ကျွန်တော်ဟာ ပုံမှန်အားဖြင့်တော့ အပေါင်းအသင်းတွေနဲ့ ဟေးလားဝါးလားနဲ့
ပျော်ပါးရတာထက် တစ်ယောက်တည်းနေပြီး စာအုပ်တစ်အုပ်နဲ့ ငြိမ့်နေရတာကို
အာသာတွေ့နေတတ်တဲ့သူပါ ။ ဒါပေမယ့် FaceBook ဆိုတဲ့ လူမှု့ကွန်ယက်ကြီး
စတင်ထိတွေ့လိုက်ကတည်းက အလုပ်အားတာနဲ့ FaceBook ကနေမခွာနိုင်အောင်
ဖြစ်နေရတာနဲ့ စာအုပ်ကို အရင်ကလို စွဲစွဲလန်းလန်း မဖတ်ဖြစ်တော့တာကြာပါပြီ ။ဒါနဲ့မနေ့က
ဘုန်းကြီးကျောင်းကိုသွားရင်းနဲ့ လမ်းမှာဖတ်ရအောင် “ သူရဇ္ဇ ” မဂ္ဂဇင်း
ဝယ်ဖြစ်ခဲ့ပါတယ် ။ အဲဒီထဲက စာရေးဆရာစုံ ရေးတဲ့ဆောင်းပါးလေးတွေဖတ်ရင်းနဲ
့ “ ဆရာ
ဦးဥာဏ်ဝင်းထက် ( စာပေဗိမာန် ) ရဲ့ ( ၉ နှစ်သားအရွယ် ကလေးငယ်တစ်ဦးက ပေးခဲ့တဲ့
သင်ခန်းစာ ) ” ဆိုတဲ့ဆောင်းပါးလေးကို ဖတ်ပြီး အတုယူစရာ တွေးစရာလေးတွေ
တော်တော်ရလိုက်တဲ့အတွက် Face Book မှသိကျွမ်းတဲ့ စာဖတ်ဝါသနာပါသူ
သူငယ်ချင်းတွေကိုလည်း မျှဝေခံစားချင်တာနဲ့ လက်ညောင်းခံပြီး ရေးတင်လိုက်ပါတယ် ။
ကျုပ် အဘဆရာ အတ္တကျော် ပြောသလို စာဖတ်သူ ကျွန်တော်ရေးတဲ့စာကိုဖတ်ရင်း
အတွေးပွားဖြစ်ရင်ဖြင့် ရေးရသူ ကျွန်တော်ပျော်ပြီ ဆိုသလို စာဖတ်သူ
သူငယ်ချင်းတွေလည်း ဒီစာကိုဖတ်ပြီး အတွေးလေးရရင်ဖြင့် ကျွန်တော်
လက်ညောင်းခံရကျိုးနပ်ပါပြီဗျာ …. ။
ဒီဆောင်းပါးလေး ဖြစ်ပေါ်လာပုံကတော့ ဂျပန်နိုင်ငံ ဖူကူရှီးမား မြို့မှာ ရဲအဖြစ်
ဝင်ရောက်လုပ်ကိုနေတဲ့ ဟာမင်းသန်း ဆိုတဲ့ ဗီယက်နမ် လူမျိုး က ဗီယက်နမ်
နိုင်ငံမှာ ရှိနေတဲ့ သူ့သူငယ်ချင်းဆီ ရေးခဲ့တဲ့စာလေးက စခဲ့တာပါ ။ ကဲ
….ဒီဆောင်းပါးထဲမှာ ပါတဲ့အတိုင်း ဤ သည် မရွေး ရေးလိုက်ပါ့မယ် ။
ယင်းသည် ဂျပန်လူမျိုးတို့၏ စိတ်ဓါတ်အင်မား ကြံ့ခိုင်မှု့ ပြယုဂ် သာဓဂ
တစ်ခုဖြစ်ပြီး ဖူကူရှီးမား နူကလီးယား ဓါတ်အားပေးစက်ရုံရှိ ဂျပန်နိုင်ငံ၏
ဘေးဒုက္ခ ကြုံရာ ဗဟိုချက် အနီးမှ စိတ်ဝင်စားဖွယ်ရာ ဖြစ်ရပ်မှန်
ဘဝသရုပ်ဖေါ်ပြကွတ်တစ်ခုလည်းဖြစ်သည် ။ ၄င်းကို နယူးအမေရိက မီဒီယာမှ အင်ဒရူးလမ်းက
ဘာသာပြန်၍ ရှန်ဟိုင်းနေ့စဉ် သတင်းစားတွင် ဖေါ်ပြခဲ့သည် ။
အစ်ကို -
အစ်ကိုနဲ့မိသားစု နေကောင်းရဲ့လား ။ ဒီမှာတော့
ပြီးခဲ့တဲ့ရက်ပိုင်းမှာ ဖရိုဖရဲနဲ့ ကစဥ့်ကလျားဖြစ်ကုန်ပါတယ် ။
ကျွန်တော်မျက်လုံးမှိတ်လိုက်တဲ့ အခါ လူသေအလောင်းတွေ မြင်နေရတယ်
ဖွင့်လိုက်ရင်လည်း လူသေတွေပဲမြင်နေရတယ် ။ ကျွန်တော်တို့အားလုံး တစ်နေ့ကို နာရီ
( ၂၀ ) အလုပ်လုပ်ရပါမယ် ။ ဒါပေမယ့် တစ်နေ့ကို ( ၄၈ ) နာရီလောက်ရှိစေချင်မိတယ် ။
ဒီတော့မှ လူတွေကို ကူညီကယ်ဆယ်တာဆက်လုပ်နိုင်မယ် ။ ကျွန်တော်တို့မှာ
ရေရောလျှပ်စစ်မီးပါ မရှိတော့ပါဘူး စားနပ်ရိက္ခာခွဲတမ်းလည်း
ကုန်သလောက်ဖြစ်နေပါပြီ ။ ကျွန်တော်တို့ဟာ ဒုက္ခသည်တွေကို
အခြားတစ်နေရာပို့ပေးဖို့ အမိန့်သစ်မလာခင်မှာ ပြောင်းတယ်ရွှေ့တယ် ဆိုရုံလေး
လုပ်ပေးနိုင်ပါတယ် ။ ခုလောလောဆယ် ကျွန်တော် ဖူကူရှီးမား မှာပါ ။ နူကလီးယား
စက်ရုံနဲ့ ( ၂၅ ) ကီလိုမီတာ အကွာမှာပေါ့ ။ ကျွန်တော် အစ်ကို့ကို ရင်ထဲရှိသမျှ
ရေးချလို့ရရင် ရေးချင် ပြောချင်တာတွေ အများကြီးပါ ။ ဘေးဒုက္ခကြုံတွေ့ချိန်မှာ
လူသားတွေရဲ့ တစ်ဦးနဲ့ တစ်ဦး အပေါ် ဆက်ဆံရေးနဲ့ အပြုအမူ
တွေအကြောင်းဝတ္ထုရှည်တစ်ပုဒ် အဖြစ် ကောင်းကောင်းကြီးရေးနိုင်လောက်ပါတယ် ။
ဒီကလူတွေဟာ တည်တည်ငြိမ်ငြိမ်ရှိကြပါတယ် ။ သူတို့ရဲ့ ဂုဏ်သိက္ခာနဲ့
အပြုအမူအပေါ်ထိန်းသိမ်းနိုင်တဲ့ အသိစိတ်ဟာ အံ့သြ လောက်ပါတယ် ။ ဒါကြောင့်
အခြေအနေရပ်ရပ်ဟာ ထင်သလောက်ဆိုးဝါးမသွားတာပါ ဒါပေမယ့် နောက်တစ်ပါတ်ဆိုရင်တော့
သင့်တော်တဲ့ ကာကွယ်စောင့်ရှောက်မှု့နဲ့
စည်းစနစ်တကျရှိမှု့ကိုဆက်လက်ဆောင်ရွက်မပေးနိုင်တော့တဲ့
အခြေအနေထိရောက်မလာဘူးလို့တော့ အာမမခံနိုင်ပါဘူး ။
ဘယ်လိုပဲဖြစ်ဖြစ် သူတို့လည်းလူသားတွေပဲလေ အစာရေစာငတ်မွတ်မှု့က ဂုဏ်သိက္ခာကို
လွှမ်းမိုးသွား ( ဂုဏ်သိက္ခာထက် ပိုအားကောင်းသွား ) တဲ့အခါမှာတော့ လုပ်စရာရှိတာ
လုပ်ကြပါလိမ့်မယ် ။ အစိုးရက အစားအစာနဲ့ ဆေးဝါးတွေကို သယ်ယူပြီး
ထောက်ပံ့မှု့တွေကို လေကြောင်းကနေ ပေးဖို့ ကြိုးစားနေပါတယ် ။ ဒါပေမယ့်
ပင်လယ်သမုဒ္ဒရာထဲကို ဆားတစ်ဆုပ်ကြဲသလို သိပ်မထိရောက်ဘူး ဖြစ်နေတယ် ။
ဒါနဲ့ အစ်ကိုရေ ကျွန်တော့ရင်ကို တကယ်လှုပ်ခတ်သွားစေတဲ့ ဖြစ်ရပါတစ်ခုရှိတယ်
ဒီဖြစ်ရပ်မှာ ဂျပန်ကလေးတစ်ယောက်က ကျွန်တော့လို အရွယ်ရောက်နေတဲ့
လူကြီးတစ်ယောက်ကို လူသားတစ်ယောက် အနေနဲ့ ဘယ်လိုပြုမူသင့်တယ် ( ဘာလုပ်သင့်တယ် )
ဆိုတဲ့ သင်ခန်းစာကိုပေးသွားပါတယ် ။ မနေ့ညက ကျွန်တော် မူလတန်းကျောင်းတစ်ခုမှာ
တာဝန်ကျတယ် ဒုက္ခသည်တွေကို စားစရာဝေတဲ့ စေတနာရှင် အဖွဲ့တစ်ခုကို ကူညီပေးဖို့ပါ ။
စားစရာဝေတာကိုယူဖို့ စောင့်နေတဲ့ လူတန်းရှည်ကြီးဟာ မြွေလိမ် မြွေကောတ်
လမ်းတစ်ခုလို အရှည်ကြီးပါပဲ အဲဒီမှာ ( ၉ ) နှစ်လောက်ရှိမယ့်
ကောင်လေးတစ်ယောက်ကို ကျွန်တော်တွေ့တယ် ။ ချာတိတ်လေးက တီရှပ်နဲ့ ဘောင်းဘီကို
ဝတ်ထားတယ် ။
ရာသီဥတုက သိပ်ကို အေးနေပြီး ကောင်လေးကို လူတန်းကြီးရဲ့နောက်ဆုံးဆိုမှ
တကယ့်နောက်ဆုံးမှာ . သူ့အလှည့်ရောက်တော့ စားစရာကျန်ပါ့မလားဆိုပြီး ကျွန်တော်
စိုးရိမ်သွားမိတယ် ဒါနဲ့ ကျွန်တော် စကားသွားပြောကြည့်တော့ ငလျင်လှုပ်တဲ့
အချိန်မှာ သူကကျောင်းမှာ သူ့အဖေက ကျောင်းအနီးမှာ အလုပ်လုပ်တော့
ကျောင်းကိုကားနဲ့ လာနေတုန်း ဆူနာမီလှိုင်းလုံးကြီးက တိုက်ချသွားတာကို သူက
ကျောင်းရဲ့ တတိယထပ် လသာဆောင်ကနေ လှမ်းမြင်လိုက်သတဲ့ ။ ကျွန်တော် သူ့အမေ
အကြောင်းမေးကြည့်တော့ သူတို့အိမ်ဟာ ပင်လယ်ကမ်းခြေမှာ ရှိတဲ့ အတွက် သူ့အမေရော
ညီမလေးပါ လွတ်နိုင်မှာ မဟုတ်ဘူး ဆူနာမီထဲပါသွားလောက်ပြီလို့ ပြောတယ် ။
သူ့ဆွေမျိုးသားချင်းတွေအကြောင်းမေးတဲ့ အခါမှာ မျက်နှာကို တစ်ဖက်ကိုလှည့်ပြီး
မျက်ရည်စတွေ သုတ်နေရှာတယ် ။ ကလေးက ချမ်းတုန်နေတာကြောင့် ကျွန်တော့်ရဲ့ အပေါ်
အင်္ကျီ ကိုချွတ်ပြီး သူ့ကိုယ်ပေါ်တင်ပေးတော့ ကျွန်တော်ရထားတဲ့ စားစရာ ခွဲတမ်း (
ရာရှင် ) ထုပ်ကထွက်ကျသွားတယ် ကျွန်တော်ကောတ်ပြီး သူ့ကိုပေးရင်း
ညီလေးအလှည့်ရောက်ရင် စားစရာကုန်ချင်ကုန်သွားမှာ ဒါက အစ်ကိုရထားတဲ့ ဝေစု
အစ်ကိုတော့ စားပြီးပြီ ညီလေးစားလိုက်ပါ ဆိုတော့ ကောင်လေးက ကျွန်တော်ပေးတဲ့
စားစရာထုပ်ကို ယူပြီး ဦးညွတ် အရိုအသေပေးတယ် ။ သူချက်ချင်း စားလိမ့်မယ်ထင်ပေမယ့်
မစားဘူးဗျာ သူက စားစရာထုပ်ကိုယူပြီး လူတန်းကြီးရဲ့ ဟိုးတစ်ဘက်စွန်းထိယူသွားပြီး
ဝေဖို့ပုံထားတဲ့ စားစရာပုံထဲကိုထည့်လိုက်တယ် ကျွန်တော် တုန်လှုပ်သွားတာပေါ့
ဒါနဲ့ ဘာလို့မစားပဲနဲ့ စားစရပုံထဲ သွားထည့်တာလည်း ဆိုတော့ သူက ကျွန်တော့်ထက်
ပိုပြီး ဆာနေတဲ့သူတွေ အများကြီးပါ ကျွန်တော် အဲဒီအထဲမှာထည့်လိုက်ရင် စားစရာကို
ညီညီမျှမျှ ဝေပေးမှာပေါ့တဲ့ ကျွန်တော်ရင်ထဲဆို့သွားလို့ မျက်နှာကို
တစ်ဖက်လွှဲလိုက်ရတယ် မျက်ရည်ကျတာကို လူတွေမမြင်အောင်လို့ပါ ။ မြင့်မြတ်တဲ့
ကောင်းကျိုးအတွက် စွန့်လွှတ် အနစ်နာခံခြင်း သဘောတရားကို နားလည်သဘောပေါက်တဲ့ ( ၉) နှစ်အရွယ် ကလေးငယ်တစ်ယောက်ကို မွေးထုတ်ပေးနိုင်တဲ့ လူ့အဖွဲ့အစည်းဟာ
မြင့်မြတ်တဲ့ လူ့အဖွဲ့အစည်း ကြီးမြတ်တဲ့ လူသားတွေ ဖြစ်ကို ဖြစ်ရမှာပါ ။
အစ်ကိုနဲ့ အစ်ကို့မိသားစု ကျန်းမာ ချမ်းသာစေကြောင်း ဆုတောင်းမေတ္တာ
ပို့သလိုက်ပါတယ် ကျွန်တော့်တာဝန်ချိန်လည်း ပြန်စပါပြီ
ဟာမင်းသန်း ( Ha Minh Thanh )
စာလေးကတော့ ဒီလောက်ပါပဲ ဒါပေမယ့် ဆောင်းပါးရှင်က ထပ်ဖြည့်ထားပါသေးတယ်
ဂျပန်နိုင်ငံမှ အတုယူစရာ သင်ခန်းစာ ( ၁၀ ) ချက်*
*၁ တည်ငြိမ်မှု့*
* ရင်ဘတ်စည်တီး ငိုကြီးချက်မ၍ ယူကျုံးမရ အပူလုံးကြွသူ မတွေ့ရ ။ သောကကို
တည်ငြိမ်စွာ ဖြေဖျောက်နိုင်ကြသည် ။*
*၂ ဂုဏ်သိက္ခာ*
*ရေနှင့်စားသောက်ကုန်များကို စည်းစနစ်တကျ တန်းစီယူကြသည် ကြမ်းတမ်းသောစကား
ရိုင်းစိုင်းသော အမူအရာ လုံးဝ မတွေ့ရ ။*
*၃ စွမ်းရည်*
*သာဓကအားဖြင့် မယုံနိုင်လောက်အောင်တော်သော ဗိသုကာပညာရှင်များရှိသည် အဆောက်
အအုံများသည် ယိမ်းယိုင်သွားသော်လည်း ပြိုမကျ ။*
*၄ ထောက်ထားညှာတာမှု*
*လောလောဆယ်လိုအပ်သမျှသာ ဝယ်ကြသည် ။ အခြားသူများလည်း ရပါစေတော့ ဟူသည့်
စိတ်ကိုထားသည် ( နောက်လူဝယ်စရာမကျန်အောင် မိမိတစ်ဦးတည်း လောဘတကြီး
သိမ်းကျုံးဝယ်ယူခြင်းမျိုးမလုပ် )*
*၅စည်းကမ်းသေဝပ်မှု*
*ဆိုင်များတွင်လုယက်ခြင်းမရှိလမ်းများပေါ်တွင်ဟွန်းသံတညံညံ လုပ်ခြင်း
ကျော်တက်ခြင်းများမရှိ အချင်းချင်းနားလည်ပေးမှု့ရှိသည် ။*(မြန်မာပြည်လမ်းတွေပေါ်မှာလို တစ်ယောက်က အမှားတခုလုပ်မိရင် တချို့ကားသမားတွေလို ပြတင်းပေါက်က ခေါင်းထွက်ပြီး အမေနှမ စုံအောင် မေတ္တာပို့ခြင်းမရှိ။
မြန်မာပြည်ထက် ကားအစီးရေ အလွန်များသော်လည်း ဟွန်းသံလုံးဝမကြားရ ၊ ဟွန်းမတီးရဇုံ သတ်မှတ်ထားခြင်းမရှိ)
ကားလမ်းကူးရာတွင် ကားလာသည်ဖြစ်စေ မလာသည်ဖြစ်စေ လူကူးမီး မစိမ်းမချင်း ဖြတ်မကူးပါ
*၆ အနာခံမှု့*
*နူကလီးယားဓါတ်ပေါင်းဖိုများတွင် ပင်လယ်ရေကို စုပ်ထုပ်ရန် အလုပ်သမား (
ဝန်ထမ်း ၅၀ ) သည်နောက်ချန်နေခဲ့သည် (
ရေဒီယိုဓါတ်ရောင်ခြည်သင့်မှု့ခံရမည်ကိုသိလျက်နှင့်
စွန့်လွှတ်အနစ်နာခံခြင်းဖြစ်သည် ) သူတို့၏ ကျေးဇူး နှင့် မြင့်မြတ်သော
စိတ်ထားကို မည်သို့ပေးဆပ်နိုင်ပါမည်နည်း ။
*၇ ကြင်နာယုယမှု*
*စားသောက်ဆိုင်များက ဈေးနှုန်းလျှော့ချပေးကြသည် အစောင့်အရှောက်မရှိသော ATM
စက်တစ်လုံးကို ဒီအတိုင်းထားသည် အားကြီးသူက အားနည်းသူကို ကူညီစောင့်ရှောက်သည်။*
*၈ လေ့ကျင့်ထားမှု*
*သက်ကြီးရွယ်အိုများနှင့် ကလေးများအပါအဝင် လူတိုင်းသည် ဘာလုပ်ရမည်ကို တိတိကျကျ
သိသည် သိသည့်အတိုင်းလိုက်နာကျင့်သုံးကြသည် ။*
*၉ မီဒီယာ*
*သတင်းမီဒီယာများက အထိန်းအကွပ်ရှိသည် သတင်းထုတ်ပြန်ရာ၌ နှိုင်းနှိုင်းချိန်ချိန်
ထိန်းထိန်းသိမ်းသိမ်းရှိသည် ။ ပရမ်းပတာ သတင်းထောက်မရှိ ။*
*၁၀ အသိစိတ်*
*စတိုးဆိုင်တစ်ခုတွင် ဓါတ်အားပြတ်တောက်၍ အမှောင်ကျသွားသောအခါ ဈေးဝယ်သူများသည်
ဝယ်ရန်ယူထားသော ပစ္စည်းများကို စင်ပေါ်တွင် ပြန်တင်၍ အေးငြိမ်းစွာ
ထွက်ခွာသွားကြသည် ။*အလစ်သုတ်ခြင်း လုယက်ခြင်း လုံးဝမတွေ့ရပါ။
No comments:
Post a Comment