ဘာလို့တုန်းဆိုတော့ ဘုန်းကြီးပြောပြချင်တာ ဘုန်းကြီးငယ်ငယ်တုန်းက ဘာကိုမှ မယုံဘူး။ စာတွေတော့ အများကြီးဖတ်တယ်။ ဖတ်တာများတော့ ဟိုကတစ်မျိ
ုး၊ ဒီကတစ်မျိုး အမျိုးမျိုးဖြစ်နေတော့ စိတ်ထဲကဘယ်လို တွေးလဲဆိုတော့ ဒါတွေ အားလုံးဟာ စေတနာကောင်းကောင်းနဲ့ပြောတဲ့ စကားတွေတော့ မှန်ပါတယ်။ ဒါပေမယ့် တကယ့်အမှန်တရားကို သိလို့ပြောတာတော့ မဖြစ်နိုင်ဘူး။
အတွေးအခေါ်အယူအဆ အမျိုးမျိုး၊ ဘာသာတရားတွေ အမျိုးမျိုးဖတ်တော့ များများဖတ်လေလေ သံသယက ပိုကြီးလေလေဖြစ်လာတယ်။ သိပ်မစဉ်းစားတဲ့လူက သံသယ သိပ်မကြီးဘူးနော်။ သိပ်မဖတ်တဲ့လူကလည်း သံသယ သိပ်မကြီးဘူး။
ဘုန်းကြီးက စာတွေအများကြီးဖတ်ပြီးတော့ အများကြီးစဉ်းစားတော့ များများဖတ်လေ များများစဉ်းစားလေလေ၊ သံသယကြီးလေလေ ဖြစ်လာတယ်။ အဲဒီလို သံသယကြီးတော့ စိတ်ထဲက ဘယ်ဟာမှ ယုံလို့မရဘူး။ ဘယ်သူ့ကိုမှလည်း မယုံဘူး။ စေတနာနဲ့ပြောတော့ ဟုတ်ချင်ဟုတ်မယ် ဒါပေမယ့် သူတို့ပြောတာတော့ ငါမှန်တယ်လို့ လက်မခံဘူး။ အဲတော့ စိတ်ထဲမှာ ဘယ်သူ့ကိုမှ တကယ် စိတ်ချလက်ချ မယုံဘူး။ အဲဒါလည်းပဲ တဘက်ကနေပြောရရင် ဘုန်းကြီးရဲ့  Personality၊ ဘုန်းကြီးရဲ့  ပင်ကိုယ်စရိုက်လို့ ထင်ပါတယ်။ စိတ်မချနိုင်တဲ့ စရိုက်ရှိတယ်၊ မယုံချင်တဲ့စရိုက်ရှိတယ်၊ သံသယကြီးတဲ့စရိုက်ရှိတယ်။
အဲဒီတော့ ကိုယ့်ကိုယ်ကိုတော့ ဘယ်လိုပြန်ပြောသလဲ ဆိုတော့ ဘယ်ဘာသာတရားကိုမှ ငါစိတ်ချလက်ချ ယုံကြည်လို့မရဘူး၊ ကိုးကွယ်လို့လည်းမရဘူး။ ယုံကြည်တယ်၊ ကိုးကွယ်တယ်ဆိုတာက တစ်ယောက်ယောက် က အတင်းအကြပ်ခိုင်းလို့ မရဘူးနော်။ ရနိုင်ပါ့မလား၊ မရနိုင်ဘူးနော်။ အခုဒီလူတစ်ယောက်က ဟိုလူတစ်ယောက်ကို မချစ်ဘူးဆိုပါတော့ အတင်းကြပ်ချစ်ခိုင်းမယ်၊ ရပါ့မလား၊ မရနိုင်ဘူးနော်။
အဲဒီတော့ ချစ်တယ်ဆိုတာ အတင်းအကြပ်ခိုင်းလို့မရသလိုပဲ၊ ယုံကြည်တယ်ဆိုတာလည်း အတင်းကြပ်ခိုင်းလို့ မရဘူးနော်။ သူ့ဟာသူ အလိုအလျောက် ရင်ထဲကနေ ဖြစ်လာမှပဲ ရတယ်နော်။ ချစ်တယ်ဆိုတာလည်း ရင်ထဲကနေ အလိုအလျောက်ဖြစ်လာမှ တကယ်ချစ်တာ။ ယုံကြည်တယ်ဆိုတာလည်းပဲ သူ့ရင်ထဲကနေ တကယ်ဖြစ်လာမှပဲ ယုံကြည်တာလို့ ပြောလို့ရတယ်နော်။
အဲဒီတော့ ဘာကိုမှ ယုံလို့မရတော့လဲ နေရတာချည်းက မရေရာသလိုဖြစ်နေတယ်။ ဘာကို အလေးအနက်ထားရမလဲ၊ ဘာကိုတန်ဖိုးထားရမလဲ၊ ကိုယ့်ဘ၀ကို ဘယ်လိုပုံစံနဲ့နေရမလဲ အဲဒါတွေကို အများကြီး စဉ်းစားရတယ်နော်။ စဉ်းစားတော့ ကိုယ့်ကိုကိုယ် ဘယ်လိုပြောသလဲဆိုတော့ “ငါကိုယ်ချင်းစာတရားတော့ လက်ကိုင်ထားမယ်၊ ငါ့ကြောင့် ဘယ်သူမှ ဒုက္ခမရောက်စေရဘူး။” အဲဒါဆိုရင်ကိုပဲ ကိုယ့်ဘ၀မှာ စည်းကမ်းလေးတစ်ခုရှိလာပြီနော်။ အဲဒီတော့ ဘ၀မှာ စည်းကမ်းမရှိပဲနဲ့ နေလို့မဖြစ်ဘူးနော်။ ပင်ကိုယ်က အဲဒီလို သံသယကြီးတော့ ဘာကိုမှ မယုံနိုင်တော့ဘူး။ အဲဒီလို ဘာကိုမှ မယုံဘဲနဲ့ နေရတာကို နေလို့သိပ်မကောင်းဘူး။
အဲဒီတော့ တစ်ခုခုကိုတော့ အလေးအနက် တန်ဖိုးထားပြီး နေရမှဖြစ်မယ်ဆိုတော့ ပထမဦးဆုံး ကိုယ့်ကိုကိုယ် ဘယ်လိုနေမယ်ဆိုတဲ့ စည်းကမ်းလေးတစ်ခု ပေးလိုက်တဲ့အခါမှာ ကိုယ်ချင်းစားတရားကို ပေးလိုက်တယ်နော်။ “ငါလူတိုင်းကို ကိုယ်ချင်းစာတရားနဲ့ ဆက်ဆံမယ်။ တကယ် ကိုယ်ချင်းစာတရားနဲ့ ဆက်ဆံပြီးနေကြည့်တော့ တော်တော် အကုသိုလ်နည်းသွားတာကို တွေ့ရတယ်။ အခု အကုသိုလ် တော်တော်များများ ဖြစ်နေကြတယ်ဆိုတာ ကိုယ်ချင်းစားတရားနည်းကြလို့ပါ။” အဲဒီ ကိုယ်ချင်းစာတရား ထားလိုက်တယ် ဆိုရင်ပဲ မေတ္တာဆိုတာလည်း သူ့နောက်ကနေပါလာတာပဲနော်။ ငါ့ကိုချစ်ခင်တယ်ဆိုတာကို ငါသိပ်လိုချင်တာပဲ၊ အဲဒီတော့ ငါကလည်း သူတပါးကို ချစ်ချစ်ခင်ခင် ဆက်ဆံမှဖြစ်မယ်။ အဲဒီလို မေတ္တာ၊ ကရုဏာဆိုတာလေး ပါလာတဲ့ အခါကြတော့ ပိုပြီးတော့ အဆင်ပြေလာတွေ့ရတယ်နော်။
နောက်တခါ ကိုယ့်ကိုသူတပါးက မရိုးမသားပြောတာဆိုတာ၊ လိမ်တာညာတာ၊ လှည့်စားတာကို ခံရရင် မခံနိုင်ဘူး။ သိပ်စိတ်ဆိုးတာပဲ အဲဒါ။ ငါ့ကို သူများက မရိုးမသား၊ လိမ်တာညာတာ၊ လှည့်စားတာကို လုပ်လာရင် ငါမခံနိုင်ဘူး။ မကြိုက်ရင်တောင် မကြိုက်ဘူးလို့ပြောရင် သဘောကျသေးတယ်။ မကြိုက်တာကို ကြိုက်ဟန်ဆောင်နေရင် သိသွားရင် အဲဒါတော်တော့်ကို စိတ်ဆိုးတာ၊ လက်မခံချင်ဘူး။ အဲဒီတော့ အဲဒါကိုလည်း တခါထည့်စဉ်းစားလိုက်လိုက်တယ်။ ငါလူတွေနဲ့ ဆက်ဆံတဲ့အခါမှာ ရိုးရိုးသားသား၊ ပွင့်ပွင့်လင်းလင်း ပြောပြီးတော့ဆက်ဆံမယ်။
ဒါပေမယ့် အဲဒီလို ရိုးရိုးသားသားပြောလို့ကို ဒုက္ခကို တော်တော်များများ ရောက်ခဲ့ပါတယ်။ မုသားမပါ လင်္ကာမချော ဆိုတာလို လူ့လောကမှာ တခါတလေ အမှန်အတိုင်းပြောရင်လည်း ဒုက္ခရောက်တတ်ပါတယ်။ ဒါပေမယ့် ဘုန်းကြီးက ဘယ်လိုယူဆလဲဆိုတော့ ဒုက္ခတော့ရောက်ချင်လည်း ရောက်ပစေ မှန်တာပဲပြောမယ်၊ ဒုက္ခတော့ အများကြီးရောက်ခဲ့ပါတယ်။ နောက်တော့ အဲဒီလို ကိုယ့်ဘ၀မှာ၊ ကိုယ့်စိတ်ထဲမှာ ဖြစ်နေတာတွေကို သတိထားပြီးတော့ ကြည့်တယ်။ တစ်ဖက်ကလည်း စာတွေတော့ဖတ်တယ်၊ ဘုရားဟောတဲ့တရားတော်တွေ ဖတ်ပါတယ်။ မြတ်စွာဘုရားရဲ့  ဘ၀ဖြစ်စဉ် အဲဒါတွေကို အင်မတန်စိတ်ဝင်စားတယ်၊ အသေးစိတ် သေချာဖတ်ပါတယ်။ ဖတ်ပြီးတော့ အကုန်လုံးတော့ နားမလည်ပါဘူး။ နားလည်တာ နည်းနည်းပဲရှိတယ်။ အသက်ကလည်းငယ်သေးတာကိုး။
ဒါပေမယ့် အဲဒီမှာ ကုသိုလ်၊အကုသိုလ်ဆိုတာကို မြတ်စွာဘုရား ခွဲခြားပြီးတော့ မြတ်စွာဘုရား ဟောထားတာကို သိပ်စိတ်ဝင်စားတယ်။ ဘုန်းကြီးက အရင်တုန်းက ဘယ်လိုထင်သလဲဆိုတော့ ကုသိုလ်ဆိုတာ သတ်မှတ်ချက်ပဲ၊ အကုသိုလ်ဆိုတာလည်း သတ်မှတ်ချက်ပဲ။ ဒီဘာသာတရားမှာ ဒီလိုလုပ်တာ ကုသိုလ်တဲ့၊ နောက်ဘာသာတရားတစ်ခုမှာကျတော့ အဲဒါအကုသိုလ်။ ဒီဘာသာတရား တစ်ခုမှာကျတော့ ဒီလိုလုပ်ရင် အကုသိုလ်တဲ့ အဲနောက်ဘာသာတရား တစ်ခုသွားကြည့်တော့ အဲဒါ ကုသိုလ်တဲ့။ ဒါတွေက ကိုယ်သဘောကျ သလို သတ်မှတ်ထားတာတွေပါပဲ အဲဒီလိုယူဆပြီးတော့ သိပ်လေးလေးနက်နက် လက်မခံနိုင်ဘူး။
ဒါပေမယ့် ဘုရားဟောတဲ့ တရားတော်တွေကို ဖတ်ကြည့်တော့ ကုသိုလ်၊အကုသိုလ်ခွဲပြီးတော့ သေချာဟော ထားတာ တွေ့ရတယ်။ တွေ့ရတဲ့ အထဲမှာ ကုသိုလ်လား၊ အကုသိုလ်လား ဆိုတာကို စစ်ဆေးနိုင်တဲ့ အချက်လက်လေးတွေလည်း ပါတယ်နော်။အဲထဲမှာ တစ်ခုက ဘာလဲဆိုတော့ “ကုသလံ အန၀ဇ္ဇ္ဇံ သုခ ၀ိပါက လက္ခဏံ” အဲဒီလို စာပိုဒ်လေး တစ်ပိုဒ် တွေ့တယ်နော်။ “ကုသိုလ်ဆိုတာ အပြစ်ကင်းတယ်၊ ချမ်းသာတဲ့ အကျိုးကိုပေးတယ်။”
အဲဒီလိုဆိုတော့ ကိုယ့်စိတ်ထဲမှာဖြစ်နေတာကိုကိုယ်ကြည့်တဲ့အခါကျရင် မလုပ်သင့်တာ တစ်ခုခုကို လုပ်မိရင် စိတ်ထဲမှာ နောင်တဆိုတာဖြစ်တယ်၊ လူသိသွားမှာလည်းကြောက်တယ် ရှက်တယ်။ အဲဒီလို စိတ်ထဲမှာရှက်တဲ့စိတ်၊ ကြောက်တဲ့စိတ်၊ နောင်တရတဲ့စိတ်ဖြစ်နေရင် ချမ်းသာသလား၊ မချမ်းသာဘူးနော်။ အဲဒီတော့ ကိုယ့်ကိုယ်ကို ဘယ်လိုပြောသလဲဆိုတော့ စိတ်ဆင်းရဲနေပြီ။ စိတ်ဆင်းရဲနေရင် အဲဒါ အကုသိုလ်ဖြစ်နေတာပဲ။
ဘုန်းကြီးရဲ့  အင်မတန်ပြင်းပြတဲ့ ဆန္ဒထဲမှာ အင်မတန် စိတ်ချမ်းချမ်းသာသာ နေချင်တယ်၊ငြိမ်းငြိမ်းချမ်းချမ်းနေချင် တယ်၊ လွတ်လွတ်လပ်လပ်နေချင်တယ်။ အဲဒီတော့ ကိုယ့်ကိုယ်ကို ဘယ်လိုပြောသလဲဆိုတော့ ငါ စိတ်ချမ်းသာကို လိုချင်တယ်၊ စိတ်အေးချမ်းသာကို လိုချင်တယ်၊ စိတ်ထဲမှာ လွတ်လပ်တာကို လိုချင်တယ်။
အဲဒီတော့ ဘုန်းကြီးက ကိုယ့်ဘ၀မှာကိုယ် ဘယ်လိုနေမလဲလို့ စဉ်းစားလိုက်တဲ့အခါမှာ ဘာကိုပြန်ပြီးတော့ တွေးသလဲဆိုတော့ ငါ့ဘ၀မှာ ငါဘာကို လိုချင်သလဲဆိုတာကိုပါ တခါထပ်ပြီးတော့ မေးလိုက်တယ်။ လိုချင်တာက စိတ်ချမ်းသာတာ လိုချင်တယ်၊ စိတ်အေးချမ်းတာ လိုချင်တယ်၊ စိတ်မှာ လွတ်လပ်တာကို လိုချင်တယ်။ အဲဒါရအောင် ဘယ်လိုလုပ်မလဲ။ ဘာတွေက ငါ့စိတ်ကို ဆင်းရဲအောင် လုပ်နေသလဲ။ ဘာတွေက ငါ့စိတ်ကို မအေးချမ်းအောင် လုပ်နေသလဲ။ ဘာလိုအရာတွေက ငါ့စိတ်ကို မလွတ်လပ်အောင် လုပ်နေသလဲ။ အဲဒါတွေကို သိအောင်လုပ်ရမယ်နော်။
ဆရာတော် ဦးဇောတိက (မဟာမြိုင်တောရ)
ဘ၀ကို စိတ်ကဦးဆောင်သည် တရားတော်မှ-
Shared from Monica Pyone
No comments:
Post a Comment