မိမိမှာအကုသိုလ်ရှိနေတာသိလိုက်တာကိုကမြင့်မြတ်သူပါ

မူလပဏ်ဏာသပါဠိတော်၊မူလပရိယာယ၀ဂ်၊ အနင်္ဂဏသုတ်တော်မှာ အရှင်သာရိပုတ္တရာက ပုဂ္ဂိုလ်လေးမျိုးကိုဟောပြတော်မူပါတယ်။

၁။မိမိမှာ အကုသိုလ်အညစ်အကြေး ရှိနေပါလျှက်နဲ့ ရှိမှန်းမသိသူ။

၂။မိမိမှာ အကုသိုလ်အညစ်အကြေးရှိနေတာကို ရှိမှန်းသိသူ။

၃။မိမိမှာ အကုသိုလ်အညစ်အကြေးမရှိတာကို မရှိမှန်းမသိဘူး။

၎။မိမိမှာ အကုသိုလ်အညစ်အကြေး မရှိတာကို မရှိမှန်းသိသူ ဟု အားလုံးပုဂ္ဂိုလ်လေးမျိုးကိုဟောပြတော်မူခဲ့ပါတယ်။ ထို့နောက် အရှင်သာရိပုတ္တရာက မိမိမှာ အကုသိုလ်အညစ်အကြေး ရှိနေသူဖြစ်ပါလျှက် အညစ်အကြေးရှိနေပါလားလို့ သိသူ မသိသူနှစ်ဦးမှာ မသိသူကယုတ်ညံ့သူ၊ သိသူက မြင့်မြတ်သူဖြစ်တယ်လို့ဟောပြန်ပါတယ်။ ဒီစကားကို ကြားရတော့ အရှင်မောဂ္ဂလာန်က အရှင်သာရိပုတ္တရာကို ပြန်မေးပါတယ်။ အရှင်ဘုရား…ဘာကြောင့် ဒီလိုဆိုတာပါလဲဘုရား တဲ့။ ဒီတော့ အရှင်သာရိပုတ္တရာက-ငါ့ရှင် မောဂ္ဂလာန် ကိုယ့်ရင်ထဲမှာ အကုသိုလ်အညစ်အကြေးရှိနေပါလျှက် ရှိမှန်းမသိတဲ့သူဟာ ပယ်ဖို့အားထုတ်တော့မှာ မဟုတ်ပါဘူး။ အဲဒိလူဟာ ရာဂ ဒေါသ မောဟတန်းလန်းနဲ့သေဖို့ပဲရှိတော့တယ်။ ကိုယ့်ရင်ထဲမှာ အကုသိုလ်စိတ်ဖြစ်တာကို သိတဲ့သူကတော့ ပယ်ဖို့အားထုတ်တော့မှာပါ။ အဲဒီလူဟာ သန့်ရှင်းတဲ့ စိတ်နဲ့သေဖို့ပဲရှိတယ်။ အရှင်သာရိပုတ္တရာကတော့ ပုဂ္ဂိုလ်လေးမျိုးကို ဥပမာဥပမေယျများစွာဖြင့် အကျယ်ဟောပြထားတာပါ။

ဒီနေရာမှာတော့ ကိုယ့်ရင်ထဲမှာ အကုသိုလ်စိတ်ဖြစ်နေတာကို သိသူနဲ့ မသိသူအကြောင်းလေး ဆွေးနွေးကြည့်ရအောင်။ ကိုယ့်ရင်ထဲမှာ အကုသိုလ်စိတ်ဖြစ်နေတာကို မသိတဲ့သူက ယုတ်ညံ့ပြီး သိသူက မြတ်ပါတယ်လို့ဆိုထားပါတယ်။ လောကလူသားအားလုံး ပုထုဇဉ်အားလျော်စွာ အကုသိုလ်ကတော့ ရှိကြ ဖြစ်ကြမှာပါပဲ။ ဒါပေမယ့် ကိုယ်က ကိုယ်ရင်ထဲမှာ အကုသိုလ်ဖြစ်နေသလား မဖြစ်ဘူးလားဆိုတာလေးကို စဉ်းစားပြီး ကိုယ့်ရင်ထဲမှာအကုသိုလ်ဖြစ်နေတာကိုသိလိုက်တာကိုက ကိုယ်က မြင့်မြတ်တဲ့သူစာရင်းထဲမှာပါနေပါတယ်။ အဲဒီတော့ အကုသိုလ်ဖြစ်တာခြင်းအတူတူ ကိုယ့်ရင်ထဲမှာ အကုသိုလ်တွေဖြစ်နေပါလာဆိုတာလေးကိုသိဖို့ကအရေးကြီးပါတယ်။ တကယ်တမ်းတော့ သတိတစ်ချက်လေးကပ်လိုက်မိဖို့ပါပဲ။ သိအောင်လုပ်ဖို့လည်းကြိုးစားသင့်သည်မဟုတ်ပါလော့။ ပုထုဇဉ်လူသားပီပီ လောဘ ဒေါသ မောဟတရားတွေကို ဘယ်လိုလုပ်ပယ်သတ်နိုင်ဦးမလဲ။ ကိုယ်ကမပယ်သတ်နိုင်ရင်တောင် ကိုယ့်ရင်ထဲမှာ အကုသိုလ်တွေဖြစ်နေပါလားဆိုတာလေးကိုသိလိုက်ရရင်ကို မြင့်မြတ်တဲ့စာရင်းထဲဝင်နေပြီ။ အဲဒီတော့ မိမိက မနက်မိုးလင်းတာနဲ့ မိမိဆိုင်ရာအလုပ်ကိုသွားရမယ်၊ ပြီးရင်ပြန်လာရမယ်၊ နောက်ဆုံးအိပ်တော့မယ်ဆိုရင် မိမိကိုယ်ထဲမှာ တစ်နေ့တာရဲ့လုပ်ဆောင်မူ့လေးတွေကို ပြန်စဉ်းစားကြည့်လိုက်ပါ။တစ်နေ့ရဲ့အတိုင်းအတာဖို့- "ဥစ္စာကုသိုလ်၊ ပညာကို၊ ထိုထိုရရာလုပ်။ အချိန်ရှိခိုက်၊လုံ့လစိုက်၊ အချိန်တိုင်းမှာ တန်ဖိုးပါ၊ အချိန်ကိုဖြုန်း၊တန်ဖိုးဆုံး။"ဟုသတ်မှတ်ပင်သတ်မှတ်ငြားသော်လည်း နောက်ဆုံးဘာတစ်ခုမှမလုပ်ဖြစ်ဘူးဆိုရင်တောင် မိမိရဲ့ရင်ထဲမှာ ကုသိုလ်တွေဖြစ်နေသလား၊အကုသိုလ်တွေဖြစ်နေသလားဆိုတာလေးကိုစဉ်းစားမိမယ်ဆိုရင် မိမိက မြင့်မြတ်သူတစ်ယောက်ဖြစ်သွားပါပြီ။ ကိုယ်ကဘာမှမဟုတ်သေးသရွေ့တော့ အကုသိုလ်စိတ်တွေကတော့ ဖြစ်နေကြမှာပါပဲ။ ဘယ်တတ်နိုင်မလဲ ဒါပေမယ့် ဖြစ်နေတာကိုတော့ သိဖို့ပါပဲ။ တစ်ချို့ကျတော့ အကုသိုလ်စိတ်တွေတော့ ဖြစ်နေကြတယ် ဒါပေမယ့်ကိုယ့်ကိုကို ဖြစ်နေမှန်းလည်း မသိကြပါဘူး။ မိမိက အဲဒီအထဲမှာမပါသွားမိဖို့သိပ်အရေးအကြီးပါတယ်။ ကိုယ်က အကုသိုလ်ဖြစ်နေတာကိုသိနေတော့ ကိုယ့်ရင်ထဲမှာ အကုသိုလ်စိတ်တွေဖြစ်နေပါလားဆိုပြီး ကိုယ့်ကိုကိုမကြည်ညိုတော့ပါဘူး၊ တစ်ခါတစ်ရံ၌ ကိုယ့်မှာအကုသိုလ်တွေရှိနေတယ်ဆိုရင် ကိုယ့်ကိုကိုပါစက်ဆုပ်လာတတ်ပါတယ်။ စက်ဆုပ်ပြီဆိုတာနဲ့အမျှ မဖြစ်အောင်တားမြစ်ဖို့ကို အားထုတ်လာတော့တာပါပဲ။ မိမိကိုယ်ထဲမှာ အကုသိုလ်စိတ်တွေဖြစ်နေတာကို မသိသူကတော့ တားမြစ်ဖို့မပြောနဲ့ အကုသိုလ်လေးမှမလုပ်ရရင်တောင် စားမ၀င်အိပ်မပျော်ဖြစ်ကောင်းဖြစ်ပါလိမ့်မယ်။ ဒါလေးက ကိုယ့်ရင်ထဲမှာ အကုသိုလ်စိတ်လေးရှိနေတာကိုသိသူနှင့်မသိသူတို့ရဲ့ကွာခြားချက်ကလေးပါ။ နောက်ဆုံးမိမိက တစ်နေ့တာကုန်ဆုံးသွားလို့ မိမိအိပ်ယာပေါ်ရောက်တဲ့အချိန်မှာပင် ကိုယ်ကအကုသိုလ်တွေဖြစ်နေပါလားလို့သိလိုက်တယ်ဆိုရင်ကိုပဲ မိမိက မြင့်မြတ်သူတစ်ယောက်ဖြစ်သွားတော့တာပါပဲ။ အဲဒီတော့ တစ်နေ့တာမကုန်ဆုံးခင် မိမိကိုယ်ကိုမိမိ အခုမေးကြည့်လိုက်ပါလား…? ကိုယ့်ရင်ထဲမှာ ကုသိုလ်တွေဖြစ်နေသလား အကုသိုလ်တွေဖြစ်နေသလား ? …………………………………………………………………………………………………

အကုသိုလ်ဖြစ်တာသိလိုက်တာကိုက မြင့်မြတ်သူဆိုတော့ အကုသိုလ်မဖြစ်ဘဲ ကုသိုလ်တွေသာဖြစ်နေမယ်ဆိုရင်ဖြင့်…………..

လပြည့်ဝန်း(သာစည်)
စိတ်ချမ်းသာချင်ရင် ကုသိုလ်နှင့်နေပါ။
Posted by လပြည့်ဝန်း on August 6, 2011 at 7:51pm
အပြုံးပန်းဈေးခင်း