ကမ်းလင့်သောလက်များ
“အဘွားရေ ဧည့်သည်လာတယ်” ဟုလမ်းမတွင်ဆော့ကစားနေသော ကလေးငယ်က ခပ်လှမ်းလှမ်းရှိ တဲအိမ်ငယ်သို့ ညွှန်ပြ၍ အော်လေသည်။ ပေါက်ပြဲနေသည့် ခေါင်းမိုးနှင့် ကျိုးတိုးကျဲတဲ ၀ါးထရံကာအတွင်း၌ ဘ၀ကိုပင်ပန်းစွာ ဖြတ်သန်းနေရသော အသက် (၇၀)ကျော် အရွယ်ရှိ အဘွားအို၂ ဦးက ကျွန်မကို ကြိုဆိုကြလေသည်။ အသက် ၇၈ နှစ်ရှိ အဘွားဒေါ်သန်းက “ ဒီအိမ်လေး အိမ်ငှားခ တစ်လကို ၁၅၀၀၀ လောက်ပေးရတယ်။ ခုဆို အိမ်လခမပေးနိုင်သေးလို့ ခဏဆိုင်းဖို့ ပြောထားရတယ်လေ။ ထမင်းကိုတော့ ဆီနဲ့ ဆားနဲ့ပဲစားတယ်။ အနီးအနားက လာပေးရင်တော့ ဟင်းလေးဘာလေးစားရတာပေါ့။ အဘွားညီမ မရင်မြက ခြေထောက်မကောင်းဘူး။ ဆေးခန်းလည်း မပြနိုင်တော့ ဒီနားကဆေးဆိုင်ကပဲ ဆေးစပ်ပေးတာလေး သောက်တယ်။ လဆန်းပြီဆိုရင် ဒီသားလေးတို့အဖွဲ့က ဆေးရော၊ ပိုက်ဆံရော လှူဖို့ လာတော့မှာ” ဟု ကျွန်မအနီးတွင် ထိုင်နေသော Social Team For The Aged အဖွဲ့မှ ကိုတင်ဝင်းအောင်ကို ညွှန်ပြရင်း ပြောလေသည်။
“ကျွန်တော့်ရဲ့ ငယ်သူငယ်ချင်းကိုကျော်ဝင်းထွန်းက ဒီအဖွဲ့ကို စလုပ်တော့ ကျွန်တော်က စိတ်မ၀င်စားဘူးဗျ။ ဒါနဲ့ ကားအကူအညီလိုတယ်ဆိုလို့  လိုက်ပို့ပေးရင်းမှ လုပ်ချင်သွားတာ” ဟု ထိုအဖွဲ့မှ ကိုတင်ဝင်းအောင်က ဆိုသည်။
မြန်မာပြည်၏ လူဦးရေ သန်း ၆၀ကျော်တွင် ၆.၁၃ သန်းဟာ အသက် ၆၀ ကျော် အဘိုးအဘွားတွေ ဖြစ်ကြပြီး လူ ၁၁ ယောက်မှာ ဘိုးဘွားဦးရေ ၁ ယောက်နှုန်း တိုးပွားလျှက်ရှိကြောင်း မြန်မာနိုင်ငံ ကုလသမဂ္ဂ လူဦးရေ ရံပုံငွေအဖွဲ့ ( UNFPA ) မှကောက်ယူသော စစ်တမ်းအရ သိရသည်။
တချိန်ကသွက်လက်လှုပ်ရှားခဲ့သော လူငယ်တို့သည် ယနေ့တွင်တော့ အထီးကျန်အားငယ်စိတ်တို့နှင့် ရင်ဆိုင်နေရသော လူအိုတို့ ဖြစ်ကြလေပြီ။ “ငါ့ဘ၀နှယ်၊ ပျော်ဖွယ်မရှိ၊ နေမချိပြီ၊ သေမည့်ချိန်သာ စောင့်မိပါ” ဟူ၍ စိတ်ပျက်အားငယ်စွာ အသက်ရှင်သန်ကြရလေသည်။
ထိုအဘိုးအဘွားတို့၏ ဘ၀ကိုစာနာပြီးဖေးမပေးနေသော နွေးထွေးသော လက်တစ်စုံပိုင်ရှင် “Social Team For The Aged” အဖွဲ့ကို တည်ထောင်သူ ကိုကျော်ဝင်းထွန်းနှင့် တွေ့ဆုံ မေးမြန်းဖြစ်ခဲ့သည်။
အဖွဲ့တည်ထောင်ဖြစ်ခဲ့ပုံ
Myanmar Egress မှာ သင်တန်းတက်တော့ အဲဒီက သူငယ်ချင်းတွေနဲ့စုပြီး လူထုအကျိုးပြုလုပ်ငန်းတွေလုပ်ကြမယ်ဆိုပြီး စဉ်းစားကြရင်းနဲ့ ၂၀၀၉ ဒီဇင်ဘာမှာ စပြီးလုပ်ဖြစ်ကြတာ။ အဲဒီတုန်းက အဖွဲ့ဝင် ၉ ယောက်ရတယ်။ တစ်ယောက်ကို ၅ ထောင် ၆ ထောင်လောက်စုလိုက်ကြတော့ ၅ သောင်း ၆ သောင်းလောက်ရတယ်.။ ဒါနဲ့ အဖွဲ့ကတင်ပြလာတဲ့ အဘိုးနဲ့အဘွားစုံတွဲကို သွားလှူကြတယ်။ ဆေးဖိုးအတွက်ပေါ့။ ဖြစ်ချင်တော့ အဘိုးက ရုတ်တရက်ဆုံးသွားရှာတော့ နာရေးကူငွေ ၅ သောင်းလောက်ပံ့ပိုးပေးလိုက်နိုင်တယ်လေ။ အဲဒါပထမဆုံးလုပ်ဖြစ်တဲ့လှုပ်ရှားမှုလေးပါ။ ခုဆိုရင်အသင်းက ၂ နှစ်ကျော်လာပြီဆိုတော့ သိန်း ၆၀၊ ၇၀ လောက် လှူဒါန်းပြီးသွားပါပြီ။ လစဉ်ကတော့ တစ်ဦးကို ၁၅၀၀၀ စီနဲ့ ၂၂ ယောက်လှူဖြစ်တယ်။ ရန်ကုန်ရော နယ်တွေရောပေါ့။ နယ်တွေကိုတော့ မြန်မာ့စီးပွားရေးဘဏ်ကနေ လွှဲပေးတယ်။ ပြီးတော့ ဆည်းဆာရိပ် ဘိုးဘွားရိပ်သာကို မုန့်ပုံးတွေနဲ့ ၀ါးနက်ချောင်း ဘိုးဘွားရိပ်သာအတွက် ဆန်အိတ်တွေလည်း လစဉ်လှူပါသေးတယ်။
ရည်ရွယ်ချက်
ကျွန်တော်တို့ရဲ့ ရည်ရွယ်ချက်ကတော့ အသက်အရွယ်ကြီးလာလို့ အားကိုးရာမဲ့ဖြစ်ပြီး ၀င်ငွေမရှိ၊ ရပ်တည်စားသောက်ဖို့ အခက်အခဲဖြစ်နေတဲ့ သက်ကြီးရွယ်အိုတွေကို ကူညီဖေးမဖို့ပေါ့နော်။ အသင်းရဲ့ ဆောင်ပုဒ်ကိုက “ ကူညီဖေးမ သက်ကြီးရွယ်အိုဘ၀” ပါ။ လှူတဲ့နေရာမှာတော့ ကန့်သတ်ချက်လေးတွေ ထားရတာပေါ့။ ၆၅ နှစ် အထက်ရှိသူဖြစ်ရမယ်။ အားအင်ချိနဲ့ပြီး မသန်မစွမ်းဖြစ်နေသူတွေ ၊ ထောက်ပံ့ကူညီမဲ့သူမရှိပဲ နေထိုင်ရသူတွေ၊ ရပ်တည်ဖို့အတွက် ၀င်ငွေအလုံအလောက်မရှိသူတွေနဲ့ အထီးကျန်ဆန်သူတွေစတဲ့ အချက်အလက်လေးတွေနဲ့ ကိုက်ညီမှ လှူဒါန်းရတာပေါ့လေ။ ကျွန်တော်တို့က ရတဲ့ အလှူငွေပေါ်မူတည်ပြီး လုပ်နေရတဲ့အခါကြတော့ လမ်းဘေးမှာတွေ့ရတဲ့ အဘိုးအို၊ အဘွားအိုတိုင်းကို မထောက်ပံ့နိုင်သေးဘူး။ ထောက်ပံ့ချင်တယ်ဗျ။ ကြိုးစားနေရတုန်းပဲ။
ဘိုးဘွားရိပ်သာလေးဖွင့်ချင်တယ်
အသင်းမှာက အလှူငွေပဲ လှူတဲ့ ရိုးရိုး member ရယ် ၊ အစည်းအဝေးလည်းလာတယ်.. အသင်းရဲ့ လုပ်ငန်းတွေကိုလည်း တက်တက်ကြွကြွလုပ်ကိုင်ပေးတဲ့ Executive member ရယ်ဆိုပြီး ၂ မျိုးရှိတယ်။ ရိုးရိုးအသင်းဝင်ကတော့ ပိုများတာပေါ့ခင်ဗျာ။ အမြဲတမ်းပုံမှန်ထောက်ပံ့တဲ့ အဖွဲ့အစည်းတော့ မရှိဘူး။ ဒီလိုပဲလူငယ်တွေ အလှူငွေကောက်ကြရတာပဲ။ ရတနာပုံတယ်လီပို့နဲ့ Movie 5 က သူငယ်ချင်းတွေက အလှူငွေတွေ ကောက်ပေးကြတယ်။ ပြည်ပရောက်သူငယ်ချင်းတွေကလည်း အလှူငွေတွေ ပို့ပေးကြတယ်။ အဲဒါတွေအားလုံးပေါင်းပြီး လှူကြရတာပေါ့။ လစဉ် ၄ သိန်း ၅ သိန်းလောက် လှူုတယ်။ လှူပြီးပိုတဲ့ ပိုက်ဆံတွေကို ဘဏ်မှာအပ်ထားလိုက်တယ်။ ကျွန်တော်တို့ရဲ့ နောက်ဆုံးရည်ရွယ်ချက်က ဆည်းဆာရိပ် ဂီလာနဘိုးဘွားရိပ်သာလို အောင်မြင်တဲ့ ဂေဟာလေးဖွင့်ဖို့ပါ။ ဘိုးဘွားတွေအတွက် နားခိုရာနေရာလေးတစ်ခု ထူထောင်ပေးချင်တယ်။ ဒါ့ကြောင့် ဒဂုံတက္ကသိုလ် အကျော်နားလေးက (၁၂၅) ရပ်ကွက်မှာဆို မြေက သိပ်ဈေးမကြီးဘူးလေ။ အဲဒီမှာ သွပ်မိုး ပျဉ်ထောင်လေးဆောက်ပြီး စောင့်ရှောက်မှုတွေ ပေးချင်ပါတယ်။ ခုတော့ စုနေတုန်းပေါ့ဗျာ။
သူတို့ပြန်ရောက်လာပြီဆိုရင်
ကျန်းမာရေး စောင့်ရှောက်မှုအတွက်ကတော့ အဘိုးအဘွားတွေမှာ ရောဂါကြီးကြီးမားမားမရှိသေးဘူးဗျ။ ရှိလာရင်လည်း အိမ်တိုင်ရာရောက် ဆေးလိုက်ကုတဲ့ အဖွဲ့တွေနဲ့ချိတ်ပြီး စောင့်ရှောက်ဖို့စဉ်းစားထားပါတယ်။ ကျွန်တော်တို့အဖွဲ့မှာလည်း ဆရာဝန်တွေရှိတယ်။ သူတို့ကအခု နိုင်ငံခြားမှာ ပညာသွားသင်နေကြလို့ပါ ။ ၁ လ ၂ လလောက်ဆိုသူတို့ ပြန်ရောက်တော့မှာလေ။ သူတို့ပြန်ရောက်လာပြီဆိုရင်တော့ ကျွန်တော်တို့အသင်းကပဲ ဆေးကုပေးတော့မယ်။
Social Team for the Aged အသင်းကိုစပြီးဖွဲ့စည်း ကတည်းက သိပ်အခက်အခဲမရှိခဲ့ဘူး။ အားလုံးတက်ညီ လက်ညီနဲ့ တာဝန်တွေယူကြတာဆိုတော့လေ။ အရင်တုန်းက အစည်းအဝေးလုပ်တဲ့ နေရာတော့ အခက်အခဲဖြစ်ဖူးတယ်။ လှည်းတန်းက IT လက်ဖက်ရည်ဆိုင်မှာလုပ်ရတာ။ လူကများပြီးဆူညံတော့ ကျွန်တော်တို့ အတွက်ရော ၊ ဘေးလူတွေအတွက်ပါ အနှောင့်အယှက်ဖြစ်ရတာပေါ့။ ခုတော့ Diamond Condo က Green Canteen မှာ နေရာပေးသုံးထားလို့  အဆင်ပြေသွားပါတယ်။
ကန့်သတ်ချက်မထားဘူး
လတစ်လရဲ့ ပထမဆုံး တနင်္ဂနွေနေ့ တိုင်း အဘိုးအဘွားတွေကို သွားလှူကြတယ်။ မည်သူမဆိုလိုက်လို့ရပါတယ်။ ကျွန်တော်တို့အားလုံးက မောင်နှမတွေလို ပျော်ပျော်ပါးပါးနေကြတာဆိုတော့လေ။ သူ့ကုမ္ပဏီမှာ သူ့ဘာသာ အကြီးအကဲပဲဖြစ်နေပါစေ ကျွန်တော်တို့ဆီ ရောက်တော့ မောင်နှမတွေ ညီအစ်ကိုတွေပဲပေါ့။ အဖွဲ့ဝင်ဖြစ်ဖို့အတွက် အသက်တို့ အရည်အချင်းတို့ ဘာမှ ကန့်သတ်မထားဘူး။ လစဉ်ပုံမှန်ကြေးလဲ မကောက်ဘူး။ လှူနိုင်ရင် လှူ ၊ မလှူလည်း ရတာပဲ။
ဒါတွေကို ခံစားမိလို့
ကျွန်တော်ဘာလို့ ဒါလေးတွေလုပ်ဖြစ်တာလည်းဆိုရင် လူတွေဟာ ငယ်ရွယ်တုန်းမှာတော့ အလုပ်လုပ်နိုင်တဲ့အတွက် အဆင်ပြေပေမယ့် အသက်ကြီးလာတဲ့အခါကြတော့သားသမီးတွေက ပြန်ကြည့်ချင်မှ ကြည့်တာလေ။ အဲဒါလေးကို ခံစားမိတာပါ။ ကိုယ့်မှာလည်း အဘိုးအဘွားတွေ ရှိတယ်ဆိုတော့ သူတို့ ဒီအရွယ်ကျမှ အလုပ်လည်း ထွက်မလုပ်နိုင်တော့ဘူး။ တချို့ဆိုရင် အိပ်ယာထဲလဲနေတာ။ ဒါတွေကို ခံစားမိလို့ လုပ်ဖြစ်တာပါ။ ရှေ့ဆက်ပြီး ဘာဖြစ်စေချင်သလဲဆိုရင် အသင်းဝင်လေးတွေ များလာစေချင်တာပေါ့။ အလှူငွေလေးများများရမှ ကျွန်တော်တို့ ရည်မှန်းချက်ဖြစ်တဲ့ ဂေဟာလေး မြန်မြန်ဖွင့်နိုင်မှာပါ။ မသိလို့လာမလှူနိုင်တဲ့ သူတွေလည်းရှိတယ်ဗျ။ ဒီတော့ ကျွန်တော်တို့ အသင်းကိုစိတ်ဝင်စားလို့ လှူချင်တယ်ဆိုရင် ဒဂုံစင်တာ တတိယထပ်မှာရှိတဲ့ “ Dancing With Wolves” ဆိုင်က မဝေေ၀ဆီမှာလည်း လှူလို့ရပါတယ်လို့ ပြောချင်ပါတယ်။ (ဒေ၀ီဖိနပ်ဆိုင်နဲ့  မျက်နှာချင်းဆိုင်ကပါ။)
၀၉၄၂၀၀၉၂၇၂၇ က ကျွန်တော် ကျော်ဝင်းထွန်းရဲ့ ဖုန်းနံပါတ်ပါ။ Socialteamfortheaged@gmail.com ကိုလည်းဆက်သွယ်နိုင်ပြီးwww.facebook.com/socialteamforaged နဲ့ www.socialteamtoraged.webs.com မှာလည်း ၀င်ရောက်လေ့လာနိုင်ပါတယ်။ ( Facebook မှာတော့ အသင်းရဲ့ လှုပ်ရှားမှုတွေကို Update မှန်မှန်တင်ဖြစ်ပြီး webs.com ကိုတော့အမြဲတမ်း Update မလုပ်နိုင်သေးပါဘူး..)
*************************************************************
ကျွန်မမြောက်ဒဂုံကပြန်တော့ ညနေ ၆နာရီရှိပါပြီ။ အဘွားဒေါ်သန်းပြောလိုက်တဲ့ စကားတွေကို ပြန်လည်ကြားယောင်မိပါသည်။ “အသက်မရှည်ချင်ဘူး။ ဒုက္ခရောက်တယ်။ ဒါ့ကြောင့် ခုမြင်ခုပျောက်ပဲ ဖြစ်ချင်တာ။ ဒါပေမယ့် သူတို့အဖွဲ့ကပြောတယ်။ တို့တွေနေဖို့ အဆောင်ဆောက်မယ်တဲ့ အဲဒါဆိုရင် သွားနေမယ်။ သူတို့တွေက နွေးထွေးတယ်၊ ဂရုစိုက်ကြတယ်လေ။ ထမင်းမစားနိုင်ဘူးဆိုရင်တောင် ခွံ့ကျွေးကြတယ်။ သူတို့ရဲ့ အဘွားအရင်းလိုပဲ။ ဒါ့ကြောင့် ညတိုင်း သတိရတိုင်း မေတ္တာပို့တယ်။ နာမည်ခေါ်ပြီးတော့ကို မေတ္တာပို့တယ်။ ဘ၀ဆက်တိုင်း ဘ၀ဆက်တိုင်း လှူနိုင်တဲ့ လူတွေဖြစ်ကြပါစေပေါ့လေ” ဟု အဘွားက မျက်ရည်များနှင့် ပြောလေသည်။
အဘိုးအဘွားအများစုသည် မှတ်ဥာဏ်ချို့ယွင်းမှု၊ စိတ်ပိုင်းဆိုင်ရာ၊ ရုပ်ပိုင်းဆိုင်ရာဖိစီးလွယ်မှု၊ လစ်လျူရှုခံရမှု၊ ခွဲခြားဆက်ဆံခံရမှုစသည်တို့အပြင် စီးပွားရေး၊ လူမှုရေး အခက်အခဲများကိုလည်း ရင်ဆိုင်ကြုံတွေ့နေကြရသည်။ ထို့ကြောင့် အိုခြင်း၊ နာခြင်း တရားတွေနှင့် ပင်ပန်းစွာ လျှောက်လှမ်းနေကြရသော အဘိုးအဘွားတို့ကို အထီးကျန်အားငယ်စိတ် မရှိရလေအောင် ကိုယ်ချင်းစာတရားဖြင့် နွမ်းပါးသော ဘ၀တွေကို ဖေးမကူနေသည့် နွေးထွေးသော လက်များပိုင်ရှင် ထိုလူငယ်များကို အားကိုးလေးစားစိတ်ဖြင့် ဦးညွှတ်မိပါတော့သည်။
(ခင်နှင်းကြည်သာ / Venus)
"သက်ကြီးရွယ်အို ဖေးမကူ
စာနာသနား တွဲလို့ ထူ
ကျန်းမာပျော်ရွှင် ကြစေဖို့ 
ဝိုင်းဝန်းကူညီ စောင့်ရှောက်ကြပါစို. ...."
♥`*.¸¸ .•*´♥`*••*´♥`* Social Team for the Aged*´♥ ♥`*.¸¸ .•*´♥`*••*´♥
https://www.facebook.com/socialteamfor.theaged
No comments:
Post a Comment