'ကံလမ်းမလိုက်နဲ့ ညာဏ်လမ်းလိုက်။ ကံက ဘုံဘ၀အကျိုးပေးတယ်။ ညာဏ်ကမှ အဲဒီဘုံဘ၀ကိုအကျိုးပေးတဲ့ကံကိုပယ်သတ်နိုင်တာ'..တဲ့”
ဦးဇင်းနဲ့ အင်မတန်မှ ရင်းနှီးတဲ့ တကာမတစ်ယောက်က လျှောက်ထားလာတယ်။ ဒါနဲ့ စကားပြောဖြစ်ခဲ့ကြပါတယ်။
“ အင်း တကာမကြီးလည်း မဂ်ကြောင်း ၊ဖိုလ်ကြောင်း ၊နိဗ္ဗာန်ကြောင်းတွေ စိတ်ဝင်တစား ဆွေးနွေးလာတာ တရားတွေအားထုတ်လာတာ ၀မ်းသာစရာပါဗျာ ဦးဇင်းလည်း သာဓုခေါ်ပါတယ်။ ဒါနဲ့ ကံလမ်းမလိုက်ဘူး ညာဏ်လမ်းလိုက်တော့မယ် ၊ကံကိုပယ်သတ်တဲ့ ၀ိပဿနာအလုပ်ကိုလုပ်တော့မယ်ဆိုတာတော့ တစ်မျိုးကြီးပဲဗျ ဘယ်လိုဘယ်လို ကံကိုပယ်သတ်တာလဲဗျာ ဦးဇင်းကုလည်း တရားပြန်ဟောပြပါဦး ။ နားမလည်လို့ “
“ဟာ ဦးဇင်းကလည်း နောက်နေပြန်ပါပြီး ၊စာတွေအများကြီးသင်ထားပြီးမှ ၊တပည့်တော်မတို့ကိုတောင်ပြန်ဟောပြရဦးမှာ”
“တကာမကြီးကလည်း မနောက်ပါဘူးဗျာ အတည်ရှင်းခိုင်းတာပါ။ ပြီးတော့ ဦးဇင်းကစာတွေ့လောက်ရှိတာလေ။ လက်တွေ့ဝိပဿနာတရားပြဆရာတော်ကြီးတွေရဲ့ ဟောပြောပြသမှုတွေကျ တကာမကြီးကပြန်သင်ပြပေးရမှာပေါ့ ရဟန္တာဖြစ်အောင်တရားပြပေးခဲ့တဲ့ ပုထုဇဉ်ဆရာသမားကိုတောင်မှ တပည့်ရဟန်းတော်လေးကပြန်တရားပြရတယ်ဆိုိတာ ရှိသေးတာပဲ”
“အင်း ဦးဇင်းပြောတာလည်း ဟုတ်တာပဲနော် ၊ တပည့်တော်မတို့ဆရာတော်ကပြောတယ် ။ ပရိယတ်သာတတ်တဲ့သူတွေက လက်တွေ့သမားတွေမဟုတ်ဘူးတဲ့ ၊ လက်တွေ့မကျင့်ပဲ စာသင်စာချနေကြတာ နွားကျောင်းသားတွေပဲ တကယ်တရားအားထုတ်တဲ့သူကသာ နွားပိုင်ရှင်ဖြစ်ပြီး နိဗ္ဗာန်ရနိုင်မှာ..တဲ့”
“ဟုတ်ပါပြီဗျာ ဦးဇင်းလည်းကြားနာဖူးပါတယ်။ ဘုရားရှင်ကိုယ်တိုင်ဟောထားတာ ဒါ့ကြောင့် ကျင့်နည်းကြံနည်းလေးသိအောင် လက်တွေ့သမားကို မေးမြန်းရတာပေါ့။ အဲဒီ ကုသိုလ်၊အကုသိုလ်ကကံက ဘုံဘ၀ကိုအကျိုးပေးနိုင်လို့ ကံလမ်းမလိုက်ဘူး ညာဏ်လမ်းလိုက်ရမယ်၊ ကံကိုညာဏ်နဲ့ပယ်သတ်ရမယ်ဆိုတာကို ဦးဇင်းနားလည်အောင် ပြောပြစမ်းပါဦး”
“တင်ပါ့ ၊ ဦးဇင်းလည်း အဘိဓမ္မာသင်တော့ ပဋိစ္စသမုပ္ပါဒ်နည်းသင်ရပါလိမ့်မယ်ဘုရား ။ အဲဒီမှာ ဖဿပစ္စယာ ဝေဒနာ- အာရုံနဲ့ဒွါရထိခိုက်မှုဖဿဖြစ်လာရင်။ ဝေဒနာ ပစ္စယာ တဏှာမလာလားဘုရား၊
အာရုံဒွါရတိုက်တဲ့အခါ အာရုံက ကောင်းတဲ့ဣဋ္ဌဖြစ်ရင် နှလုံးသွင်းကလည်း လက်ခံချင်တဲ့အာရုံဖြစ်ရင် သောမနဿ ဝေဒနာဖြစ်တာပေါ့။
အာရုံကဘုရားအာရုံလိုကောင်းပေမယ့် တိတ္ထိတွေရဲ့မျက်လုံးကျတော့ အယောနိသောမနသိကာရကြောင်းခံတော့ ။ဒေါမနဿဝေဒနာဖြစ်လာမယ်၊
ခန္ဓာကိုယ်ကိုကောင်းတဲ့အတွေ့ထိဖောဋ္ဌဗ္ဗာရုံနဲ့တွေ့ရင် သုခဝေဒနာ၊ မကောင်းဆိုးဝါးတဲ့အတွေ့ထိနဲ့ကြုံရင် ဒုက္ခဝေဒနာဖြစ်လာမယ်…ဟုတ်တယ်မို့လားဦးဇင်း ”
“အင်း ဆက်ပါဦး”
“ဝေဒနာပစ္စယာ တဏှာ ဆိုတော့ အဲဒီသုခဝေဒနာ , သောမနဿဝေဒနာတွေကျ ထပ်လိုချင်မှူ ၊မစွန့်လွှတ်ချင်မှု တဏှာဖြစ်လာမယ်လေ။
ဒေါမနဿဝေဒနာ , ဒုက္ခဝေဒနာတွေကျ လွတ်မြောက်လုိုမှု ဒါ့ထက်ကောင်းတာလိုချင်မှူ တဏှာမျိုးလာမှာပဲ”
“’ဒါဆို အာရုံမထင်မရှားတဲ့ ဥပေက္ခာဝေဒနာကျ တဏှာက ဘယ်လိုလာမှာလဲတကာမကြီးရဲ့”
“ဦးဇင်းကလည်း ဥပေက္ခာဝေဒနာပေါ်တော့ အာရုံကမထင်ရှားတော့ဘူး ဒီတော့ ပီပြင်ထင်ရှားတဲ့အာရုံမျိုးကိုလိုချင်တောင်းတမှု တဏှာလာမှာပဲ အဲလိုနဲ့ ဝေဒနာပစ္စယာကနေ တဏှာ ၊တဏှာပစ္စယာကနေ ဥပါဒါန်ဖြစ် ဥပါဒါန်စွဲလမ်းမှုတွေကြောင့် ပြုလုပ်၊ပြောဆို၊ကြံစည်မှုကမ္မဘ၀ဖြစ်တော့ တဖန်ဇာတိဖြစ်ပြီးပေါ့ဦးဇင်းရဲ့ ၊အဲဒါကိုသံသရာ အလည်လမ်း ကံလမ်းလိုိ့ခေါ်တယ်။ သံသရာအထွက်လမ်းဆိုတာကတော့ အဲဒီဖြစ်ပေါ်လာတဲ့ဝေဒနာလေးဖြစ်ပြီးပျောက်သွားတာပဲ သိနေရင် ဖြစ်ပျက်နောက်မှာ မဂ်ညာဏ်ကပ်ပါလာတော့ တဏှာကြားမခိုတော့ဘူးပေါ့ ဦးဇင်းရဲ့ အဲဒီညာဏ်ကြောင့်ဖြစ်လာမယ့်ကံလမ်းပြတ်တော့ ကံသေရော ဒါကို ညာဏ်ကကံကိုပယ်သတ်တာလို့ပြောတာပါ ”
“ဟာ တကာမကြီးက ဘယ်ဆိုးလို့လဲဗျ ပဋိစ္စသမုပ္ပါဒ်ကို မွှတ်နေအောင် လှည့်သွားတာ ဦးဇင်းဖြင့် လည်ထွက်သွားတာပဲ ။ ဒါပေမယ့် တကာမကြီးရှင်းပြတဲ့အထဲမှာ ၀ီထိတွေခုန်ကျော်နေတယ်နော် ၊နောက် ဝေဒနာပစ္စယာကြောင့် တဏှာဖြစ်ပြီး စက်ရဟတ်ထပ်လည်ပုံကိုရှင်းပြတာလည်း သဘောကျစရာတော့ကောင်းပါတယ်။ ဒါပေမယ့် ဝေဒနာပစ္စယာ တဏှာဖြစ်လာပုံရှင်းပြပုံကြီးက မရမက တဏှာထဲ ဆွဲသွင်းသွားသလိုပဲ။ နောက်ပြီး ဖြစ်လာမယ့်ကံကို တားဆီးပြီး စက်ရဟတ်ကို ရပ်သွားအောင်လုပ်တာ ဝေဒနာအပေါ်မှာ တဏှာကပ်မလာအောင် ၀ိပဿနာကုသိုလ်ညာဏ်နဲ့ ခွါချလိုက်တာ လမ်းဆုံလမ်းခွမှာ အကုသိုလ်လမ်းကနေ ကုသိုလ်လမ်းဖက် လိုက်သွားတာလို့ပဲ ဦးဇင်းဖြင့်နားလည်မိပါတယ်ဗျာ ကံသတ်တာတော့မဟုတ်လောက်ပါဘူး။ ဝေဒနာအခိုက်အတန့်ကနေ ညာဏ်အကူးမှာ ပယ်သတ်ရမယ့်ကံကဖြင့် ပေါ်မှ ပေါ်မလာသေးတာပဲ”
“တပည့်တော်မလည်း နားလည်သလို ရှင်းပြပေးတာပဲဘုရား ၊ဒါ့ကြောင့် တပည့်တော်မက ဘုန်းကြီးစာချမလုပ်ချင်ပါဘူးဆိုမှ၊ ဒါဆို ဘယ်လိုဝီထိစဉ်တွေ ခုန်ကျော်သွားတာလည်းဘုရား တပည့်တော်လည်း အဘိဓမ္မာမသင်ဘူးတော့ နားမလည်ဘူး အဲဒါရှင်းပြပေးပါဦး”
“အင်း တကယ်က သဠာယတနပစ္စယာ ကြောင့် အာရုံနဲ့ဒွါရတိုက်ပြီး ဖဿဖြစ်လာရင် အဲဒီဖဿစေတသိက်နဲ့အတူ ဝေဒနာကတစ်ပြိုင်နက်ဖြစ်ပေါ်လာတာလေ ။ဥပမာ ရူပါရုံတစ်စုံတစ်ခုကို မျက်စိနဲ့မြင်လိုက်လို့ မြင်စိတ်ဖြစ်လာရင် အဲဒီမြင်စိတ်ထဲမှာ ဖဿရော ၊ဥပေက္ခာဝေဒနာပါ တပြိုင်နက်ယှဉ်တွဲဖြစ်ပေါ်လာကြတာပါ၊ ဒါပေမယ့် ကြောင်းကျိုးသွယ် ပဋိစ္စသမုပ္ပါဒ်နည်းမှာကျ ဖဿတွေ့ထိမှုကြောင့်ဥပေက္ခာဝေဒနာပါပေါ်လာတယ်လို့ ဆိုလိုတာလေ ။
ဒါပေမယ့် အာရုံက ကြည်ညိုဖွယ် ဘုရားအာရုံမို့ သောမနဿဝေဒနာဖြစ်ကွာ၊ ဒီအာရုံကိုငါမကြိုက်ဘူး ဒေါမနဿဖြစ်ကွာလို့ စီမံလို့ပြောင်းလွဲလို့မရဘူး။ အဲလိုမြင်တဲ့အာရုံပေါ်မှာ ဆက်လက်သုံးသပ်ပြီး ယောနိသောမနသိကာရအလျှောက် ၀မ်းမြောက်မှုသောမနဿဆက်ဖြစ်လာတာတို့ မကြည်ညိုမှုမကျေနပ်မှု တနုံ့နုံ့ဒေါမနဿဖြစ်နေတာတို့ကျတော့ ဆက်တွဲ တဒနုဝတ္တိက မနောဒွါရ၀ီထိလို့ခေါ်ရတယ် စက္ခုဒွါရ၀ီထိမှာပါတဲ့ ဥပေက္ခာဝေဒနာမျိုးမဟုတ်တော့ဘူး နောက်မနောဒွါရ၀ီထိစဉ်ကိုရောက်သွားတာကို ၀ီထိစဉ်ကျော်တယ်ပြောတာပါ စိတ်ဝီထိအစဉ်တိုင်းတော့ အကုန်လိုက်ရှုနိုင်ဖို့မလွယ်ဘူးပေါ့။
တကယ်က မြင်စိတ်၊ကြားစိတ်၊နံစိတ်၊စားစိတ်တွေမှာ လုံ့လပယောဂမပါဘူး ဒါ့ကြောင့် ထက်မှုနုံ့မှုကင်းတဲ့ ဥပေက္ခာဝေဒနာသာဖြစ်ရမယ်လေ။ နောက် တွေ့ထိမှုကျတော့ အာရုံကောင်းရင် ချမ်းသာတဲ့သုခအတွေ့ကြောင့် သုခဝေဒနာ၊ ဆင်းရဲတဲ့အတွေ့နဲ့ကြုံရင်ဒုက္ခဝေဒနာဖြစ်တာပဲ ။ စိတ်အတွင်းတွေးကြံတာ အတိတ်အကြောင်းရှေးဟောင်းနှောင်းဖြစ်စဉ်းစားတာ အနာဂါတ်အကြောင်း ကောင်းမကောင်းစဉ်းစားတာကတော့ မနောဒွါရမှာဖြစ်လို့ သောမနဿဝေဒနာတို့ ဒေါမနဿဝေဒနာတို့ ဥပေက္ခာဝေဒနာတို့ အထိုက်လျှောက်ဖြစ်နိုင်ပါလိမ့်မယ်
အဲဒီဒွါရခြောက်ပါးမှာဖြစ်လာတဲ့ သုခ၊ဒုက္ခ သောမနဿ၊ ဒေါမနဿ ဥပေက္ခာဝေဒနာတွေမှာ သုခဝေဒနာ ၊သောမနဿဝေဒနာတွေကို ဖြစ်ပေါ်လာမှု ပျောက်ပျက်သွာမှု( ဖြစ်/ပျက်-အနိစ္စ) သဘောတရားကိုမရှုနိုင်ရင်တော့ ဝေဒနာောက်မှ ညာဏ်မဖြစ်လာပဲ တကာမကြီးပြောသလို ဝေဒနာပစ္စယာကြောင့်တဏှာလိုက်လာတာပေါ့ ။
ဒါပေမယ့် ဒုက္ခဝေဒနာကိုတော့ ယင်းဒုက္ခဝေဒနာမှလွတ်မြောက်ချင်တဲ့ တဏှာတောင့်တမှုမျိုးလိုက်လာတယ်၊ ဥပေက္ခာဝေဒနာကျ အာရုံမထင်ရှားလို့ ရှင်းလင်းပြတ်သားတဲ့အာရုံမျိုးကို လိုလားတောင့်တမှုတဏှာလိုက်လာတယ် ဆိုတာကျတော့ အဓိပ္ပါယ်တစ်မျိုးနေမှာပေါ့လေ ဦးဇင်းတို့လေ့လာဖူးတဲ့ ပဋိစ္စသမုပ္ပါယ်စက်လည်ပုံကတော့ အဲလိုမဟုတ်ဘူး။
ဝေဒနာနောက်က တဏှာလိုက်တယ်ဆိုတာ.. တဲ့ သာမန်လိုက်ရိုးလိုက်စဉ်အရ သုခဝေဒနာနောက်က တဏှာလိုက်တယ် (သုခဝေဒနာပစ္စယာ တဏှာပေါ့)။
ဒါပေမယ့် ဒုက္ခဝေဒနာနောက်မှာတော့ တကာမကြီးပြောသလို လွတ်မြောက်လိုမှုတဏှာလိုက်ပြီး ကြိုးပမ်းအားထုတ်မှုကံတွေဖြစ်လာတာမဟုတ်ဘူး။ အဲဒီဒုက္ခဝေဒနာနောက်မှာ သည်းမခံနိုင်မှု ဒေါသ (ဒုက္ခဝေဒနာပစ္စယာ ဒေါသောပေါ့)။
နောက် ဥပေက္ခာဝေဒနာနောက်မှာလည်း အာရုံမပီပြင်လို့ ရှင်းလင်းတဲ့အာရုံကိုမျှော်လင့်တဲ့တဏှာမျိုးလိုက်တာမဟုတ်ပဲ အာရုံထွေပြား မသိနားမလည်လိုက်မှု မောဟလိုက်တယ်လို့သင်ရဖူးပါတယ် (ဥပေက္ခာဝေဒနာပစ္စယာ မောဟောပေါ့ )။
ပဋိစ္စသမုပ္ပါဒ်စက်လည်ပုံကတော့ ….ကာယိက သုခဝေဒနာ/သောမနဿဝေဒနာနောက်မှာ တဏှာလိုက်တော့ ဝေဒနာပစ္စယာ တဏှာဆိုပြီး စက်ဝိုင်း အလယ်ကနေ လှည့်သွားတယ်။
ဒုက္ခနောက်က ဒေါသလိုက်တော့ သည်းမခံနိုင်တော့ပဲ သောက ပရိဒေ၀ ဒုက္ခ ဒေါမနဿ ဥပါယာသတို့ဖြစ်လာပြန်ရော၊ ဒီတရားတွေဟာ အာသဝေါတရားတွေကြောင့်ဖြစ်ရတော့ အာသ၀သမုဒယာ အ၀ိဇ္ဇာသမုဒယောဆိုတဲ့အတိုင်း- အာသ၀ကြောင့် အ၀ိဇ္ဇာပြန်ဖြစ်၊ အ၀ိဇ္ဇာကြောင့် သင်္ခါရဖြစ်ဆိုပြီး ပဋိစ္စသမုပ္ပါဒ် အဆုံးကနေပြန်ပတ်တယ်။
ဥပေက္ခာကြောင့် အ၀ိဇ္ဇာဖြစ်တော့ အ၀ိဇ္ဇာပစ္စယာ သင်္ခါရာ- ပဋိစ္စသမုပ္ပါဒ် အစက ပြန်ပတ်တယ်။ ဝေဒနာနောက်မှာ မဂ်ညာဏ်မ၀င်သရွေ့ ပဋိစ္စသမုပ္ပါဒ်ဟာ လည်မြဲလည်နေမယ်။ အလည်ရပ်သွားမှာမဟုတ်ဘူးတဲ့။
“တင်ပါ့ဘုရား တပည့်တော်မလည်း အဲလောက်ထိတော့ အသေးစိတ်မသိဘူးလေ ၊သင်တန်းဆရာတော်ကရှင်းပြပေးလို့ အဲဒါတောင် သိပ်နားမလည်တာနဲ့ ယောဂီဟောင်းတစ်ဦးကိုထပ်ရှင်းပြခိုင်းရတာ အဲဒါသူရှင်းပြပေးတာကို တပည့်တော်မကပြန်ပြောပြတာလေ ၊ဒါဆို ကံကိုညာဏ်နဲ့ပယ်သတ်တယ်ဆိုတာရော မဟုတ်ဘူးလားဘုရား ”
“အင်း ဒါတော့ ဘယ်လိုယူဆပြောဆိုဟောကြားသလဲတော့ မသိဘူးပေါ့လေ။ ကုသလာကုသလံ ဇဟံ ဆိုတဲ့ပါဠိရဲ့ အနက်အဓိပ္ပါယ်ကတော့ ကုသိုလ်အကုသိုလ်ကိုပယ်စွန့်ပြီးတော်မူသော မြတ်စွာဘုရားရှင်ကို-လို့အနက်အဓိပ္ပါယ်ရတယ်။ ဒါပေမယ့် ဆိုလိုရင်းအဓိပ္ပါယ်က ကုသိုလ်အကုသိုလ်တွေရဲ့ ပဋိသန္ဓေအကျိုးဝိပါက်ကိုပယ်သတ်တာကိုရည်ရွယ်ပြီး ကုသိုလ်အကုသိုလ်တွေကိုပယ်သတ်တယ်လို့ ဆိုလိုတာလေ။ တကယ်ကလည်း အရဟတ္တမဂ်ညာဏ်ကိုရရှိတော်မူပြီးနောက်မှ အတိတ်ကပြုလုပ်ခဲ့တဲ့ ကုသိုလ်အကုသိုလ်တွေကလည်း တဏှာအစိုအစေးကုန်လို့ အကျိုးမပေးတော့ဘူး။ အနုသယကိလေသာလည်း ပယ်လိုက်လို့ကုန်သွားတယ်။ ဝေဿန္တရာစတဲ့ ဘ၀ထိုထိုမှာစုဆောင်းခဲ့တဲ့ ဒါနပါရမီစတဲ့ကုသိုလ်တွေကလည်း ဘုံဘ၀လိုချင်တောင့်တမှုတဏှာအဖော်မရလို့ ဘ၀ဆိုတဲ့အကျိုးပေးခွင့်မသာတော့ဘူးပေါ့။
ဒါပေမယ့် နောက်ဆုံးဘုရားဖြစ်တော်မူပြီးတဲ့အချိန်မှာတောင်မှ အဲဒီကုသိုလ်တွေက ပ၀တ္တိအကျိုးကိုပေးနိုင်သေးတယ်။ အကုသိုလ်ရဲ့ ပ၀တ္တိကျိုးတွေပေးခွင့်သာသေးလို့ ခေါင်းကိုက် ၊ခါးနာစတဲ့ရောဂါဝေဒနာတွေဖြစ်ပေါ်တော်မူခဲ့ရတာကို ကြည့်ရင် အကျိုးတရားတောင် ပဋိသန္ဓေကျိုးကိုမပေးနိုင်ပေမယ့် ။ နောက်ဆုံးအချိန်ထိ ၀မ်းတော်လားရပြီး ပ၀တ္တိအကျိုးအနေနဲ့ လိုက်လံပေးနေနိုင်တာတွေ့ရမှာဖြစ်ပါတယ် ။ ဦးဇင်းအမြင်ကတော့ ရဟန္တာအဖြစ်ကြသ၍ ၀ိပဿနာတရားအားထုတ်ပြီး ညာဏ်လမ်းလိုက်ကြတယ် ဆိုသော်ငြားလည်း ညာဏ်နဲ့ယှဉ်တဲ့ ၀ိပဿနာကုသိုလ် (မနော)ကံလမ်းလိုက်နေတာဖြစ်တယ်။ ညာဏ်နဲ့ယှဉ်တဲ့ ၀ိပဿနာကုသိုလ်ကံ /မဂ်ကုသိုလ်ကံများဖြစ်လာအောင် ကြိုးစားအားထုတ်နေကြတာပဲလို့ နားလည်မိပါတယ်ဗျာ တကာမကြီးပြောသလို ကံကိုပယ်သတ်တာတော့မဟုတ်ပါဘူး”
“ဒါဆိုကံကိုမသတ်နိုင်ဘူးလားဘုရား”
“အင်း တကာမကြီးက ကံအကြောင်းကို ပြောဆိုဆွေးနွေးချင်တယ်ဆိုရင် အရင်ဆုံးကံအမျိုးစားတွေသိထားမှဖြစ်မှာဗျ တော်ကြာ နားဝှေ့နေရင်း ရှင်းရင်းရှုပ်ရင်း အမယ်ဘုတ်ရဲ့ သူ့ချည်ခင်ဖြစ်နေမှာလည်း စိုးရသေးတယ်။ ဒါဆို အကျိုးပေးပုံကိစ္စအစွမ်းအားဖြင့်ခွဲခြားထားတဲ့ ကမ္မစတုက္က(ကံလေးမျိုး)ကိုလေ့လာဖူးသလား”
“မလေ့လာဖူးဘူး ဘုရား”
“အင်း ဒါဆိုလည်း တောင်မြို့ မဟာဂန္ဓာရုံဆရာတော်ဘုရားရဲ့ သင်္ဂြိုဟ်ဘာသာဋီကာထဲက ဆောင်ပုဒ်လေးတွေနဲ့တွဲပြီး ရှင်းပြမှပိုသဘောပေါက်မယ်ထင်တယ်”
“မှန်ပါ ကျေးဇူးကြီးပါတယ် ဦးဇင်း ၊ရှင်းပြပေးပါဦး”
အကျိုးပေးပုံကိစ္စအစွမ်းအားဖြင့် လောကီကုသိုလ်ကံတွေ/လာကုတ္တရာ မဂ်ကုသိုလ်ကံတွေနဲ့ ၊အကုသိုလ်ကံတွေအားလုံးကို လေးမျိုးလေးစားခွဲခြားလို့ရတယ်။
၁။ ဇနကကံ-{၀ိပါက်စိတ်စေ ရုပ်ထွေထွေကို သန္ဓေပ၀တ္တိ ခွင့်ခါရှိသော် မိမိကိုယ်တိုင် ဖြစ်စေနိုင် ခေါ်ပိုင် ဇနက ကံ} တဲ့ သူကခေါင်ဦးဆုံး ပဋိသန္ဓေကျိုးပ၀တ္တိကျိုးကိုပေးလေ့ရှိတယ်။
၂။ ဥပတ္ထမ္ဘက ကံ-{အကျိုးပေးခွင့် အခါသင့်အောင်၊ အခွင့်သင့်ပြန် ကျိုးပေးသန်အောင်၊ ပေးပြန်ပြီးကာ ရှည်ကြာမြင့်ဖို့ လျှော်စွာထောက်မ ကူညီက ဥပတ္ထမ္ဘက ကံ}တဲ့
သူကပေးပြီးသားအကျိုးကိုလိုက်လံထောက်ပံ့ပေးတာပေါ့ အဆင်းဘီးတပ်ပေးတာရှိသလို အမြင့်တက်ဖို့ ခုံခုပေးတာလည်းရှိတာပဲ
၃။ ဥပပီဠက ကံ-{အကျိုးပေးခွင့် မရလင့်အောင် ၊ရသင့်လေပြန် ကျိုးမသန်အောင်၊ ရပြန်အကျိုးမဖွင့်ဖြိုးဖို့ ၊အမျိုးမျိုးကနှိပ်စက်လှ ဥပပီဠက ကံ} ဆိုတာကတော့ တော်တော်စိတ်ဝင်စားဖို့ကောင်းတယ် ဥပမာ လူဆိုးတစ်ယောက်သတ်ဖြတ်နေရာက သေခါနီးဂတိနိမိတ်ကောင်းအောင် ကောင်းကောင်းနေသွားလို့ အကုသိုလ်တွေက အကျိုးပေးခွင့်မသာတော့ဘူး သူဋ္ဌေးမိသားစုတစ်စုအိမ်မှာလူသွားဖြစ်ပြီဆိုပါစို့ ဒီကလေးက အကုသိုလ်ကောင်လေ ဒီတော့ ဒီကလေးရောက်ကတည်းက အိမ်မီးလောင်တာတို့ ပြဿနာဖြစ်တာတို့။ စတာတွေနဲ့ စီးပွားပျက်ဒုက္ခရောက်ကုန်ရော အမှန်က ဒီကလေးကိုအတိတ်ကံတွေကလိုက်ပြီး ဒုက္ခအစဉ်ပေးတာပဲ ဒါကို ဥပပီဠကကံလို့ခေါ်တာ။ အလှူဒါနပြုခဲ့သူက ကံဆိုးပြီး ခွေးသွားဖြစ်လည်း အဲဒီခွေးဖြစ်တဲ့ဘ၀မှာ အခြားအကုသိုလ်တွေက ထပ်ဆိုးကျိုးမပေးနိုင်အောင် ကောင်းကံတွေကတားထားပြီး စားစရာအိပ်စရာရှယ်ဖြစ်အောင်လုပ်ပေးတာမျိုးက အကောင်းဖက်က ဥပပီဠကကံပေါ့
၎။ ဥပဃာတကကံ {နှိပ်စက်ရုံတွင် မကချင်ပဲ ၊ ယခင်ထက်တိုး ကံအကျိုးကို ပယ်ချိုးနှိမ်ချ သတ်ဖြတ်က ဥပဃာတကကံ }တဲ့ ဒါကတော့ ကံကောင်းမှု ကံဆိုးမှူတွေကနေ အရင်ကံကို ယတိပြတ်ဖြတ်ချလိုက်တဲ့ကံပဲ ။ ဆောင်ပုဒ်လေးတွေကတော့ ဘာသာဋီကာဆရာတော်ကြီးရဲ့ သင်္ဂြိုလ်ဘာသာဋီကာ ဆောင်ပုဒ်တွေ ၊
ဆရာတော်ကြီးက ကံလေးပါးကို အများနားလည်အောင် မြန်မာဆောင်ပုဒ်လေးတွေနဲ့ သေချာရှင်းပြထားတာလေ စာမျက်နှာ၃၃၄-မှာတော့ အကျယ်သွားဖတ်လို့ ရပါတယ်။ ဦးဇင်းကတော့ အကျဉ်းလောက်ပဲ ရှင်းပြပေးမယ်။
“တင်ပါ ထပ်ရှင်းပြပါဦးဘုရား ”
“ကိစ္စအစွမ်းအားဖြင့်ခွဲခြားလိုက်ရင် ကံလေးမျိုးရှိတဲ့အနက် ဇနကကံဆိုတာကတော့ ပြုခဲ့သမျှ ကုသိုလ်အကုသိုလ်တွေကနေ အကျိုးတစ်စုံတစ်ရာကို စတင်ဖြစ်ပေါ်လာစေတာပေါ့။ ဥပမာ ကိုယ်က သူများတွေယားယံအောင် ယားယံစေတတ်တဲ့အမှုံ့တွေဖြူးပြီး သူတစ်ပါးတွေကို အတိတ်ကဖြစ်စေ ဒီဘ၀မှာဖြစ်စေ ဒုက္ခရောက်အောင်လုပ်ခဲ့ဖူးတယ် စိုပါစို့ ဒီဘ၀မှာပဲ ကံတူအကျိုးပေးအတိုင်း ယားနာတွေ ၊ပွေးဝဲတွေစတင်ပေါက်လာတာကို အဲဒီအကုသိုလ်ကံက စပြီး introduction ဇနကကံလီု့ခေါ်တယ်”
“ကံတစ်ခုက ဇနကကံအနေနဲ့ စတင်ပြီး ယားနာတစ်ခုစတင်ဖြစ်ပေါ်စေပြီးဆိုတာနဲ့ အထောက်ပံ့ပေးမယ့် ဥပတ္ထမ္ဘကကံက အနာပြည်တည်စေမယ့် ၀က်သားဟင်းတို့၊ ယားယံမှုတွေဖြစ်ပေါ်စေမယ့် ခရမ်းသီးတို့ စတဲ့ဟင်းတွေကိုရရှိစေတော့တာပဲ။ ဒါ့ကြောင့် ငယ်ငယ်က ၀ဲပေါက်တဲ့ကိုရင်လေးတွေ ငြီးတွားသံကြားခဲ့ရဖူးတယ်။ ၀ဲပေါက်တဲ့သူကျမှ ဟင်းကောင်းကရနေတာ မစားပြန်ရင်လည်း စားစရာမရှိဘူး ။စားပြန်ရင်လည်း ရောဂါကကြာရှည်ဦးမယ်တဲ့လေ၊အဲလိုမသင့်တင့်တဲ့ အစားသောက်တွေနဲ့ ရောဂါကို ကြာရှည်နေအောင်ထောက်ပံ့တာတို့။ ကောင်းတာဆိုရင်လည်း ထီပေါက်ပါတယ်ဆိုမှ နောက်ရတဲ့အမြတ်နဲ့ စီးပွားလုပ်ရာက အမြတ်စွန်းများများရပြီး ကြာရှည်စွာ ချမ်းသာသုခခံစားရအောင် ထောက်ပံ့ပေးတာမျိုးတွေက ဥပထမ္ဘကကံလို့ခေါ်တယ်”
ဥပပီဠက ကံ ဆိုတာကျပြန်တော့လည်း လယ်လေးလုပ်ပါတယ် မိုးကထခေါင်တာတို့။ မိမိကြက်သွန်စိုက်တဲ့နှစ်မှ ဈေးမရဖြစ်တာတို့ ဒါမျိုးတွေက ဖြစ်နိုင်သမျှလိုက်ဒုက္ခပေးနေတဲ့ ကံဆိုးမှုတွေပေါ့ အဲဒါကို အဆိုးဖက်က ဥပပီဠက ကံလို့ခေါ်တယ်။ အကောင်းဖက်ကလည်းရှိမှာပေါ့ အနာရောဂါဖြစ်လာပြီဆိုရင် ရှေ့ဆက်ကြီးထွားမလာအောင် စိုးမလာအောင် ဆေးကောင်းဝါးကောင်းဖန်တီးပေးလိုက် သင့်လျော်တဲ့အစားလေးသာဖန်တီးပေးလိုက်နဲ့ ကုသိုလ်ကံတွေကအကုသိုလ်ကံကိုဝိုင်းနှိပ်စက်ကြလို့ ရှင်းရှင်းမပျောက်ပေမယ့် ရောဂါတိုးမလာရင် အဲဒါကို ဥပပီဠကကံလို့ခေါ်ရမှာပဲ။
အဇာတသတ်ဆိုရင် လူတိုင်းသိကြမှာပါ သူကအဖေကိုသတ်လို့ အ၀ီစိကိုကျရမယ့်ကံပါတယ် ။ဒါပေမယ့် နောက်ပိုင်း ဘုရားဖူးတရားနာနဲ့ သံဃာယနာတောင်တင်ဖို့ အထောက်ပံကတွေလုပ်သာသနာပြုသွားတော့ သေတော့ သူ့အ၀ီစိကျမယ့် ကံကိုကုသိုလ်ကံတွေက၀ိုင်းပြီး သေးသိမ်အောင်လုပ်ကြတာ အ၀ီစိကိုအကျိုးပေးခွင့်မသာတော့ပဲ ဥဿာဒငရဲငယ်မှာပဲ ကျရတော့တယ် ဒါမျိုးကို ဥပပီဠက ကုသိုလ်ကံလို့ခေါ်တယ်လေ။
ဥပဃာတကကံဆိုတာကတော့ တကာမကြီးပြောတဲ့ ကံကိုသတ်တဲ့ ကံပဲဗျာ ဆိုပါစို့ ကံကောင်းကအကျိုးပေးဖို့ ပေါက်မယ့်ထီလက်မှတ်ကိုဝယ်စေတယ် အဲဒါကံဆိုးက ထီလက်မှတ်ကို အပြီးဖျောက်ပစ်လိုက်တော့ လုံးဝကံကောင်းအကျိုးပေးခွင့်မသာတော့ဘူးသေပြီပေါ့။
ကံဆိုးက မြွေဆိုးနဲ့တွေ့ကိုက်ပေးလိုက်ပေမယ့် ကံကောင်းဥပဃာတကကံက အသက်ကယ်မြွေဆိပ်ဖြေဆေးထိုးခွင့်ပေးလိုက်တော့ ဒီမြွေဆိပ်ကပျယ်သွားပြိး အသက်ရှင်ခွင့်ရတယ် ဒါလည်း အကုသိုလ်အကျိုးပေးခွင့်ကိုပယ်သတ်တဲ့ ဥပဃာတကကုသိုလ်ကံမျိုးပဲ။
ဥပမာ အင်္ဂုလိမာလကြီးကိုကြည့်ပေါ့ သူကလူသတ်လက်ဖြတ်နဲ့ ဘယ်လိုမှကို သူငရဲကလွတ်နိုင်စရာလမ်းမမြင်ဘူး ဒါပေမယ့် သူကအရဟတ္တမဂ်ဆိုိတဲ့ အမြတ်ဆုံးမဂ်ကုသိုလ်ကံကြီးရအောင်လုပ်လိုက်တော့ ယင်းအကုသိုလ်ကံအကျိုးပေးခွင့်တွေအားလုံးကိုဖျက်ဆီးပြီး အကာလိကအခါမလင့်အကျိုးပေးလိုက်တော့ အပါယ်ငရဲကလွတ်ရုံတင်မကဘူး သံသရာဝဋ်မြစ်တွေပါပြတ်ကိလေသာတွေပါ အမြစ်ပြုတ်ပြီး ပရိနိဗ္ဗာန်မှာ ဒုက္ခခပ်သိမ်းငြိမ်းသွားရတာပဲ။ ဒါ့ကြောင့် အရဟတ္တမဂ်ကုသိုလ်ကံကို ဥပဃာတကကုသိုလ်ကံစစ်စစ်လို့ ဆိုရမယ်"
“ဒါဆို ဦးဇင်း မဂ်လေးပါးကလည်း ကံတရားတွေပေါ့ဘုရား ဟုတ်လား”
“သိပ်ဟုတ်တာပေါ့တကာမကြီးရဲ့ ကံတရားတွေမို့ အကျိုးပေးနိုင်တာပေါ့ ဒါ့ကြောင့် အရဟတ္တမဂ်ကုသိုလ်ကံစေတနာကနေ အရဟတ္တဖိုလ်ဝိပါက်စိတ်ဖြစ်ပေါ်စေပြီး ချက်ချင်းလက်ငင်းတောင်အကျိုးပေးလိုက်သေး ၊ အဲဒီအရဟတ္တမဂ်က ကိလေသာနဲ့ ကုသိုလ်အကုသိုလ်အကျိုးပေးခွင့်တွေကို ဖျက်ဆီးပစ်လိုက်လို့ ဥပဃာတကကံလို့ ဆိုလို့ရသလို ၊ အရဟတ္တဖိုလ်အကျိုးကိုဖြစ်စေလို့ ဇနကကံလို့လည်း နာမည်တပ်လို့ရမှာပဲ ။ဒီတော့ ဒီကိလေသာကင်းကွာ ရဟန္တာဖြစ်ဖို့တောင်မှ အရဟတ္တမဂ်ကုသိုလ်ကံကိုရအောင် ကြိုးစာားအားထုတ်ရဦးမှာ ဘယ်လိုလုပ်ကံကိုပယ်သတ်တဲ့အလုပ်လုပ်တာဟုတ်တော့မလဲဗျ။ အင်း တစ်နည်းတဖက်ကပြောရင်တော့မှန်တာပေါ့လေ။ အကုသိုလ်တွေအကျိုးပေးခွင့်ကိုဖြတ်နိုင်တဲ့ ၀ိပဿနာကုသိုလ်ကံကိုလုပ်နေတယ် ။ အကုသိုလ်ကံတွေကို ကုသိုလ်ကံနဲ့ပယ်သတ်နေတယ်ပေါ့ဗျာ
ဒါပေမယ့် တကာမကြီးပြောသလို ဘုံဘ၀ကိုအကျိုးပေးမယ့် ကုသိုလအကုသိုလ်ကံကိုညာဏ်နဲ့ပယ်သတ်နေတယ်ဆိုတာတော့ သိပ်သဘာဝမကျဘူးပေါ့ တကယ်ကအသိညာဏ်မဲ့အ၀ိဇ္ဇာနဲ့တဏှာသံသရာအလည်လည်းကနေ သံသရာအထွက်လမ်း ညာဏ်နဲ့ယှဉ်တဲ့ ၀ိပဿနာကုသိုလ် မဂ်ကုသိုလ်လမ်း (ညာဏ်လမ်း)ဖက်လိုက်တယ်။ သံသရာစက်ရဟတ်လည်ပတ်မှုကိုရပ်တန့်စေတယ်ဆိုမှ ပိုသဘာဝကျပါတယ်။
အရဟတ္တမဂ်ကိုမရခင်စပ်ကြားတော့ အရမ်းကာရော ကံကိုပယ်သတ်နေပါတယ်မပြောသင့်သေးဘူးအကုသိုလ်ဥပဃာတကကံအမျိုးအစားတွေက ကုသိုလ်ကံအကျိုးပေးခွင့်ကိုပယ်သတ်နိုင်သလို ကုသိုလ်ဥပဃာတကကံတွေကလည်း အကုသိုလ်ကံရဲ့ အကျိုးပေးခွင့်ကို အသေသတ်ပစ်နိုင်တာပါပဲ ဒီတော့ ၀ိပဿနာအလုပ်ဟာ ကံကိုပယ်သတ်တယ်ဆို အပြည့်ဝမမှန်သလို မှားတယ်လို့လည်းမဟုတ်ဘူးပေါ့ ။ တကယ်က ညာဏ်နဲ့ယှဉ်တဲ့ ၀ိပဿနာကုသိုလ်(မနောကံ)မဂ်ကုသိုလ်(မနောကံ)ဖြစ်အောင်ကြိုးစားအားထုတ်နေတာလို့ ဆိုရပါလိမ့်မယ်”
“ မှန်ပါဘုရား တပည့်တော်မ မှတ်ထားပါ့မယ်။ ကုသိုလ်အကုသိုလ်ကို ပယ်သတ်ပြီး ကံလမ်းကနေညာဏ်လမ်းလိုက်နေတယ် ဆိုတာကနေ ညာဏ်မပါတဲ့ အကုသိုလ်အပါယ်သံသရာလမ်းကနေ ညာဏ်လမ်း/ညာဏ်ပါတဲ့ သမ္မာဒိဋ္ဌိမဂ္ဂင်လမ်းဆိုတဲ့ ၀ိပဿနာကုသိုလ်၊ အရဟတ္တမဂ်ကုသိုိလ်ထိရအောင် အားထုတ်နေတယ်လို့ ပြောင်းလဲမှတ်သားပါ့မယ်ဘုရား”
“ဟုတ်ပါပြီဗျာ ဦးဇင်းက တကာမကြီးကို ကုသိုလ်ကံကိုပယ်တဲ့ကံလမ်းကနေ ၀ိပဿနာအလုပ်ပဲလုပ်တော့မယ်ဆိုတဲ့ ညာဏ်လမ်းကိုပဲ လိုက်တော့မယ်လို့ ပြောနေလို့သတိပေးတာပါ ၊ တကယ်က အဲဒီညာဏ်သည်ပင် ကုသိုလ်နဲ့ယှဉ်တော့ ကုသိုလ်ကံစေတနာနဲ့ညာဏ်ကတစ်မျိုးတစ်စား တစ်ဖွဲ့ထဲသားချင်းမဟုတ်ပါလားဗျာ”
“တင်ပါ ကျေးဇူးပါဘုရား ၊ တပည့်တော်မလည်း အသိညာဏ်တိုးလို့ ၀မ်းသာရပါတယ်“
စာရှုသူများလည်း မိမိတို့ရှုမြင်သုံးသပ် ယူဆ လက်ခံကြသည့်အတိုင်း ဆွေးနွေးကြပါလို့ ဖိတ်ခေါ်လိုက်ပါတယ် ။ ကာလေန ဓမ္မသာကစ္ဆာ ဆိုိတာ မင်္ဂလာတစ်ပါးမဟုတ်ပါလား
ရွှင်လမ်းချမ်းမြေ့ကြပါစေ (လင်္ကာအရှင်-မုံရွာ)
Shared from လင်္ကာအရှင်-မုံရွာ
