ကိုယ်ပိုင်အတွေးလေးများ ၁၈ (သတိတရား လက်ကိုင်ထား ၊ မမှားစေနဲ့ လူငယ်များ )

အသက် ၂၁ နှစ် ၊ ကျွှန်တော် လူငယ်ပါ။



ကိုယ်ကလူငယ်တစ်ယောက်ဖြစ်တဲ့အတွက် လူငယ်တွေအကြောင်း လူကြီးတွေထက်တော့ နည်းနည်းပိုသိပါတယ်။ ကျွှန်တော်က တိုင်းတစ်ပါးရောက်နေတဲ့အတွက် တိုင်းတစ်ပါးမှာရောက်နေတဲ့ မြန်မာလူငယ်တွေနဲ့ အတွေ့ အထိ ၊ ဆက်ဆံပေါင်းသင်းတာပိုများပါတယ်။ အဲလို ဆက်ဆံပေါင်းသင်းတဲ့အခါ ကျွှန်တော် ဘာတွေ့ ရသလဲဆိုတော့ ဥပမာ စားပွဲတစ်ဝိုင်းထဲ တူတူထိုင်လိုက်တဲ့အခါ ကျွှန်တော်က ဘာသာရေးအကြောင်းလေးအစချီပြီးပြောတော့မယ်ဆို အကုန်လုံးက စိတ်ပျက်တဲ့ပုံဆန်နဲ့ ဒီကောင့်ကိုတော့ ငါတို့ ဘေးမဲ့ပေးလိုက်ပြီ ဆိုတဲ့ ပုံစံတွေကို တွေ့ ရပါတယ်။



လူငယ်တွေက လူကြီးမိဘတွေနဲ့ ဝေးနေတဲ့အခါ ဆုံးမမှုတွေအောက်က လွတ်လပ်ရေးရနေတဲ့အခါကျတော့ ကိုယ်လုပ်ချင်ရာတွေကို မှားမှားမှန်မှန် တစ်ဇွတ်ထိုး ၊ တစ်စောက်ကန်း ဦးစားပေးလုပ်လာကြတယ်။ တစ်ခုခုဖြစ်ပြီဆိုတော့မှသာ စိတ်မထိန်းနိုင်ပဲ ဖြစ်ချင်ရာဖြစ် ထပ်လုပ်တယ်။ သူတို့ မဆင်မခြင်နဲ့ လုပ်လိုက်လို့ အမှားတွေလည်းဖြစ်ရော ၊ အဲလိုဖြစ်ရပါ့မလားဆိုပြီး နောက်ထပ် တစ်ဇွတ်ထိုး အရွဲ့ တိုက်ပြီး အမှားတစ်ခုထပ်လုပ်လိုက်တယ်။ အမှားကို အမှားထပ်တော့ အမှန်တော့ဖြစ်မလာပဲ ၊ အမှားနှစ်ထပ်ကွမ်းပိုင်ရှင်တော့ ဖြစ်သွားတာပေါ့။ သချာင်္တွက်တဲ့အခါမှာလို အနုတ် ( - ) နဲ့ အနုတ် ( - ) ပေါင်းရင် အပေါင်း ( + ) ရမယ်လို့ သူတို့ ထင်နေလေရော့သလားတော့မသိဘူးပေါ့ဗျာ။ လူငယ်တွေက အနာရတာ သိပ်နှစ်သက်တယ်။ အနာရလိုက် ၊ ပြန်ကုလိုက် ၊ ပြန်ထပ်ဖြစ်လိုက်နဲ့ ပဲ ချာလည်လိုက်နေတာ။ အဲဒါကို သူတို့ က ပျော်နေတာ ၊ အံကျနေတာ ၊ ထုံနေတာ။ အဲဒီ အကျင့်ဆိုးကြီးကို ပြင်ဖို့ သူတို့ မှာ အိပ်မက်တောင် မမက်ဘူးဖူး။



ဒယ်အိုးဆရာတော် ဦးသုမင်္ဂလ စင်ကာပူကြွတုန်းက ကျွှန်တော်တို့ Lotus Foundation အသင်းက အစ်ကိုတွေကို မိန့် သွားတာလေးတစ်ခု ကျွှန်တော် အရမ်းသဘောကျတယ်။ ဆရာတော်က "ဒို့ ဘုန်းကြီးတွေလည်း မြန်မာပြည်အနှံ့  Repair ချည်းလိုက်လုပ်နေရတယ်။ Prepare ကိုမလုပ်ရဘူး။ မြန်မာလူမျိုးတွေကိုက Prepare လုပ်မယ်မကြံဘူး။ Repair လုပ်တာပဲ သဘောကျတယ်" တဲ့။ အခု လူငယ်တွေကလည်း အဲလိုပါပဲ။ ကိုယ်က အဆိုးတွေဖြစ်တာမကြိုက်ရင် အစကတည်းက အဆိုးတွေမဖြစ်အောင် သေသေချာချာ သတိလေးထားပြီး ပြောဆို လုပ်ကိုင်ဆောင်ရွက်ပေါ့။ Prepare လုပ်ပေါ့။ အခုတော့ မဟုတ်ပဲ ဖြစ်ပြီးသွားပြီ ၊ ခံစားပြီးသွားပြီဆိုမှ repair လုပ်တယ်ဆိုတော့ မိအေးနှစ်ခါနာတာပေါ့။



လူငယ်တွေကို လူငယ်စကားနဲ့ ပဲပြောပါမယ်။ လူငယ်တွေ လမ်းမှားမရောက်စေဖို့ မည့်သည်ကိစ္စမှာပဲဖြစ်ဖြစ် ဖြစ်နိုင်တာနဲ့ မဖြစ်နိုင်တာ ၊ လုပ်နိုင်တာ နဲ့ မလုပ်နိုင်တာ ၊ လုပ်သင့်တာ နဲ့ မလုပ်သင့်တာတွေကို သေသေချာချာကွဲကွဲပြားပြားသိရမယ်။ အဲလိုတွေ ခွဲခြားပြီးမသိဘူးဆိုရင် အကျိုးဆုတ်ယုတ်မှုတွေ ၊ လွဲမှားမှုတွေ အများကြီးဖြစ်လာနိုင်တယ်။ အဲဒီလို သေသေချာချာခွဲခြားသိဖို့ ၊ လမ်းမှန်ရဖို့ ဆိုတာကလည်း အသိဥာဏ်က အင်မတန်မှ အရေးကြီးပါတယ်။ အဲဒီ အသိဥာဏ်ကကော ဘယ်လိုရနိုင်မလဲ ?



ကျွှန်တော့်စိတ်ကြိုက်ဖြေရရင် တစ်ခွန်းတည်းပါပဲ "ဘာသာရေးလမ်းပေါ်မှာလျှောက်ပါ"။ ဘာသာရေးသည် လူတစ်ယောက်အတွက် အလိုအပ်ဆုံးသော အရာတစ်ခုပဲ။ တရားစာလေးတွေဖတ်မယ် ၊ တရားတွေနာမယ် ၊ အဆုံးအမလေးတွေကို နာခံမယ်။ အဲလိုတွေပြုလုပ်ခြင်းအားဖြင့် မသိတာတွေ သိလာတယ်။ သိပြီးသားတွေ ရှင်းသွားတယ်။ အဲဒီလောက်ဆိုရင်ပဲ ကိုယ့်စိတ်ဓာတ်ကလေးဟာ စတင်နူးညံ့ပျော့ပြောင်းလာတော့မှာ။ အသိဥာဏ်ကလည်း အရင်လို ညစ်တစ်တစ်ပေတေတေ မဟုတ်တော့ဘူး။ အလင်းလေးစရလာပြီ။ အဓိက က ကိုယ့်မှာသာ "စိတ်" ရှိဖို့ လိုအပ်တာ။ အဲဒါကို မြတ်စွာဘုရားက "သုဿုသာ လဘတေ ပညံ" ၊ ကြားနာချင်တဲ့စိတ်ရှိပြီဆိုရင် ပညာရပါတယ် တဲ့။



ဒါတွေပြုလုပ်နေခြင်းသည် ကိုယ့်ဘ၀ကို ကိုယ်ပြုပြင်ပြောင်းလဲနေတာပဲ။ တရားနာလိုက်ရလို့ ၊ တရားစာအုပ်လေးဖြစ်ဖြစ် ၊ စာပုဒ်လေးဖြစ်ဖြစ် ၊ ဒါမှမဟုတ် တစ်စုံတစ်ယောက်ဆီက တရားဓမ္မနဲ့ ပတ်သတ်တဲ့စကားလေး ၊ အဆုံးအမသြ၀ါဒလေးဖြစ်ဖြစ် ကြားလိုက်တာနဲ့ အရင် ငါ နဲ့ အခု ငါ တူသေးရဲ့ လား ပြန်မေးကြည့်ပါအုံး။ အခု ငါ ကတစ်ခုပိုသိသွားတယ်လေ။ ပေါ့သေးသေးတော့မထင်လိုက်ပါနဲ့ ။တရားဓမ္မနဲ့ ပတ်သတ်လို့ ရှိရင် အကုန်လုံးဟာ အကျိုးရှိ တန်ဖိုးရှိတာတွေချည်းပါပဲ။ ကိုယ်သာ တရားရဲ့ တန်ဖိုးမသိလို့ အသုံးမ၀င်ဘူး ၊ အကျိုးမရှိဘူးလို့ ထင်ကောင်းထင်နိုင်တာပါ။



အဲဒီတော့ ကိုယ့်ဘ၀ ကိုယ်ပြင်ရမှာ။ သူများက ပြင်တယ်ဆိုတာ အကြံပေးရုံလောက်ပဲရမယ် ၊ ဆုံးမသြ၀ါဒပေးရုံလောက်ပဲရမယ်။ မိမိကိုယ်တိုင်က မပြင်သေးသမျှ ဘယ်တော့မှ အကောင်းမဖြစ်ဘူး။ မိမိကိုယ်တိုင်ပြင်မှ အကောင်းဖြစ်တယ်။ ဒါကြောင့်မို့ မြတ်စွာဘုရားက အတ္တာနံ စေ ပိယံ ဇညာ၊ ရက္ခေယျ နံ သုရက္ခိတံ ၊ ကိုယ့်ကိုကိုယ်အချစ်ဆုံးလို့ အသိအမှတ်ပြုတယ်ဆိုရင် ကိုယ့်ကိုကိုယ်ထိန်းသိမ်းစောင့်ရှောက်ပါတဲ့။မြတ်စွာဘုရားဆိုလိုတဲ့ ကိုယ့်ကိုကိုယ်ထိန်းသိမ်းစောင့်ရှောက်ပါဆိုတာဟာ သတိတရားလက်ကိုင်ထားပြီးတော့ မှားမှားယွင်းယွင်းတွေမလုပ်မိအောင်ထိန်းသိမ်းစောင့်ရှောက်ဖို့ တဲ့။



ကိုယ့်အမှားကို ကိုယ်သိမှ ၊ ကိုယ့်ဘ၀ကို ကိုယ်ပြင်မှ ကိုယ့်အတွက် ကောင်းကျိုးချမ်းသာတွေရမှာ။ ဒါတွေကို ဘယ်သူကမှ လာလုပ်ပေးမှာမဟုတ်သလို အလိုလိုလည်းဖြစ်လာမှာမဟုတ်ဘူး။ ဘာသာရေးလေးကို နည်းနည်းမှ မလုပ်မိထားဘူး ၊ မသိထားဘူး ဆိုရင် အဲဒီလူဟာ သူ့ ဘ၀မှာ အခက်အခဲတွေ ၊ stress တွေ pressure တွေ ကြုံတွေ့ လာတဲ့အခါ ဘာနည်းနဲ့ ဖြေရှင်းရမှန်းသိမှာမဟုတ်ဘူး။ဘာသာရေးလမ်းပေါ်လျှောက်ရင် အကောင်းပဲကြုံကြုံ အဆိုးပဲကြုံကြုံ တုန်လှုပ်မှုနည်းနည်းလျော့လာမယ် ၊ နောက် ပါးလာမယ်။ ဘာပဲဖြစ်ဖြစ် အနည်းဆုံးတော့ ဖြေရှင်းနည်းကိုရတယ် ၊ ခံနိုင်ရည်ရှိတယ် ၊ အားရှိတယ်။ မဖြစ်သင့်တာ ၊ မလုပ်သင့်တာ ၊ မဖြစ်နိုင်တာ စတာတွေကို ကွဲကွဲပြားပြားသိလာမယ်။ အဲဒီတော့ အလိုလိုပဲ မဟုတ်တာ ၊ မကောင်းတာ ၊ မလုပ်သင့်တာ ၊ မဖြစ်သင့်တာတွေကို မလုပ်မိတော့ဘူးပေါ့။ ဒါ ဘာသာရေးရဲ့ အစွမ်းသတ္တိတစ်ခုပဲ။



ကိုယ့်ကိုကိုယ် ပြုပြင်ပြောင်းလဲ ပြင်ဖို့ ရာမှာ မြတ်စွာဘုရားဟောထားတာလေးရှိတယ်။ မဟာသတိပဋ္ဌာနသုတ်ထဲမှာ မြတ်စွာဘုရားက အာတာပီ သမ္ပဇာနော သတိမာ တဲ့။ မြတ်စွာဘုရားက ဒီတရားသုံးပါးကို အဓိက ထားတယ်။ ကိုယ့်ကိုကိုယ်ပြင်ဆင်ဖို့ ရာအတွက်ဆို အာတာပ ဆိုတာ ၀ီရိယ ၊ ကြိုးစားအားထုတ်မှု။ ပေါ့ပေါ့ဆဆမဟုတ်ဘူး။ ပြင်းပြင်းထန်ထန်ကြိုးစားအားထုတ်တာကိုပြောတာ။ သမ္မဇာန ဆိုတာ ဆင်ခြင်တုံတရား။ သတိမာ ဆိုတာ အာရုံနဲ့ ပတ်သတ်ပြီးတော့အမှတ်ရနေတာ။ ဒီတရား ၃ မျိုးဟာ ကိုယ့်ကိုကိုယ်ပြင်တဲ့နေရာမှာအရေးအပါဆုံးတရား ၃ မျိုးပဲ။ ကိုယ့်သန္တာန်မှာ ဒီတရား ၃ မျိုးအားနည်းနေသေးရင် အားကောင်းအောင်လုပ်ပေးရမယ်။ အဲလို အားကောင်းလာပြီဆိုရင် ကိုယ့်ကိုကိုယ်ထိန်းသိမ်းစောင့်ရှောက်မှုဟာ အောင်အောင်မြင်မြင်ကြီးဖြစ်နိုင်တယ်။



အဲဒီတော့ ဘာသာရေးအခြေခံလေးတွေ ကိုယ့်ဆီမှာ မကိန်းအောင်းထားဘူး ၊ သိချင်စိတ်လည်းမရှိဘူးဆိုရင် ၊ ဖတ်ချင်စိတ်လည်းမရှိဘူးဆိုရင် အရေးရယ် အကြောင်းရယ် ဆို ကိုယ့်ဆီမှာ ဘာအားမှရှိမှာမဟုတ်ဘူး။ အဲဒီတော့ လူအများက ထွက်ပေါက် ထွက်ပေါက် နဲ့ သမုတ်ထားတဲ့ မကောင်းတဲ့အလုပ်တွေကို လုပ်ခြင်းဖြင့် စိတ်သက်သာမှုကိုယူကြတယ်။ အဲဒါ ကိုယ့်ကိုကိုယ်ချစ်တာ မဟုတ်ဘူး ၊ နစ်တာ။ ကိုယ့်ဘ၀ကို ပြင်နေတာ မဟုတ်ဘူး ၊ ဆိုးအောင်လုပ်နေတာ။



နိဂုံးချုပ်အားဖြင့် ဘာသာရေးသည် လူတစ်ယောက်ရဲ့ စိတ်ကို နူးညံ့လာအောင် ၊ အရာရာတိုင်း ကိစ္စတိုင်းတွင် အမှန် အမှား ခွဲခြားဝေဖန်တတ်လာအောင် တန်ဖိုးရှိတဲ့အသိတရားတွေကို လမ်းညွန်ပေးတယ်။ အခြေခံကောင်းတွေရလာအောင် လုပ်ပေးတယ်။ တစ်ခုခုလုပ်တော့မယ် ပြောတော့မယ် ဆိုရင် ကိုယ့်ဆီမှာ ဘာသာရေးအခြေခံလေးရှိတဲ့အတွက် အထိန်းအကွပ်လေးရှိတယ်။ ရမ်းမလုပ်တော့ဘူး ရမ်းမပြောတော့ဘူး။ ဒါတွေဟာ ဘာသာရေးရဲ့ အကျိုးကျေးဇူးတွေပဲ။ ထို့ကြောင့် လူငယ်များ အသိတရားလက်ကိုင်ထားပြီးတော့ အမှားကင်းကွာပြီး ဘ၀လမ်းကို အေးအေးချမ်းချမ်းလျှောက်လမ်းနိုင်ကြပါစေလို့ ဆုတောင်းမေတ္တာပြုရင်း.................................................



ကျမ်းကိုး။



ဒေါက်တာနန္ဒာမာလာဘိဝံသဟောကြားတော်မူသော ဖြစ်နိုင်တာ နဲ့ မဖြစ်နိုင်တာ တရားတော် ၊ ကိုယ့်ဘ၀ ကိုယ်ပြင် တရားတော်



Htoo Tint Naing

18-11-2011

3:30 am