"ပပဉ္စအမြင် ၊ ဗြဟ္မစိုရ်အမြင် ၊ သာသနာတွင်းအမြင် "

ဝိပဿနာအလုပ်ဆိုတာ စိတ်အလုပ်ဖြစ်တယ်
စိတ်အလုပ်လုပ်နေကြတဲ. သူတော်ကောင်းများ စိတ်အကြောင်းကို သိဖို.လိုအပ်တယ်။
စိတ်နဲ.ဘာနဲ.ဆက်သွယ်နေလဲဆိုတော. စိတ်ဟာ အာရုံကိုယူတတ်တယ်
စိတ်နဲ.အာရုံနဲ.ဆက်သွယ်နေတယ်.. စိတ်ဆိုရင် အာရုံပါလာတယ်
စိတ်ဟာ သူ.ချည်းပဲ နေတာမှ မဟုတ်တာ၊ အာရုံတစ်ခုခုကို အမြဲတမ်းသိနေတယ်။.
အာရုံတစ်ခုခုကို သိတဲ.အခါမှာ စာလိုတော. ၀ီထိစိတ် ဇောစိတ်တွေပေါ. ။ ထင်ထင်ရှားရှားသိတာလည်းရှိတယ်။ ပကတိအနေနဲ. မသိသလိုနေပြီးတော. ဆိတ်ငြိမ်တဲ.အခါမှာ အလိုလိုသိတာ မသိစိတ်လို.ခေါ်တယ်၊ မသိစိတ်ဆိုတာ အိပ်ပျော်နေတာကို တစ်မျိုးတည်းဆိုတာမဟုတ်ဘူး။
မသိစိတ်ဆိုတာက အနုသယတွေနဲ. သက်ဆိုင်တာပေါ.။

စိတ်ကိုအကြမ်းအားဖြင်. နှစ်ပိုင်းပိုင်းလို.ရတယ်။ သိစိတ်ရယ် မသိစိတ်ရယ်။ သိစိတ်က ခုလို မြင်ကြားနံစာထိတွေ.နေတာတွေ၊ အကြမ်းအားဖြင်. သိနေတာ။
စာလိုအားဖြင်. ၀ီထိစိတ်တွေပေါ.၊ မသိစိတ်ဆိုတာက ရင်ထဲမှာကိန်းနေတဲ. စိတ်တွေ၊ အကောင်အထည်ပုံသဏ္ဍာန်ကြီးအနေနဲ.ကိန်းနေတာမဟုတ်ပါဘူး။ အကြောင်းတိုက်ဆိုင်တဲ.အခါမှာ သူသိသင်.သိထိုက်တဲ. အာရုံတွေကို သိလာတဲ.သဘော၊ အဆင်.အနေနဲ. 3 ဆင်.ပြောမယ်ဆိုလို.ရှိရင် ကိလေသာအနေနဲ. 3 ဆင်.ပေါ.လေ၊ ၀ိတိက္ကမရယ်၊ ပရိယုဋ္ဌာနရယ်၊ အနုသယရယ်၊ဒါ အနသယနဲ.သက်ဆိုင်တယ်၊ အနုသယဆိုတာ မဂ်နဲ.ဖိုလ်နဲ. အဆင်.ဆင်.ပယ်မှ အမြစ်ပတ်ပယ်နိုင်တဲ.တရားတွေပေါ.။
ဥပမာ ဒိဋ္ဌိနဲ.၀ိစိကိစ္ဆာဆိုရင် သောတပတ္တိမဂ်ဥာဏ်ဖိုလ်ဥာဏ်၇မှ အမြစ်ပြတ်ပယ်နိုင်တာ။

သောတာပတ္တိမဂ်ဥာဏ်ဖိုလ်ဥာဏ်မရသေးရင် တရားတွေနာ သင်တန်းတွေတက်လို. ဒိဋ္ဌိဝိစိကိစ္ဆာပြုတ်တယ်လို. ထင်ရသော်လည်း အမြစ်ပြတ်မပြုတ်သေးဘူး၊ အကြောင်းတိုက်ဆိုင်လာတဲ.အခါ ဒိဋ္ဌိဝိစိကိစ္ဆာပြန်ဖြစ်သေးတာပဲ။ လောကဓံပြင်းပြင်းထန်ထန်ကြုံလာတဲ.အခါ ငါ ငါ.ဥစ္စာစသည်အားဖြင်.. သံသယ၊ သိက္ခာသုံးပါးအပေါ် သံသယ ၊ဒါလေးတွေဖြစ်နိုင်သေးတယ်၊ ဘာလို.ဖြစ်နိုင်သေးလဲဆိုတော. မဂ်ဥာဏ်ဖိုလ်ဥာဏ်နဲ.မပယ်ရသေးလို.။ ၀ိပဿနာဥာဏ်ဟာ အနုသယကို မပယ်နိုင်ဘူး။ ရင်ထဲမှာ သောင်းကျန်းတဲ.ကိလေသာနဲ. လွန်လွန်ကျူးကျူးဖြစ်မယ်.ကိလေသာ ဒီနှစ်ဆင်.ကိုပဲ ပယ်နိုင်တယ်။
အကြောင်းတိုက်ဆိုင်တဲ.အခါမှာ ပေါ်လာတဲ. ကိလေသာတွေကို အမြစ်ပျက်မပယ်သတ်နိုင်ဘူး။.ထို.အတူပဲ အနာဂါမိမဂ်ဥာဏ်ဖိုလ်ဥာဏ်မ၇သေးရင် ကာမရာဂတို. ဒေါသတို. ဒါတွေအမြစ်ပျက်မပယ်နိုင်သေးဘူး။

ဘယ်မှာကိန်းနေသလဲ ဘယ်လိုပုံသဏ္ဌာန်နဲ.ကိန်းနေသလဲ ဒါတွေ ဆက်ဆင်ခြင်နေဖို.မလိုပါဘူး။ ဒါတွေဆင်ခြင်နေ၇င် အစွန်းေ၇ာက်ဥွားလိမ်.မယ်။ဆင်ခြင်လို.လဲမရဘူး။ဒါက ဘုရားအရာပဲ။ မြတ်စွာဘုရားရဲ.၀ါဒဟာ ၀ိဘဇ္ဇ၀ါဒ၊ ဝေဖန်ဆန်းစစ်ရမယ်တဲ.။ ဝေဖန်ဆန်းစစ်တာကိုလည်း သဘောကျတယ်။ဝေဖန်ဆန်းစစ်မှလည်းပဲ အယူမှန်ဖြစ်နိုင်တယ်။ဝေဖန်ဆန်းစစ်တဲ.နေ၇ာမှာလည်းပဲ မဇ္ဈိမပဋိပဒါနဲ.ထိန်းထားတယ်။ ဝေဖန်ဆန်းစစ်ရမယ် သို.သော်လည်း ပဲ.မဇ္ဈိမပဋိပဒါလမ်းနဲ. ဝေဖန်ဆန်းစစ်၇မယ်။အစွန်းေ၇ာက်လို.မ၇ဘူး။ အစွန်းဆိုတာ ကိုယ်နဲ.မတန်တာတွေသွားစဉ်းစားမိရင် အမှန်ကို မသိနိုင်တဲ.အပြင် မှားပြီးရူးသွားနိုင်တယ်။ ကိုယ်သိသင်.သိထိုက်သလောက် ကိုယ်နဲ.ထိုက်တန်သလောက်ပဲ ဝေဖန်ဆန်းစစ်ရမယ်။

အဲဒါကို မြတ်စွာဘုရားရဲ.တရားတော်မှာ မြတ်စွာဘုရားရဲ.ဂုဏ်တွေ တရားတော်တွေရဲ.ဂုဏ်တွေဟာ အင်မတန်သိမ်မွေ.တယ်၊ အလွန်မြင်နိုင်ခဲတယ်၊ အလွန်သိနိုင်ခဲတယ်၊ တကယ်ကြိုးစား တကယ်အားထုတ် တကယ်မဂ်ဥာစ်ဖိုလ်ဥာဏ်ဆိုက်တဲ.ပုဂ္ဂိုလ်တွေမှ သိအပ်ခံစားအပ်တယ်၊ ကြံစည်ရုံ့နဲ.ရတဲ. တရားတွေမဟုတ်ဘူးတဲ.။ ကြံစည်သင်.ကြံစည်ထိုက်တာတွေ ကြံစည်ရမယ်၊ ဆင်ခြင်သင်.ဆင်ခြင်ထိုက်တာတွေဆင်ခြင်ရမယ်။ သို.သော်လည်းပဲ နေရာတကာတိုင်း ဝေဖန်ဆန်းစစ်ဆင်ခြင်စဉ်းစားနေလို.မရဘူး။ ဘာမှဝေဖန်စရာမလိုပါဘူးကွာ ၊ ပြောတဲ.အတိုင်းလုပ်ရုံပဲ၊ ဒါလည်း အစွန်းပဲ။ ဝေဖန်ရမယ်၊ သူများပြောတိုင်း ယုံစရာမလိုဘူး။ သူများပြောတိုင်းမျက်စိမှိတ်ယုံလို.ရှိရင် မှားတာများတာပဲ။

ဝေဖန်ရမယ် ဆန်းစစ်ရမယ် သို.သော်လည်း ဝေဖန်ဆန်းစစ်တဲ.နေရာမှာလည်း ခုနလို အနုသယဓါတ်တို.၊ ပဋိယုဋ္ဌာန၊ ၀ိတိက္ကမတို.၊ ကမ္မသတ္တိတို.၊ ကံဖြစ်ပြီးတော. သတ္တိဖြစ်သွားတယ်၊စေတနာကနေပြီးတော. ဥပါဒ် ထီ ဘင်နဲ. ချုပ်သွားတဲ.အခါမှာ ကံဖြစ်သွားတယ်၊ အဲဒီကံဟာ ဘယ်လိုပုံစံလဲ ဘယ်လိုဖြစ်သွားတာလဲ လေးထောင်.လား အ၀ိုင်းလား နှလုံးသားမှာ ဘယ်ထောင်.မှာ ဘယ်လိုပုံစံနဲ.ကိန်းနေတာလဲ၊ကံဟာလူရဲ.နောက်ကို အရိပ်သဖွယ်လိုက်တယ်၊ ဘယ်လိုလိုက်တာလဲ၊ ဘယ်လိုလုပ်လိုက်တာလဲ၊ ရုပ်တွေ နာမ်တွေဟာ ဖြစ်ပြီးပျက်သွားတယ်၊ ကံဆိုတာလည်း နာမ်ဓမ္မပဲ။ စေတနာဟာ ကံပဲ၊ စေတနာချုပ်တော. ကံဖြစ်တယ်၊ အဲဒီကံဟာလည်း ဖြစ်တဲ.နေရာမှာ ချုပ်သွားတာပဲ၊ သို.သော်လည်းပဲ သတ္တိကတော. မချုပ်ဘူး။ အဲ သတ္တိဟာ ဘယ်နေရာမှာလည်း၊ဘယ်လိုပုံသဏ္ဌာန်လဲ၊ အဲဒါ ကိုယ်.အရာမဟုတ်ဘူး။ ဝေဖန်ဆန်းစစ်တဲ.နေရာမှာ ဆန်းစစ်ထိုက်တာလေိာုပဲ ဆန်းစစ်ရမယ်။ အနုသယဓါတ် အနုသယ ၇ ပါး ရင်ထဲမှာကိန်းနေတယ်၊ ဘယ်လိုပုံစံနဲ. ကိန်းနေတာလဲ ဘယ်နေရာမှာကိန်းနေတာလဲ ဒါ ကိုယ်.အရာမဟုတ်ဘူး။ ဗုဒ၀ိသယျော အစိန္တေယျော ဒါ ဘုရားအရာ။ ကြံစည်မနေနဲ. ကိုယ်လုပ်ရမယ်.ဟာလုပ်၊ ဖြစ်ပျက်တွေမုန်းတယ် ဖြစ်ပျက်ချုပ်တယ် ဘယ်လိုချုပ်တာလဲ၊ သွားကြံစည်မနေနဲ. ဘယ်လိုချုပ်တာလဲဆိုရင် နောက်ချုပ်တဲ.နေရာမရောက်ဘဲ ဖြစ်သွားလိမ်.မယ်။

စိတ်ဟာ အင်မတန်ကြံစည်တတ်တယ်၊ အာရုံတွေကြံတာပဲ။ဒါ သူ.သဘာဝ၊ ကြည်.စရာမြင်စရာတွေကို မျက်စိကလိုက်ကြည်.သလို အာရုံတွေမှန်သမျှကို သူလိုက်ပြီးတော. ကြံစည်နေတာပဲ။ သို.သော်လည်း သူကြံစည်တာ ပပဉ္စသဘောတရားတွေရဲ. ခြယ်လှယ်မှုကိုခံရပြီး ကြံစည်နေတာ။ ပဉ္စသဘောတွေ(တဏှာ၊ မာန၊ ဒိဋ္ဌိ) ခြယ်လှယ်ခံနေရတာလည်း ခြယ်လှယ်ခံရမှန်းမသိပါဘူး။ ၀ိပဿနာအားထုတ်တော.မှပဲ ဒါတွေနောက်သိလာမယ်။ အားထုတ်ပြီးမှ သိသင်.သိထိုက်တာတွေရှိတယ်၊ မဂ်ဥာဏ်ဖိုလ်ဥာဏ်ရပြီးမှ သိသင်.သိထိုက်တာတွေရှိတယ်။ စိတ်နဲ.အလုပ်လုပ်တာဖြစ်တော. စိတ်အကြောင်းကို မိမိနဲ.သင်.တော်သလောက်သိထားရမယ်။ မိမိတို.သိသင်.တာထက်ပိုပြီးတော. သိစရာမလိုပါဘူး။သိအောင်လည်းပဲ ကြိုးစားလို.မရပါဘူး။ကြိုးစားရင်လည်း ရူးမှာပဲ။ ဘုရားအရာတို.၊ လောကအရာတို.၊ ဈာန်အရာတို.၊ ကံအရာတို.၊ ဒီအရာတွေဟာ ကြံစည်ရမယ်.အရာတွေမဟုတ်ဘူး၊ကြံစည်ရင်ရူးသွားမယ်၊

လောကကြီးကဘယ်လိုလုပ်တည်ဆောက်တာလဲ၊ မြင်းမိုရ်တောင်ကြီးအောက်မှာလည်း နတ်တွေနေကြတယ်။မြင်းမိုရ်တောင်ထိပ်မှာလည်း နတ်တွေနေကြတယ်။ ဟာ ဒီလိုကြီးမှာ နေကြတာ အောက်ဆီဂျင်တို. ဘာတို.ရပါ.မလား၊ ဒါကိုယ်နဲ.မဆိုင်ဘူး၊ ကိုယ်.ဥာဏ်လေးနဲ. သွားပြီးတော. စဉ်းစားလို.မရဘူး။ ရေတွင်းတူးတာတောင်မှာ တော်တော်လေးနက်သွားရင် အောက်ဆီဂျင်မရလို.ရင်မတူးနိုင်ဘူး၊ ဒါ ပကတိအသိနဲ.တော. ဟုတ်တာပေါ.။ ပကတိအသိထက် ပိုပြီးနက်ရှိုင်းတဲ. အသိတွေ အများကြီးရှိတယ် လောကမှာ။ လူသာမန် နတ်သာမန် ဗြဟ္မာသာမန်တွေ မသိနိုင်တဲ. လူနတ်ဗြဟ္မာ သတ္တ၀ါအားလုံး မသိနိုင်တဲ. လောကအကြောင်းကို အကုန်သိတော်မူလို. လောက၀ိဒူ။ ဘုရားအရာပဲ လောကအကြောင်းသိတာ။

စိတ်ဟာ အာရုံနဲ.မကင်းဘူး၊ အိပ်မောမကျခင် အာရုံတစ်ခုခုနဲ.သိနေတာပဲ။ ပကတိအာရုံတွေကို သိတဲ.အခါသိမယ်.။ ပကိတိအာရုံမဟုတ်ဘဲ အာရုံအထူးအဆန်းတွေကို သိတဲ.အခါလည်း သိမယ်။အသိခံရတာမှန်သမျှ အာရုံပဲ။ သိနေတာက စိတ်ပဲ။ သိတဲ.အခါမှာ အဲဒီအသိကို မှန်မှန်ကန်ကန်သိအောင် ဆုံးဖြတ်ပေးနိုင်တဲ. ပညာ၊ ပညာလို.ပြောလိုက်ရင် နောက်က ၄ ပါးအကုန်ပါတယ်။ ပညာဟာတစ်ခုတည်းမဖြစ်ဘူး၊ ပညာဆိုတာ သမ္မာဒိဋ္ဌိမဂ္ဂင်ပါပဲ၊ သမ္မာသင်္ကပ္ပတို.၊ သမ္မာဝါယမ၊ သမ္မာသတိ၊ သမ္မာသမာဓိတို. အဲဒီ မဂ္ဂင်ငါးပါးနဲ.မြင်လို.ရှိရင် ရိုးရိုးအာရုံဖြစ်စေ ထူးခြားတဲ.အာရုံပဲ ဖြစ်စေ မှန်မှန်ကန်ကန်သိတယ်။ ထို.အတူပဲ မိစ္ဆာမဂ္ဂင်ငါးပါး ၀င်သွားလို.ရှိရင်လည်း သိလာတဲ.အသိဟာ မှားတဲ.အသိဖြစ်နေတယ်။ အာရုံကတော. ဒီအာရုံ့ပါပဲ ပကတိအာရုံပဲဖြစ်စေ ထူးခြားတဲ.အာရုံ့ပဲ ဖြစ်စေ အာရုံကတော. ဒါပဲပဲ ဒါပေမယ်. အသိမှာကွာသွားတယ်။ မှန်မှန်ကန်ကန်သိတဲ.အသိရယ်၊ မှားယွင်းစွာသိတဲ.အသိရယ်၊
...................................

ရင်ထဲမှာ ရပ်ပြစ်ရှစ်ပါးလွတ်ဖို. မိစ္ဆာမဂ္ဂင်ရှစ်ပါးလွတ်ဖို.ကြိုးစားရမယ်၊ အပြင်မှာ ရပ်ပြစ်ရှစ်ပါးလွတ်လာပြီ။ ငရဲ တိရစ္ဆာန် ပြိတ္တာ လူမိစ္ဆာ အဂါင်္မပြည်.စုံ တောတွင်းဖြစ်ရ အရူပ အသညသတ်ဘုံ သာသနာပ လူဖြစ်ရ တရားမရပုံ၊ အပြစ်သင်.နေတဲ.အရပ်ရှစ်ပါး၊ ဒါ ဗဟိဒ္ဓရပ်ပြစ်ရှစ်ပါး၊

ဗုဒ္ဓသာသနာတော်ကြီးနဲ.လည်းတွေ.တယ်၊ သာသနာထွန်းကားတဲ.အရပ်မှာလည်းပဲ လူဖြစ်ရတယ်၊ မိဘတွေကလည်း ဗုဒ္ဓဘာသာ၊ ကိုယ်လည်းပဲ သမ္မာဒိဋ္ဌိ၊ သဒ္ဓါတရားလည်း အားကောင်းတယ်၊ သို.သော်လည်းပဲ ရင်ထဲမှာ ရပ်ပြစ်ရှစ်ပါးလွတ်ဦးမှ။ ဒါတင်စားပြောတာပါ ၊

ရင်ထဲက ရပ်ပြစ်ရှစ်ပါးဆိုတာ မိစ္ဆာဒိဋ္ဌိ၊ မိစ္ဆာသင်္ကပ္ပ၊ မိစ္ဆာဝါယမ၊ မိစ္ဆာသတိ၊ မိစ္ဆာသမာဓိဆိုတဲ. မိစ္ဆာမဂ္ဂင်ရှစ်ပါး၊ မိစ္ဆာဒိဋ္ဌိဆိုတာ အယူမှားတာ၊ အသိမှားတာ၊ စိတ်ဟာ အာရုံနဲ.မကင်းဘူးဆိုတော. အာရုံကို သိတဲ.နေရာမှာ အာရုံကို ဆုံးဖြတ်တဲ.နေရာမှာ ဆုံးဖြတ်မှားသွားတယ်။ဥပမာ အမျိုးသားကို မြင်တယ်၊ အမျိုးသမီးကို မြင်တယ် ပကတိမျက်စိအနေနဲ.။ ဘာမှအားမထုတ်တဲ.ပုဂ္ဂိုလ်တွေလည်းပဲ အမျိုးသား အမျိုးသမီး မြင်တယ်။ ၀ိပဿနာ ယောဂီတွေလည်း အမျိုးသား အမျိုးသမီးမြင်တယ်။ အာရုံကတော. ပညတ်အနေနဲ.ပြောရင် လူပါပဲ။ အာရုံကတော. အတူတူပါပဲ။ သို.သောလ်လည်းပဲ အသိခြင်းမတူနိုင်ဘူး။

ဝိပဿနာတရားမနာ ၊ ၀ိပဿနာတရားအားမထုတ်တဲ.ပုဂ္ဂိုလ်တွေကတော. လူကိုမြင်သော်လည်းပဲ လူလို.မမြင်ပါဘူး။ လူကိုလူလို.သိတာပဲ လူပဲ၊ ဒါပြောတော.သာ သိတယ်လို.ထင်တာပါ၊ လူကို လူလို.မမြင်ပါဘူး။ လူကိုဘာလို.မြင်လဲ၊ သူက သူဋ္ဌေးပဲ၊ သူက ဆင်းရဲသားပဲ၊ သူကတော. ကုလားပဲ ၊ သူကတော. တရုတ်ပဲ၊ သူကတော. အရာရှိပဲ ၊ သူကတော. ရုံးစောင်.ပဲ ၊ဒီလိုမြင်တယ်။ ကိုယ်.မျက်စိရှေ.မှာ လူသားစင်စစ်ဖြစ်ပါလျက်နဲ. လူကိုလူလို.မမြင်ဘူး။လူကို သူဋ္ဌေး၊ ဆင်းရဲသား။ အရာရှိ ငယ်သား ဒီလိုခွဲခြားပြီးတော. မြင်တယ်။ ဒါ ပပဉ္စအမြင်လို.ခေါ်ပါတယ်။ အာရုံကတော.လူပါပဲ ၊ တနည်းအားဖြင်. ပရမတ်နဲ.ပြောရင် အဆင်းပါပဲ။ သို.သော်လည်းပဲ သာသနာတွင်းတရား၊ ၀ိပဿနာတရားတွေလည်း မနာဘူး အားလည်းမထုတ်ဘူးဆိုရင် လူစင်စစ်ကြီးကိုယ်.ရှေ.မှာ မြင်နေပါလျက်သားနဲ. လူလို.မသိဘူး၊ အဆင်.အတန်းခွဲခြားပြီးတော. သိတယ်။ အဲဒါ တဏှာ မာန ဒိဋ္ဌိ ပပဉ္စအမြင်။

သူ.ထက်ပိုပြီး အဆင်.အတန်းမြင်.လာတဲ.အမြင်ကြတော. သူဌေး ဆင်းရဲသား အကုန်လုံးဟာ လူသားတွေပဲ၊ အဆင်.အတန်းမခွဲခြားတော.ဘူး၊ လူကိုလူလို.မြင်လာတယ်။ လူကိုလူလို.မြင်တယ်ဆိုတာ ပညတ်နယ်မှာပဲ ရှိပါသေးတယ်။ပရမတ်နယ်မရောက်သေးဘူး။ လူကိုလူလို.မြင်လာတော. သူလည်းလူသားပဲ ကိုယ်လည်းလူသားပဲ ကိုယ်ချင်းစာတရားလေးတွေရှိလာတယ်။ ကိုယ်ချင်းစာတရားအခြေခံတော. မေတ္တာ၊ ကရုဏာ၊ မုဒိတာ၊ ဥပေက္ခာဆိုတဲ. ဗြဟ္မစိုရ်တရားတွေဝင်လာတယ်။ ဗြဟ္မ၀ိဟာရ၊ ဗြဟ္မစိုရ်အမြင်လို.လည်း ပြောလို.ရပါတယ်။ အာရုံကတော. တစ်ခုတည်းပဲ။ မျက်စိကတော. ဒီမျက်စိပါပဲ။ သို.သော်ရင်ထဲက မိစ္ဆာရယ် သမ္မာရယ်ကွားသွားတာ။ သစ္စာတရားတွေ၊ ၀ိပဿနာတရားတွေ မနာ၊ အားမထုတ်ဘူးဆိုရင်တော. လူကိုလူလို.တောင်မမြင်ပါဘူး။ အဆင်.အတန်းခွဲမြင်တယ်။ အဆင်.အတန်းခွဲမြင်တော. ချစ်ခြင်း မုန်းခြင်း စသည်အားဖြင်. ဘက်လိုက်တာတွေ ပါလာတာပေါ.။ မျှမျှတတ မရှိတော.ဘူး။ လူကို လူလို.မြင်လာပြီဆိုရင် ဗြဟ္မစိုရ်အမြင်။ ကိုယ်ချင်းစာတရားမြင်လာတယ်။ မျှမျှတတနဲ. မေတ္တာထားချင်တယ်..အကျိုးတရားသယ်ပိုးချင်တယ်။ ဒုက္ခမှလွတ်စေချင်တယ် ဂရုဏာ၊ ချမ်းသာနေတဲ.ပုဂ္ဂိုလ်တွေကို ၀မ်းမြောက်ဝမ်းသာဖြစ်တယ် မပျက်စီးစေချင်ဘူး မုဒိတာ။ ကံကံရဲ. အကျိုးတရားပဲ၊ အကြောင်းတရား အကျိုးတရားတွေနဲ.ပဲ ဥပေက္ခာလည်း ပြုလို.ရတယ်။ သိမ်းပိုက်ချင်တဲ. ဆန္ဒမကြီးမားတော.ဘူး။ ဒါ ဗြဟ္မစိုရ်အမြင်။

သာသနာတွင်းကျတော. မျက်စိကရိုးရိုးမျက်စိမဟုတ်တော.ဘူး၊ ပညာမျက်စိဖြစ်လာတယ်။ ၃၂ ကောဋ္ဌာသ ဒီတိုင်းပါပဲ။ ဒါမဲ. ရင်ထဲက အသိမတူတော.ဘူး၊ မိစ္ဆာဒိဋ္ဌိမဟုတ်တော.ဘူး၊ သမ္မာဒိဋ္ဌိဖြစ်လာတယ်။ သူဋ္ဌေး သူကြွယ် ဆင်းရဲသား ဒီလိုလည်းမမြင်ဘူး။ သြော် လူပဲ အမျိုးသားပဲ အမျိုးသမီးပဲ ၊ လူကိုလူလို.လည်း မမြင်တော.ဘူး။ ဘယ်လိုမြင်လာလဲ။ ရုပ်တွေ နာမ်တွေပဲ၊ ခန္ဓာငါးပါး ရုပ်နာမ်နှစ်ပါးပဲ၊ တကယ်.အရှိပရမတ်ကို ရောက်သွားတယ်။ အဲဒါဟာ ပဋိစ္စသမုပ္ပါန် ပြတ်မယ်.အမြင်ပေါ.။ အို နာ သေ ဒုက္ခတွေမှ လွတ်မယ်.အမြင်။ လေ.ကျင်.ယူ၇မယ်။ ကောင်းတဲ. လမ်းစဉ်ကတော. လေ.ကျင်.ယူရမယ်။ အလကားသက်သက်တော.မရဘူး။ အပါယ်ရောက်မယ်.ကိစ္စက လေ.ကျင်.စရာမလိုဘူး။ အသာလေးလိုက်သွားရုံပဲ ရေစုန်ပဲ။

နိဗ္ဗာန်ကိုသွားမယ်.ကိစ္စက လေ.ကျင်.ယူရမယ်။ မချိမဆန်.လေ.ကျင်.ယူရမယ်။ ပကတိမျက်စိနဲ.မြင်လိုက်ရင်တော. ယောကျာင်္း မိန်းမပဲ ချစ်စရာ မုန်းစရာပဲ ဆင်းရဲ ချမ်းသာပဲ ဒါတွေတွေ.မှာပဲ။ လူသားတွေပဲဟေ. အချင်းချင်းမေတ္တာထားရမယ်။ ဒီလောက်နဲ. ရပ်မနေနဲ.ဦး လူသားတွေဆိုတာ ဗြဟ္မစိုရ်အမြင်ရှိသေးတယ်။ သံသရာမှ မလွတ်နိုင်သေးဘူး။ ယောကျာ်းမိန်းမလည်းမဟုတ်ဘူး။ လူသားလည်းမဟုတ်ဘူး။ဒါတွေက ပညတ်တွေပဲ။ တကယ်တော. ရုပ်တွေ နာမ်တွေပဲ။ ရုပ်တွေ နာမ်တွေဆိုရင် နောက်က လက္ခဏာလိုက်လာပြီ။ အနိစ္စလက္ခဏာ၊ ဒုက္ခလက္ခဏာ၊ အနတ္တလက္ခဏာ။ မမြဲတဲ.သဘောတွေပဲ ၊ ဆင်းရဲတဲ.သဘောတွေပဲ ၊ အစိုးမရတဲ. သဘောတွေပဲ။ ဘာမှ အနှစ်သာရမရှိဘူး။ သစ္စာအမြင်နဲ.ပြောလိုက်ရင် အကုန်လုံး ဒုက္ခသစ္စာပဲ။

အကြမ်းအားဖြင်.လည်း ဒုက္ခသစ္စာကို မြင်ရမယ်။ အလယ်အလတ်အားဖြင်.လည်း ဒုက္ခသစ္စာကိုမြင်အောင် နှလုံးသွင်း၇မယ်။ အနုစိတ်အားဖြင်.လည်း ၀ိပဿနာဥာဏ်နဲ. ဘာဝနာမယဥာဏ်နဲ. မြင်အောင်ကို ကြိုးစား၇မယ်။ သာသနာတွင်းမှာ လူဖြစ်ရကျိုးနပ်တယ်ဆိုတာ အဲဒါပဲ။

မြစိမ်းတောင်ဆရာတော်ဘုရား (စိတ်အကြောင်းတစေ.တစောင်း(၁) တရားတော်မှ .. )
Shared from Lwinoo Ko