“ကိုသစ္စာသို့ပေးစာ”

ကိုသစ္စာရေ ဒီစာလေးကိုဖတ်ပြီး အထက်ကမိမိပြောခဲ့သာ အရာများကို ဟုတ်မဟုတ် မိမိကိုယ်တိုင် ဝေဖန်ဆန်းစစ်ကြည့်ပါအုံး။ မဟုတ်ဘူးဆိုရင်လည်းတိုက်ရိုက်ဖြေရှင်းနိုင်ပါတယ်။ မိမိမှာ လိပ်စာအတိကျပါပါတယ်။ “ငါ့ကို ဘယ်သူမှ မသိဘူး။ မမြင်ရဘူး။ ငါပြောချင်တာ ပြောလိုက်မယ်ဟဲ့ ဆိုတဲ့ စိတ်ထားက လူတယောက်ဟာ မိမိစိတ်ဓာတ် ဘယ်လောက်ထိ အောက်တန်းကျသွားသလဲဆိုတာ ဖော်ပြရာရောက်ပါတယ်”။ ကဲ ဆန်းစစ်ကြည့်ကြစို့…

(၁ ) ဒီလောက်ကြီးကျယ်ပြီး ခန်းနားထည်ဝါတဲ့ အလုပ်တွေကို မြန်မာဘုန်းတော်ကြီးများ လုပ်နိုင်စွမ်းမရှိပါ။>>>မြန်မာနိုင်ငံမှာ သီတဂူဆရာတော်ဦးစီးကျင်းပခဲ့သော ကမ္ဘာဗုဒ္ဓဘာသာထိပ်သီးညီလာခံကိုတကယ်မသိတာလား။ နိုင်ငံပေါင်းများစွာတတ်ရောက်ခဲ့တယ်ဆိုတာမသိလေလျော့သလား။

(အားလုံးသိပြီးသားကို အနီးစပ်ဆုံးညွန်းလိုက်တာပါ။)

(၂) ဟိုတရားမှားတယ် ဒီတရားမှာတယ်လို့ပြောတွေ ရပ်စဲလော့…..>>>ဘုရားရှင်ဟောကြားခဲ့သော တရားတော်တွေကို အတွင်းဖျတ်ခြစားထိုးသွင်းလာသောအတွက်ကြောင့်သာ သင်္ဂါယနာအကြိမ်ကြိမ်တင်ခဲ့တာ မသိလေလျော့သလား။

(၃) ဘုရားတရားတွေကို အမှားအမှန် ဆုံးဖြတ်ရအောင် ဆုံးဖြတ်သူကိုယ်တိုင် အရိယာလော့>>> အရှင်မဟာကဿပစတဲ့ ရဟန္တာမထေရ်မြတ်များ၊့ ထေရ၀ါဒသံဃာအဆက်ဆက်များထိန်းသိမ်းခဲ့ခြင်း၊ သဲပြင်ပေါ်မှာ ဗိုက်ဆာလွန်းလို့ ၀မ်းလျားမှောက်ပြီး ပိဋကတ်စာပေတွေကို နှုတ်ငုံဆောင်ခဲ့ခြင်း၊ ယခုလက်ရှိတည်တံ့အောင်ဖြန့်နေခြင်းဟာ အရိယာအစဉ်ဆက်မဟုတ်ဘူးလို့ ဘယ်ကျမ်းဂန်ကိုထောက်၍ပြောဆိုပါသလဲ။အရိယာစဉ်ဆက်သိချင်ရင် ပါရာဇိကဏ္ဍပါဠိအဋ္ဌကထာနိဒါန်း၊ သီလက္ခန်ပါဠိအဋ္ဌကထာနိဒါန်း၊ ဓမ္မသင်္ဂဏီပါဠိအဋ္ဌကထာနိဒါန်းများမှာကြည့်ရှုနိုင်ပါတယ်။ယခု စာရေးသူ ကိုသစ္စာပဲ ထေရ၀ါဒစာပေမနှံ့စပ်လို့လား။

(၄) ဝိပဿနာနဲပါတ်သတ်ရင်လဲ ဦးဂိုအင်ပဲသိတယ်။>>>၀ိပဿနာနဲ့ပတ်သတ်လျင် မိုးကုတ်ဆရာတော်၊ လယ်တီဆရာတော်၊ ရွေဥမင်ဆရာတော်၊ မဟာစည်ဆရာတော်၊ ပဏ္ဍိတာရာမဆရာတော်၊ ချမ်းမြေ့ဆရာတော်တို့ကို ကမ္ဘာကမသိဘူးလို့ ဘယ်သူပြောပါသလဲ။ အထက်ဆရာတော်ကြီးများကို သိလျက် မသိကျိုးနွံပြုတာများလား။

(၅) မြန်မာဘုန်းကြီး ပညာရေးတွေ ညံ့ဖျင်းလွန်းတဲ့အတွက် ငွေတက်နိုင်သော ရဟန်းအချို့သည် သီရီလင်္ကာ။ အိန္ဒိယ၊ ထိုင်းနိုင်ငံတွေမှာသွားပြီး တပည့်ခံနေရပါသည်။>>>အောက်စဖို့စ်ဆရာတော် ဒေါက်တာဓမ္မသာမိဟာ မိမိတို့ဒေါက်တာအတွက် သီရိလင်္ကာမှာ အကဲဖြတ်အကြီးကဲ၊ အခြားသောနိုင်ငံခြားသားတွေဒေါက်တာဖြစ်ဖို့ သူအကြံညာဏ်ယူရခြင်း၊ အောက်စဖို့စ်မှာ ဆရာကြီးတပါးဆိုတာ မသိတာလား။(အများသိသောဆရာတော်ကိုသာညွှန်ပြခြင်းဖြစ်ပါသည်။)

(၆) ဘုရားက ငါ့ဝါဒကို ဆန့်ကျင်ရင် ထောင်ချ သတ်ဖြတ်စေလို့ မဟောကြားပေ။ မြတ်စွာဘုရားအဆူဆူတို့သည် တကယ် ဂရုဏာရှင်ဖြစ်တော်မူ၏။>>>ဘုရားရှင်မဟောကြားသည်ကားမှန်ပါ၏။သို့သော်ထေရ၀ါဒအဆက်ဆက် ဆရာ၊ ဒကာလက်တွဲညီညာစွာ မင်းအာဏာစက်၊ ရဟန်းတို့ရဲဓမ္မစက်နဲ့မိစ္ဆာရန်သူကိုကာကွယ်ခဲ့တာမသိလေလျော့သလား။ အများသိတဲ့ကျေးကုလားပေါင်းများစွာကိုတိုက်ခိုက်ခဲ့တဲ့ဒုဋ္ဌဂါမဏိမင်း၊ အသောကမင်း၊ အဇာတသက်မင်း စတဲ့မင်းတွေအကြောင်းကိုမသိလို့များလား။ ထို့နောက် သီလမစင်ကြယ်သော ရဟန်းတပါးဟာ သံဃာ့ပရိတ်သတ်တွင်းဝင်နေသည့်အတွက်ကြောင့် ဘုရားရှင်သြဒါပါတိမောက်မပြခဲ့လို့ အရှင်မောဂ္ဂလာန်ကိုယ်တော်တိုင် သံဃာ့ပရိတ်သတ်မှ ဆွဲထုတ်ခဲ့တာမသိလေလျော့သလား။

(၇) တကယ်လို့ အယူလွဲချော်နေတဲ့ ရဟန်းကို အယူမှန်အောင် ဟောနိုင်စွမ်းမရှိပါက သာသနာပြုသူ၏ ညံဖျင်းမှုသာဖြစ်ပေသည်။>>>အရှင်ဒေ၀ဒတ်အယူလွဲတာ ဘုရားရှင်ညံ့ဖျင်းလို့လား။ အရှင်မေဃိယအယူလွဲတာ ဘုရားရှင်ညံ့ဖျင်းလို့လား။

(၈) မြန်မာဘုန်းကြီးတွေကို ကမ္ဘာက တကယ်ကိုမသိတာပါ။ သိအောင်လဲ ဘယ်သူမှမကြိုးစားကြဘူးဆိုတာပဲ။>>>မသိဘူးလို့ ဘယ်အရာကိုထောက်၍ပြောပါလဲ။ မြန်မာဝိပဿနာစာအုပ်ပေါင်းများစွာကုို နိုင်ငံခြားပညာရှင်တွေက အင်္ဂလိပ်လို ဘာသာပြန်ခဲ့တဲ့စာအုပ်တွေကိုမဖတ်ဖူးလို့လား။ လယ်တီဆရာတော်၊ နိုင်ငံခြားသားတွေတောင်အားကျခဲ့သောမဟာဂန္ဓာရုံဆရာတော်၊ ဂင်းနစ်မှတ်တမ်းမှာစိုက်ထူခဲ့သော မင်းကွန်းဆရာတော်၊ အရှင်သေဋ္ဌိလ၊ သီတဂူဆရာတော်၊ အောက်စဖိုစ့်ဆရာတော် ဒေါက်တာအရှင်ဓမ္မသာမိ တို့အကြောင်းကိုကော ကြားဖူးပါရဲ့လား။

(၉) လူတစ်ယောက် အယူမှားနေတယ်ဆိုတာ ။ အယူမှားနေတဲ့သူများ မှာ အပြစ်မရှိဘူး။ ဘာကြောင့်လည်းဆိုတော့ လူဆိုတာ အမြဲတမ်းမှားနေသောကြောင့်ဖြစ်ပါတယ်။>>>ဘုရားရှင်တောင် ချွတ်မရတဲ့ ပူရဏကဿစတဲ့တိတ္ထိဆရာကြီးတွေရှိခဲ့ဖူးတယ်။ ဒါကိုမသိလိုလား။ ထေရ၀ါဒကိုပဲ သတ်သတ်အပုတ်ချချင်လို့လား။ သို့တည်းမဟုတ် ထေရ၀ါဒစာပေပဲမနှံ့စပ်လေလျော့သလား။

ကိုသစ္စာရေ ကမ္ဘာမှာ ဘယ်နိုင်ငံတွေများရောက်ဖူးပါသလဲ။ ဥရောပ၊ အာရှတွေပေါ့။ ယခုခေတ်... ချမ်းမြေ့ဆရာတော်၊ ရွေတောင်ကုန်း ပဏ္ဍိတာရာမဆရာတော်.၊အမေရိကန်ကဒေါက်တာသီလာနန္ဒာဘိဝံသ(ပျံလွန်တော်မူ)၊ သီတဂူဆရာတော်ကြီးအရှင်ဥာဏိဿရ၊ အောက်စဖို့စ်ဆရာတော် ဒေါက်တာအရှင်ဓမ္မသာမိ၊ အမေရိကန်ဆရာတော် ဒေါက်တာဓမ္မပီယ စတဲ့သူတွေကို ကမ္ဘာကမသိဘူးထင်နေလား။ ကမ္ဘာမှာမြန်မာဆရာတော်တွေ သာသနာမဖြန့်နိုင်ဘူးလို့ဘယ်သူပြောလဲ။ ဒီသီရိလင်္ကာကော လာကြည့်အုံးမလား။ မဟာယနဘုန်းတော်ကြီး ဒလိုင်းလားမားသာ သနာပြုနိုင်တယ်လို့ဆိုချင်တာလား။ သူတရားတွေ ဘာတွေများနာဖူးပါသလဲ။ ငါးပါသီလနဲ့ လူကျင့်ဝတ်ပဲဟောသွားတာ မသိဘူးမို့လား။ ၀ိပဿနာဆိုတာ မြန်မာကအခြေခံလူတန်းစားလောက်သိတာ ဟောပြောခဲ့တာမသိလေလျော့သလား။(ဒလိုင်းလားမားကိုပုတ်ခတ်ခြင်းမဟုတ်ပါ။ အဖြစ်မှန်တခုကို သိစေလိုခြင်းသာဖြစ်ပါသည်။)ကမ္ဘာသိခြင်းမသိခြင်းထက် ထေရ၀ါဒအစစ်မှန်ကိုဟောပြောခြင်းဟာ အဓိကဆိုတာမသိလေလျော့သလား။ အရေတွက်က အဓိကမကျပဲ အရည်းချင်းကအဓိကကျတယ်ဆိုတာနားမလည်လို့လား။ သို့တည်းမဟုတ် တန်ဖိုးရှိသော ကျောက်သံပတ္တမြားဟာ ရှားပါးတယ်ဆိုတာ မသိလို့လား။ ကိုသစ္စာရေ သူများပြောတာနဲ့လမ်းမဆုံးပါစေပါနဲ့။ ကိုယ်တိုင်ထွက်ကြည့်ပါ။ ကမ္ဘာမှာမြန်မာဟေ့ဆိုတာ မြင်လာပါလိမ့်မယ်။ သူတပါးပုတ်ခတ်ဝေဖန်နေမဲ့အစား ငါကိုယ်တိုင်ကော (လူဆိုလျင်)ငါးပါးသီလတောင်လုံအောင်စောင့်ထိန်းရဲ့လား။ မိမိမိသားစုအတွက်၊ ပတ်ဝန်းကျင်ကောင်းကျိုးအတွက် ငါဘာတွေလုပ်ပီးပီလဲ။ ဘာတွေလုပ်နေသလဲ။ ဝေဖန်ပါ။ ဆန်းစစ်ပါ။ သုံးသပ်ပါ။ တနေ့တာရဲ့ကုန်ဆုံးသွားတဲ့အချိန်မှာ ငါဒီနေ့ ကုသိုလ်၊ အကုသိုလ်မှာ ကုသိုလ်တွေဘယ်လောက်ယူသွားလဲ။ အကုသိုလ်တွေဘယ်လောက်သယ်သွားလဲဆိုတာပြန်လည်သုံးသပ်သင့်ပါတယ်။ လူလောကရောက်လာတဲ့တခဏတာလေးမှာ အချို့က ရတနာတွေသယ်သွားလို့၊ အချို့က အမှိုက်တွေသယ်သွားလုိ့ပြန်ထွက်သွားကြတယ်။ ငါကော တခဏတာရလာတဲ့လူဘ၀မှာ ဘာတွေသယ်သွားမလဲ။ အမှိုက်တွေပဲ သယ်သွားမလားဆိုတာ စဉ်းစားသုံးသပ်စေချင်ပါတယ်။ ကိုသစ္စာရေ “ပညာမဲ့တွေက လုပ်ပီးမှ စဉ်းစားတယ်။ ပညာရှိတွေကတော့ မလုပ်ခင်စဉ်းစားပြီးမှပြောတယ်”တဲ့။ ဒါကြောင့် ကိုသစ္စာရေ ငါဟာ ပညာမဲ့လူတန်းစားလား၊ ဘယ်လိုလူတန်းစားလဲဆိုတာ မိမိကိုယ်ကို ပြန်လည်သုံးသပ်ပြီး ယခုမိမိရဲ့ကိုသစ္စာသို့ ပေးစာပိုစ့်ကိုဒီနေရာမှာပဲ အဆုံးသတ်လိုက်ပါတယ်။


(“ဌေး”သာမဏေကျော်ဆရာတော်-ခေတ္တ ကိုလံဘို)။

Shared from ဋ္ဌေး သာမဏေကျော်ဆရာတော်