မြတ်စွာဘုရားရှင်က...
ပုဂ္ဂိုလ်တစ်စုံတစ်ယောက်ကို မျက်စိမှိတ်ပြီး ယုံကြည်ကိုးကွယ်မှု မပြုဖို့ ဒေသနာတော်များစွာမှာ အခါခါဟောကြားပါတယ်၊
သို့သော် မြန်မာလူမျိုးအချို့ကတော့ ပုဂ္ဂိုလ်ရေး ကိုးကွယ်မှု အလွန်များတယ်
တစ်စုံတစ်ယောက်ကို အလွန်အကျွံ ယုံကြည်မိပြီဆိုရင်...
သူပြောတာမှ အမှန်၊ သူလုပ်တာမှ အဟုတ်ထင်သွားတတ်တယ်၊ အဲလို ဖြစ်ပြီဆိုရင် ကိုယ်ပိုင်စဉ်းစားတွေးခေါ်တတ်တဲ့ ကိုယ်ပိုင်ဥာဏ်က သေသွားပြီ၊
ဒါဟာ အတ္တအစွန်းတစ်ဘက်ကို ရောက်စေတဲ့ အဓိက အကြောင်းရင်း တစ်ခုပါပဲ၊
အတ္တစွန်းကို ရောက်သွားကြပြီဆိုရင်...
တရားလည်း မမြင်တော့ဘူး၊ သံဃာလည်း သံဃာမှန်း မသိတော့ဘူး၊ ကိုယ်နဲ့ အယူအဆ မတူလို့ကတော့ တွယ်လိုက်မှာပဲ ဆိုတာမျိုးတွေ ဖြစ်လာတယ်၊
ကိုယ့်တရားလေးကိုယ် လွတ်လွတ်လပ်လပ်ရေးရင်တောင် ဒါတို့စောင်းပြောတာ၊ တို့လူကို သက်သက်ရည်ရွယ်တာ..ဆိုတဲ့ အတွေးတွေနဲ့ မရိုမသေတွေ ဆက်ဆံတတ်လာတယ်၊
ဗုဒ္ဓတရားတော်နဲ့ ပတ်သက်ရင်လည်း ကိုယ့်အကြိုက်နဲ့ ကိုက်ညီတာကို ကိုယ်လိုသလို စွဲသုံးတယ်၊ ကိုယ့်အကြိုက်နဲ့ မကိုက်ညီတာဆို ပစ်ပယ်ရဲလာတယ်၊
အဲဒါ မိစ္ဆာဒိဋ္ဌိဖြစ်ဖို့ လမ်းစပါပဲ
ပုဂ္ဂိုလ်ခင်ရင် တရားမင်တယ်လို့ ဆိုရိုးရှိတယ်...
တကယ်တမ်းမှာ..
ပုဂ္ဂိုလ်ခင်လွန်းရင် တရားက ကိုယ့်ကိုယ် ကျဉ်ဖယ်သွားတတ်တယ်
ဒါလေးတော့ သတိရှိဖို့လိုတယ်
ရတနာသုံးပါး စော်ကားရင်တော့ ဘယ်လောက်ပဲ ရာထူး အာဏာရှိသူ ဖြစ်ပစေ... တစ်ချိန်မှာ ကံကြီးထိုက်လိမ့်မယ်
အရှင်တေဇာနန္ဒစေတနာပန်းခင်းဆရာတော်
15.11.2016
No comments:
Post a Comment