သူဟာ နောက်လမှာ မြန်မာနိုင်ငံကို အပြီးသွားတော့မယ့်အကြောင်း နဲ့ အဘိဓာန်ကိုလည်း အခုရက်ပိုင်းအတွင်း အပြီးသတ်နိုင်ဖို့ အရေးကြီးနေကြောင်းလည်း သိရပါတယ်။ သူ့ကိုကူညီနိုင်မယ်ဆို ကျွန်မကူညီတတ်အောင် သင်ပေးပါမယ်တဲ့။ စက္ကန့်နဲ့အမျှ တန်ဖိုးထားနေရတဲ့ သူ့အချိန်တွေ ကိုယ့်ရှင်းပြနေရတာနဲ့ ကုန်မှာပဲ။ အားလည်းနာတယ်။ သူသင်ပေးမယ်ဆိုလည်း ကြိုးစားကြည့်တာပေါ့။ အလကားမဖြစ်အောင်တော့ တစ်နေ့ ၃၊ ၄ နာရီလောက်အိပ်ပြီး ကျန်တဲ့အချိန် သူရေးတဲ့ အဘိဓာန်ကို ပေးလိုက်တယ်။
မြန်မာစာတတ်ခါစ ဘုန်းဘုန်းက မြန်မာဘာသာနဲ့ သူ့မိခင်ဘာသာ(ချက်ဇ်ဘာသာ)ကို ချိတ်ဆက်လိုက်တာ ကမ္ဘာမှာ ပထမဆုံးထင်ပါတယ်။ ကိုယ့်မြန်မာအတွက် ဂုဏ်ယူသလို ကိုယ့်ဘာသာ၊ကိုယ့်စကားကို မြတ်မြတ်နိုးနိုးလေ့လာနေတဲ့ ဘုန်းဘုန်းအတွက် တတ်နိုင်သလောက် ကူညီပေးချင်ခဲ့တာပါ။
စာအုပ်အတွက် အရေးကြီးနေတော့ စကားတွေလည်း သိပ်မပြောဖြစ်ခဲ့ဘူး။ ပြောလိုက်တဲ့ ခဏတိုင်းအတွက် ဗုဒ္ဓဘာသာနဲ့ မြန်မာအတွက် ဂုဏ်ယူစရာတွေ ၊ ကြည်ညိုဖွယ်ရာတွေ မမျှော်လင့်ဘဲ အများကြီးသိခဲ့ရတယ်။ခု အကြောင်းအရာကတော့ တစ်ခုပေါ့။
မြန်မာနိုင်ငံကို ဘာလို့ ရွေးချယ်တာလည်းဆိုတော့
ကမ္ဘာပေါ်က ဗုဒ္ဓဘာသာ နိုင်ငံတွေမှာ မြန်မာနိုင်ငံသာလျှင် သဒ္ဓမ္မ ကျန်ပါတော့တယ် မေမေ
(ကျွန်မကို မိခင်လိုသာ ဆက်ဆံပါတယ်။ အဲဒီအချိန် သူကိုယ်တိုင်လည်း ကိုရင်ဘဝပဲ ရှိပါသေးတယ်။ မိခင်နဲ့ သားသဖွယ် မြန်မာအသုံးအနှုန်းသုံးဖို့ အခွင့်အရေးပေးခွင့်ရတာကို ကျွန်မကိုယ်တိုင်လည်း ကျေနပ်ခဲ့ပါတယ်။ )
သားကိုရင်သာ မြန်မာဦးဇင်းတွေနဲ့ မတွေ့ခဲ့ရင် သီရိလင်္ကာမှာ တစ်သက်လုံး သီတင်းသုံးသွားဖို့ ဆုံးဖြတ်ခဲ့ပါတယ်။
မြန်မာနိုင်ငံမှာလည်း နိုင်ငံခြားသားမရှိတဲ့နေရာမှာ သီတင်းသုံးချင်ပါတယ် မေမေ။
အခြားနိုင်ငံသားတွေ မြန်မာမဟုတ်တဲ့ နေရာမှာ နှစ်ပေါင်းများစွာ အားထုတ်ပေမယ့်လည်း မာန်မကျတာကို တွေ့ရတယ်။
(တခြားနိုင်ငံမှာ အားထုတ်ခဲ့တဲ့ သူတွေကို လေ့လာပြီး ဖြစ်ပါတယ်။ သူနှိုင်းယှဉ်ပုံတွေ တော်တော်များများပြောခဲ့ပေမယ့် ဒီမှာတော့ ချန်လှပ်ထားပါတော့မယ်)
မြန်မာဦးဇင်းတွေရဲ့ မာန်နည်းခြင်းမျိုးကို သားကိုရင် သင်ယူချင်ပါတယ်။
မာန်မာန မရှိတဲ့ အရဟတ္တမဂ်ဖိုလ်ကို အောင်မြင်ဖို့ ဒီမာန်မာတွေ ချိုးနှိမ်ရပါမယ်။ ဒါကြောင့် မြန်မာနိုင်ငံမှာ မြန်မာဦးဇင်းတွေကြား သားကိုရင် တစ်သက်လုံး ကျင့်ကြံသွားချင်ပါတယ်။
ကျွန်မရင်ထဲ အတိုင်း မသိလောက်အောင် ဘာသာအတွက် နိုင်ငံအတွက် မြန်မာဦးဇင်းတွေအတွက် ဂုဏ်ယူတဲ့ စိတ်တွေ တဖွားဖွားပေါ်ခဲ့ပါတယ်။
ဟုတ်တယ် ပရိယတ်တွေအခိုင်အမာထိန်းတဲ့ တို့နိုင်ငံ၊
ဝိနည်းလေးစားတာချင်း ယှဉ်လည်း သာတဲ့ တို့နိုင်ငံ၊
နိုင်ငံတကားနဲ့ယှဉ်ကြည့်ပြီး မြန်မာဦးဇင်းတွေ မာန်နည်းခြင်းမျိုး သဘောကျခံရတဲ့ တို့နိုင်ငံ ၊ တို့နိုင်ငံ.........
ဗုဒ္ဓမြတ်စွာဘုရားရဲ့ သာသနာကို အခိုင်မာဆုံး လက်ဆင့်ကမ်းနိုင်တဲ့ မြန်မာက သံဃာတော်အရှင်သူမြတ်များရဲ့ ကျေးဇူးကိုလည်း တသသဖြစ်မိတယ်။
သီရိလင်္ကာမှာ သင်္ကန်းကို အဝါရောင်တွေဝတ်တယ်နော်။ အရှင်ဘုရားက ဘာလို့ နီညိုရောင်ဝတ်တာလည်းဘုရား။
သီရိလင်္ကာမှာ နှစ်ဂိုဏ်းရှိပါတယ်။ ထိုင်းကဆင်းသက်လာတာနဲ့ မြန်မာက ဆင်းသက်လာတာပါ။
သားကိုရင်က မြန်မာဂိုဏ်းကပါ။
(ကျေနပ်ပြန်ရော)
ဒီလိုနဲ့ မြန်မာကို ဇွန်လ ၁၉ ရက်နေ့မှာ ကြွသွားပါတယ်။ မကြွခင်လည်း သူရဟန်းဘောင်တက်တာ သူ့ဘဝမှာ အရေးကြီးဆုံး ဖြစ်ကြောင်း ရဟန်းဒကာမလုပ်မယ့် ကျွန်မတို့ သူငယ်ချင်း သုံးယောက်ကို တဖွဖွ ပြောခဲ့ပါတယ်။
သူ့အတွက် အရေးကြီးသလို ကျွန်မတို့အတွက်လည်း အရေးကြီးပါတယ်။ မိဘရင်ခွင်ကခွဲခွာလာပြီး ကိုယ့်ခြေထောက်ပေါ်ကိုယ်ရပ်တဲ့ အချိန်ကစလို့ ရဟန်းခံအလှူဆိုတဲ့ မြင့်မြတ်တဲ့အလှူပြုရတာ ဒါ ပထမဆုံးပါ။
၃၀ ရက်နေ့မှာ ယောဆရာတော်ဘုရားရဲ့ တပည့် ဦးပညာဝံသကို ဥပဇ္ဈာယ်ပြုပြီး မြင့်မြတ်သော ရဟန်းဘဝကို ရောက်ရှိခဲ့ပါတယ်။
ဘယ်လောက်တောင် ပျော်နေလည်းဆို ဆွမ်းဘုဉ်းပေးနေကျ အချိန်မှာ မဘုဉ်းချင်ဘူး မဆာဘူး နဲ့ ပီတိကိုစား အားဖြစ်နေသလား မပြောတတ်။
သေချာတာတော့ မြန်မာပြည်မှာ ရဟန်းဘောင်တက်ရတာ၊
မြန်မာပြည်မှာသီတင်းသုံးခွင့်ရတာ၊ မြန်မာဦးဇင်း ဖြစ်တာကို ကျေနပ်ကြီး ကျေနပ်နေမှာပါ....
နေ့ခင်းပိုင်း ဘုန်းဘုန်းကို ရွှေတိဂုံဘုရားပို့ခဲ့ပါတယ်။ အထက်ပစ္စယံမှာကိန်းဝပ်စံပယ်တဲ့ မြတ်စွာဘုရားကို ဖူးခွင့်ရမလားလို့ ဂေါပကရုံးကို သွားမေးပါတယ်။ နိုင်ငံခြားသားဖူးခွင့်မရှိဘူးလို့ ဂေါပကက ငြင်းပါတယ်။ ဒါလည်း ရွှေတိဂုံစေတီတော်ကြီးအတွက် လုံခြုံရေးပဲလေလို့ ကျွန်မကတော့ လွယ်လွယ်ကူကူ လက်ခံလိုက်ပါတယ်။
တာဝန်ရှိလူတွေ လုံခြုံရေးတွေ အဲဒီအနားဝိုင်းလို့ပေါ့။ ဦးဇင်း မြန်မာစကားတတ်မှန်း သတိထားမိပုံလည်း မပေါ်ပါဘူး။
သူတို့ပြောတဲ့ "နိုင်ငံခြားသား ကိုခွင့်မပြုဘူး" ဆိုတာက ဦးဇင်းရင်ထဲ ထိရှစေမလား.............
ဘုန်းဘုန်းကိုယ်တိုင် အဲဒီ့ဒကာကို သွားပြောလိုက်တယ်
" ဦးဇင်းက မြန်မာဦးဇင်းပါ....
မြန်မာလို ကိုရင်ဝတ်ခဲ့တာ ၅နှစ်ရှိပါပြီ။ ဒီနေ့ ရဟန်းခံခြင်းနဲ့ မြန်မာဦးဇင်းဖြစ်နေပါပြီ။
ဦးဇင်းကို မြန်မာဦးဇင်းလို့ မှတ်ပါနော်"
မြန်မာသိပ်ဖြစ်ချင်တဲ့ ဘုန်းဘုန်းအကြောင်းကို သိနေတဲ့ ကျွန်မရင်ထဲတော့ ထိရှခဲ့တာအမှန်ပါ။
Shared from သူနုနယ်၏ လဲနေသူထူပေးပါ
No comments:
Post a Comment