သေခါနီးဝေဒနာကို ဘယ်လိုရှုမှတ်သင့်ပါသလဲ?

မေးခွန်း -

ဆရာတော်ဘုရား... သေခါနီး ဝေဒနာတွေ အပြင်းအထန် ခံစားရတဲ့အခါ ဝေဒနာကို တိုက်ရိုက်ရှုရမလား? ခွာပြီးရှုရမလားဘုရား?
တပည့်တော်ဆိုလိုတဲ့ ဝေဒနာကို ခွာပြီးရှုတယ်ဆိုတာ ဝေဒနာပေါ်မှာ တိုက်ရိုက်မရှုဘဲ ဝင်လေ ထွက်လေမှာဖြစ်ဖြစ်, အရင်က ပြုခဲ့ဖူးတဲ့ ဒါန, သီလ အစရှိတဲ့ ကုသိုလ်ကောင်းမှု အာရုံတစ်ခုခုမှာဖြစ်ဖြစ် အာရုံကို ထားထားတာကို ဆိုလိုတာပါ။ တပည့်တော်ဆိုလိုတဲ့ ဝေဒနာကို တိုက်ရိုက်ရှုတယ်ဆိုတာ တပည့်တော်တို့ အခု တရားစခန်းမှာ ရှုနေရသလို ဝေဒနာရဲ့သဘောတွေ, ဖြစ်ပျက်နေတာတွေကို တိုက်ရိုက်ရှုတာကို ဆိုလိုတာပါဘုရား။

အဖြေ -

ဝိပဿနာဖြစ်စေမယ့် အာရုံတစ်ခုခုကို ထားနိုင်မယ်ဆိုရင်တော့ ကောင်းပါတယ်။ ဝေဒနာကို ခွာပြီး တခြားကုသိုလ်အာရုံတွေမှာ စိတ်ကိုထားတာကတော့ နည်းနည်းသက်သာတာပေါ့လေ။
ဒါပေမယ့် ဝေဒနာကို ခွာထားရုံနဲ့ မရသေးဘူး, ကိုယ့်ဘေးမှာ ငိုနေ, ပူလောင်နေကြမယ့် သူတွေရဲ့အာရုံတွေ, တခြားအာရုံတွေကလဲ ရှိသေးတယ်။ ပြီးတော့ ဒါနအာရုံနဲ့သေရင် နတ်ပြည် ရောက်နိုင်တယ်။ သီလနဲ့သေလဲ အတူတူပဲ။ ဒီ့ထက် မပိုဘူး။!!

ဝေဒနာတွေရဲ့ ဖြစ်မှု ပျက်မှုသဘောတွေကို တိုက်ရိုက်ရှုနေမယ်ဆိုရင်တော့ ဝိပဿနာအာရုံဖြစ်နေတယ်။ ဒီလိုအချိန်မှာ ပါရမီလဲရှိလို့ ဥာဏ်ရင့်ကျက်ခဲ့မယ်ဆိုရင် သေခါနီးမှကပ်ပြီး တစ်မဂ်, တစ်ဖိုလ်လည်း ဆိုက်သွားနိုင်တယ်။
အဲဒီလိုမှ... တစ်မဂ်, တစ်ဖိုလ်လည်း မဆိုက်ဘူး, ဈာန်လဲ မရဘူးဆိုရင် လူ့ပြည်, နတ်ပြည် ရောက်နိုင်တယ်။
ခုနက ကုသိုလ်အာရုံတစ်ခုခုနဲ့ သေရင်လဲ လူ့ပြည်, နတ်ပြည် ရောက်နိုင်တာပဲ။
ဒါပေမယ့် ဘာကွာသွားလဲဆိုတော့ ကုသိုလ်အာရုံလောက်နဲ့ နတ်ပြည်ရောက်သွားတဲ့သူက နတ်ပြည်မှာ ပျော်စရာနဲ့တွေ့ရင် ပျော်စရာတွေဘက်ပါသွားပြီး တရားအားမထုတ်ဖြစ်တော့ဘူး။ ဝိပဿနာအာရုံနဲ့ ရှုမှတ်ပြီး သေခဲ့တဲ့သူက လူ့ဘုံ, နတ်ဘုံတွေရောက်တဲ့အခါမှာလဲ မေ့မေ့လျော့လျော့မဖြစ်ဘဲ ဝိပဿနာတရားကို ဆက်ပြီးပွားများအားထုတ်လိုက်တဲ့အခါ တရားထူး, တရားမြတ်တွေ မဂ်ဥာဏ်, ဖိုလ်ဥာဏ်တွေ ရသွားနိုင်တယ်။ အဲဒီလို ကွာခြားမှု ရှိတယ်!!

ငါတို့တွေ အခု တရားစခန်းမှာ ဝေဒနာတွေ ရှုနေတာလဲ အသေကျင့်နေတာနဲ့ အတူတူပဲပေါ့။
ဒါပေမယ့် သတိထားရမယ့်အချက်က...
အရင်က ဝေဒနာတွေ ရှုမှတ်ပွားများပြီး ဝေဒနာတွေကို လွှမ်းမိုးအောင် ရှုတတ်, မှတ်တတ်ဖူးပေမယ့် ပုံမှန်အမြဲတမ်း ဆက်တိုက်လေ့ကျင့်မှု မရှိဘူး, ကြားမှာ အားထုတ်ဖြစ်မထားဘူးဆိုရင်တော့ သေခါနီးအခါမှာ နိုင်နိုင်နင်းနင်း ရှုမှတ်နိုင်ဖို့ ခက်ခဲပါမယ်။ ဒါကြောင့် အမြဲတမ်းလိုလို အလေ့အကျင့်ဖြစ်နေအောင် နေ့စဉ်နဲ့အမျှ ရှုမှတ်ပွားများပေးနေသင့်ပါတယ်။ ဒါဆိုရင်တော့ အသေလေ့ကျင့်ရာလဲရောက်သလို သေပြီးတဲ့ နောက်ဘဝမှာလည်း မမေ့မလျော့နဲ့ ဝိပဿနာတရားတွေ ဆက်လက်ပွားများအားထုတ်ရင်း မဂ်ဥာဏ်ဖိုလ်ဥာဏ်တွေ ရရှိသွားနိုင်တဲ့ အကျိုးကျေးဇူးတွေကို ရရှိသွားမှာပါ။

----------***----------

မေးမြန်းခဲ့သူ - ခိုင်ခိုင်
ဖြေကြားပေးခဲ့သူ - ခိပ္ပါဘိညာ သဒ္ဓမ္မရံသီရိပ်သာ ပဓါနနာယက, ကမ္မဋ္ဌာနာစရိယ ဆရာတော် ဦးဥက္ကံသ
ဖြေကြားပေးခဲ့ရာ နေရာ - Half Moon Bay ဓမ္မာနန္ဒဝိဟာရကျောင်း
ဖြေကြားပေးခဲ့ရာ နေ့ရက် နဲ့ အချိန် - June 11, 2016 (Sat) around 3:30 PM

ခိုင် ဒီမေးခွန်းကို သိချင်နေခဲ့တာ ကြာပါပြီ။ ဆရာတော်ကြီးတွေနဲ့လဲ လက်လှမ်းမမှီလို့ မေးခွင့် မရခဲ့ပါဘူး။ အခုတစ်ခေါက် တရားစခန်းဝင်မှပဲ တရားပြဆရာတော်နဲ့ တရားလျှောက်ခွင့်တွေ တစ်ရက်ခြားတစ်ခါ ရတော့မှပဲ တရားစခန်း နောက်ဆုံးနေ့မှာ မေးမြန်းခွင့်ရခဲ့တာကို ဝမ်းသာလွန်းလို့ ဓမ္မမိတ်ဆွေများအတွက် ပြန်လည်ဝေငှပေးလိုက်ပါတယ်။

ဓမ္မမိတ်ဆွေများအားလုံး ကိုယ်စိတ်နှစ်ဖြာ ကျန်းမာရွှင်လန်းပြီး ဤဘဝ, ဤသာသနာ, ဤခန္ဓာနှင့်ပင် အပါယ်တံခါးကို အပြီးတိုင်ပိတ်သွားစေမယ့် မဂ်ဥာဏ်, ဖိုလ်ဥာဏ် တရားထူး, တရားမြတ်များကို ကျင့်ကြံပွားများ ရရှိနိုင်ကြပါစေ။
ဤကဲ့သို့ တရားအလှူကို ပေးလှူရသော ကုသိုလ်ကောင်းမှုကံ, စေတနာတို့ကြောင့် ဒုက္ခခပ်သိမ်း ငြိမ်းအေးရာဖြစ်သော မဂ်ဖိုလ်နိဗ္ဗာန်၏ အထောက်အပံ့ ဖြစ်ပါစေ။

မေတ္တာဖြင့်
ခိုင်ခိုင်

June 14, 2016 (Tue)

.