'မာ' ရင်တော့ 'န' သွားမှာပါပဲ

မြင့်သူတွေရဲ့ ကြားမှာ နိမ့်တဲ့အတွက် ကိုယ့်ဘ၀နိမ့်သွားလိမ့်မယ် မထင်ပါနဲ့ ။ မြင့်တဲ့သူတွေရဲ့ ကြားမှာ နိမ့်လိုက်မှ ကိုယ့်ဘ၀ မြင့်နိုင်တာပါ။ စကားလုံးတွေက ဆန့် ကျင်ဘက်တွေချည်း လုပ်ထားတာ။ ဂါထာမှာ နှစ်ခုတည်းပါတာ။ "မြင့်သူတွေရဲ့ ကြားမှာ နိမ့်ပါ"။ ကိုယ်က လုပ်လိုက်တော့ သုံးခုတောင်ဖြစ်သွားတာနော်။ ဒါက အကျိုးဆက်အနေနဲ့ ပြောတာပါ။ "မြင့်သူတွေရဲ့ ကြားမှာ နိမ့်လိုက်လို့ နိမ့်မသွားပါဘူး။ မြင့်လာပါလိမ့်မယ်။" မြင့်သူကြားမှာ နိမ့်မှသာ ၊ မြင့်ရာရောက်နိုင်သည်။

မာနတွေကြီးပြီးတော့ ဘ၀င်မြင့်နေတဲ့သူတွေကြားမှာ မာနကိုနှိမ့်ချပြီးတော့ ဘ၀င်နိမ့်မယ်ဆိုရင် အဆင့်အတန်းမြင့်တဲ့ဘ၀ကိုရောက်နိုင်ပါတယ်။ လူတိုင်းသိကြပါတယ်။ မာနကြီးရင် သံသရာအကျိုးပေးအနေနဲ့ ဘာဖြစ်တတ်သတဲ့တုန်း။ မာနကြီးတဲ့ ပုဂ္ဂိုလ်တွေ အမျိုးယုတ်တတ်တယ်တဲ့။ အမျိုးညံ့တတ်တယ်။ ဖြစ်လေရာ ဘ၀မှာ ယုတ်ညံ့တဲ့အမျိုးမှာဖြစ်တတ်တယ်။ အကြီးဆုံးအကျိုးကတော့ အပါယ်လေးပါးပေါ့လေ။ ဟိုလိုကြီး အကုသိုလ်တွေနဲ့ မှ အပါယ်လေးပါးရောက်တာမဟုတ်ဘူးနော်။ မာနကြီးရင်လည်း အဲဒီမာနကြောင့်ကို အပါယ်လေးပါးကိုရောက်မှာပဲ။ အပါယ်လေးပါးက လွတ်ပြီး လူပြန်ဖြစ်ပြီဆိုရင်လည်း အမျိုးညံ့မှာ ဖြစ်တတ်တယ်။ နိမ့်ကျတဲ့အမျိုးမှာ ဖြစ်တတ်တယ်။

ကိုယ့်ရဲ့ အထင်နဲ့ ကတော့ တစ်ခြားစီဖြစ်သွားတယ်။ ငါအမျိုးမြတ်တယ် ၊ ငါအမျိုးမြင့်တယ် ဆိုပြီးလက်မထောင်ပြီးတော့ ဘ၀င်မြင့်လိုက်တယ်။ အဲဒါအကျိုးပေးတော့ ကိုယ်မလိုချင်တဲ့ ၊ ကိုယ့်နှိမ့်ကျပြောထားတဲ့ အမျိုးယုတ် အမျိုးညံ့မှာပဲ သွားပြီးတော့ ဖြစ်ရပါတယ်။ 

မြင့်တဲ့အတွက် နိမ့်သွားတာပါ။ ဘ၀င်မြင့်တဲ့အတွက် ဘ၀နိမ့်သွားတာပါ။ မြင့်ရင် မမြင့်ပါဘူး။ နိမ့်ပါတယ်။ ဆိုလိုတာကတော့ ဘ၀င်မြင့်ရင် ဘ၀မမြင့်ဘူး ၊ ဘ၀နိမ့်ပါတယ်။ ဆန့် ကျင်ဘက်အနေနဲ့ မာနမကြီးဘူး။ ဘ၀င်မမြင့်ဘူးဆိုရင် ဖြစ်လေရာဘ၀ အမျိုးမြတ်ပါတယ်။ အမျိုးမြင့်ပါတယ်။ နိမ့်တဲ့အတွက် မြင့်သွားတာပါ။ ဘ၀င်နိမ့်တဲ့ အတွက် ဘ၀မြင့်သွားတာပါ။ နိမ့်ရင် မနိမ့်ပါဘူး။ မြင့်ပါတယ်။ ဆိုလိုတာကတော့ ဘ၀င်နိမ့်ရင် ဘ၀မနိမ့်ပါဘူး။ ဘ၀မြင့်ပါတယ်။

ဒီမာနအကြောင်းချည်းပဲ တစ်ရက်ဟောဖို့ တောင်ကောင်းတာနော်။ ဂါထာတစ်ပုဒ်မှာ စကားရပ်က လေးခုရှိတော့ စကားရပ်တစ်ခုကို တစ်ရက်နှုန်းနဲ့ လေးရက် အခန်းဆက်ဟောဖို့ ကောင်းပါတယ်။ ဒါပေမယ့် တရားသိပ်ရှည်ပြီး ငြီးငွေ့ သွားမှာစိုးလို့ နှစ်ရက်နဲ့ ပဲ ပြီးအောင်ဟောပါမယ်နော်။ စီခြောက်ဆယ် နှစ်ခွေစာပေါ့။ 

ဦးဇင်းတို့ မြတ်စွာဘုရားလက်ထက်တုန်းက ပုဏ္ဏိကာထေရီဆိုတာ ရှိပါတယ်။ သူက လူ့ ဘ၀တုန်းက အနာထပိဏ်သူဌေးကြီးရဲ့ အိမ်မှာ ရေခပ်ကျွန်မရဲ့ ဝမ်းမှာ ၀င်စားပြီးတော့ ကျွန်မဖြစ်နေပါတယ်။ ဘာကြောင့် သူက ဒီလိုကျွှန်မဖြစ်ရသလဲဆိုရင် သူဟာ ရှေးဘုရားခြောက်ဆူရဲ့ လက်ထက်မှာ ပိဋကတ်သုံးပုံကို အာဂုံဆောင်နိုင်တဲ့ တိပိဋကဓရ ဘိက္ခုနီမဖြစ်ခဲ့ဖူးပါတယ်။ ခြောက်ဘ၀လုံးနော်။ တရားဟောကလည်း အင်မတန်ကောင်းတယ်။ ဗဟုသုတကလည်း အင်မတန်ပြည့်စုံတယ်။ 

ပညာဗဟုသုတ ပြည့်စုံတာ ၊ ပိဋကတ်သုံးပုံကို အာဂုံဆောင်နိုင်တာ ၊ တရားဟောကောင်းတာကို အကြောင်းပြုပြီးတော့ မာနတွေကြီးနေတယ်။ ခြောက်ဘ၀လုံး မာနတွေကြီးခဲ့တယ်။ ဘ၀င်တွေမြင့်ခဲ့တယ်။ မာနတွေကြီး ၊ ဘ၀င်တွေမြင့်ပြီးတော့ ဘုန်းကြီးလည်း ဘုန်းကြီးမထင် ၊ ဘိက္ခုနီးမလည်း ဘိက္ခုနီမ မထင်ဖြစ်ခဲ့တယ်။ ဟိုလူလည်း လူမထင် ၊ ဒီလူလည်း လူမထင်နဲ့ မာနတွေကြီးပြီးတော့ ဘ၀င်တွေမြင့်ခဲ့တယ်။

ပိဋကတ်သုံးပုံ အာဂုံဆောင်ပြီး သီလ သမာဓိ ပညာ သိက္ခာသုံးပါးကိုဖြည့်ကျင့်ပေမယ့် ၀ိပဿနာအလုပ်ကို ကြိုးကြိုးစားစား အားထုတ်ပေမယ့် မာနတွေကြီးနေတဲ့အတွက်ကြောင့် ကိလေသာတွေကို အပြီးသတ် ပယ်သတ်ဖို့ မစွမ်းနိုင်ခဲ့ပါဘူး။ တရားထူး တရားမြတ်လုံးဝမရခဲ့ပါဘူး။ သိပ်ကို သံဝေဂရစရာကောင်းပါတယ်။ပိဋကတ်သုံးပုံ အာဂုံဆောင်နိုင် ၊ ပရိယတ္တိတွေလည်း ပြည့်စုံ ၊ ပဋိပတ္တိတွေလည်း ပြည့်စုံ ၊ သူများကိုလည်း ကျွတ်တမ်းဝင်အောင် ဟောနိုင်ပြောနိုင်ပါလျှက်နဲ့ ကိုယ်တိုင်ကျတော့ မာနတွေ ခံနေတဲ့အတွက်ကြောင့် တရားထူး တရားမြတ်မရခဲ့ပါဘူးတဲ့။

မာနမာတုကတ္တာ ပန ကိလေသေ သမုစ္ဆိန္ဒိတုံ နာသက္ခိ

ပုဏ္ဏိကာထေရီမအလောင်း ပရိယတ် ၊ ပဋိပတ်ပြည့်စုံပါလျှက် တရားထူးမရခြင်းရဲ့ အကြောင်းကို သေချာမှတ်နော်။ ဘာဖြစ်လို့ လဲ။ "မာနကြီးလို့ ၊ ဘ၀မြင့်လို့ "။ စာဘယ်လောက်တတ်တတ် ၊ တရားဘယ်လောက် အားထုတ်ထုတ် မာနကြီးနေရင် ၊ မာနခံနေရင် ၊ ဘ၀င်မြင့်နေရင် ၊ ဘ၀င်ခံနေရင် ၊ ဘယ်တော့မှ တရားထူး တရားမြတ်မရပါဘူး။ သက်တော်ထင်ရှား ဘုရားခြောက်ဆူနဲ့ ခြောက်ကြိမ်တိုင်တိုင် ဆုံရတာတောင် မာနခံနေလို့ တရားမရဘူးဆိုမှတော့ သက်တော်ထင်ရှားဘုရားနဲ့ မဆုံရတဲ့ အခုလိုအချိန်မျိုးမှာဆို ပြောမနေနဲ့ တော့ပေါ့။ မာနတွေ......မာနတွေ.....သိပ်ကြောက်စရာကောင်းတယ်နော်။

ကိုယ့်ဘာသာကိုယ် မာနကြီးတာ ဘာဖြစ်လဲလို့ ခါးမထောက်ပါနဲ့ ။ ဘာမှမဖြစ်ပါဘူး။ တရားထူး မရရုံ ၊ အပါယ်ငရဲကျရုံ နဲ့ အမျိုးညံ့ရုံ ( အမျိုးယုတ်ရုံ ) လေးပါပဲ။ သိပ်မဆိုးပါဘူးနော်။

ဘုရားခြောက်ဆူလုံးလက်ထက်မှာ ပရိယတ် ၊ ပဋိပတ် ပြည့်စုံခဲ့ပေမယ့် ဦးဇင်းတို့ ဂေါတမဘုရားရှင် လက်ထက်ကျမှ ရဟန္တာဖြစ်ရပါတယ်။ ရဟန္တာဖြစ်တော့လည်းပဲ အမျိုးမြတ်တဲ့ဘ၀ကနေ ဘိက္ခုနီမ ၀တ်ပြီးတော့ ရဟန္တာဖြစ်ရတာလား ဆိုတော့ မဟုတ်ဘူး။ ကျွှန်မဘ၀ကနေ ဘိက္ခုနီမ၀တ်ပြီးတော့ ရဟန္တာဖြစ်ရတယ်။

အဲဒီ ကျွှန်မဖြစ်ရတာဘာကြောင့်လဲဆိုတော့ မာနကြီးခဲ့လို့ ပါပဲ။ တရားထူးမရတာလည်း မာနကြီးလို့ ၊ ကျွှန်ဖြစ်ရတာလည်း မာနကြီးလို့ ။ ဒါကြောင့် မာနကတော့ ကြီးကိုမကြီးသင့်ပါဘူး ယောဂီတို့ ရယ်။ "မာန်မာန မထားသင့်ပါတယ်" ဆိုတဲ့ သီချင်းစာသားလေးကို တရားသဘောလေးနဲ့ အမြဲနှလုံးသွင်းကြပေါ့နော်။ 

မှတ်ချက်။

ဆရာတော်အရှင်ဆန္ဒာဓိက ( ရွှေပါရမီတောရ ) ၏ ထူးမှထူး စာအုပ်ကို ကိုယ်တိုင်ဖတ်ရှုမှတ်သား ၊ ပြန်လည်စာစီစာရိုက်ခြင်းပြုပြီးသကာလ ၊ ကျွှန်တော့်မိတ်ဆွေများ မှတ်သားနာယူကျင့်ကြံစေခြင်း အလို့ ဌာ ကုသိုလ်ဖြစ် ပြန်လည်မျှဝေဖော်ပြပေးခြင်းဖြစ်ပါတယ်ခင်ဗျာ။

ယနေ့ ၁၁-၁၁-၂၀၁၁ မှာ ကျွှန်တော့် မိတ်ဆွေအပေါင်းအသင်းများ ထူးခြားတဲ့အသိလေးရပြီးတော့ ဆရာတော်ဆုံးမထားတဲ့အတိုင်း မိမိတို့ မှာ ရှိတဲ့ မာနတွေ ( တစ်ခါတစ်လေ မောဟ ဦးစီးတဲ့ မာနတွေလည်းရှိတတ်ပါတယ်။ ကိုယ်ကတော့ ကိုယ်ဘာမှမလုပ်ဘူးထင်တာပဲ။ ဒါပေမယ့် မသိစိတ် ၊ မောဟ ဦးစီးတဲ့ မာနလေးတွေလည်းရှိပါတယ်။ ) ကို အမြစ်က မကျန်ပယ်သတ်နိုင်ကြပါစေလို့ ဆုတောင်းမေတ္တာပြုရင်း........................................................

Htoo Tint Naing

11-11-2011

11:11 am