အကျိုးမမှန် မအတွက်
အရိုးခံ အလှမက်လို့
အဖိုးတန်ဘဝ ဖျက်ကြတော့မှာလား။
တတို့တဖဲ့လှူသူတွေ ပြောသံနဲ့
အကျိုးမဲ့ကဲ့ရဲ့သူတွေ လောကဓံမှာ
အဆိုးနဲ့ဆူဝေ တောပြန်ကြတော့မှာလား။
သရာသရေလောပံနဲ့
သဒ္ဒါမကျေ ဘောကန်ရင်း
တခါတလေ အမောဖန်နေပြီလား။
သမ္မာသမ္ဗုဒ္ဓမတုလံနဲ့
သံသရာဒုက္ခလွန်းဆန်ဖို့
ကံကြမ္မာဗရုတ်ကျ တွန်းလှန်တော့မှာလား။
သမ္မဇ္ဇနီပဒီပေါစနဲ့
ဆံရစ်မသီ သောကကို
ခံစစ်မညီ သြချတော့မှာလား။
မြတ်ဘုရား တာဝန်ကို
တတပ်တအား စာမွန်နဲ့
မမှတ်သား ခွါသွန်ပစ်ကြတော့မှာလား။
ဝေဖန်စကားတွေကြောင့်
မြေလှန်တရား ဗွေဖောက်ပြီး
အခြေခံမှား ကြွေချောက်မှာစိုးပါရဲ့။
ကိုးစားတဲ့ သာသနာသက်ဆင်း
အကျိုးများမယ့် ဂါထာတွေကျက်ရင်းနဲ့
နိုးကြားတဲ့ ဘဂဝါလက်တွင်းမှာ
တန်ဖိုးထားချဲ့ ဘယ်ခါမပျက်ယွင်းရအောင်
ကြိုးစားကွယ့် သဟာယကာသူငယ်ချင်းတို့ရေ။
ပါးစပ်ဖျား ညစ်လို့တော့
မြတ်ဘုရား မပစ်ကြပါနဲ့
အမှတ်အသား စစ်ရင်
အရပ်စကား ရစ်လည်း
အတတ်တရား အနှစ်မို့
နတ်များ ချစ်ကြပါလိမ့်မယ်ကွယ်။
#သုခိန်(ဗုဒ္ဓတက္ကသိုလ်)
ခမည်းတော် မယ်တော် အစ်ကိုတော် ညီတော် အစ်မတော် နှမတော်တွေ ရဟန်းသာမဏေတွေနဲ့ ဘုရားသာသနာချစ်ရင် ဒီကဗျာလေးတော့
Share လုပ်၍ဖြစ်စေ Credit ပေးကာ Copy ကူး၍ဖြစ်စေသာသနာအတွက်မို့ ဖြန့်ပေးကြဖို့ လေးစားစွာ တောင်းဆိုလိုက်ပါသည်။
No comments:
Post a Comment