အပျော်ဆုံးလူ

ဒကာ ဒကာမတွေကို မြတ်စွာဘုရားနဲ့ ပတ်သက်ပြီး ကြည်ညိုစရာကောင်းတာတွေ အများကြီးထဲက တစ်ခုကို ပြောပြချင်ပါတယ်။ ကိုယ်ကိုယ်တိုင်လည်း ဒီအချက်ကို သတိရတိုင်း မြတ်စွာဘုရားကို အလွန့်အလွန် ကြည်ညိုတဲ့စိတ် ဖြစ်ပါတယ်။ အဲဒါကတော့ မြတ်စွာဘုရား သက်တော်ထင်ရှား ရှိစဉ်တုန်းကဒကာ ဒကာမတွေကို သီဘ ပေးရတဲ့အခါ မြတ်စွာဘုရားက ရှေ့ကတစ်ပုဒ်ဆို ပေးပြီးတော့ ဒကာ ဒကာမတွေက နောက်က လိုက်ဆိုနေတုန်းမှာ မြတ်စွာဘုရားက သမာပတ်ဝင်စားပြီးတော့ နေလိုက်တယ်တဲ့။ ဒီလောက်တိုတောင်းတဲ့ အချိန်ပိုင်းလေး အတွင်းမှာတောင်မှ စိတ်ကို ကြုံရာ အာရုံမှာ မထားပဲနဲ့ ငြိမ်းချမ်း စေတဲ့ အာရုံမှာ ထားတယ်။

မြတ်စွာဘုရား ဆိုတာ မောဟ လုံးလုံး ကင်းသွားပြီ ဖြစ်တဲ့အတွက် သတိ လက်လွတ်နေတဲ့ အချိန်ဆိုတာ မရှိတော့ပါဘူး။ ဒါပေမယ့် များသောအားဖြင့်တော့ ပတ်ဝန်းကျင် လောကီ အာရုံတွေကို အာရုံပြုပြီးတော့ နေရသေးတယ်။ လောကီအာရုံတွေကို အာရုံပြုနေရတာဟာ ဘာပြောပြော နဲနဲတော့ ပင်ပန်းသေးတာပဲ။

မြတ်စွာဘုရားမှာတော့ လုံးဝ ကိလေသာ ကင်းစင်တော်မူတဲ့ အတွက်ကြောင့် ကိလေသာကြောင့် ပင်ပန်းနွမ်းနယ်မှုတော့ မဖြစ်ပါဘူး။ဖြစ်စရာလည်း မရှိပါဘူး။ဒါတောင်မှ ငြိမ်းချမ်းတဲ့ သမာပတ် တစ်ခုခုကို ဝင်စားလေ့ရှိတယ်။ အာရုံမှန်သမျှ ဟာ စိတ်ကို ပင်ပန်းစေပါတယ်။ ဘယ်လို လောကီ အာရုံဖြစ်ဖြစ် စိတ်ကို ပင်ပန်းစေတာချည်းပါပဲ။တရား အင်မတန် ဝါသနာပါတဲ့ အမေရိကန် လူမျိုး ဒကာကြီးတစ်ယောက်က ပြောတယ်။

" Everything that
crosses the mind , wears and
tears the mind. "

" စိတ်ထဲကို ဖြတ်သန်းသွားစေတဲ့ အရာမှန်သမျှဟာ စိတ်ကို ပင်ပန်းနွမ်းနယ်စေတယ်။"

သူသုံးတဲ့ " wears and tears " ဆိုတာ ပွန်းပဲ့သွားစေတယ်။နွမ်းနယ်သွားစေတယ်လို့ ဆိုလိုတယ်။ လောကီအာရုံ ပညက်အာရုံ မှန်သမျှဟာ ပင်ပန်းပါတယ်။ ငါ I သူ I ယောက်ျား I မိန်းမ I ပစ္စည်းဥစ္စာ I
ဂုဏ်ပကာသန I အပျော်အပါး I အဆင့်အတန်း ဆိုတာတွေဟာ စိတ်ကို ပင်ပန်းစေပါတယ်။ သတိလက်လွတ်နေရင် အချိန်ပြည့် ပင်ပန်းစရာတွေချည်းပဲ ကြုံနေရမှာပဲ။ သတိနဲ့နေတတ်မှ။ သတိနဲ့နေတတ်ရင် နဲနဲသက်သာမယ်။

ဒီလို ဘုရားနဲ့ ပတ်သက်တဲ့ အကြောင်းအရာတွေကို ဖတ်ရတဲ့အခါမှာ မှတ်သားပြီးတော့ ဘုရားကို ကြည်ညိုတာနဲ့ပဲ ရသလောက် အချိန်လေး လေး - ငါးစက္ကန့် လောက်ပဲ ဖြစ်ဖြစ် သတိရတိုင်း သတိရတိုင်း သတိလေးနဲ့ နေမယ်လို့ ကိုယ့်ကိုယ်ကို မှာထားလိုက်ပါတယ်။ကိုယ့်ကိုယ်ကို သတိပေးတဲ့ သဘောလည်းပါပါတယ်။ တစ်နည်းအားဖြင့် ကိုယ့်ကိုယ်ကို ဆောက်တည်တာပါ။ ကိုယ့်ကိုယ်ကို " သတိရတိုင်း သတိရတိုင်း ပစ္စုပ္ပန်တည့်တည့်လေး သိပြီး သတိလေး ကပ်ပြီး နေပါ့မယ် " လို့ ဆောက်တည်လိုက်မယ်ဆိုရင် သိပ်ကောင်းတယ်။

သီလယူတဲ့ အခါမှာ ဆရာသမားများထံမှာ ယူကြတာများတယ်။ ဆရာသမားများထံမှာ သီလယူတယ်ဆိုတာ ဒီသီလကို လုံခြုံအောင် ထိန်းသိမ်းပါ့မယ်လို့ ဆရာသမားကို ချစ်ခင်ကြည်ညိူလေးစားတဲ့ အတွက်ကြောင့် ပေးထားတဲ့ ကတိကို ပိုပြီးတော့ လေးလေးစားစား ကျင့်သုံးဖို့ စိတ်အား ထက်သန်တယ်။ ကိုယ့်ကိုယ်ကိုလည်း ကတိပေးဖို့ လိုပါတယ်။ ကိုယ့်ကိုယ်ကို ချစ်ခင်လေးစားသူ ဆိုရင် အဲဒီလို ချစ်ခင် လေးစားတဲ့ အတွက်ကြောင့် ကိုယ့်ကိုယ်ကို ပေးတဲ့ ကတိကို မြဲအောင် လေးလေးစားစား ထိန်းသိမ်းတယ်။ သတိရတိုင်း သတိရတိုင်း " မေ့မေ့လျော့လျော့ ပေါ့ပေါ့တန်တန် မနေပါဘူး " လို့ ကိုယ့်ကိုယ်ကို ကတိပေးပြီးတဲ့ နောက်မှာ ဘယ်နေရာမှာ ဖြစ်ဖြစ် ရသလောက် သတိနဲ့ နေသင့်တယ်။

မေ့တိမေ့လျော့ သတိလက်လွတ်နေတယ်ဆိုတာ မကောင်းပါဘူး။ ဘာပဲလုပ်လုပ် ဘာပဲတွေးတွေး အချိန်မရွေး အခါမရွေး သတိနဲ့နေရတာ အကောင်းဆုံးပဲ။ ဒီလို သဘောပေါက်ပြီး နေရာမရွေး အချိန်မရွေး အလုပ်မရွေး ရသလောက် သတိကပ်ပြီး နေကြတဲ့ ဒကာ ဒကာမတွေ တဖြေးဖြေး များလာတာ သိရလို့ အင်မတန် ဝမ်းသာပါတယ်။

အင်မတန်အလုပ်များတဲ့ ကြားထဲက အချိန်ရအောင် ယူပြီးတော့ မနက်စောစောကတည်းက သတိနဲ့ နေတဲ့ အလေ့အကျင့်ကို လုပ်ကြတယ်။ နိုးကတည်းက အိပ်ရာထဲမှာ အိပ်နေရင်းက သတိလေးကပ်ပြီး အသက်ရှူ တာကို ခဏလုပ်ပြီးမှ အိပ်ရာထ အိပ်ရာသိမ်းတာကို သတိနဲ့
လုပ်ကြတယ်။ မျက်နှာသစ်တာကိုလည်း သတိနဲ့ လုပ်ကြတယ်။ ပြီးတော့မှ နာရီဝက်လောက် တရားထိုင်ကြတယ်တဲ့။ တချို့ အလုပ်များတဲ့ ကြားထဲက တစ်နာရီလောက် ရအောင် ထိုင်ကြတယ်တဲ့။ ဒီလို ကြားရတာ အင်မတန် ဝမ်းသာစရာ ကောင်းပါတယ်။

ဆရာတော် ဦးဇောတိက
( မဟာမြိုင် တောရ )
" အပျော်ဆုံး လူ" စာအုပ်မှ