တန်ဖိုးရှိအောင် ဘယ်လိုနေထိုင်မလဲ

လောကကြီးမှာ ဘုရားပွင့်တာလာဟာ အဟောင်းတွေကို တော်လှန်ဖျက်စီးပစ်ဖို့

မဟုတ်ဘဲ ရှိပြီးသားအဟောင်းတွေအပေါ်မှာ အသစ်ကို အထွတ်တင်ဖို့ဖြစ်တယ်

ဆိုရင်မှားမယ်မထင်ပါဘူး။ သဘာဝဓမ္မတရားတွေဟာ ဘုရားပွင့်ပွင့် မပွင့်ပွင့် တည်ရှိနေကြပါတယ်။

ဒါပေမယ့် အဲ့ဒီသဘာဝဓမ္မတွေကို ရှာဖွေထုတ်ဖော်ပြီး လူ့အသိဥာဏ်ထဲရောက်အောင်

ချပြနိုင်တဲ့သူကတော့ ရှိရပါမယ်။ ဘုရားရှင်ဟာ အဲ့ဒီရှိပြီးသား သဘာဝဓမ္မတွေကို

ရှာဖွေဖော်ထုတ်တဲ့သူဖြစ်ပါတယ်။ သူရှာဖွေဖော်ထုတ်လို့ သိရှိလာတဲ့ သဘာဝဓမ္မတွေကို

လူသားတွေအတွက် ချမှတ်ခဲ့လို့လည်း အခုအချိန်မှာ သဘာဝဓမ္မတရားတွေကို

ကျင့်သုံးခွင့်ရနေကြတာ ဖြစ်ပါတယ်။



လွန်ခဲ့တဲ့နှစ်ပေါင်း (၂၅၅၅)နှစ်က ဘုရားရှင်ရှာဖွေဖော်ထုတ်ခဲ့တဲ့တရားဓမ္မတွေဟာ

အခုခေတ်လူသားတွေနဲ့ အံဝင်ဂွင်ကျမဖြစ်တော့ဘူး၊ ဆီလျော်မှုမရှိတော့ဘူးဆိုတာ

ဘယ်တော့မှ ဖြစ်လာမှာမဟုတ်ပါဘူး။



ဘာ့ကြောင့်လည်းဆိုတော့ ဘုရားရှင်ဟောကြားခဲ့တဲ့တရားတွေဟာ သဘာဝဓမ္မ

တရားတွေ ဖြစ်နေလို့ပါပဲ။ ဒီတရားတွေဟာ အတိတ်အနာဂတ်ပစ္စုပ္ပန် ကာလသုံးပါး

လုံးမှာ မှန်ကန်နေမှာပဲဖြစ်ပါတယ်။



ဘုရားရှင်ဟာ လောကလူသားတွေကျင့်သုံးဖို့အတွက် နည်းမျိုးစုံနဲ့ ဟောကြားခဲ့ပါတယ်။

ဘုရားရှင်ဟောတဲ့တရားဓမ္မတွေဟာ ဘယ်အချိန်ဘယ်ကာလမှာပဲဖြစ်ဖြစ် အမြဲတမ်း

သစ်လွင်နေပါတယ်။ လူ့ဘဝလူ့လောက နယ်ပယ်အသီးသီးမှာ နေထိုင်ကြတဲ့လူသား

တွေအတွက်ကတော့ ဘုရားရှင်ရဲ့ တရားဓမ္မတွေဟာ တန်ုဖိုးမဖြတ်နိုင်အောင် တန်ဖိုး

ကြီးလှပါတယ်။ တန်ဖိုးကြီးလှတဲ့ တရားဓမ္မတွေထဲက မှတ်သားစရာတရားလေးတစ်ပုဒ်

ကို ပြောပြချင်ပါတယ်။ အင်္ဂုတ္တရနိကာယ်၊ ဧကာဒသက နိပါတ် မဟာနာမသုတ်မှာ

ဖော်ပြထားတဲ့တရားလေးပါ။



တစ်နေ့သောအခါမှာ မဟာနာမ်သာကီဝင်မင်းကြီးဟာ ဘုရားရှင်သီတင်းသုံးတဲ့

နိဂြောဓာရုံကျောင်းရောက်လာပြီးတော့ မေးလျှောက်ပါတယ်။



လူ့လောက နယ်ပယ်အသီးသီးမှာ နေထိုင်ကြတဲ့ လူသားတွေအနေနဲ့ ဘယ်လိုကျင့်သုံး

နေထိုင်နိုင်မှ အကျိုးရှိတဲ့နေထိုင်နည်းဖြစ်သလဲတဲ့။



မဟာနာမ်မင်းကြီးရဲ့အမေးလေးက သိပ်ပြိးတော့ အဖိုးတန်လွန်းလှပါတယ်။ ဒီအမေးစကားလေး

ကြားတော့ ဘုရားရှင်က သိပ်ကောင်းတဲ့ မေးခွန်းလေးပဲမဟာနာမ်လို့ ချီးမွှမ်းပြီး သာဓုခေါ်တော်

မူပါတယ်။ ပြီးမှ သူ့မေးခွန်းကို တိုတိုကျဉ်းကျဉ်း လိုရင်းလေး ဖြေကြားပါတယ်။



မဟာနာမ်.....

လူ့လောက နေထိုင်နည်းအမျိုးမျိုးနဲ့နေကြတဲ့ လူတွေဟာ သဒ္ဓါ(ယုံကြည်မှု)၊

ဝီရိယ(အားထုတ်မှု)၊ သတိ(အမှတ်ရဆင်ခြင်မှု)၊ သမာဓိ(တည်ကြည်မှု)၊

ပညာ(ထိုးထွင်းသိမြင်မှု)လို့ခေါ်တဲ့ အခြေခံတရားငါးပါး ရှိဖို့အရေးကြီးပါတယ်တဲ့။



အဲ့ဒီအခြေခံတရားငါးပါးလက်ကိုင်ထားပြီးတော့-

(၁) ဗုဒ္ဓါနုဿတိဘာဝနာ(ဘုရားဂုဏ်ကိုပွားများခြင်း)

(၂) ဓမ္မာနုဿတိဘာဝနာ(တရားဂုဏ်ကို ပွားများခြင်း)၊

(၃) သံဃာနုဿတိဘာဝနာ(သံဃာ့ဂုဏ်ကို ပွားများခြင်း)၊

(၄) သီလာနုဿတိဘာဝနာ (ကိုယ့်သီလကို ဆင်ခြင်ခြင်း)၊

(၅) စာဂါနုဿတိဘာဝနာ(ကိုယ့်အလှူကို ဆင်ခြင်ခြင်း)၊

(၆) ဒေဝတာနုဿတိဘာဝနာ(နတ်တွေမှာရှိတဲ့ သူတော်ကောင်းတရားတွေ

ငါ့သန္တာန်မှာလည်း ရှိတယ်လို့ ဆင်ခြင်ပွားများခြင်း)



ဆိုတဲ့ ဒီအနုဿတိဘာဝနာတွေကို ပွားများပြီးနေတဲ့သူဟာ အကျိုးရှိတဲ့

နေခြင်းဖြစ်တယ်လို့ ဖြေကြားတော်မူခဲ့ပါတယ်။



လောကလူသားအများစုဟာ မနက်မိုးလင်းတဲ့အချိန်ကစပြီး နေဝင်မိုးချုပ်တဲ့အချိန်အထိ

စားဝတ်နေရေးဆိုတဲ့အရေးသုံးပါးနဲ့ ပြေးလွှားရုန်းကန်လှုပ်ရှားပြီး နေကြတဲ့သူတွေဖြစ်ကြတယ်။

အေးအေးဆေးဆေး နေထိုင်ပြီး ဘဝကိုကုန်ဆုံးတဲ့သူဟာ အလွန်ပဲ ရှားပါးလှပါတယ်။



ဒီလိုပြေးလွှားလုပ်ကိုင်ရှာဖွေနေကြတဲ့သူတွေရဲ့သန္တာန်မှာ လောဘ၊ ဒေါသ၊ မောဟ၊ မာန်မာန

တွေဟာ အချိန်ပြည့်နေရာယူထားကြမှာပါ။



လောဘ၊ ဒေါသ၊ မာန်မာနတွေအပြည့်နဲ့သာ ဘဝနိဂုံးအဆုံးသတ်သွားကြမယ်ဆိုရင်

ဘဝရှေ့ရေးဟာ မတွေးရဲလောက်အောင်ကိုပဲ ကြောက်စရာကောင်းလှပါတယ်။



ဒါ့ကြောင့် ဘုရားရှင်က အိပ်နေတုန်းပဲဖြစ်ဖြစ်၊ ရပ်နေတုန်းပဲဖြစ်ဖြစ်၊ သွားနေတုန်းပဲဖြစ်ဖြစ်၊

ထိုင်နေတုန်းပဲဖြစ်ဖြစ်၊ အလုပ်လုပ်နေတုန်းပဲဖြစ်ဖြစ်၊ သားမယားတွေနဲ့ ကျဉ်းမြောင်းတဲ့

အိပ်ရာထက်မှာ နေနေတုန်းမှာပဲဖြစ်ဖြစ် ဒီအနုဿတိဘာဝနာကို ပွားများကြဖို့လိုကြောင်း

မိန့်ကြားတော်မူခဲ့ပါတယ်။



ဟုတ်ပါတယ်။ လောကလူသားအများစုဟာ အမှုမဲ့အမှတ်မဲ့ နေကြတဲ့သူက များပါတယ်။

ဘုရားရှင်က အမှုမဲ့ အမှတ်မဲ့ မနေဘဲ လျောင်းထိုင်ရပ်သွား ဣရိယာပုထ် လေးပါးလုံးမှာ

သာမက အလုပ်လုပ်နေတဲ့အချိန်မှာတောင် ဘုရားဂုဏ်တော်ဖြစ်ဖြစ်၊ တရားဂုဏ်တော်ပဲ

ဖြစ်ဖြစ် ပွားများပြီးနေဖို့ တိုက်တွန်းတော်မူပါတယ်။ ဘုရားဂုဏ်တော်ပွားများတဲ့သူဟာ

လောဘ၊ ဒေါသ၊ မောဟဆိုတဲ့ ကိလေသာတွေမဖြစ်ဘူးတဲ့။ စိတ်ဟာ အေးချမ်းပြီးတော့

နေတယ်တဲ့။ စိတ်အေးချမ်းမှ ကိုယ်အေးချမ်းမှာပါ။ ကိုယ်စိတ်တွေ အေးချမ်းမှလည်း

ချမ်းသာသုခဆိုတာ ခံစားရမှာဖြစ်တယ်လို့ မိန့်ကြားပါတယ်။



ဘုရားရှင်မိန့်ကြားတဲ့ နေနည်းထိုင်နည်းလေးဟာ တန်ဖိုးရှိလွန်းလှတာမို့ ကိုယ့်သန္တာန်မှာ

သောက ပရိဒေဝ ဒုက္ခ ဒေါမနဿတွေနဲ့ ရောပြွမ်းပြီး လောဘဒေါသ မာန်မာနတွေ နေရာယူ

ထားတဲ့ နေရာမှာ သဒ္ဓါ၊ ဝီရိယ၊ သတိ၊ သမာဓိ၊ ပညာလို့ခေါ်တဲ့ အခြေခံတရားငါးပါးနဲ့ အစားထိုးပြီး

ဘဝကို တန်ဖိုးရှိရှိနေထိုင်သွားဖို့ လိုပါလားဆိုတာကို သဘောပေါက်မိတော့တယ်။



ဒါ့ကြောင့် တန်ဖိုးရှိအောင် နေထိုင်ဖို့ အနုဿတိဘာဝနာကို ပွားကြစို့တိုက်တွန်းရင်း.....



Dhamma Garden Ashin

by Dhammagarden Ashin on Thursday, April 19, 2012