ပြိတ္တာ ဖြစ်ရခြင်းအကြောင်းရင်း

ပုတီးစွဲလျှင်ပြိတ္တာခွင်

အော်… အဲဒီကထဲမှာ ပြိတ္တာဘ၀ ရောက်သွားရင်ကြောက်စရာကောင်းတဲ့ အကြောင်း ဘုန်းဘုန်းပြောမလို့နော်။ ပြိတ္တာဖြစ်ဖို့က သတ္တ၀ါအများစုမှာ အလွန်နီးစပ် တယ်။ ပရိသတ်ရေနော်။ ငရဲကျဖို့ဆိုတာ ထားလိုက်ပါဦး။ တိရစ္ဆာန်ဖြစ်ဖို့ဆိုတာ ထားလိုက် ပါဦး။အဲဒီမှာ နံပါတ်(၄) အရူပဘုံအသညသတ်ဘုံရောက်တယ်ဆိုတာ ဈာန်ရမှရောက် တာ။ ထားလိုက်ဦးနော်။ ဘုရားနဲ့ရဟန္တာမရောက်တဲ့ပစ္စန္တရာဇ်အရပ်၊ ဒါ ထားလိုက်ဦးနော်။ မိစ္ဆာဒိဋ္ဌိဘ၀ တို့လွတ်နေတယ်။ ဒီဘ၀။ နံပါတ်(၈) တို့လွတ်မြောက်နေတယ်။ ဘုရားပွင့်တဲ့အခါ ဒီမှာ လူဖြစ်နေတယ်။ အဲဒီကတည်းက ပရိသတ်ရေ နောက်ဘ၀ဆိုတာလေးကိုစဉ်းစားလိုက်ရင်ပြိတ္တာ ဖြစ်ဖို့နီးစပ်တယ်။ နောက်ဘ၀ စဉ်းစားလိုက်ရင်ဘာဖြစ်ဖို့နီးစပ်သလဲ။

( ပြိတ္တာဖြစ်ဖို့နီးစပ်ပါတယ်ဘုရား )

ပြိတ္တာဖြစ်ဖို့နီးစပ်တယ်။ ဒကာ.. ဒကာမတို့အဲဒါလေး သတိထားရမယ်နော်။

( မှန်ပါဘုရား )

အော်… ဘုန်းဘုန်း ပြောပြမယ်။ ပြိတ္တာ ဘာလို့ဖြစ်သလဲဆိုရင်အဋ္ဌသာလိနီ အဋ္ဌကထာ ဖွင့်တာလေးကိုဘုန်းဘုန်း ပြောပြမယ်နော်။

ယေဘုယျေန ဟိသတ္တာ တဏှာယ ပေတ္တိဝိသယံဥပပဇ္ဇန္တိ။ (ဏီ၊ ဋ္ဌ၊ ၁၇၂။) ယေဘုယျေန -

များသောအားဖြင့်။

သတ္တာ -

သတ္တ၀ါတို့သည်။

တဏှာယ -

တဏှာသံယောဇဉ်ကြောင့်။

ပေတ္တိဝိသယံ

- ပြိတ္တာဘုံသို့။

ဥပပဇ္ဇန္တိ

- ရောက်ကြရရှာလေကုန်၏။ သတ္တ၀ါတွေဟာ များသောအားဖြင့်တဏှာကြောင့်ပြိတ္တာဖြစ်တာ ဘာကြောင့်လဲ။

( တဏှာကြောင့်ပါဘုရား)


မှတ်ထားနော်။ ဘာကြောင့်ပြိတ္တာဖြစ်ရတာလဲ။

( တဏှာကြောင့်ပြိတ္တာဖြစ်ရတာပါဘုရား )

တဏှာဆိုတာ ပရိသတ်သာမန်အားဖြင့်တို့ဒကာ ဒကာမတွေတစ်ယောက်နဲ့ တစ်ယောက်ရာဂနဲ့ချစ်တာ တဏှာလို့ထင်ကြမှာပေါ့။ အဲဒါတင်မကဘူး။ အတွယ်အတာ မှန်သမျှ တဏှာချည်းပဲ။ အတွယ်အတာမှန်သမျှ ဘယ်လိုလဲ။

( တဏှာချည်းပါဘုရား )

တဏှာချည်းပဲနော်။ ဒါ… ဗိုလ်လိုပြောတော့(ခရေးဗင်း) လို့ခေါ်တယ်။ အတွယ် အတာ မှန်သမျှ တပ်မက်မှုမှန်သမျှ တဏှာချည်းပဲ။ အဲဒီတဏှာကြောင့်ပြိတ္တာဖြစ်တာ။ တဏှာကြောင့်ဘာဖြစ်လဲ။

( ပြိတ္တာဖြစ်တာပါဘုရား )

အဲဒါ ဘုန်းဘုန်းတစ်ခုပြောပြမယ်။ ဒကာမ တစ်ယောက်ကလေ သူက ပုတီးတကုံး ကောက်ရထားတယ်။ သူ့ပုတီးလေးကကိုးလုံးပုတီး၊ ပုတီးမည်းမည်းလေး။ ဆေးပုတီးပေါ့ ဗျာ။ ဆိုကြပါစို့အဲဒီပုတီးလေးရဲ့အပေါ်မှာ သူက သံယောဇဉ်ဖြစ်နေတာနော်။ (ခရေးဗင်း) ဖြစ်နေတာပေါ့။ အတွယ်အတာလေးဖြစ်နေတာ။ သွားလေရာပါတယ်အဲဒီပုတီးလေး။ အဲဒီတော့ပရိသတ်ကြီး သဘောပေါက်ထားရမှာက ပုတီးကိုမစွဲနဲ့။ ဂုဏ်တော်ကိုစွဲ ရမယ်။ ဘာကိုမစွဲနဲ့။ ဘာကိုစွဲရမလဲ။

( ပုတီးကိုမစွဲနဲ့ဂုဏ်တော်ကိုစွဲရမှာပါဘုရား )

“ဟဲ့.. ငါ့ပုတီးလေး ဘယ်နားထားတုန်း” ပုတီးလေး ပျောက်သွားရင်လိုက်ရှာနေပြီ။ အဲဒါသဘောပေါက်လိုက်။ ပုတီးရဲ့အပေါ်မှာ ဒါ … အစွဲအလမ်းဖြစ်နေတာ။ ပရိသတ်တို့ ဖြစ်တတ်တယ်နော်။

( ဖြစ်တတ်ပါတယ်ဘုရား



ဆေးပုတီးလေးများ ရထားရင်ပိုပြီးတော့တွယ်တာသေးတယ်။ “ဒါက ကျိုက်ထို ဘုန်းဘုန်းပေးခဲ့တာ။ ပယောဂတွေဘာတွေကောင်းသတဲ့။” အံမယ်ကျိုက်ထိုဘုန်းကြီးက လည်း အရွှီးအရွှမ်းကလည်း ကောင်းတာကိုးဗျာ့နော်။ “ဒီပုတီးလေး ဆောင်ထား။ ရေလေးနဲ့စိမ်သောက်။ ပယောဂဆိုတစ်ခါတည်း လွင့်သွားမယ်။” ကျိုက်ထိုဘုန်းကြီးကလည်း အပြောကောင်းဆိုပဲ။ ကျုပ်တော့မသိပါဘူး အဲဒီဘုန်းကြီး။ အဲဒါနဲ့ပရိသတ်တို့ရေ အညာဘက်မှာပါ။ အဲဒီ အမျိုးသမီးတစ်ယောက်က အဲဒီ ကိုးလုံးပုတီးလေးကိုအတွယ်အတာလေးဖြစ်နေတာ။ သူ့ပုတီးပျောက်မှာ သိပ်စိုးရိမ်တာ။ တခါတလေများ အထားမှားလို့ရှိရင်တစ်ခါတည်း မူးနောက်နေအောင်ရှာရတာ။ အဲဒါနဲ့ဆိုကြပါစို့သူက ပရိသတ်ရေ ဂုဏ်တော်ကိုမစွဲဘဲနဲ့ဘာကိုစွဲနေလဲ။

( ပုတီးကိုစွဲနေတာပါဘုရား )

အမှန်က ဂုဏ်တော်စွဲလို့ရှိရင်ပရိသတ်ပုတီးမပါဘဲလည်းပဲပွားနိုင်ရမယ်။

( မှန်ပါဘုရား )

ပုတီးမပါလည်းပဲ

( ပွားနိုင်ရမှာပါဘုရား )

ပွားများနိုင်ရမယ်။ ပွားများနိုင်တဲ့အရည်အချင်း ရှိရပါလိမ့်မယ်။ “ငါ့ပုတီးမှင့ါပုတီးရယ်” လို့အစွဲအလမ်း ထားလို့ရှိရင်ကတော့အဲဒါ ပုတီးရဲ့ အပေါ်မှာ အတွယ်အတာ တဏှာဖြစ်ပါပြီဟုတ်လား။

( မှန်ပါဘုရား )

အဲဒါနဲ့ဆိုကြပါစို့ဗျာ။ အဲဒါ သူ့ရဲ့အမျိုးသား သူ့ရဲ့သားသမီးတွေက “အော်… င့ါဇနီး ငါတို့အမေဟာ သူ့ပုတီးလေးကိုသိပ်စွဲတာပဲဘယ်သူမှမကိုင်နဲ့” ဆိုပြီး သေချာသိမ်းပးကြ တယ်


အဲဒါနဲ့နောက်ပိုင်းကျတော့ပရိသတ်ရေ အဲဒီအမျိုးသမီး သေသွားပြီ။ သေသွားတဲ့ အခါကတော့သူ့ယောက်ျားနဲ့သားသမီးတွေက အဲဒီပုတီးလေးကို“အော်… တို့အမေ အင် မတန်နှစ်သက်တဲ့ပုတီးလေး” ဆိုပြီး ခေါင်းထဲထည့်ပေးလိုက်တာ။ ပါသွားပြီ။ ဘယ်နောက်ပါသွားတုန်း။

( အခေါင်းထဲပါသွားတာပါဘုရား )

အခေါင်းထဲပါသွားပြီ။ အဲဒီအမျိုးသမီးကကော ဘယ်နောက်ပါသွားတုန်း။ ပုတီးထဲ ပါသွားပြီ။ ဘယ်ထဲပါသွားလဲ။

( ပုတီးထဲပါသွားပါတယ်ဘုရား )

အဲဒါနဲ့ပရိသတ်ရေ မြှုပ်လိုက်ရောပေါ့ဗျာ။ သုဿာန်ထဲသွားမြှုပ်လိုက်။ မြှုပ်တဲ့အခါ ကျတော့ပရိသတ်အားလုံး ပြီးစီးသွား။ ကာလတွေကြာသွားပြီ။ ကြာသွားတဲ့အခါကတော့ အဲဒီနေရာလေးက ဆွေးမြေ့ဟောင်းနွမ်းသွားပြီပေါ့။ ကိစ္စက ပြီးသွားပြီအောက်မေ့တာ။ ရက်လည်တာကော၊ လလယ်တွေကော၊ နှစ်ပတ်လည်တွေကော အကြိမ်ကြိမ်လုပ်။ အဲဒါနဲ့နောက်ပိုင်းကျတော့ဒီမြေစာပုံအဟောင်းနေရာလေးမှာ၊ ထပ်တူပြီးတော့ နောက်အလောင်းတစ်လောင်း မြှုပ်တော့ဒီပုတီးလေး ပေါ်လာတယ်။ ပုတီးလေးက မဆွေး သေးဘူး။ အဲဒါနဲ့အဲဒီပုတီးလေးကိုပရိသတ်ရေ တွင်းတူးတဲ့လူတွေက ယူလာရော။ အိမ် ရောတော့ဟော ညကျတော့လာတောင်းတာပေါ့။ “ငါ့ပုတီး ပြန်ပေး ငါ့ပုတီး ပြန်ပေး” “ဟဲ့ဘယ်ကပါလိမ့်မတုန်း။ အမယ်လေးကြောက်လိုက်တာ အသံကြီးက အကြီးကြီး” “ငါ့ပုတီး ပြန်ပေး ငါ့ပုတီး ပြန်ပေး”


အဲဒါနဲ့ပရိသတ်တို့ရေ စုံစမ်းလိုက်တဲ့အခါကျတော့နော်အဲဒီပုတီးလေးကို အင်မတန်အတွယ်အတာ ဖြစ်လွန်းအားကြီးလို့သူ့ရဲ့မိသားစုက အခေါင်းထဲ ထည့်ပေးလိုက်တာ။ အဲဒါ နဲ့ပရိသတ်တို့ဟိုက မကျွတ်ဘဲဖြစ်ပြီးတော့ဘယ်မှာစွဲနေလဲ။

( ပုတီးမှာပါ ဘုရား )

ပုတီးမှာ စွဲနေတယ်။ ပုတီးမှာ စွဲလို့လည်း မကျွတ်တာပဲ။ အဲဒါ ပုတီးစိပ်တဲ့ အမျိုးသမီး ပြိတ္တာဖြစ်တယ်။ ပြောရတော့လည်း အားတော့နာစရာကောင်းပါတယ်။ ပရိသတ်ရေ ဂုဏ်တော်ကြောင့်မဟုတ်ဘူးဆိုတာတော့သဘောပေါက်ထားနော်။

( မှန်ပါဘုရား )

ဘာကြောင့်ပြိတ္တာဖြစ်တာလဲ။

( ပုတီးကြောင့်ပါဘုရား )

ပုတီးကိုစွဲတဲ့တဏှာကြောင့်တိတိကျကျ ပြောရအောင်နော်။ ဘာကြောင့်ပြိတ္တာ ဖြစ်ရတာလဲ။

( ပုတီးကိုစွဲတဲ့တဏှာကြောင့်ပါဘုရား )

ပုတီးကိုစွဲတဲ့တဏှာကြောင့်ပြိတ္တာဖြစ်တာ။ အဲဒါနဲ့အိပ်လို့မရတဲ့အခါကျတော့သူ က ဆရာတော်ကြီးတွေသွားလျှောက်။ ဆရာတော်ကြီးတွေက “အော်အဲဒီပုတီးကိုစွဲသေ တဲ့လူရှိလိမ့်မယ်ကွ။ အဲဒီတော့မင်းဆွမ်းလေးတစ်အုပ်သင်္ကန်းလေးတစ်စုံလောက်နဲ့ သံဃာတွေဆွမ်းကပ်ပြီးတော့အမျှအတန်းဝေလိုက်” ဆိုတော့ပရိသတ်ရေ အဲဒီမှာ အမျှ အတန်းဝေလိုက်တော့မှကျွတ်သွားတာ နောက်မလာတော့ဘူးနော်။ ဒါကြောင့်အတွယ်အတာ အင်မတန်ခက်တယ်ဟုတ်လား။ အဲဒီတော့ပရိသတ် ပြိတ္တာဖြစ်ဖို့မနီးစပ်ဘူးလား။

( နီးစပ်ပါတယ်ဘုရား )

ကျောင်းကိုစွဲလည်း ပြိတ္တာပဲ

ဟော … ပရိသတ်တို့ရေ ပြောရဦးမယ်။ မကွေးတိုင်ဖက်မှာ အရပ်ဒေသတွေက ဒီ ဘုန်းဘုန်းရဲ့မင်မိုရီထဲမှာ အကုန်လုံးရှိနေတယ်။ ဒါပေသိသူတို့ရဲ့သိက္ခာအရ ရွာတွေတော့ချန်ထားမယ်နော်။ အဲဒီကျောင်းက ဆရာတော်က ပရိသတ်တို့ရေ ဆရာတော်ကြီး ပျံလွန်တော်မူသွားရော။ ပျံလွန်တော်မူသွားတဲ့အခါကျတော့ဆရာတော်ကြီးကလေ ပျံလွန်တော်မမူခင်ဘာ အားကြီးတုန်းလို့ဆိုတော့သူ့ကျောင်းသံယောဇဉ်သိပ်အားကြီးတာ။ “င့ါဗီရိုမကိုင်နဲ့။ ငါ့နာရီ မကိုင်နဲ့” ရှိသမျှ ငါ့ပစ္စည်းချည်းပဲလုပ်တာနော်။

( မှန်ပါဘုရား ) “

ငါ့ပစ္စည်းမကိုင်နဲ့။ ငါ့နာရီမကိုင်နဲ့။ ငါ့သင်္ကန်းတွေမကိုင်နဲ့။ ငါ့စာအုပ်တွေမထိနဲ့။ ဒီ ဟာက ၀တ္ထုထားတာ ဒီနား ဘယ်ကောင်မှမသွားနဲ့” အဲဒီလိုဖြစ်နေတာနော်။ အဲဒါနဲ့ဆရာတော်ကြီး ပျံလွန်တော်မူသွားတဲ့အခါကျတော့ပရိသတ်ရေ အဲဒီမှာ နောက်ဘုန်းကြီး ကျောင်းထိုင်၊ ရက်လည်လည်းလုပ်ပါရဲ့။ လလည်ဆွမ်းတွေလည်း လုပ်ပါ ရဲ့၊ နှစ်ပတ်လည်တွေလည်း လုပ်ပါရဲ့။ ဒါပေသိဆရာတော်ကြီး မကျွတ်ဘူး။ အဲဒါနဲ့ပရိသတ်ဘာဖြစ်တုန်းဆိုတော့နောက်ထိုင်တဲ့ကိုယ်တော်လေးကိုညညကျ ဆွဲဆွဲချတာ။ ခြေထောက်ဆွဲချတာ။ “ငါ့ကျောင်း မနေနဲ့” ကိုင်း … ဘယ်လိုလုပ်နေရဲတော့ မလဲ။ ဆရာတော်ကြီး သက်တော်ရှစ်ဆယ်ကျော်မှပျံတော်မူသွားတာ။ အဲဒီ ဆရာတော်ကြီး က ပြောပြတာ ဘုန်းဘုန်းကို။ အဲဒါနဲ့ဆရာတော်ကြီးဦးကောသလ္လအပါအ၀င်ပေါ့ဗျာ။ သံဃာတွေညနေစောင်း ကျောင်းပေါ်ပင့်ပြီးတော့ပရိရွတ်ကြမလို့။ ဒကာ၊ ဒကာမတွေက ပရိတ်မရွတ်ခင်တစ်ခါ တည်း သံဃာတွေကိုလက်ဖက်ရည်နဲ့ထန်းလျက်ခဲကပ်ထားတာ


ညနေ လက်ဖက်ရည်ကြမ်းနဲ့ထန်းလျက်ခဲကပ်ထားတဲ့အခါကျတော့အဲဒီမှာ စားပွဲ မှာ ထိုင်ပြီးတော့သံဃာတွေဘုဉ်းပေးနေလိုက်တာ။ ဒီနား တစ်ဝိုင်း။ ဟိုနားတစ်ဝိုင်းပေါ့။ တစ်ဆယ့်ငါးပါးလောက်ရှိတယ်။ ဘေးကဆရာတော်တွေပင့်ထားတာ။ အဲဒီမှာ ပရိသတ်ရေ ကြောက်စရာကောင်း။ ဆရာတော်ဦးကောသလ္လတို့ဝိုင်းက ရေနွေးခရားကြီးက ပရိသတ်ရေ ကောင်းကင်တက်သွားတာ လွင့်လွင့်လွင့်လွင့်နဲ့။ “ဟာ …ဟာ ဘယ်လိုတုန်း” လန့်ကုန်ပြီ။ ခေါင်းတွေကြီးကုန်ပြီ။ ဟိုကျောင်းခေါင်မိုး ကိုထိခဲ့ပြီးတော့မှဖြည်းဖြည်းချင်း ပြန်ကျလာတာ။ အမယ်သူက ပညာသားတော့ပါတယ်။ တကယ့်ဖြစ်ရပ်နော်ပရိသတ်။ အဲဒါနဲ့စားပွဲပေါ် အသာလေး ပြန်ကျတော့ရေနွေးခရားကိုမကိုင်ရဲကိုင်ရဲနဲ့ကိုင် ကြည့်လိုက်တော့ရေနွေးတစ်စက်မှမပါတော့ဘူး။ သူသောက်နိုင်တယ်နော်။ သရဲကြီး သောက်နိုင်တယ်။ ပြိတ္တာကြီး ရေနွေးအပူတွေသောက်နိုင်တယ်။ ကပ်ပြီး စုပ်လိုက်မှာပေါ့။ သူက ပြီးသွားပြီနော်။ တစ်ပေါက်မှမပါတော့ဘူး။ ရေနွေးတွေ။ ဟာ … တစ်ခါတည်း ဘုန်းကြီးတွေပရိတ်မရွတ်ရဲတော့ဘူး။ “ကိုင်း .. ဒကာတို့ တို့တော့ပြေးပြီဟေ့” ဘုန်းကြီးတွေက စထွက်ပြေးတော့ဒကာတွေလည်း မနေနိုင်တော့ ဘူး။ ဟာ … ဖိနပ်တွေနေခဲ့ကောက်မနေတော့ဘူး နေပလေ့စေ။ ကျောင်းပေါ် ဘယ်သူမှ မကျန်တော့ဘူး။ ထွက်ပြေးတာ။ အကုန်ထွက်ပြေးပြီးတော့ပရိသတ်ရေ ဘုန်းကြီးတွေကော ဒကာမတွေကော ရွာထဲသွားတိုင်ပင်ကြပြီ။ “တို့… ဘယ်လိုလုပ်မလဲ။ ဒီဘုန်းကြီးပြိတ္တာ သိပ်ကြမ်းတာ” ဟုတ်တယ်။ ပရိသတ် ဘုန်းကြီးများ ပြိတ္တာဖြစ်ရင်သိပ်မလွယ်ဘူး။ ကျွတ်ဘူး။ ကြည့်လေ သူတို့က ပရိတ်ကြီး (၁၁) သုတ်အကုန်ရထားတာလေ။

သမန္တာ စက္က၀ါဠေသု-

ဆိုရင်သူက

အတြာဂစ္ဆန္တုဒေ၀တာ

- ဆိုတယ်။ ပဋ္ဌာန်းရွတ်မလား လာခဲ့။

ဟေုတပစ္စယော -

ဆိုရင်သူက

အာရမ္မဏပစ္စယော

ဆိုတယ်။ ဘယ်လိုလုပ်ရွတ်မတုန်း


ဒါကြောင့်ဘုန်းကြီးပြိတ္တာက ပဌာန်းလည်း မနိုင်ဘူး။ ကမ္မ၀ါလည်း မနိုင်ဘူး။

သုဏာတုမေ ဘန္တေသံဃော

-ဆိုရင်သူက

ဣမေ

- ဆိုပြီးတော့ရှေ့ကချည်းသွားနေတာ။ သရဏဂုံလည်း မကြောက်ဘူး။

ဗုဒ္ဓံသရဏံဂစ္ဆာမိ-

ဟိုက ကြောက်ကြောက်နဲ့ဆိုရင် သူက

ဓမ္မံသရဏံဂစ္ဆာမိ

ဆိုတယ်။ ရှေ့က သွားနေတာ။ အဲဒီလိုဆိုတော့ကျွတ်ဖို့မလွယ် တော့ဘူး။အဲဒါနဲ့“ကိုင်း ဒီလိုဆိုရင်ဘယ်လိုလုပ်မလဲ” “ပယောဂ ဆရာပင့်မယ်” ပရိသတ်ဘာဆရာလဲ

( ပယောဂဆရာပါဘုရား )

ဒီဘုန်းကြီးပြိတ္တာကိုနှင်ထုတ်ဖို့တဲ့။ ဒါကြောင့်သတိထားနေရတယ်နော်။ ဘုန်းဘုန်းတို့လည်းပဲတရားပဲဂရုစိုက်အားထုတ်နေရတယ်။ တော်ကြာ ပယောဂဆရာ အပ်မှာ ကြောက်ရတယ်။ အဲဒါနဲ့ပယောဂဆရာ ငှားရောပေါ့ဗျာ။ ပင့်တော့ပယောဂဆရာ လာတယ်။ကျောင်းပေါ်မတက်ရဲဘူး။ ပယောဂဆရာကလည်းပဲတစ်ခါတည်း ကျောင်းရဲ့ခေါင်း ရင်းမှာ သူက စည်းဝိုင်း ၀ိုင်းလိုက်တယ်။ ဟိုဘက်ထန်းပင်ဒီဘက်ထန်းပင်၊ ဟိုဘက်အုန်း ပင်၊ ဒီဘက်အုန်းပင်၊ ဟိုဘက်က တင်းကုတ်၊ ဒီဘက်က တိုင်ပေါ့။ အဲဒီမှာ လေးရပ်နယ် စည်း သတ်မှတ်ပြီးတော့အဲဒီကတည်းက ပွဲတွေထိုးတာ။ ပွဲတွေထိုးပြီးတော့တစ်ခါတည်း မန်းမှုတ်ပေါ့လေနော်။ ဘုရားငါးဆူအမိန့်ဘာညာ တွေပေါ့လေ။ သူ့အမိန့်ကတော့ဘာမှမရှိဘူး။ သူက အမိန့်မပေးနိုင်ဘဲနဲ့ဘုရားငါးဆူ အမိန့်ဆိုပြီးတော့သူက အမိန့်တွေဘာတွေပေးပြီးတော့မန်းမှုတ်နေတုန်းမှာ အပေါ်က စာရွက်တစ်ရွက်ကျလာတာ။ အဲဒီက အထဲကိုစာရွက်က ၀ါနေပြီ။ စာရွက်ဟောင်းကြီး။ “ဟေ့စာရွက်ကျလာပြီ


စာရွက်က အဲဒီစည်းထဲတည့်တည့်ကျလာတာ။ ကောက်ဖတ်ကြည့်လိုက်တော့ ပရိသတ်ရေ ပြိတ္တာရေးတဲ့စာ၊ ဘုန်းကြီးပြိတ္တာ စာပါတတ်တာနော်။ “ပယောဂဆရာ မင်းမသေချင်ရင်မြန်မြန်ပြန်” ဟာ … ပရိသတ်ရေ ပယောဂဆရာ ဖိနပ်တောင်မကောက်နိုင်ဘူး။ ထပြေးတာ။ အဲဒီတော့ပရိသတ်တို့ဘာလုပ်ရမှတ်သလဲ။ အဲဒီကျောင်းကြီးကိုဘယ်ဘုန်းကြီးမှမထိုင်ရဲ ဘူး။အဲဒီတော့ဘုန်းကြီးမရှိလည်းမဖြစ်တော့။အဲဒီကကျောင်းခြံထဲမှာပဲကျောင်းတစ်ကျောင်း အသစ်ထပ်ဆောက်ရတယ်။ အသစ်ထပ်ဆောက်ပြီးတော့အသစ်ဆောက်တဲ့ကျောင်း ပေါ်မှာ ဒကာတွေနဲ့ညညစောင့်အိပ်ပြီး နောက်ဘုန်းကြီးက နေရတယ်။ အဲဒီမူလကျောင်းဟောင်းကြီးပေါ်ကိုဘယ်လိုမှ တက်လို့မရတော့နောက်ဆုံးဖျက်ပြီး တော့ပုံထားရတယ်ဗျာ။ ကျောင်းကြီးဖျက်ပြီးတော့ ပုံထားတော့မှပြိတ္တာကြီး နေစရာ မရှိတော့ဘယ်ရောက်သွားတုန်း မပြောတတ်ပါဘူးနော်။ ကျိုက်ထိုဘက်ရောက်လာတယ်လို့တော့မပြောရဲဘူး။ ညည ကြောက်မှာစိုးလို့။

ပြိတ္တာဖြစ်ခြင်း အကြောင်းရင်း

အဲဒီတော့ပရိသတ်ရေ ဆိုလိုတာက ပြိတ္တာဖြစ်ဖို့မနီးစပ်ဘူးလား။

( နီးစပ်ပါတယ်ဘုရား )

ပြိတ္တာဖြစ်ဖို့နီးစပ်တယ်။ အဲဒါကြောင့်အဋ္ဌသာလိနီအဋ္ဌကထာမှာ ဖွင့်ထားတယ်။

ယေဘုယျေန ဟိသတ္တာ တဏှာယ ပေတ္တိဝိသယံဥပပဇ္ဇန္တိ။ (ဏီ၊ ဋ္ဌ၊ ၁၇၂) ယေဘုယျေန -

များသောအားဖြင့်။

သတ္တာ -

သတ္တ၀ါအပေါင်းတို့သည်၊

တဏှာယ -

တဏှာကြောင့်။

ပေတ္တိဝိသယံ-

ပြိတ္တာဘုံသို့။

ဥပပဇ္ဇန္တိ-

ရောက်ကြရလေကုန်၏။

ဣတိ-

ဤသို့လျှင်။

ဒဋ္ဌဗ္ဗော -

ကောင်းစွာမသွေမှတ်ထိုက်ပါပေတော့သတည်း။


သာဓု… သာဓု… သာဓုပါဘုရား ပြိတ္တာဖြစ်တာ ဘာကြောင့်လဲ။

( တဏှာကြောင့်ပါဘုရား )

တဏှာကြောင့်ရောက်တာလို့နော်။ အဲဒီတော့တဏှာရယ်၊ လောဘရယ်၊ ရာဂရယ် ပရိသတ်တစ်သဘောတည်းပဲနော်။

( မှန်ပါဘုရား )

တစ်သဘောတည်းပဲ လောဘ ဆိုတာကျတော့ဘာလဲ။ လောဘသည်ဆင်းရဲခြင်းရဲ့အကြောင်းတရား။ လိုချင်မှုပေါ့။ တဏှာဆိုတာကျတော့တွယ်တာတပ်မက်မှုစွဲလမ်းမှု(ခရေးဗင်း) လို့ခေါ် တယ်။ ရာဂဆိုတာကျတော့ပရိသတ်ရေ လိုချင်တပ်မက်တတ်တဲ့တရားတဲ့။ ရာဂဆိုတာ ဘာတရား။

( လိုချင်တပ်မက်တဲ့တရားပါဘုရား )

အဲဒါ တော်တော်ခက်တယ်နော်။ (အဲ့တဲ့ခ်ျမဲ့န်တ်) ဆိုတာ တို့ပရိသတ်သိပါတယ်။ (အဲ့တဲ့ခ်ျမဲ့န်တ်) လို့ပြောလိုက်ရင်သံယောဇဉ်မရှိဘူး ဆိုပေမယ့်လို့ပရိသတ်ရေ အတွယ် အတာလေးတော့ရှိတယ်။ ဘာလေးတော့ရှိသလဲ။

( အတွယ်အတာလေးတော့ရှိပါတယ်ဘုရား )

အဲဒီအတွယ်အတာလေး တွေကြောင့်ပြိတ္တာ ဖြစ်တာ၊ တစ်ချို့ဇာတ်ကားတွေထဲမှ ဘုန်းဘုန်းတို့က ဒီတရားသဘောလေးတွေသိနေတဲ့အခါကျတော့ဟာ တစ်ခါတည်း သူ့ ချစ်သူသူ့ဇနီးကိုပေါ့လေ တအားလွမ်းပြီးတော့သေဆုံးသွားကြတယ်။ ဇာတ်လမ်းအရပေါ့။ သေခါနီး သူ့ဇနီးက သွားတွေ့တယ်။ တစ်ယောက်နဲ့တစ်ယောက်ကလည်း မတည့်တဲ့အခါ ကျတော့လက်ကိုဆွဲချင်လို့လက်ကလေး ကမ်းတယ်။ ဟိုကလည်းပဲမတည့်တော့လက်ကမ်းမပေးဘူး။ အဲဒီအချိန်အခါမှာ ပရိသတ်ရေ ယောက်ျားဖြစ်တဲ့ ပုဂ္ဂိုလ်ကတမ်းတပြီးတော့သေသွားတယ်။ ကိုင်း … ပရိသတ်စဉ်းစားကြည့်စမ်း။ တရားသဘောနဲ့။ အဲဒီယောက်ျား ပြိတ္တာဖြစ်ဖို့ မသေချာဘူးလား။

( သေချာပါတယ်ဘုရား )

ကိုင်း … ပရိသတ်ဘယ်လိုသေကြမတုန်း။ ပြိတ္တာဖြစ်ဖို့က တော်တော်ကိုသေချာ တယ်။ ကြည့်လေ ပရိသတ်ရှေးတန်းက ဒါတရားသဘောနဲ့ပြောမလို့ပါ။ ကောင်လေးတစ်ယောက်က ကောင်မလေးတစ်ယောက်ကိုအင်မတန်ချစ်တယ်။ အင်မတန်ချစ်တဲ့အခါကျတော့အဲဒီကောင်မလေးဆီက ဓာတ်ပုံလေးယူပြီးတော့အမြဲတမ်း သူ့ဓာတ်ပုံလေး ကြည့်ကြည့်ပြီးတော့သီချင်းလေး ညည်းသတဲ့ပရိသတ်ရေနော်။ “ချစ်ပင်ချစ်ရိုး ချစ်လိုက်ပါတဲ့… မေ” ဓာတ်ပုံလေး ကြည့်ပြီးဆိုတာ။ ဘုန်းဘုန်းဆိုတာ မဟုတ်ဘူး။ အဲဒီကောင်လေး ဆို တာနော်။“ချစ်ပင်ချစ်ရိုး ချစ်လိုက်ပါတဲ့… မေ။ သဉ္ဇာညောင်ဗွေအမြဲပင်တမ်းတနေ၊ မောင် ကြည့်လေ လွမ်းမပြေ၊ မေ့ဓာတ်ပုံလေး ပြုံးယောင်သမ်းလို့…. နေ” သူ့ရဲ့ချစ်သူမေရဲ့ဓာတ်ပုံလေးက အမြဲတမ်းပြုံးနေတာ။ အံမယ်သဘောတွေကျလို့ ဓာတ်ပုံတစ်ကိုင်ကိုင်နဲ့။ ပြိတ္တာဖြစ်ဖို့မသေချာဘူးလား။

( သေချာပါတယ်ဘုရား )

““ချစ်ပင်ချစ်ရိုး ချစ်လိုက်ပါတဲ့… မေ။ သဉ္ဇာညောင်ဗွေအမြဲပင်တမ်းတနေ၊ မောင် ကြည့်လေ လွမ်းမပြေ၊ မေ့ဓာတ်ပုံလေး ပြုံးယောင်သမ်းလို့…. နေ” ဓာတ်ပုံလေးက အမြဲတမ်း ပြုံးနေတာပေါ့နော်။ အဲဒါနဲ့ပရိသတ်တစ်နေ့သောအခါ ကျတော့အိမ်သာတက်ရင်း ဆိုတယ်

သူ့ဓာတ်ပုံက အမြဲတမ်းပါသွားနေတာကို၊ အိပ်ကပ်ထဲအမြဲပါသွားတော့အိမ်သာ အပေါက်ပိတ်ပြီးတော့ပရိသတ်ရေ အိမ်သာထဲမှာ ထိုင်ပြီးတော့တစ်ခါတည်း နောက်ဖေး သွားရင်းနဲ့သီချင်းဆိုနေတာ။ ဆိုနေရင်းနဲ့ပရိသတ်ဓာတ်ပုံလေးက အောက်ကျသွားရော။ ဓာတ်ပုံလေး အောက်ကျသွားတော့ဘယ်သူမှသိတာမှမဟုတ်ဘဲနဲ့အိမ်သာကလည်းပဲ ဒီခေတ်လိုရေအိမ်သာမဟုတ်ဘူး။ တွင်းကြီး။ ရွာသူရွာသားတွေစွန့်ထားတာလို့ဆိုတော့ တစ်ခါတည်း မိလ္လာတွေပြည့်ခါနီးနေပြီ။ အဲဒီမှာ သူ့ချစ်သူဓာတ်ပုံက ပရိသတ်မှောက်ဝါးထိုးလေးကျတာ။ချစ်သူဓာတ်ပုံလေး က မျက်နှာလေး အောက်ကကျ။ မရရအောင်လှမ်းကောက်တယ်။ လက်ပြင်တွေများ အောင့်လို့တဲ့။ သူပြောပြတာ။ ပြန်ယူလိုက်တော့ဟော သီချင်းစာသားက ပြောင်းသွားပြီ။ ဆိုကြည့်လေ … “ချစ်ပင်ချစ်ရိုး ချစ်လိုက်ပါတဲ့… မေ။ သဉ္ဇာညောင်ဗွေအမြဲပင်တမ်းတနေ၊ မောင် ကြည့်လေ လွမ်းမပြေ၊ မေ့ဓာတ်ပုံလေး ချီးတွေပေလို့…. နေ” စာသားက ပြောင်းသွားတာ။ အဲဒီတော့ပရိသတ်ရေ ဒါ-ပြိတ္တာဖြစ်ဖို့မနီးစပ်ဘူးလား။

( နီးစပ်ပါတယ်ဘုရား )

ဟုတ်တယ်ပရိသတ်ဒါ ဘုန်းဘုန်းက ဥာဏ်ဖွင့်ပေးနေတာနော်

( မှန်ပါဘုရား )

“မေ့ဓာတ်ပုံလေး ချီးတွေပေလို့နေ” အဲဒီလိုဖြစ်သွားတာနော်။ ပြိတ္တာဖြစ်ဖို့နီးစပ်တဲ့အကြောင်း ဘုန်းဘုန်း ပြောပြတာ နော်။အဲဒါကြောင့်တဏှာ, လောဘ, ရာဂ, သံယောဇဉ်လေးနဲ့သေလိုက်ရင်ပရိသတ် ဘာဖြစ်ဖို့များသလဲ။

( ပြိတ္တာဖြစ်ဖို့များပါတယ်ဘုရား )

Shared from U Ko Ko Aung