လူမှုရေးနယ်ပယ်တွင်လိုက်လျှောညီထွေပေါင်းသင်းပြီး၊
အလိုက်အထိုက်နေလေ့ရှိသောကျနော်သည်လူမှုရေးကောင်းသည်ဟူ
ပြောရန်မဝံ့ရဲသော်လည်းလူမှုရေးညံ့သူမဟုတ်သည်ကိုတော့ရဲဝံ့စွာအာ
မခံနိုင်ပါသည်။ သို့သော်
ကျနော် “ကြောင်မှုရေး”တွင်ကားလွန်စွာညံ့ကြောင်းဝန်ခံရပေမည်။ နားရှုပ်သွားပါသလား? ရှင်းပါမည်။
လူ့လောကအသိုင်းအဝိုင်းတွင်ကိုယ်နဲ့အယူအဆမတူသူများနှင့်ပြောဆိုငြင်းခုံကြရသည်မှာသဘာဝပင်ဖြစ်သည်။
ဘွဲ့လွန်သင်တန်းများ၏ဆီမီနာများ၊ (Academic meeting) အကယ်ဒမစ်မီတင်များ၊ ရှေ့နေများ၏အချေအတင်ပြောဆိုငြင်းခုန်
ဆွေးနွေးကြသည်မှာရန်ဖြစ်တော့မည်ထင်ရလောက်အောင်ဖြစ်တာမျိုးပင်ရှိသည်
လွှတ်တော်အစည်းအဝေးများတွင်ထရိုက်ကြ
ထထိုးကြ၍ပွဲဆူကုန်သည်မျိုးလည်းသတင်းများတွင်တွေ့ဘူးသည်။ အစည်းအဝေးခန်းများတွင်ဘဲဥပုံဒါမှမဟုတ်လေးထောင့်စပ်စပ်စားပွဲများခင်းထားရခြင်းမှာတယောက်နှင့် တယောက်ထမထိုးနိုင်ရန်ဖြစ်သည်ဟုဆရာမောင်စူးစမ်း၏
စာတပုဒ်တွင်ဖတ်ဖူးသည်။
မည်သို့ပင်ဆိုစေကာမှုလူအချင်းချင်းဖြစ်၍အယူအဆမတူငြင်းခုန်မှုလောက်နဲ့တော့အခင်မင်မပျက်နေနိုင်ကြပါသည်။
အငြိုးအတေးအာဃာတရှိသည်ဆိုဦးတော့မိမိကိုယ်တိုင်ဝန်ချတောင်းပန်မှုဒါမှမဟုတ်ကြားဝင်ဖြန်ဖြေပေးမှုနှင့်ပြေလည်သွားနိုင်ပါသည်။
ကျနော့မှာကား
အကြောင်းတိုက်ဆိုင်၍နိုင်ငံရပ်ခြားသို့ရောက်ခဲ့ရသည်။ စရောက်ခါစဖြစ်သဖြင့်အားလပ်ချိန်မှာ(TV)
ကြည့်သည်ကများသည်။ တနေ့(TV)အစီအစဉ်တခုမှကြောင်လေကြောင်လွင့်များအ
ကြောင်းပြသည်။ (Narrator)သတင်းနောက်ခံပြောသူကလဲအပြောကောင်းလှသည်။ ဤနိုင်ငံတွင်ကြောင်လေကြောင်လွင့်တသိန်း
ခွဲခန့်ရှိမည်ဟုခန့်မှန်းကြောင်းဆိုပါသည်။ သူတို့၏နေထိုင်သွားလာပုံကိုတင်ပြသောမှတ်တမ်းရုပ်ရှင်ကိုပြပါသည်။
ဘော့စ်ဟု (Narrator)ကနာမည်ပေးထားသောကြောင်လေကြောင်လွင့်တကောင်၏နယ်မြေသတ်မှတ်ပိုင်ဆိုင်ပုံ၊ မယားယူထားပုံ၊ ကြောင်တို့၏
အသက်၁၅နှစ်ဆိုသည်မှာလူသားတို့၏
အသက်၆၀
ကျော်အရွယ်နှင့်အတူတူဟုယူဆနိုင်ပုံ၊ စသဖြင့်စိတ်ဝင်စားစရာကောင်းလှသည်။
ဤသို့နှင့်သထိထားကြည့်မိတော့မိမိနေသောအိမ်နားတွင်လည်းကြောင်လေကြောင်လွင့်များစွာရှိကြောင်းတွေ့ရသည်။
တပတ်နှစ်ကြိမ်အမှိုက်သိမ်းစံနစ်အရတညကြိုပစ်ထားကြသောအမှိုက်ကန်လေးထဲမှ အမှိုက်တို့ကိုမွှေနှောက်ရှာဖွေစားသောက်နေ
ကြသောကြောင်အများအပြားတွေ့ရသဖြင့်စိတ်တွင်အကြံတခုဖြစ်မိသည်။ စူပါမားကက်များတွင်ကြောင်စာအိတ်များတွေ့ဖူးသည်။
အဲဒါဝယ်ကြွေးရလျှင်သူတို့လဲစားရမည်၊ အမှိုက်တွေလဲမပွနိုင်တော့ဟုစဉ်းစားမိသည်။
သို့နှင့်မိမိနေသောအခန်းက၂ ထပ်၏ကော်ရစ်ဒါထောင့်
ဆုံးဖြစ်နေ၍အဆင်ပြေစွာပင်ကြောင်စာခွက်၊ ရေခွက်များချပြီးမနက်တကြိမ်၊ ညအိမ်ပြန်လာချိန်တကြိမ်အစာထဲ့ရေထဲ့ကြွေးဖြစ်တော့သည်။
ဤအိမ်တွင်(၁၂) နှစ်ကျော်နေခဲ့သဖြင့် ၁၂ နှစ် ဤအလှူခံပုဂ္ဂိုလ်တို့အားဒါနပြုခဲ့သည်။
ကြောင်များအားလုံးလာစားပုံရပါသည်။ အမှိုက်တို့ကိုပွနေသည်ကိုမတွေ့ရတော့။
လာစားသောကြောင်များသည်စိတ်ဝင်စားစရာကောင်းလှသည်။ တခါတရံကြောင်၃ ကောင်ခန့်ခေါင်းချင်ဆိုင်စားနေသည်
ကိုတွေ့ရတတ်သည်။ နောက်မှာစားရန်စောင့်နေသောေ ကြာင်များကစောင့်နေသော်လဲအော်ဟစ်ချင်း၊ ရန်ပြုချင်းအလျင်းမရှိ၊ အေးဆေးငြိမ်သက်စွာစားကြသည်ပိုထူးခြားသည်မှာ ယခင်လာစားဖူးသောေ ကြာင်က လာမစားဖူးသောကြောင်ကိုလမ်းပြခေါ်ဆောင်လာခြင်းပင်တည်း။ (အမျိုးဖြစ်ခြင်လဲဖြစ်မှာပေါ့နော်)
ဤသို့ခေါ်ဆောင်လာရာတွင်ကြောင်အသစ်ကိုအရင်စားစေ၍ကြောင်အဟောင်း (လာနေကြကြောင်)ကဘေးကကြည့်နေသည်မှာ
အံ့ဖွယ်သုတ။ တခုခုရဘို့အတွက်တိုက်ခိုက်ကြ၊ အချင်းချင်းအစာခွက်လုကြလေ့ရှိသောလူသားတချို့ကိုသင်ခန်းစာပေးနေသကဲ့သို့။
ကြောင်များကလာစားသည်မှာလာစားကြသော်လည်းလူကိုတော့အကပ်မခံ၊ မိမိနှင့်ရင်းရင်းနှီးနှီးမရှိကြ။
တကောင်သာထူးထူးခြားခြားမိမိကို
မကြောက်သည်ကိုတွေ့ရသည်။
ခပ်ဝဝကြောင်တကောင်ဖြစ်သည်။
“ဝတ”
ဟုအမည်ကိုယ်ဟာသာကိုယ်ပေးလိုက်သည်။ ဝတသည်အဖြူရောင်တွင်အဝါစက်ကလေးများပါသော၊
မျက်နှာဝိုင်းဝိုင်းခပ်ရွယ်ရွယ်
ကြောင်ဖြစ်သည်။
4 နှစ် သားခန့်ရှိမည်ဟုခန့်မှန်းရသည်။ (Narrator)၏စကားကိုကိုးကားရလျှင်
အသက်၂၀ ကျော် ၂၅ နှစ် ကြားကြောင်လူငယ်ဟုဆိုရမည်။
ဒီလိုနဲ့ပူသောလပေါင်းများစွာကုန်လွန်ပြီးရာသီဥတုလွန်စွာအေးသောကာလသို့ရောက်လာခဲ့ပြီ.။
အရမ်းချမ်းတဲ့တညညဥ့်နက်နက်အချိန်မှာအပြင်တံခါးကိုတယောက်ယောက်ကခေါက်နေသလိုလိုအသံ
ကြားရလို့ချမ်းချမ်းနဲ့ထဖွင့်ကြည့်တယ်။ အိပ်ချင်းမူးတူးနဲ့တံခါးဖွင့်ကြည့်တာဘယ်သူမှမတွေ့။ အောက်ကို
ငုံ့ကြည့်လိုက်တော့
“ဝတ” ကိုတွေ့ပီ၊ ဪမင်းလုပ်တာကိုး။ တံခါးကိုပုတ်ခါဖွင့်ပေးအောင်လုပ်ရမည်ကိုနားလည်သောကြောင်ပါတကား။
လူကိုမော့ကြည့်ပြီး၊ ညောင်ဟုတချက်အော်သည်။ မျက်စိတဲ့တဲ့ကြည့်ပြီးအော်ပုံကထူးခြားသည်။
အပြင်မှာချမ်းလွန်းလှ၍အထဲဝင်ပါရစေလို့ခွင့်ပန်တဲ့သဘောမျိုး။
ဒါနဲ့အသာလမ်းဖယ်ပေးလိုက်ပြီးအထဲဝင်ခိုင်းလိုက်သည်။ အခန်းထောင့်တနေရာမှာစောင်အဟောင်းတထည်ခင်း၍နေရာချပေးလိုက်သည်။
ဝတ ကားနွေးထွေးစွာအိပ်လေပြီ။ အဟောသုခံ ကောင်းလေစွ။
ဒီလိုနဲ့ဝတ မနက်ဆိုထွက်သွားအစာစား၊ ညမိမိပြန်လာချိန်အိမ်ရှေ့မှကြိုသောအလုပ်ကိုပါလုပ်သည်။
ကြောင်တကောင်နှင့်လူတယောက်၏သံယောဇဉ်လို့ဆိုရပေမပေါ့။
ဝတ အိမ်ထဲအိပ်တာ ၂ လလောက်ကြာသွားခဲ့ပြီး ဖေဖော်ဝါရီလ၏ရေခဲအမှတ်ရောက်သောအအေးဆုံးကာကများရောက်လာပြီ။
တလောကလုံးဖြူဖြူဖွေးဖွေးသောနှင်းများဖုံးလွှမ်းသွားပြီးလှပသော၊ ချမ်းအေးသောကာလများရောက်လာပြီ။
ကျောင်းပိတ်ထားသော်လည်းသုတေသန( )လုပ်စရာ၊ အလုပ်များရှိသဖြင့်ကျောင်းကသွားနေရသည်။
တနေ့ကျောင်းအရောက်၊ သူငယ်ချင်းတယောက်က”မင်းအိမ်မှာကြောင်မွေးထားသလား” ဟုမေးသည်။
အိမ်ကိုအလည်လာဖူးသူမဟုတ်သဖြင့်အံ့ဩသွားပြီး”မင်းဘယ်လိုလုပ်သိတာလဲ” ဟုချက်ချင်းပြန်မေးမိသည်။
ပါးစပ်ကမဖြေပဲတစုံတရာကိုမိမိ၏ဆွယ်တာပေါ်မှယူ၍သူငယ်ချင်းက ပြသည်။ သူပြသည်က ကြောင်မွှေးတွေ။
ရှော့ခ်။
လန့်သွားသည်။ နိုင်ငံတကာမှကျောင်းသားများရှိသောကျောင်းဖြစ်၍(မြန်မာလူမျိုးကို အထင်မသေးစေရန်ဟူသောစိတ်ကလေးနှင့်)အတတ်နိုင်ဆုံး
သပ်သပ်ယပ်ယပ်ဝတ်စားလေ့ရှိသောမိမိ၏ဆွယ်တာပေါ်တွင်ရှိနေသောကြောင်မွှေးများ။
သူငယ်ချင်းကိုအေးကွာ ဟုတ်တယ်ကြောင်တကောင်မွေးထားလို့ဟုရီရီမောမောပြောနေသော်လည်း စိတ်က”တင်း”နေပြီ။
ဒီကြားထဲဟိုကောင်ကရှည်နေသေးတယ်၊ မင်းသိမှာပါ၊ ရောဂါဖြစ်တတ်တယ်၊ ဂရုစိုက်၊ ဘာညာလုပ်နေသေး။
အေးအေး ဟု ခပ်တိုတိုပြောပြီးအိမ်သာဖက်ထွက်လာလိုက်သည်။
ကြောင်မွှေးတွေအဆုတ်ထဲ၊ အသက်ရှူလမ်းကြောင်းထဲဝင်ရင်ပန်းနာရင်ကြပ်၊ အဆုတ်ရောဂါတွေဖြစ်တတ်သတဲ့။
ဆက်ပြီးစိတ်ထဲမှာလဲငယ်ငယ်ကဖတ်ဖူးသောလုပ်ငန်းခွင်အန္တါရာယ်များစာအုပ်ကိုသတိရမိသည်။
ဘိလပ်မြေစက်ရုံတွင်လုပ်သောအလုပ်သမားအဆုတ်ရောဂါနှင့်ဆုံးပါး၍ခွဲစိတ်ကြည့်သောဘိလပ်မြေအ
လုံးလေးတွေအဆုတ်ထဲမှာပြည့်နေကြောင်း၊ ဝါဂွမ်းစက်ရုံမှအလုပ်သမား၏အဆုတ်မှဝါဂွမ်းလုံးကလေးများ၊ အစရှိသဖြင့်။ .။
ဒါနဲ့အိမ်လဲပြန်ရောက်ရော၊ အိပ်ယာခင်း၊ ခေါင်းအုံးစွပ်များအကုန်ချွတ်ပြီးလဲသည်။ တခန်းလုံးဖုန်စုပ်စက်နှင့်အသားကုန်စုပ်ပလိုက်သည်။
အိပ်ယာပေါ်မှကြောင်မွှေးများကအိပ်ယာဘေးတွင် မနက်မိုးလင်းလင်းချင်းအိပ်ချင်မူးတူးနှင့်မရှာချင်၍အဆင်သင့်ထုတ်ထားလေ့ရှိသော အဝတ်အစားများပေါ်ကကြောင်မွှေးများ
က
ဝတ အိပ်ယာ ပေါ်တက်ကြောင်းထင်ရှားပေပြီ။
ပြန်ချိန်စောနေ၍ဝတ ကိုမတွေ့၊ ယင်းအိပ်သောစောင်ကိုယူ၍ အခန်းအပြင်ကော်ရစ်ဒါထောင့်တွင်
ဂျပ်ထူပုံးတခုတွင်ခင်းပြီးပြင်ထားလိုက်သည်။ အိမ်တွင်းကားမသွင်းလိုပြီ။
လာပါဘီမောင်မင်းကြီးသား၊
ညောင် ဟု တ ချက်အော်သည်။ တံခါးနားသွားပြီးအိပ်ရန်နေရာကိုသွားအောင်ညွန်ပြလိုက်သည်။
အေးအေးဆေးဆေးပင်သွား၍အထဲဝင်လိုက်သည်။ အိုကေပေါ့နော်။
ညဥ့်ကနက်လာပြီ၊ အအေးဓာတ်ကသိသိသာသာပိုကဲလာပြီ။ ( )ဖွင့်အိပ်သဖြင့်နွေးနွေးထွေး ထွေး အိပ်ပျော်သွားသည်။
တံခါးကိုပုတ်သံကြားရသည်။ မိုးလင်းခါနီး၍အလင်းရောင်တချို့တွေ့ရပြီ။
တံခါးသွားဖွင့်ကြည့်ရာကိုယ်တော်ချော “ဝတ”။
မော့ကြည့်သည်၊ ညောင် ဟု အော်သည်၊ ဝင်ခွင့်တောင်းနေပြန်ပြီ။
သနားသွားမိသည်။
သူနေရာသူနေမယ်ဆိုရင်မဆိုးပါဘူးဟုတွေး၍ကတ်ထူ၊ ဂျပ်ထူပုံးကိုအိမ်ထဲသွင်းအခန်းထောင့်မှာထားပေးလိုက်သည်။ ထူးထူးခြားခြားလုပ်စရာကလဲမရှိ၊ နဲနဲလဲအိပ်ချင်နေသေး၍ပြန်အိပ်လိုက်သည်။
နိုးလာတော့စောင်အောက်ပိုင်းခြေထောက်ကြားမှာလေးလေးကြီးဖြစ်နေ၍ြ
ကည့်လိုက်ရာ
“ဝတ” ။
ဟာဟု လန့်သွားပြီး၊ ချက်ချင်းအပြင်ကိုခေါ်ထုတ်ပလိုက်ရသည်။
စောင်တွေ၊ အိပ်ယာတွေလျှော်ရအုန်းမှာပါလား။
အိပ်ယာပုံးလေးကိုအပြင်ကော်ရစ်ဒါထောင့်သို့ပြန်ချပေးထားလိုက်သည်။
ဒါနဲ့ညပြန်ရောက်လာရောဆိုပါတော့။
ဝတ တံခါးကို(ခေါက်)ပုတ်ပါပြီ။
ဖွင့်ပေးသည်။ ဝင်ဘို့တော့မခေါ်။
ညောင်ဟုအော်သည်။ ဝင်ပါရစေပေါ့။
မဖြစ်ဘူးကွ၊ မင်းကစည်းကမ်းမရှိဘူး၊ ငါကအိပ်ယာပေါ်အတက်မခံနိုင်ဘူးကွာ။
မင်းအပြင်မှာအိပ်ပါဟုလူ လိုပြောပြီး၊ အိပ်ယာပုံးလေးရှိရာအပြင်ကော်ရစ်ဒါထောင့်သို့ပို့ပေးလိုက်သည်။
ပုံးလေးကိုလဲလုံခြုံအောင်အပေါ်ကစောင်တထည်ထပ်အုပ်ပေးထားလိုက်သည်၊ ဝင်ပေါက်လေးပေးပြီးတော့ပေါ့။
ဝတဝင်အိပ်သည်။ ငြိမ်းချမ်းရေး။
ညကိုလွန်လာပြီ၊ မိုးလင်းခါနီးလေပိုအေးလေမှို့စောင်ကိုတင်းတင်းဆွဲ
ခြုံလိုက်ချိန်ဝတ တံခါးခေါက်ပြီ၊ ထ၍ဖွင့်ကြည့်လိုက်သည်။
ညောင်~~ဝင်ပါရစေဗျာ ဟုဖြစ်မည်ထင်မိသည်။
မဖြစ်နိုင်ပါဘူးကွာ၊ အပြင်မှာပဲမင်းအိပ်ပေးပါလို့ပြောလိုက်သည်။
အတန်ကြာအောင်ကြည့်သည်။
ထပ်ပြောသည် အဲ ထပ်ညောင် သည်။
၂ မိနှစ်ခန့်ကြာသွားသည်။ ထူးထူးခြားခြားတခုတွေးလိုက်မိသည်။
အဝင်တံခါးကအကျယ်ကြီးပဲ၊ ကြောင်ပဲနော် ဝင်ချင်ရင်ပြေးဝင်ရုံပဲပေါ့၊ ဘေးဘယ်ညာကဝင်မလား၊
ခြေထောက်ကြားကဝင်မလား၊ ဝင်လို့ရနေတာပဲ၊ မဝင်တာထူးဆန်းသည်။
အချေအတင်ဖြစ်နေသည်။ ညောင် ပဲ ညောင်နေ့သည်။
ခင်ဗျားရဲ့တရားဝင် ဝင်ခွင့်ကိုလိုချင်ပါသည်ဟုဆိုလိုဟန်တူသည်။
မရပါဘူးကွာ၊ ဟုထပ်ပြောသည်။
၅ မီးနစ်ခန့်ကြာသွားသည်ထင်သည်။ အကြာကြီးတချက်စိုက်ကြည့်ပြီး ဝတ လှုပ်ရှားလိုက်သည်။
ချာကနဲလှဲ့ထွက်လိုက်သဖြင့်အိပ်ယာပုံးလေးရှိရာသွားမည်ထင်လိုက်မိသည်။
မဟုတ်ပါ။
လှေကားရှိရာသို့ဦးတည်သည်။ နောက်ကိုတချက်လှဲ့ကြည့်လိုက်သောဝတ ၏မျက်လုံးများကအဓိပ္ပာယ်ရှိလှသည်။
တလှမ်းခြင်းလှေကားမှဆင်းသွားပေပြီ။
အိမ်ထဲဝင်ရန်ငြင်းဆန်ရင်၊ အပြင်ကဂျပ်ထူပုံးထဲလဲမအိပ်လိုတော့ပီလားဝတ ?
ညသို့ပြန်ရောက်လာခဲ့ပြပြီ။
ဝတကားပေါ်မလာတော့။ အစာလဲလာမစားတော့ပြီ။
၂ရက်၃ရက် စောင့်ကြည့်သော်လည်းပေါ်မလာပြီ။
အကြင်နာတရားကင်းမဲ့သောသင်လိုလူသားတယောက်နဲ့မပတ်သက်ချင်တော့ပြီ
ဟု
သင်တနေရာကနေ ပြောနေမှာလား ဝတ?
၁ပတ်၂ပတ်၊ လုံးဝမလာတော့၊ အက်ဆီးဒင့်တခုခုနှင့်
ဆုံးပါးသည်လားထင်၍ကြောင်လေကြောင်လွင့်များရှိtတတ်ရာနေရာများသွားကြည့်ရာအမှိုက်
ပုံကိုဖွနေသော ဝတ ကိုတွေ့သည်။ အနားသွားသော်ထွက်ပြေးသွားသည်။
ကျနော်ကိုမမြင်ချင်၊ မတွေ့ချင်၍၏သို့ပြုမူသွားသည်မှာထင်ရှားပေပြီ။
သူနှစ်သက်သော ငါး အနံ့အစာတို့နှင့်သေချာစွာဆေးကြောထားသောရေခွက်မှသန့်သန့်လေးများကို ဝတ စွန့်လွှတ်လိုက်ပြီ။
ခုကနေပြန်စဉ်းစားလျှင်လွန်ခဲ့သော၁၅နှစ်ခန့်ဖြစ်၍ ဝတ ခု ချိန်ဆို ကွယ်လွန်ပါပြီ။
သို့သော်သူပေးခဲ့သော သင်ခန်းစာများကား များပြားလှပေသည်။
အဆင့်အတန်းခွဲခြားမိသလား(လူတယောက်ဆိုဘယ်လိုဆက်ဆံမှာလဲ)
အကြင်နာကင်းတာလား(မင်းအမျိုးဆိုဘယ်လိုဖြစ်မလဲ)
ကိုယ်နဲ့ပတ်သက်ဆက်ဆံဘူးသူအပေါ်နောင်တမရအောင်ပေါင်းသင်းနေထိုင်သင့်တယ်။
(LanguageBarrier)ဘာသာစကားအဟန့်အတားကလဲ ဆက်ဆံရေးမှာအရေးကြီးပါလား?
အစရှိသဖြင့်တွေးရင်တွေးသလောက်သင်ခန်းစာများကတော့ယနေ့ထိပါပဲခင်ဗျာ။
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ကျနော်သည်လူမှုရေးကောင်းသည်ဟူပြောရန်မဝံ့ရဲသော်လည်းလူမှုရေးညံ့သူမဟုတ်သည်ကိုတော့ရဲဝံ့စွာအာမခံနိုင်ပါသည်။ သို့သော်ကျနော် “ကြောင်မှုရေး”တွင်ကား………………………
Forward Mail တစ်ခုမှရ၍ ပြန်မျှဝေပါသည်။
