွက် ဘီယာဖိုးတွေ
ရှာကြတယ်။ကျွန်တော်တို့ချစ်သူတွေနဲ့ ပျော်ပါးဖို့အတွက် ကျွန်တော်တို့
ရှာဖွေကြတယ်။ကျွန်တော်တို့ မိသားစုအတွက် ကျွန်တော်တို့
ကြိုးစားကြတယ်။ကျွန်တော်တို့ အိပ်မက်တွေအတွက် ကျွန်တော်တို့ မနားတမ်း
ထုဆစ်ကြတယ်။
အဓိပါယ်တွေ ဖြူ၊နီ၊ပြာ၊၀ါရောင်စုံကွဲနေပေမယ့် ကျွန်တော်တို့ရဲ့
အဆုံးသတ်လမ်းကြောင်းကိုတော့ ကျွန်တော်တို့ရဲ့ အတ္တတွေနဲ့လုံးထွေးပြီး
မေ့လျှော့နေခဲ့ကြတယ်...။
တချိန်ချိန်ကျရင် ကျွန်တော်တို့အားလုံးဟာ ကျွန်တော်တို့ရင်ဘက်ထဲက
ပိုင်ဆိုင်မှုအားလုံး၊ကျွန်တော်တို့လက်ထဲက ပိုင်ဆိုင်မှုအားလုံးကို ခ၀ါချပြီး
လက်ပြနှုတ်ဆက်သွားကြရမှာပါ...။
ရှင်သန်ရတဲ့အခိုက်အတန့်ကလေးမှာ ကျွန်တော်တို့နဲ့ပတ်သတ်ခဲ့တဲ့လူအားလုံးကို
မေတ္တာထားတာ၊သူတို့ရဲ့ ကောင်းကျိုးကို ရှေးရှု့တာ
ဘ၀မှာ ပျော်ရွှင်စွာဖြတ်သန်းနည်းအစစ်ပါပဲ။
လက်ရှိ ရှင်သန်နေတဲ့ ဘ၀အခိုက်အတန့်ကလေးမှာ အနာဂတ်အတွက် ပစ္စုပန်ကို
မျိုးစေ့ချနေတာဟာ အနာဂတ်မှာရော၊ပစ္စုပန်မှာရော နေထိုင်တဲ့ နည်းလမ်းပါပဲ။
ကျွန်တော်တို့အပေါ် မကောင်းတဲ့သူအပေါင်းကိုလည်း ကျွန်တော်တို့ မေတ္တာထားပါ။
ကျွန်တော်တို့အပေါ်ကောင်းခဲ့တဲ့သူအားလုံးကိုလည်း ကျေးဇူးမမေ့ပါနဲ့...။
တချိန်ချိန်ကျရင် ကျွန်တော်တို့အားလုံးဟာ လမ်းဆုံမှာ ပြန်ဆုံနိုင်ဖို့
အခွင့်အရေး ရှိလာအုန်းမှာပါ...။
အဲဒီ့အချိန်ကျရင် ကျွန်တော်တို့ သူတို့ကို ဘာပြန်ပေးရမလဲဆိုတာပဲ စဉ်းစားတာ
ကောင်းပါလိမ့်မယ်။
ဘာဖြစ်လို့လည်းဆိုတော့..မေတ္တာတရားရဲ့ အနှစ်သာရဟာ အင်မတန်မှ
အေးချမ်းအေးမြလှပါတယ်။ကျွန်တော်တို့က ပေးရင်လည်း ပေးတဲ့သူအပေါ်
အေးမြတဲ့ခံစားမှုရသလို ကျွန်တော်တို့အပေါ်လည်း ပြန်ပြီး အေးမြမှု
ပြန်ခံစားရပါတယ်... ....။

ကျွန်တော်တို့ခေါင်းအပေါ် နင်းခြေသွားတဲ့လူတွေကိုလည်း အာဃာတ မထားပါနဲ့....။
ကျွန်တော်တို့ရင်ဘက်ကို ဒေါက်ဖိနပ်နဲ့ နင်းခြေသွားခဲ့တဲ့သူတွေကိုလည်း
မုန်းမာန်မငြိုးလိုက်ပါနဲ့..။
ကျွန်တော်တို့ ရင်ခွင်လွင်တီးခေါင်ကို ထီးကျန်အောင်လုပ်သွားတဲ့သူတွေကိုလည်း
တမ်းတမမျှော်လင့်နေပါနဲ့...။
တချိန်ချိန်ကျရင် အရာရာအားလုံးဟာ ပြီးဆုံးသွားမှာပါ...။
ကျွန်တော်တို့ရဲ့ အဆုံးသတ်ဟာ အေးမြမှုနဲ့ပဲ နိတ္တိတံပါစေ...။


ရှင်သန်နေရတဲ့ဘ၀မှာ ဘာပဲဖြစ်ဖြစ် စိတ်ဓာတ်ဟာ Strong ဖြစ်ဖို့ EVER SMILE
ဖြစ်လို့ လိုအပ်တယ်...။
စိတ်ဓာတ်ဟာ Strong ဖြစ်မှ လောကဓံကို တိုက်နိုင်မယ်..စိတ်ဓာတ်ဟာ Active ဖြစ်ပြီး
amuse ဖြစ်နေမှ တီထွင်ဖန်တီးညဏ်တွေ ရွှင်မယ်.....။
စိတ်ဓာတ်ဟာ တည်တံ့ခိုင်ကျည်ပြီး တီထွင်ဖန်တီးညဏ်ရှိမှ အပြောင်းအလဲကောင်းကို
ဖန်တီးနိုင်မယ်။ဒါမှ ကျွန်တော်တို့လိုချင်တဲ့ ပတ်ဝန်းကျင်အနေအထားကို
တည်ဆောက်နိုင်မယ်။
ဘ၀ကို သွေးတစ်စက်ကျန်တဲ့အထိ အရှုံးမပေးပါနဲ့...။

ဘ၀မှာ ပစ္စုပန်ကိုပဲ အာရုံစိုက်ဖို့ အင်မတန် အရေးကြီးတယ်.....
အနာဂတ်မှာ ဘာတွေ ဘယ်လိုဖြစ်ရမယ်လို့ ဘယ်လိုပဲ အာရုံစိုက်စိုက်
မကျိန်းသေ..မရေရာဘူး......။
ကျွန်တော်တို့ဘ၀ဟာ ဘာမှ မသေချာမရေရာဘူး........။ဘာကိုမှ
တမ်းတမျှော်လင့်ရည်ရွယ်ထားလို့ မရဘူး။
အချိန်မရွေး ပြတ်လွင့်ကြွေခသွားနိုင်တယ်။

အရာရာကို အစွဲအလန်းမထားနဲ့.....။
အစွဲအလန်းကြီးတဲ့သူဟာ ဘ၀မှာ အဖြစ်သည်းစရာတစ်ခုခုကြုံလာရင် ပိုပြီး
ခံစားရတတ်တယ်။တုန်လှုပ်မှု ပိုများတယ်...။

နောက်ဆုံးပြောချင်တာကတော့ လူမသေခင် ဘ၀မသေစေနဲ့.စိတ်ဓာတ်မသေစေနဲ့......။


ဘ၀ဆိုတာ အရမ်းတိုတောင်းပြီး အရမ်းကို မရေရာမသေချာလှပါတယ်။
မနက်ဖြန်ဆိုတာ မသိကိန်းနဲ့ပဲစတတ်တဲ့ လောကကြီးမှာ
အားလုံးကို ကျေးဇူးတင်စကား မဆိုလိုက်ရ မရှိလေအောင်

ရှင်သန်ခွင့်ရတဲ့အခိုက်အတန့်ကလေးမှာ အရာအားလုံးကို ကျေးဇူးတင်လျက်.......။

ဝိုင်းတော်သားအားလုံးကိုလည်း ခင်မင်ခွင့်ရတဲ့အတွက် ကျေးဇူးတင်လျက်...။

ကျွန်တော်မသိသော မနက်ဖြန်အတွက် ကျွန်တော်စိုးကြောက်မိပါသည်။
.........


Posted by စိုင်းလုံ