မရပ်မနား သေပြီးရင်း သေပြနေသော ကျနော့ ခန္ဓာတွင်းက ပရမတ် သဘောတွေကို မြင်ရပါများတော့ စက်ဆုပ်ရွံ့ရှာရပြီပေါ့။ ဒီလောက် အသေ တွေ ဆက်နေမှတော့ ဒါကြီးကို မြင်နေရတဲ့ စိတ်အစဉ်က ဘယ်လောက်ထိ များခံနိုင်မှာမို့လဲနော်။ အော်ဂလီတွေဆန်လို့ အသေတွေ ရပ်ဖို့ ကြိုးစားပြန် တယ်။ မရတော့ မနိုင်ရင် ထွက်ပြေးမယ်ပေါ့။ အသေလွတ်ရာကို ရှာနေတာ လေ။ အမယ် ရမယ်ထင်လို့လား။ ဘယ်ရလိမ့်မလဲနော်။ ပိုပြီးတောင် သေပြ နေပြန်တာကြောင့် နောက်ဆုံးတော့ သူ့သဘော သူဆောင် နေပေတော့ ဆိုပြီး နှလုံးသွင်းလေး ပြောင်းပေးလိုက်တော့မှသာ အသေလွတ် သွားတော့တယ်။
အင်း ခုတော့လည်း ဒီသဘောတရားတွေကို လက်မခံချင်လည်း လက်ခံနေရပါပြီ။ နှလုံးသွင်းလိုက်တိုင်းပဲ အမြဲမပြတ်သေနေတဲ့ သေခြင်း တရားတွေကို မကြည့်ပဲလဲ သိနေရပြီမို့ သေခြင်းများစွာနှင့် တူယဉ်တွဲလို့ အသေ နှလုံးသွင်းနဲ့ပဲ ရှင်သန်နေရပါပြီ။ ထမင်းစားရင်းလည်း ကိုယ်တွင်းက ပြ နေတဲ့ ဗြောင်းဆန်နေသော အသေများစွာနှင့်အတူ လက်တွဲလို့ ဟင်းတွေခပ် နေရပြန်ပါပြီ။
ခုတော့သိသွားပါပြီ။ ဒီခန္ဓာကြီးဟာ တကယ်တော့ မွေးလိုက်၊ သေလိုက် ဆိုတဲ့ မွေးသေတွေကို တရစပ် မွေးထုတ်ပေးနေတဲ့ စက်ရုံကြီး တစ်ခုဆိုတာကိုလေ။ခုချိန်သေမှာ ကြောက်သေးလားဆိုရင်တော့ ကြောက်ချိန် မရအောင်ကို သေပြနေတာမို့ ကျနော့ အဖော် အသေများစွာဖြင့် မကြောက်၊ မကြောက်လို့သာ ပြောရင်း သေပြနေရပါတော့မယ်။
ခန္ဓာထဲက စက္ကန့်မလပ် ကိုယ်မကြည့်လည်းသေ၊ ကိုယ်ကြည့်လည်း သေနေမှာကို တွေးရင်း ဒီအသေများစွာ မွေးထုတ်ပေးနေသော ခန္ဓာစက်ရုံကြီး ဘယ်အချိန် ပြိုလဲ ပျက်စီးသွားမယ်ဆိုတာကို စောင့်ကြည့်နေရပါပြီ။ အင်း …တစ်နေ့တစ်နေ့ မရေမတွက်နိုင်အောင် မွေးထုတ်ပေးနေသော သေခြင်းများ ပိုင်ရှင် ကျနော့ ခန္ဓာကြီးကတော့ သံသရာအကြွေးများ ကျေအောင်ဆပ်ရင်း သေခြင်းဆီသို့ အသေလေးများနှင့် ချီတက်လို့နေပါပြီ ဆိုတာလေးကို ခံစားမိသမျှ တင်ပြလိုက်ရပါတော့သည်။
Posted by dimplemit
[Myanmar Friends Day Group]
No comments:
Post a Comment