The Quality Sleep

ဝိမုတ္တိသုခ
ဒီရက်ပိုင်းမှာ ရထားစီးဖြစ်တိုင်း ရထားနံရံပေါ်က မွေ့ရာကြော်ငြာတစ်ခုရဲ့စာတမ်းက ကျွန်တော့်အာရုံကို ဖမ်းစားပါတယ်။ နာမည်ကြီးအားကစားမယ်ကလေးရဲ့ ဓာတ်ပုံနှင့် ဂျပန်လိုရေးထားတဲ့စာသားတွေရဲ့အပေါ်မှာ အင်္ဂလိပ်လို ထင်ထင်ရှားရှား ရေးထားတဲ့ စာကြောင်း က “The Quality Sleep” တဲ့။ ဒီစာကြောင်းကိုမြင်တော့ ကျွန်တော် အတွေးနယ်ချဲ့မိတယ်။ မွေ့ရာကောင်းကောင်း၊ ခေါင်းအုံးကောင်းကောင်းပေါ်မှာ အိပ်လိုက်ရုံနှင့်တော့ လူတွေရဲ့အိပ်စက်မှုဟာ အရည်အသွေး မြင့်သွားနိုင်စရာ အကြောင်းမရှိပါဘူး။ ဒါဆို ဘယ်လိုမျိုးအိပ်ရင် အရည်အသွေးရှိရှိ အိပ်စက်တယ်လို့ ပြောလို့ရနိုင်မလဲလို့ အဖြေတွေထုတ်ကြည့်မိတယ်။

ကျွန်တော်တို့ လူသားတွေအားလုံး နေ့တိုင်းလို အိပ်စက်ကြရပါတယ်။ ကျွန်တော်တို့ပတ်ဝန်းကျင်မှာ မြင်နေ တွေ့နေရတဲ့ တိရစ္ဆာန်တွေလည်း သူတို့သက်တမ်းနဲ့ လျော်ညီတဲ့ အိပ်ချိန်တွေနှင့်အိပ်နေကြပါတယ်။ လူတွေ မှာတော့ ယေဘုယျအားဖြင့် ကလေးအရွယ်တွေမှာ တစ်နေ့တာရဲ့နာရီတော်တော်များများကို အိပ်ချိန်အဖြစ် လိုအပ်ပြီး အသက်ကြီးလာတာနှင့်အမျှ အိပ်ချိန်က တဖြည်းဖြည်းလျော့သွားပါတယ်။ လူတစ်ယောက်ဟာ ယေဘုယျအားဖြင့် တချို့ (၈)နာရီ ဒါမှမဟုတ် (၆) နာရီလောက်အိပ်ရရင် အိပ်ရေးဝတတ်ကြပါတယ်။ တချို့လည်း (၄)နာရီ (၅)နာရီလောက်အိပ်ပြီး တစ်နေ ကုန်နေနိုင်ကြတဲ့သူတွေလည်း ရှိနေတာပါပဲ။ တကယ် ကတော့ အိပ်စက်ခြင်းဟာ လူသားတွေအတွက် အကုန် အကျအသက်သာဆုံး အပန်းဖြေစရာတစ်ခုလို့ပြောမယ် ဆိုလည်း မမှားနိုင်ပါဘူး။

'အိပ်၊ စား၊ ပျော်ပါး' ဒီသုံးပါးဟာ လူနှင့်တိရစ္ဆာန် တွေမှာ အားလုံးအတူတူလို့ဆိုထားတော့ လူတွေအိပ် တာနှင့် တိရစ္ဆာန်တွေအိပ်တာ ဘယ်လိုကွာခြားမှုရှိနိုင် မလဲလို့ နှိုင်းယှဉ်စဉ်းစားချင်စရာကောင်းပါတယ်။ ကိုယ့် ပတ်ဝန်းကျင်မှာရှိနေတတ်တဲ့ ခွေးလေး ကြောင်လေး တွေ၊ ငှက်လေးတွေ၊ ကြက်လေးတွေကိုကြည့်လိုက်ရင် သူတို့တွေ တစ်နေ့လုံး ကစားချင်ရင် ကစား၊ ဗိုက်ဆာ တဲ့အချိန် အစာရှာ၊ စားစရာ တွေ့ရင် စား၊ ဆန့်ကျင် ဘက်ရန်သူနှင့်တွေ့ရင် ရန်မူ၊ မျိုးပွားမယ့် ရာသီမျိုးမှာ ဆို တစ်နေကုန် အဲဒီကိစ္စတွေနှင့်အလုပ်တွေရှုပ်၊ နောက်ဆုံး ဘာမှလုပ်စရာမရှိရင် ထိုးအိပ်နေတတ်ကြပါ တယ်။ြေ>ွမလိုအကောင်မျိုးတွေဆို သူ အစာစားပြီးလို့ ဗိုက်တင်းသွားတာနှင့် တခြားဘာမှကိုမလုပ်တော့ဘဲ ခွေပြီး အိပ်ကြတော့တာပါပဲ။

တချို့လူတွေထဲမှာလည်း တစ်နေ့လုံးနီးပါး အိပ် နေတတ်ကြတဲ့သူတွေကို သတိထားမိဖူးမယ် ထင်ပါ တယ်။ တချို့လည်း အသက်အရွယ်အိုမင်းရင့်ရော်လာ ကြလို့ပဲဖြစ်ဖြစ်၊ ရောဂါဝေဒနာတစ်ခုခုကြောင့်ပဲဖြစ်ဖြစ် အိပ်ရာပေါ်မှာ မှိန်းပြီးနေကြရတဲ့အချိန်က တစ်နေ့တာ မှာ ပိုများနေတတ်ကြပါတယ်။ တချို့ကတော့ စိတ်ကျ ရောဂါလိုမျိုး စိတ်ပိုင်းဆိုင်ရာချို့ယွင်းမှုတစ်ခုခုဖြစ်တာ ကြောင့် တစ်နေကုန်အိပ်တတ်ကြပါသေးတယ်။တချို့ လည်း သွားရင်းလာရင်း တခြား ထွေထွေထူးထူးလုပ် စရာမရှိတဲ့အခါမှာ ရထားစီးရင်း၊ ကားစီးရင်း ရတဲ့ အချိန်မှာ ရသလောက်အိပ်တတ်ကြတဲ့သူတွေလည်းရှိ ပါတယ်။

တစ်နေကုန် တစ်နေခန်း အလုပ်လုပ်ကြရတဲ့သူ တွေကျတော့ အလုပ်ပင်ပင်ပန်းပန်းလုပ်ခဲ့ကြရလို့ ညဘက် အိမ်ပြန်ရောက်တာနဲ့ အိပ်ဖို့ကိုပဲ သူတို့ခေါင်းထဲ ရှိကြတော့တယ်။ ရေမိုးချိုး၊ ညစာကို မြန်မြန်သွက်သွက် စားပြီး တန်းအိပ်ကြတော့တာပဲ။ တချို့ သောက်တတ်၊ စားတတ်တဲ့သူတွေကျပြန်တော့ ညဘက်မှာ သောက်ထား၊ စားထားတဲ့ အရှိန်လေးတွေနှင့် ယစ်ယစ်မူးမူး အိပ်ရာထဲ တန်းဝင်အိပ်တတ်ကြပြန်ပါတယ်။ တချို့ တီဗွီ၊ ဗွီဒီယိုဇာတ်လမ်းတွေကို နှစ်ခြိုက်စွဲလမ်းကြတဲ့ သူတွေ၊ စာအုပ်ဖတ်တာ စွဲတဲ့သူတွေ၊ အင်တာနက်စွဲတဲ့သူတွေ၊ ကာရာအိုကေသီချင်းဆိုတာ ဝါသနာပါတဲ့သူတွေ ဆိုရင်လည်း နောက်ဆုံး အိပ်မပျော်ခင် အချိန်အထိ သူတို့စွဲလမ်းတဲ့အာရုံကို အပန်းဖြေတဲ့အနေနဲ့ခံစားရင်း အိပ်တတ်ကြပါတယ်။ 

တချို့ကျတော့ ဒီနေ့တစ်နေ့စာ ကြုံဆုံခဲ့ရတာတွေ ထဲက စိတ်အလိုမကျဖြစ်ခဲ့ရတာတွေ၊ တစ်ဦးဦးအပေါ် မကျေမနပ်ဖြစ်ရတာတွေကို အိပ်ရာထဲရောက်တဲ့အထိ တနုံ့နုံ့တွေးရင်း၊ စိတ်ဆိုးဒေါသဖြစ်ရင်း နောက်ဆုံး အိပ်ပျော်သွားတတ်ကြတယ်။ အလုပ်ကို အလွန်အကျွံလုပ် တဲ့သူတွေ၊ကျောင်းစာကို အလွန်အကျူးကြိုးစားသူတွေ ကလည်း နောက်ဆုံးအိပ်ပျော်သွားချိန်အထိကို သူတို့ အလုပ်တွေ၊ စာတွေနှင့် လုံးလည်ချာလည်လိုက်ရင်းက အိပ်ပျော်သွားတတ်ပါတယ်။

ကာမဂုဏ်ကို လိုက်စား ပျော်ပါးသူတချို့ကျပြန် တော့လည်း မအိပ်ခင်လေးမှာ မိမိတို့အဖော်နှင့် ကာမ နှင့်စပ်နွှယ်တဲ့အာရုံတွေမှာ နစ်မြောစီးဝင်ရင်း အိပ်စက် တတ်ကြပြန်ပါတယ်။ တချို့လူတွေကျတော့ လွယ်လွယ် နှင့်အိပ်မပျော်တတ်ကြပြန်ဘူး။ သူတို့တွေကျတော့ အိပ်မပျော်ခင်အချိန်မှာ အိပ်ရာပေါ်လှဲနေရင်းက တောင်တောင်အီအီတွေ လျှောက်တွေးရင်း၊ စဉ်းစားရင်း နှင့် နောက်ဆုံး ခန္ဓာကိုယ် တအားပင်ပန်းလာတော့မှပဲ အိပ်ပျော်သွားတတ်ကြတယ်။

အခုပြောခဲ့တဲ့ လူတွေရဲ့ အိပ်စက်ပုံတွေကို စိစစ် ကြည့်လိုက်ရင် စွဲလမ်းမှုတွေ၊ ယစ်မူးမှုတွေ၊ လောဘ တွေ၊ တဏှာရမ္မက်တွေ၊ဒေါသတွေ၊စိတ်ပျံ့လွင့်မှုတွေ၊ မောဟတွေနှင့်ပြည့်နှက်နေရင်းကနေ အိပ်စက်လိုက်ကြ တာမို့ သူတို့တွေ ဘယ်လောက်ကောင်းတဲ့မွေ့ရာပေါ်မှာပဲ အိပ်ကြပါစေ၊ သူတို့ရဲ့အိပ်စက်ခြင်းဟာ အရည် အသွေးရှိရှိ အိပ်တာပါလို့ပြောဖို့တော့ ခက်ပါလိမ့်မယ်။ အားမနာတမ်းသာ ပြောရရင် တိရစ္ဆာန်တွေအိပ်တာမျိုး ထက် ဘယ်လောက်များ ပိုသာနိုင်မှာတဲ့လဲ။
ကဲ . .ဒီတော့ ကျွန်တော်တို့ အရည်အသွေးမြင့်မြင့် အိပ်တတ်ကြတဲ့သူတွေအကြောင်းကို ထပ်ပြီးလေ့လာ ကြည့်ကြပါဦးစို့။

ဘာသာရေးစာပေတွေမှာ ဖတ်ကြည့်မိတော့ ပထမဆုံး မြတ်စွာဘုရားရှင် ကိုယ်တော်မြတ်ကြီး ကျိန်းစက်တော်မူပုံကို တွေ့ရပါတယ်။ မြတ်စွာဘုရားရှင် ကိုယ်တော်မြတ်ကြီးဟာ ညဥ့်သုံးယံမှာ အလယ်မဇ္ဈိမယံကို သုံးပုံပုံပြီး ပထမနှစ်နာရီမှာ ရောက်လာကြတဲ့ နတ် ဗြဟ္မာတွေကို တရားဟောတော်မူပါတယ်။ ဒုတိယ နှစ်နာရီမှာတော့ ကျိန်းစက်တော်မူပါတယ်။ အဲဒီလို ကျိန်း စက်တော်မူတဲ့အခါမှာ ထမယ်ဆိုတဲ့ အမှတ်သညာကို ပြုပြီးတော့ စတုတ္ထဈာန်(သို့)ဖလသမာပတ်ကို ဝင်စား ပြီး ကျိန်းစက်တော်မူပါတယ်တဲ့။ နှစ်နာရီ ကျိန်းပြီးတဲ့ နောက်မှာတော့ ကျိန်းစက်နေရာကနေ ပြန်လည် ထတော်မူပြီး ကိုယ်လက်သုတ်သင်၊ စင်္ကြံလျှောက်၊ ဒီနေ့ အတွက် လောကမှာ ဘယ်သူတွေကို ချေချွတ်ရမလဲလို့ ကြည့်တော်မူပါတယ်။ မြတ်စွာဘုရားဟာ တစ်နေ့တာ လုံးမှာ နှစ်နာရီပဲ ကျိန်းတော်မူပြီး ကျန်တဲ့အချိန်တွေကို လောကသားတွေအတွက် အသုံးချတော်မူခဲ့ပါတယ်။

အရှင်မဟာကဿပမထေရ်၊ စက္ခုပါလမထေရ် အစရှိတဲ့ နေသဇ္ဇိဓုတင်ကို ဆောင်ထားကြတဲ့ ကိုယ်တော်ကြီးတွေကတော့ ကျောခင်းပြီး အိပ်စက်တာကို ပယ်တော်မူကြပြီး ထိုင်လျက်သာ အသက်ထက်ဆုံး ကျိန်းစက်တော်မူခဲ့ကြပါတယ်။ 

ဒီဘက်ခေတ်မှာ ထင်ရှားတဲ့ ဝေဘူဆရာတော် ဘုရားကြီးတို့၊တောင်ပုလုဆရာတော်ဘုရားကြီးတို့လည်း နေသဇ္ဇိဓုတင်ဆောင် ပုဂ္ဂိုလ်များ ဖြစ်ကြပါတယ်။ မဂ်ဖိုလ်နိဗ္ဗာန်ကိုရည်မှန်းပြီး ဝီရိယထန်ထန်နှင့်အားထုတ် ကြိုးပမ်း နေနေကြတဲ့ ရဟန်းပုဂ္ဂိုလ်တွေနှင့် ယောဂီ သူတော်စင်တွေဆိုရင်လည်း နေ့စဉ် အချိန်တိုင်းနီးပါး သတိပဋ္ဌာန်တရားကို အပတ်တကုတ် ပွားများနေကြ တာမို့ အိပ်ချိန် အင်မတန်မှကို နည်းပါးကြပါတယ်။
ဒီလို တစိုက်မတ်မတ်အားထုတ်နေကြတဲ့ ပုဂ္ဂိုလ် တွေကို ဆရာသမားများက အိပ်တာနှင့် ပတ်သက်ပြီး သြဝါဒပေးဆုံးမတာတွေကလည်း စိတ်ဝင်စားဖို့ကောင်း သလို လိုက်နာကျင့်သုံးဖွယ်ရာလည်း ကောင်းပါတယ်။ တောင်ပုလုဆရာတော်ကြီးက ဆရာတော်ဦးဇောတိက စတင် တရားအားထုတ်စဉ်အချိန်တွေတုန်းက တရား တိုးတက်မှုနှင့်ပတ်သက်ပြီး မေးခဲ့တဲ့မေးခွန်းက
''အိပ်မက်ထဲမှာ တရားအားထုတ်ဖူးပြီလား'' ဆိုတဲ့ မေးခွန်း ဖြစ်ပါတယ်။ ဆရာတော်က ပထမတော့ အိပ်မက်ထဲအထိ ဘာဝနာ မရောက်နိုင်ခဲ့သေးပေမဲ့ နောင်တော့ အိပ်မက်ထဲမှာတောင် တရားအားထုတ် ဖြစ်လာတယ်လို့ဆိုပါတယ်။ ပဲခူး အောင်သုခဆရာတော် ကြီးကတော့ အရှိန်မပျက်ဆက်လက်အားထုတ်နေတဲ့ ယောဂီများကို အိပ်မပျော်မီအချိန်လေးမှာ မိမိသိထား ပြီးသား တရား(သို့)သမာပတ် တစ်ခုခုကို အဓိဋ္ဌာန်ပြု ဝင်စားပြီး အိပ်ကြဖို့ ညွှန်ကြားပါတယ်။ အိပ်တာဟာ အချိန်ပိုင်းသေလိုက်တာပဲမို့ သေခါနီးနောက်ဆုံးအချိန် အတွက်လည်း နေ့စဉ်ပြင်ဆင်ပြီးသားဖြစ်အောင် လေ့ကျင့်ခိုင်းတဲ့သဘော ဖြစ်ပါတယ်။

တရားကို ဇောက်ချလုပ်နေတာ မဟုတ်သေးတဲ့ အတွက် ကျွန်တော်တို့လို ရိုးရိုးလူသာမန်တွေရော ဘယ်လိုနည်းတွေနှင့် အရည်အသွေးရှိရှိ အိပ်စက်နိုင် မလဲလို့ ကျွန်တော် စဉ်းစားမိသလောက် ချရေးကြည့်ပါ မယ်။ စာဖတ်သူမိတ်ဆွေတွေကလည်း မိမိတို့ သိထား တာလေးတွေ ကျွန်တော့်ကို ပြန်လည် ဝေငှပေးစေချင်ပါ တယ်ခင်ဗျာ။
အလွယ်ကူဆုံး စလုပ်လို့ရတာကတော့ အိပ်ခါနီး ကိုယ်လက်သန့်စင်ပြီးတာနဲ့ အချိန်လေး နည်းနည်းယူ ပြီး ဘုရားရှိခိုး၊ သီလယူ၊ ဂုဏ်တော်ပွား၊ မေတ္တာပို့၊ ပုတီးစိပ်၊ အမျှဝေ စသဖြင့် ကိုယ်တတ်နိုင်သလောက် လေး မအိပ်ခင် ကုသိုလ်ယူပြီးမှ အိပ်မယ်ဆိုရင် ဘာပဲ ဖြစ်ဖြစ် ဒီအတိုင်းကြီး လှဲအိပ်ပစ်လိုက်တာထက်စာရင် အရည်အသွေးတက်လာမှာ အမှန်ပါပဲ။

ဒီနေရာမှာ ဆရာတော်ရဝေနွယ်(အင်းမ) ပြောဖူး တာလေးကို အကြောင်းတိုက်ဆိုင်တုန်း မျှဝေပေးချင်ပါ တယ်။ ဆရာတော်က မင်းကွန်းဆရာတော်ကြီးအဆုံး အမဆိုပြီး ပြောပြတာပါ။ အိပ်ခါနီးသီလယူတဲ့အခါမှာ ရိုးရိုးငါးပါးသီလကိုမယူဘဲ ရှစ်ပါး၊ ကိုးပါး စတဲ့ ဥပုသ် သီလတစ်ခုခုကို ပြောင်းယူလိုက်ခြင်းဖြင့် အိပ်ပျော်နေ တဲ့အချိန်တစ်လျှောက်လုံးမှာ ကိုယ်က ဥပုသ်စောင့်ပြီး သားဖြစ်သွားသလို ကိုယ်ယူထားတဲ့သီလကလည်း ကျိုးပျက်စရာ အကြောင်းမရှိတဲ့အတွက် သီလလည်း စင်ကြယ်ပါတယ် တဲ့။ နောက်ပြီး နေ့စဉ် နေ့တိုင်းလည်း ဥပုသ်စောင့်ခွင့်ရသွားပါတယ်။ (အိမ်ထောင်သည် များကတော့ မိမိစောင့်ထိန်းနိုင်သလောက်သာ သင့်လျော် သလို ဆောက်တည်ကြပါရန်။)အိပ်ခါနီးအချိန်လေးမှာ ငါဟာ ဥပုသ်သည်တစ်ယောက်ပါလားဆိုတဲ့ ကြည်လင် ဝမ်းမြောက်တဲ့စိတ်လေးနှင့်အိပ်လိုက်ရတော့ မိမိရဲ့ အိပ်စက်ခြင်းဟာ သာမန်အိပ်စက်ခြင်းထက် ပိုပြီး အရည်အသွေးမြင့်တက်သွားနိုင်ပါတယ်။

နောက်ထပ် ပိုပြီး အရည်အသွေးတက်အောင် ဆိုရင်တော့ ဘုရားရှိခိုး၊ သီလယူတာတွေ အားလုံးလုပ်ပြီး လို့ လှဲအိပ်လိုက်တဲ့အချိန်ကစပြီး အိပ်ပျော်သွားတဲ့အချိန် အထိ ဂုဏ်တော်တစ်ခုခုကိုပွားတာ ဖြစ်ဖြစ်၊ မေတ္တာပို့ နေတာ ဖြစ်ဖြစ် လုပ်နေမယ်ဆိုရင်လည်း ဖြစ်တာပါပဲ။တရားအားထုတ်ဖူးတဲ့အလေ့အကျင့် ရှိထားတဲ့သူတွေ ဆိုရင်တော့ အိပ်ခါနီး ဘုရားရှိခိုးတာ၊ သီလစောင့်တာ စတာတွေလုပ်ပြီးရင် တကယ်လို့ အချိန်လည်းပေးနိုင် ဦးမယ်ဆိုရင် တရားကို မိနစ်ပိုင်းလောက်ဖြစ်ဖြစ် ထိုင် အားထုတ်ပြီးမှအိပ်မယ်ဆိုရင် စိတ်ကြည်လင်အေးချမ်း ပြီးတော့ အိပ်စက်ကြရမှာဖြစ်ပါတယ်။ ဒီထက်လုပ်နိုင် ရင်တော့ အိပ်ရာပေါ်လှဲနေရင်းက အိပ်မပျော်ခင်အထိ ဆက်ပြီး တရားအာရုံပြုနေလိုက်မယ်ဆိုရင်လည်း ဖြစ် တာပါပဲ။

ဒီနေရာမှာ လှဲအိပ်ရင်း တရားမှတ်ဖို့အတွက် သင့်လျော်တဲ့ အားထုတ်နည်းတစ်ခုက Body Sweeping Meditation (Body Scan Meditation) နည်းပါ။ တရား အားထုတ်တဲ့အလုပ်ကို မလုပ်ဖူးသေးတဲ့သူတွေအနေ နှင့်လည်း စမ်းပြီးလုပ်ကြည့်ဖို့ရာ လွယ်ကူပါတယ်။
အားထုတ်နည်းကတော့ အိပ်ရာပေါ် လှဲအိပ်လိုက် ပြီး ခန္ဓာကိုယ်ကို သက်သောင့်သက်သာဖြစ်အောင်ထား လိုက်ပါ။ အသက်ကို မှန်မှန်လေးပဲ ရှူသွင်းရှူထုတ်လုပ် နေလိုက်ပါ။ ပြီးရင် ဦးခေါင်းငယ်ထိပ်ကို သိစိတ်လေး ကို ပို့လိုက်ပါ။ ငယ်ထိပ်နေရာမှာ လောလောဆယ်ဖြစ် နေတဲ့ တင်းမှုတောင့်မှု၊ ပူမှုအေးမှု စတာ တစ်ခုခုနှင့် သိမ်သိမ်မွေ့မွေ့တုန်ခါနေမှုမျိုးလေးတွေကို သတိထား မိလာပါလိမ့်မယ်။ အဲဒါကလေးတွေထဲက ထင်ရှားတာ တစ်ခုခုကို သိပြီးနေလိုက်ပါ။ အဲဒီငယ်ထိပ်နေရာကနေ ဦးခေါင်းရဲ့အောက်ဘက်ပိုင်းဆီသို့ သိစိတ်ကလေးကို တဖြည်းဖြည်းချင်း ပို့ပေးပါ။ စိတ်ကလေးရောက်နေတဲ့ ခန္ဓာကိုယ်အစိတ်အပိုင်းတိုင်းမှာ လတ်တလောဖြစ်ပေါ် ပြောင်းလဲနေတဲ့ ထင်ရှားတဲ့အခြေအနေတိုင်းကို သိသိ ပေးပါ။ ဦးခေါင်း၊ မျက်နှာ၊ လည်ပင်း၊ ဂုတ်၊ ပခုံး၊ လက်နှစ်ဘက်၊ ရင်ဘတ်၊ ဝမ်းဗိုက်၊ ကျော၊ ဆီးခုံ၊ တင်ပါး၊ ခြေထောက်တွေအထိ အဆင့်ဆင့် ဆင်းလာ ပြီး နောက်ဆုံး ခြေချောင်းလေးတွေဆီရောက်တဲ့အထိ စိတ်ကလေးနှင့်ကြည့်ပေးပါ။ ခေါင်းကနေ ခြေထောက် အထိရောက်ဖို့အတွက် အနည်းဆုံး (၁၅)မိနစ်လောက် အချိန်ကြာတတ်ပါတယ်။ ပိုအသေးစိတ်နိုင်လေ ပိုကြာ လေပါပဲ။ ဒါပေမဲ့ အိပ်ပျော်ခါနီးမှာ ပြုလုပ်တာဖြစ်တဲ့ အတွက် ခြေထောက်ရောက်တဲ့အထိကို ခံမှာမဟုတ်ပါ ဘူး။လမ်းတစ်ဝက်မှာတင် အိပ်ပျော်သွားတတ်ပါတယ်။ ဒါပေမဲ့ ဒီလိုလုပ်ရင်း အိပ်ပျော်သွားတဲ့အခါမှာ နှစ်နှစ် ခြိုက်ခြိုက်နှင့် အိပ်ပျော်သလို နိုးလာတဲ့အခါမှာလည်း ခန္ဓာကိုယ်ရော၊ စိတ်ရော လန်းဆန်းနေတတ်ပါတယ်။
တကယ်လို့များ ခြေချောင်းတွေအထိရောက်ပြီးဆုံး သွားတဲ့တိုင်အောင်မှ အိပ်မပျော်သေးဘူးဆိုရင် ငယ်ထိပ်ကနေ တစ်ခါပြန်စပြီး ခုနကအတိုင်း ခန္ဓာကိုယ် ကို အစကနေ အဆုံး ပြန်ကြည့်ပေးရုံပါပဲ။ 

အိပ်ခါနီး ပွားများဖို့သင့်လျော်တဲ့ တခြားကမ္မဋ္ဌာန်း တွေကတော့ အသုဘကမ္မဋ္ဌာန်းနှင့် မရဏာနုဿတိ ကမ္မဋ္ဌာန်းတွေပဲဖြစ်ပါတယ်။ တကယ်တော့ အိပ်တယ် ဆိုတာ နာရီပိုင်းသေတာမို့ ကိုယ့်ခန္ဓာကိုယ်ကို လူသေ ကောင်အဖြစ် နှလုံးသွင်းသဘောထားပြီး အသုဘ ဘာဝနာ စီးဖြန်းအိပ်မယ်ဆိုလည်း ရတာပါပဲ။ ဒီလိုမှ မဟုတ်လည်း မိမိကိုယ်ကို ဒါငါသေရတော့မယ့် နောက်ဆုံး အချိန်ပါလားလို့နှလုံးသွင်းပြီး ငါ အခုသေရင် ဘယ်လို စိတ်မျိုးနှင့်သေမှာလဲဆိုတာကို ကိုယ့်ဘာသာ ဆင်ခြင် သတိပေးရင်း ကိုယ်ကျွမ်းကျင်ရာ နှစ်သက်ရာ ဘာဝနာတစ်ခုခုကို နှလုံးသွင်း အိပ်စက်မယ်ဆိုလည်း အိပ်စက်ခြင်းဟာ ပုံမှန်ထက်တော့ အရည်အသွေး မြင့်သွားမှာ အမှန်ပါပဲ။

အဘိဓမ္မာထဲက စကားနှင့် ပြောမယ်ဆိုရင်တော့ အိပ်ပျော်နေတဲ့အချိန်ဟာ ဘဝင်စိတ်တွေ ဖြစ်နေတဲ့ အချိန်ပါ။ ဘဝင်စိတ်ဆိုတာ ဘယ်အာရုံကိုမှမယူ၊ မသိ တဲ့ စိတ်တစ်မျိုးပါပဲ။ တစ်နေ့တာမှာ အကြောင်းအား လျော်စွာ မြင်, ကြား, နံ, သိ စတဲ့ အာရုံငါးပါးနှင့်ဆိုင်တဲ့ ဝိညာဏ်အသိစိတ်တွေ ပေါ်လာတဲ့ အခိုက်လေးတွေမှာ ဘဝင်စိတ်က ခဏပြတ်သွားတတ်ပါတယ်။ ဒါတောင် အသိစိတ် တစ်ခုနှင့် တစ်ခုကြားမှာ ဘဝင်စိတ်တွေက ခိုနေတတ်ပါသေးတယ်။ ခန္ဓာကိုယ်မှာ ပင်ပန်းနွမ်းနယ်မှု တွေကြောင့် ထိနမိဒ္ဓတွေ အားကြီးသွားတဲ့အခိုက်မှာ သိစိတ်တွေပြတ်ပြီး ဘဝင်စိတ်တွေ ဆက်တိုက်ဖြစ်သွား တဲ့အချိန်ကိုပဲ အိပ်တယ်လို့ခေါ်ရတာပါ။ တကယ်တော့ ဘဝင်စိတ်ဖြစ်တဲ့အချိန်ဟာ သတိကင်းမဲ့တဲ့အချိန်ပဲဖြစ် ပါတယ်။ သတိအားကောင်းလာတဲ့သူမှာ ဘဝင်စိတ်ဖြစ် တဲ့အကြိမ်ရေ နည်းနည်းလာပါတယ်။ ဒါကြောင့်လည်း တရား နှလုံးသွင်းနေကြတဲ့ သူတော်ကောင်းများ အိပ်ချိန် နည်းပါးသွားကြတာ ဖြစ်ပါတယ်။ လူ့ခန္ဓာကိုယ်ရဲ့ လိုအပ်ချက်အတွက်သာ မဖြစ်မနေ အိပ်လိုက်ကြရပေမဲ့ ပြန်ထမယ်ဆိုတဲ့ အမှတ်သညာကို စိတ်ကညွှတ်ထားတဲ့ အတွက် အချိန်တိုအတွင်းမှာ အိပ်နေရာကနေ ကြည်ကြည်လင်လင် လန်းလန်းဆန်းဆန်းနှင့် ပြန်လည် နိုးထလာတတ်ကြတာ ဖြစ်ပါတယ်။

အခုပြောသွားတာတွေက ကျွန်တော်တို့တွေ ကိုယ့် ဘာသာပြန်လည်စိစစ်ပြီး အဖြေထုတ်ကြည့်နိုင်လောက် မယ် ထင်ပါတယ်။ ငါတို့တွေ နေ့စဉ်နေ့တိုင်း အိပ်နေ ကြတာ အရည်အသွေးမီအိပ်စက်ခြင်းမှ ဟုတ်ပါရဲ့လား ဆိုတာ။ ဒီအဖြေကို ကိုယ်ကိုယ်တိုင်ပဲ ပြန်ဖြေနိုင်ကြ လိမ့်မယ်လို့ မျှော်လင့်ပါတယ်။ ဘယ်လိုပဲဖြစ်ဖြစ် မြတ်စွာဘုရားရှင်နှင့် သူတော်ကောင်းတွေ အိပ်စက်ကြ ပုံကို အတုယူအားကျပြီး ကျွန်တော်တို့လည်း တတ်နိုင် သလောက် အရည်အသွေးမီ အိပ်နိုင်အောင် ကြိုးစားကြည့် ကြရအောင်လားဗျာ။
ကဲ . .စာဖတ်နေကြတဲ့ မိတ်ဆွေတွေ အားလုံး Quality Sleep နှင့် နေ့စဉ်အိပ်စက်နိုင်ကြပါစေဗျာ။

လေးစားစွာဖြင့် -
ဝိမုတ္တိသုခ