ကုသိုလ် အကုသိုလ်

ပြောတဲ့စကား၊ကြားတဲ့အသံက ကုသိုလ်လား၊အကုသိုလ်လား ခွဲခြားသိပြီး အကုသိုလ်ဆို ပျောက်သွားအောင် ရှုမှတ်ရမှာ။

ကုသိုလ်က ပင်လယ်ကြီးကို ဖြတ်နိုင်တဲ့ သင်္ဘောကြီးနဲ့တူတယ်။

အကုသိုလ်က ရေထဲမြှုပ်နိုင်တဲ့ ကျောက်ခဲနဲ့တူတယ်။

အကုသိုလ်ကျောက်ခဲတွေနည်းနေသေးရင်တော့ အကျိုးမပေးသေးဘူးနော်။

အကုသိုလ်ကျောက်ခဲတွေများလာရင်တော့ သင်္ဘောကြီးမြှုပ်မှာပဲ။



ကုသိုလ်ဓါတ်များမှ ရွှေ၊ငွေ၊စည်းစိမ်မြဲမယ်။ကုသိုလ်ဓါတ်များရင် မကောင်းတာ မကြားရဘူး။

ဘုရားရှိခိုးနေရင်း ကိုယ်ပါမြောက်တက်လာပြီး စိတ်က အရမ်းကြည်နူးလာပြီဆိုရင် ချမ်းသာပြီ။



လင်မယားရန်ဖြစ်၊ဟိုဘက်ဆွေမျိုးမကျေနပ်၊ဒီဘက်ဆွေမျိုးမကျေနပ်ဖြစ်ရင် ရှိသမျှစည်းစိမ်ကုန်မယ်။

ရွှေ၊ငွေ၊ပစ္စည်း အပေါင်ဆိုင်ရောက်မယ်။ကုန်သင့်လို့ ကုန်တာနော်။မရှိလို့ရောင်းစားတယ်ထင်မယ်။မဟုတ်ဘူးနော်။

ကုသိုလ်ဓါတ် မရှိရင် ဘာမှမမြဲဘူး။

ကုသိုလ်ဓါတ်နည်းရင်တော့ မကောင်းတာဘဲ ကြားရမယ်။

အကုသိုလ်စိတ်များရင် မဟုတ်တာ အဟုတ်ထင်နေတတ်တယ်။ဘုရားရှိခိုးချင်စိတ်မရှိတော့ဘူး။



သားသမီးကို တကယ်ချစ်ရင် အပျော်အပါးတွေ အပေါ်စက် အောက်စက်တွေနဲ့ အလိုမလိုက်နဲ့။ကုသိုလ်ဓါတ်အမွေပေးနော်။

တကယ်ချစ်ရင် ဘုန်းကြီးကျောင်းခေါ်၊တရားနာခိုင်း၊နေ့စဉ်ဒါနပြု၊ဥပုသ်စောင့်၊အားပြည့်လာမယ်နော်။

ရှိတဲ့ ရတနာပစ္စည်းနဲ့ကုသိုလ်နဲ့အချိုးတည့်မှ မြဲမှာနော်။

နေ့စဉ် တီဗွီ၊ရုပ်ရှင်နဲ့ အချိန်ကုန်၊ဟိုဟာလုပ်၊ဒီဟာလုပ်။မဟုတ်တာတွေနဲ့ အချိန်ကုန်ရင် မဟုတ်တာတွေပဲ ဖြစ်မယ်နော်။

ကုသိုလ်ဓါတ်ထွက်အောင် မလုပ်ရင် ကြာရင် စွမ်းအားကုန်မယ်။အဆင်မပြေတာတွေ ဖြစ်လာမယ်နော်။



ငွေဝင်သလောက်ထွက်နေပြီဆိုရင် ကုသိုလ်ဓါတ်နည်းနေပြီဆိုတာ သတိထားတော့။

ကုသိုလ်ဓါတ်ထွက်အောင်လုပ်တော့။အပျော်အပါးလျှော့တော့။ဥပုသ်ရက်ရှည်စောင့်။ဘုရားစင်ရှေ့ထိုင်။



အကုသိုလ်ဓါတ်များတဲ့ ပုဂ္ဂိုလ်ရဲ့အသွေးအသားမှာ မကောင်းတာကို အကောင်းထင်တယ်။မဟုတ်တာမှ အဟုတ်ထင်တယ်။

ပြစ်မှားတာများတဲ့ပုဂ္ဂိုလ်သည် စွမ်းအားတွေကျနေတာ။



အကုသိုလ်အကျိုးပေးလာတဲ့အချိန်မှာ ကုသိုလ်နဲ့ တားထားလို့ရတယ်။



ဘာအကြောင်းကြောင့်မှ အပူဓါတ်မထွက်စေနဲ့။ဘာကြောင့်ပူပူ ဘယ်သူ့ကြောင့်ပူပူ အကုသိုလ်ပဲ။

အကုသိုလ်ဖြစ်ရင် အပယ်ဇာတိပဲ။



တာဝန်တော့ ကျေပါ။မတွယ်တာပါနဲ့။



ကိုယ့်ရဲ့ သဏ္ဍာန်မှာ ကုသိုလ်တရားရှိမှ ဘုန်းကံရှိမှ ဘုရားရဲ့တရားကို နားလည်နိုင်မှာ။

ဘုန်းကံမရှိရင် အိပ်တောင်ပျော်သွားဦးမယ်။



စိတ်ဆင်းရဲစရာမှန်သမျှသည် အကုသိုလ်ဓါတ် အကျိုးပေး။

စိတ်ချမ်းသာစရာမှန်သမျှသည် ကုသိုလ်ဓါတ်အကျိုးပေး။



ဒါန၊သီလ၊ဘာဝနာသည် ကုသိုလ်ဓါတ်ကို ထွက်စေသော အအေးဓါတ်။



ကုသိုလ်ဓါတ်သည် လောဘ၊ဒေါသ၊မောဟကို သတ်တာ။

ရှိတဲ့ တိုက်တာ၊ရွှေ၊ငွေ စည်းစိမ်ဥစ္စာတွေသည် စိတ်မထားတတ်ရင် အပယ်ရိက္ခာဖြစ်နေတာ။

ပစ္စည်းရှုံးတာထက် အကုသိုလ်ဖြစ်တာက ပိုနာတယ်။



သူများအကြောင်းကို ပုံဖော်တဲ့အခါ ပြုံးတဲ့ပုံကို ဖော်နိုင်အောင် ကြိုးစားပါ။မဖော်နိုင်ရင် တွေးကို မတွေးနဲ့။ရပ်ထားလိုက်။

ကုသိုလ်စိတ်နဲ့ ယှဉ်တဲ့အတွေးဘက်ကို ပြောင်းလိုက်။မဟုတ်ရင်တော့ ကိုယ့်ပြန်စူးပြီ။လောကဓံအဆိုးကို ခံရလိမ့်မယ်။



ငါလုပ်လို့ ငါစီမံလို့ ရတာမဟုတ်ပါ။တကယ်ကျွေးနေပေးနေတာက ကုသိုလ်ဓါတ်၊အတွင်းရန်အပြင်ရန် အခက်အခဲအောင်မြင်စေရန် ကုသိုလ်ဓါတ်ကို စဉ်ဆက်မပြတ် ထုတ်ရမယ်။ဥပုသ်ရက်ရှည်စောင့်ရမယ်။ဒါနပြုမယ်။

အကုသိုလ်ဓါတ်မထွက်အောင် နေရမယ်။စဉ်ဆက်မပြတ် ကုသိုလ်ဓါတ်အဓိဋ္ဌာန်တင်ရမယ်။

ဘုရားကို တကယ်ကြည်ညိုတဲ့စိတ်နဲ့ ကုသိုလ်ဓါတ်ထွက်အောင် ကြိုးစားမယ်လို့ အဓိဋ္ဌာန်တင်ရမယ်။

(ပိုင်းလော့ဆရာတော်)

Shared from Ma Waing Chit