လှေနံဓားထစ် ဖားခြေထောက် လော့ဂျစ်
ကျွန်တော်တို့ ခေါင်းထဲမှာ အမှတ်သညာတွေ ရှိသည်။ ကျွန်တော်တို့ဘာသာ ဒါအမှန်ပဲ ဟု စွဲမှတ်ထားသောအရာများ။
စဉ်းစဉ်းစားစား မှတ်ထားတာတွေ ရှိသည်။ မစဉ်းမစား မတော်တဆ မှတ်လိုက်မိတာတွေ ရှိသည်။ ဘယ်လိုမှတ်ခဲ့သည်ဖြစ်စေ နောင်တွေ့မိကြုံမိလာသမျှ အခြင်းအရာ အကြောင်းကိတ်စတွေကိုကား သည်အမှတ်သညာတွေဖြင့် ချိန်ထိုးကာပင် အကောင်းအဆိုးဝေဖန်သည်။ အမှန်အမှား ခွဲခြားသည်။ ပြီး …အဲသည့်ဝေဖန်ပိုင်းခြားမှုတွေဖြင့် ကျွန်တော်တို့ ဆုံးဖြတ်လုပ်ကိုင်ကြသည်။
သည်တော့ …
ကျွန်တော်တို့ ဆုံးဖြတ်လုပ်ကိုင်မှုတွေ သင့်မသင့် မှန်မမှန်သည် ကျွန်တော်တို့ခေါင်းထဲက အမှတ်သညာတွေ တကယ်တမ်း ဘယ်လောက် သင့်တော်မှန်ကန်မှုရှိသလဲဆိုသည့် အချက်ပေါ်တွင် မူတည်ကြောင်း ထင်ရှားသည်။
ကျွန်တော်တို့ ခေါင်းထဲကို အမှတ်သညာတွေ ဘယ်သို့ ရောက်ရှိကြသလဲ။
ဒဗလျူကလီမင့်စတုန်း (W. Clement Stone) ဆိုသော ပုတ်ဂိုကြီးကတော့ ဖားခြေထောက် နှင့် စပ်လျဉ်းသည့် သူ့အတွေ့အကြုံကို နမူနာပြကာ ကျွန်တော်တို့ခေါင်းထဲ အမှတ်သညာ အလွဲတွေ ၀င်သွားတတ်ပုံကို သတိထားစရာ ယခုလို တင်ပြသည်။
-------------------------------------------------------------------------
ကျွန်တော် ငယ်စဉ်တုန်းက ဖားခြေထောက် အလွန်ကြိုက်သည်။ တစ်နေ့ စားသောက်ဆိုင်တစ်ခုမှာ ဖားခြေထောက် အကြီးစားကြီးတွေ စားရတော့ ကျွန်တော်လုံးဝ အရသာမတွေ့။ အဲသည်မှာ ကျွန်တော် မှတ်ထားလိုက်သည်။ ဖားခြေထောက်တွေသည် သိပ်ကြီးလွန်းလျှင် အရသာမရှိ၊ ကျွန်တော်မကြိုက် ဟူရွေ့။
နောက်နှစ်ပေါင်း အတန်ကြာပြီးသည့်နောက် ကင်တပ်ကီပြည်နယ် လူးဝစ်စဗီးလ်မြို့၌ အစားအသောက်ကောင်းသည့် ဆိုင်တစ်ဆိုင် ကျွန်တော်ရောက်သည်။
အစားအသောက်စာရင်းတွင် ဖားခြေထောက် ကိုတွေ့တော့ စားပွဲထိုးအား ကျွန်တော်မေးသည်။
ဖားခြေထောက် သေးသေးတွေနော်
ဟုတ်ကဲ့ဆရာ
သေချာရဲ့လား၊ ကျွန်တော်က အကြီးကြီးတွေ မကြိုက်ဘူးဗျ
ဟုတ်ကဲ့ဆရာ
အသေးဆိုရင်တော့ စားမယ်ဗျာ
ဟုတ်ကဲ့ဆရာ
သည်လိုပြောသွားပြီး ဟင်းပွဲယူလာသည့်အခါ ဖားခြေထောက်တွေက အကြီးစားတွေဖြစ်နေတာ တွေ့ရသည်။
ဒါအသေးလားဗျ.. ကျွန်တော် စိတ်တိုသွားပြီး ပြောသည်။
ကျွန်တော်တို့ဆီမှာရှိတဲ့ အထဲက အသေးဆုံးတွေ ရွေးထားတာပါဆရာ.. စားပွဲထိုးက တောင်းပန်သည်။
မကျေမနပ်နှင့်ပင် ကျွန်တော်စားတော့ ဖားခြေထောက်တွေက အတော့်ကို အရသာရှိနေတာ သွားတွေ့ရသည်။ သည့်ထက်ကြီးရင် ပိုကောင်းမှာဟုပင် စားနေရင်း ကျွန်တော် တွေးမိလာသည်။
အဲသည်မှာ သင်ခန်းစာတစ်ခု ကျွန်တော်ရသည်။ သည့် ကျွန်တော့် အမှတ်သညာ ပြုချက်တွေသည် မပြည့်စုံသော အချက်အလက်နှင့် လိပ်ပတ်မလည်သော အတွေ့အကြုံတို့ပေါ်တွင် အခြေခံသည့် လွဲမှားသော သုံးသပ်ချက်ကြောင့်ဖြစ်ကြောင်း ကျွန်တော်သဘောပေါက်သွားသည်။
ပထမအကြိမ် ကျွန်တော်စားခဲ့ရသည့် ဖားခြေထောက်ကြီးတွေသည် မလတ်သောကြောင့်သာ အရသာမရှိခြင်း ဖြစ်သည်။ ကျွန်တော်က ဒါကို မသိသဖြင့် ဖား၏ အရသာကို လတ်ဆတ်ခြင်း မလတ်ဆတ်ခြင်းနှင့် ယှဉ်တွဲမစဉ်းစားမိဘဲ အဲသည်တုန်းက ခြေထောက်တွေ အရွယ်အစားကြီးသည်ဆိုတာကိုပဲ စွဲကာ တလွဲမှတ်သားခဲ့မိခြင်း ဖြစ်ချေသည်။ ဟူရွေ့။ ။
-------------------------------------------------------------------
ကျွန်တော်တို့ ခေါင်းထဲမှာရော အဲသည်လို တလွဲအစွဲတွေ မည်မျှရှိပါမည်နည်း။ ။ ။
(မူရင်း … ဖေမြင့်ရဲ့ စာဖတ်သမား၏ မှတ်စုများ … စာအုပ်မှ ကူးယူဖော်ပြပါတယ်။)
No comments:
Post a Comment