ဘာဖြစ်လို့စေတီအုတ်ကို ရှိခိုးကြပါသလဲ

အသက်တမ်းတိုတော်မူသော ဂေါတမမြတ်စွာဘုရားရှင်က

`ငါဘုရားရှင်ကား ကြာမြင့်စွာတည်နေရမည်မဟုတ်၊ အသက်တမ်း တိုတောင်းလှသည့်အတွက်ငါဘုရားကိုအနည်းငယ်သောသတ္တ၀ါတို့သာဖူးမြှော်ကြရလိမ့်မည်။
မဖူးမမြင်ကြရသောသတ္တ၀ါတို့က သာများလှစွာကုန်၏။ ထိုမဖူးမမြင်လိုက်ကြရသောသတ္တ၀ါတို့သည်
ငါဘုရား၏ဓာတ်တော်များကို ပင့်ဆောင်ကြ၍ ထိုထိုအရပ် ဒေသတို့၌ပူဇော်ကြကာနတ်ရွာဂတိသို့လားရောက်ကြရပေလိမ့်မည်´ ဟုကြံစည်ဆင်ခြင်တော်မူကာ ပရိနိဗ္ဗာန်စံတော်မူကာနီး၌ `ငါဘုရား၏သရီရဓာတ်တော်များသည်အစိတ်စိတ်အမြွာမြွာကွဲပြားစေသတည်း´ ဟုအဓိဋ္ဌာန်တော်မူခဲ့သောကြောင့် ဂေါတမဗုဒ္ဓ ၏ဓာတ်တော်များမှာအစိတ်စိတ်အမြွာမြွာ ကွဲပြားခဲ့ရပါတယ်။

သာသနာတော် (၂၃၅)ခုနှစ်သို့ရောက်၍ တတိယသင်္ဂါယနာတင်သောအခါ အရှင်မဟာမောဂ္ဂလိပုတ္တဿမထေရ်ကြီး ၏ ညွှန်ကြားချက်အရသီရိဓမ္မာသောကမင်းတရားကြီးသည် သာသနာတော်ပြန့်ပွားစေရန် မြတ်စွာဘုရား၏ဓာတ်တော်များကို ရာဇဂြိုဟ်ပြည်မှပင့်ဆောင်၍ (၈၄၀၀၀)သောမြို့ရွာတို့၌(၈၄၀၀၀)သောစေတီပုထိုးများတည်ကာနေရာဒေသအနှံ့ဖြန့်ချီကိုးကွယ်
စေခဲ့ပါတယ်။

ရှေးအခါကယခုခေတ်လိုခေတ်မီသံအားဖြည့်ကွန်ကရိမပေါ်ပေါက်သေး၍အုတ်များဖြင့်သာစေတီပုထိုးတို့ကို တည်ဆောက်လေ့ ရှိကြပါတယ်။

အမြင်မရှင်းသူ အနောက်နိုင်ငံရှိ ဘာသာခြားများက ခေတ်အဆက်ဆက် `ဘာဖြစ်လို့ စေတီအုတ်ကို ရှိခိုးကြပါသလဲ´ ဟု မကြာခဏမေးလေ့ရှိကြပါတယ်။

ဒီအဖြေကို လယ်တီဆရာတော်ဘုရားကြီးနှင့်စစ်ကိုင်းရွှေဟင်္သာဆရာတော်ကြီးတို့က
အသေ အချာ ထိထိမိမိဖြေကြားပုံကို `ရွှေဟင်္သာဆရာတော်ဘ၀နှင့်အထွေထွေစာအုပ်´မှကောက်နုတ်ဖော်ပြအပ်ပါတယ်။

ဦးပဏ္ဍိတသီရိနှင့် ၀တ်လုံတော်ရတစ်ဦး

ခရစ်နှစ် ၁၉၂၀ ခုနှစ်တွင် ရန်ကုန်မှညောင်တုန်းသို့ အမြန်သင်္ဘောပေါ်တွင် ဖြစ်၏။

အင်္ဂလိပ်လူမျိုးဝတ်လုံတော်ရတစ်ဦးနှင့် စွယ်တော်ကျောင်းဘုန်းကြီး ဦးပဏ္ဍိတသီရိတို့ ဆုံမိကြ၏။

ဝတ်လုံတော်ရ၏အမည်မှာ မစ္စတာနီကိုလတ်ဖြစ်သည်။

`ကိုယ်တော် ဘယ်မှာနေပါသလဲ´

`ညောင်တုန်းမှာပါ´

`မြို့ထဲမှာလား´

`မဟုတ်ပါဘူး၊ တောရကျောင်းမှာပါ´

`ကျွန်တော် ရှေ့နေလုပ်ပါတယ်၊ အလုပ်ကို ရန်ကုန်မှာထားတယ်၊ လူကတော့ အင်းစိန်ဖော့ကန်ခြံထဲမှာနေပါတယ်´

`ကိုယ်တော်ခွင့်ပြုတယ်ဆိုရင် ဘာသာရေးပြဿနာတစ်ခုမေးပါရစေ´

`ဟာ မေးနိုင်ပါတယ်၊ သိသမျှတော့ဖြေရတာပေါ့´

`ကိုယ်တော် တိုက်အိမ်ဆောက်တဲ့အုတ်နဲ့ ရွှေတိဂုံစေတီလိုစေတီတည်ထားတဲ့ အုတ်က အုတ်ချင်းတူတူပဲမှုတ်လား၊
တူတူဖြစ်ရက်နဲ့ ဗုဒ္ဓဘာသာဝင်တွေဟာ ဘာဖြစ်လို့စေတီအုတ်ကို ရှိခိုးကြတာလဲ´

`ဒီမေးခွန်းမျိုး ပဲခူးမင်းကြီး မစ္စတာသွီဘင်ဆင် က လယ်တီဆရာတော်ဘုရားကြီးကို မေးဘူးပါတယ်။ အဲဒီတုန်းက
လယ်တီ ဆရာတော်ဘုရားကြီးက `မင်းကြီး အိမ်မှာ အိမ်ရှင်ဇနီးရှိသလား´ လို့မေးပါတယ်။ ရှိကြောင်းဖြေတော့
` သမီးကောရှိသလား´ လို့မေးတယ်၊ ရှိကြောင်းဖြေတယ်။ `အဲဒီ ဇနီးနဲ့သမီးဟာ အမျိုးသမီးချည်းပဲမဟုတ်လား´လို့မေးတော့
ဟုတ်ကြောင်းဖြေတယ်။ `ဒါဖြင့် အမျိုးသမီးချင်းတူရင် သူတို့၂ဦးအပေါ် မင်းကြီးရဲ့စိတ်ထားပုံချင်းကောတူသလား´
ဟု လယ်တီဆရာတော်ဘုရားကြီး မိန့်တော်မူတော့ ပဲခူးမင်းကြီးဟာ ဟက်ဟက်ပက်ပက်ရယ်မောကာ သဘောကျကျေနပ်သွားသတဲ့။

ဦးပဏ္ဍိတသီရိက ဆက်ပြီးပြောသည်။

`ရွှေတိဂုံဘုရားကြီးကို ရှိခိုးတာဟာ အုတ်ကိုရှိခိုးတာမဟုတ်ပါဘူး၊

စေတီတော်အတွင်းမှာ ဌာပနာထားတဲ့ မြတ်စွာဘုရားရဲ့
ဆံတော်ဓာတ်တွေ မြတ်စွာဘုရားရဲ့ဂုဏ်တော်တွေကို ဓာတ်တော်တွေကိန်းဝပ်နေတဲ့နေရာဖြစ်လို့
စေတီတော်ကြီးကိုလည်း အလေးပြုကြ ရှိခိုးကြရပါတယ်´

`ဒကာကြီးတို့ အင်္ဂလန်မှာ ရေတပ်ဗိုလ်ချုပ်ကြီးနယ်လဆင်ရဲ့ကြေးရုပ်တုကြီးရှိတယ် မဟုတ်လား၊

ကြေးရုပ်တုကြီးရှေ့သွားပြီးလူတွေအလေးပြုကြတာဟာ ကြေးရုပ်ကိုအလေးပြုတာလား´

`ဟာ… မဟုတ်ပါဘူး၊ ဗိုလ်ချုပ်ကြီးနယ်လဆင်ရဲ့ တိုင်းပြည်အတွက်ဆောင်ရွက်ခဲ့တဲ့ဂုဏ်ကျေးဇူးကို
အာရုံပြုပြီး အလေးပြုတာပါ´

`အဲဒီလိုပဲပေါ့၊ ဒီမှာလည်းဗှုဒ္ဓဘာသာဝင်တွေဟာ မြတ်စွာဘုရားရဲ့ဂုဏ်တော် ကျေးဇူးတော်တွေကိုအာရုံပြုပြီး
ဆံတော်ဓာတ်တော်တွေကိန်းဝပ်နေတဲ့စေတီတော်ကြီးကိုရှိခိုးကြတာဖြစ်ပါတယ်´

မစ္စတာနီကိုလတ်သည် ဦးပဏ္ဍိတသီရိ၏အဖြေကိုသဘောကျကျေနပ်သွားပြီး ရန်ကုန်ရောက်လျှင် သူ့ခြံသို့ကြွလာပါရန် ဖိတ်ကြားသည်။
ပါလာသည့် ခြံထွက်သီးနှံအချို့နှင့် မုန့်သေတ္တာတစ်ဘူးကိုလည်း ဦးပဏ္ဍိတသီရိအားလှူဒါန်းသည်။

မျိုးဆက်သစ်တို့မှတ်ဖွယ်

ဤလောကကြီး၌ လူတို့သည် မိမိတို့ ကိုးကွယ်ရာဘာသာကိုသာ အထွတ်အမြတ်ထားတတ်ကြပြီး

မှန်ကန်သောသစ္စာတရားတို့တည်ရာ ဗုဒ္ဓဘာသာကို ဆီလိုအပေါက်ရှာကာ အပြစ်တင်ကဲ့ရဲ့လိုကြ၍

ကတ်သီကတ်သတ်မေးခွန်းများကိုမေးလေ့ ရှိကြပါတယ်။

ယခုခေတ်ဗုဒ္ဓဘာသာလူငယ်နှင့်နောင်အနာဂတ်မျိုးဆက်သစ်လူငယ်တို့သည်

လယ်တီဆရာတော်ကြီးနှင့်ရွှေဟင်္သာဆရာတော်ကြီး တို့လို အချက်ကျကျပြန်လည်ဖြေကြားရှင်းလင်းပြောဆိုနိုင်ရန်

မှတ်သားဘွယ်ဗဟုသုတအလို့ငှာတင်ပြလိုက်ရခြင်း ဖြစ်ပါတယ်။

ရွှေဥမင်ယောဂီ

---------------------------။-------------------------

Ref: ၂၀၁၀ ခုနှစ်မတ်လထုတ် အတွဲ(၃၇)၊အမှတ်(၃) ရတနာမွန်မဂ္ဂဇင်း စာမျက်နှာ ၃၁-၃၃။

Shared from www.friendsdaygroup.ning.com