အဲဒီ လော်စပီကာသံတွေကို ငါ မုန်းတယ်

မုန်းတယ် မုန်းတယ် အဲဒီ လော်စပီကာသံတွေကို ငါ မုန်းတယ်... ဘယ်နှယ်ဗျာ... အေးအေးလူလူ နေရမလားလို့ ဘုန်းကြီးဝတ်မိပါတယ်... မုဆိုးတွေ သမင်လေးတစ်ကောင်ကို ၀ိုင်းလိုက်နေသလိုပဲ... လေးဘက်လေးလံ ဆူညံလို့... လူကို အသံရဲ့ သားကောင်ဖြစ်နေရော့...

ခများတို့ စဉ်းစားကြည့်ဗျာ... ကျုပ်နေတဲ့ ကျောင်းက ဘုန်းကြီးကျောင်းတွေနဲ့ ပတ်လည်ဝိုင်းထားတာ... လော်စပီကာတွေ ကိုယ်စီနဲ့... တစ်နေ့တစ်နေ့ အဲဒီ လော်စပီကာကြီးတွေကို မြောက်ကိုးရီးယားက အနုမြူ ဒုံးကျည်ကြီးတွေလို မြင်နေပြီ... တအုံးအုံး တဒိုင်းဒိုင်းနဲ့... သေချင်စော်ကို နံနေရော့...

အရှေ့ဘက်ကျောင်းက တစ်နေကုန် တရားခွေတွေ ဖွင့်ထားတာ... မနက်မိုးလင်းတာနဲ့ ပရိတ် ပဋ္ဌာန်း စပြီ... ရောင်းသူမဲ့ ဆိုင်တွေလို သူလဲ ဘုရားရှိခိုး ပျင်းတိုင်း ခိုးသူမဲ့ လုပ်နေတာ... စောစောစီးစီး ဘယ်သူ တရားနာနိုင်မှာတုန်း... နာသူမဲ့ပေါ့... ကြာနီကန် MP3 ဒီဗွီဒီချပ်ကြီးကို တစ်နေကုန် ဖွင့်ထားတာ... တစ်ရပ်ကွက်လုံးက သူ့ကို ဘွဲ့နာမည် ဦးကိတ္တိ ဖျောက်ပြီး (ကြာနီကိတ်) ဆိုပြီး ခေါ်ကြတဲ့အထိ...

အနောက်ဘက်ကျောင်းက တောထွက်ကိုယ်တော်ကြီး ဦးကုမာရ က တမျိုး... သူက ရေဒီယိုကနေ ဂျက်ပင်နဲ့တွဲပြီး လော်စပီကာနဲ့ ပတ်ဝန်းကျင်ကို နှိပ်စက်တာ... လေလှိုင်းမမိတဲ့အခါများဆို တဂွီဂွီ တရှဲရှဲနဲ့... သွားတွေကို ကျိန်းနေရော့... သက်သက်မဲ့ ပတ်ဝန်းကျင်ကို ဒုက္ခပေးနေတာဗျ... ကျုပ်ကျောင်းက ကိုရင်ဒက်ချီးတို့က နာမည်ပေးထားတယ်... (ရေဒီယိုကုမာရွတ်)တဲ့။ ရှာရှာဖွေဖွေ မှည့်တတ်ပ...

တောင်ဘက် ကျောင်းက ဦးဇင်းမဲလုံးက တစ်ဖုံ... ဟုတ်မဟုတ်တော့ မသိဘူး... လူ့ဘ၀တုန်းက သူကြိုက်တဲ့ ကောင်မလေးက နောက်တစ်ယောက်နဲ့ ယူသွားလို့ ဘုန်းကြီးဝတ်လာတာဆိုလား... ဖြစ်တော့ ဖြစ်နိုင်တယ်... တစ်နေကုန် အလွမ်းသီချင်းတွေ သံကုန်ဖွင့်ပြီး အလွမ်းကသိုင်း ရှုမှတ်နေတာ... တွံတေးသိန်းတန်... ဟင်္သာတ ထွန်းရင်... အောင်တင်ဝင်း... ကိုထွန်းရွှေ... ကိုအံ့ကြီး... စုံလို့ပဲ... သူ့ကိုတော့ (တွံတေးမဲလုံး) ဆိုပြီး နာမည်ပြောင် ပေးထားသတဲ့ဗျ...

မြောက်ဘက်ကျောင်းက ဓမ္မာစရိယ ဦးဇင်းလေးကလဲ မခေဘူး... မ.ဘ.သ အဖွဲ့ဝင်ထားတယ်ဆိုလား... တစ်နေကုန် အမျိုးသားရေးတရားခွေတွေ မျိုးစုံဖွင့်တယ်... ၉၆၉ သီချင်းတွေ ဖွင့်တယ်... နားတယ်ကို မရှိတာရယ်... သူ့ဇာတိက မင်းဘူးက ဆိုလား... ကျောင်းက ကိုရင်တွေ ပေါက်ပေါက်ရှာရှာ နာမည်ပေးပုံ ပြောပါတယ်... မင်းဘူးသား မျိုးချစ်ဆရာတော်တဲ့... သူ့ကိုယ်သူ မ.ဘ.သ မျိုးချစ်ဆရာတော်ဆိုပြီး လုပ်နေတာလေ... မှတ်ကရော့...

တခါတခါလဲ သူတို့တွေ လော်စပီကာ ပြိုင်ဖွင့်တာက စိတ်တိုတိုနဲ့ ရယ်ရတာတွေလဲ ရှိသဗျ...

မင်းဘူးသားမျိုးချစ်ဆရာတော်ကျောင်း လော်စပီကာသံက .... (ဒကာ ဒကာမတို့ရေ... လူ့ပြည်က အပ်တစ်စင်းနဲ့ ဗြဟ္မာ့ပြည်က အပ်တစ်စင်းလိုကို ခက်တာပါနော်... သူတို့များ အစိုးရဖြစ်လို့ကတော့ ကုလားနိုင်ငံဖြစ်မှာဗျ)... ဆိုရင် အရှေ့ကျောင်း ကြာနီကိတ်ရဲ့ လော်စပီကာက .... (ဒီနေ့ ဟောကြားမယ့်တရားက မေမေနှင်ထုတ် တေးတစ်ပုဒ်တဲ့... ဘာတဲ့ ပရိတ်သတ်)... ဆိုတာမျိုး...

တောင်ဘက်ကျောင်းက .... (ရန်သူငါးပါးထဲမှာ အင်မတန်ဆိုးဝါး လှတာ... မညှာမတာ ဘယ်သူ့မှ မထောက်ပါ... သူခိုးဓားပြထက် ဆိုးတဲ့ ရန်သူဟာ)... ဆိုရင် ဒီဘက် ရေဒီယို ကုမာရွတ် ရဲ့ လော်စပီကာက .... (အောင်တပ်မတော်ကြီးလဲ ချီတက်လာပါပြီ)... ဆိုပြီး ဖြစ်ကုန်ရော့... ကမောက်ကမတွေပေါ့ဗျာ....

ခများတို့ စဉ်းစားကြည့်ဗျ... ကျုပ်မှာ အရှင်လတ်လတ် ငရဲပြည် ရောက်နေသလိုပဲ... ဒကာ ဒကာမ လာလို့ အေးအေးလူလူ ဧည့်ခံစကားပြောရတယ်ကို မရှိဘူး... အော်ကြီးဟစ်ကျယ်နဲ့... အမြင့်ဆုံး ကီးတွေသုံးပြီး ပြောရတာ... ပြောနေဆိုနေရင်း တိုက်တိုက်ဆိုင်ဆိုင် လော်စပီကာတွေ ရပ်သွားချိန်နဲ့ တိုးလို့ အရူးကြီးလိုဖြစ်သွားတာတွေလဲ ရှိရဲ့...

ကျောင်းမှာ စားစရာ ဆွမ်းမရှိရင်နေ... မှန်ချိုဆေးတော့ အပြတ်ခံလို့ကို မဖြစ်တာ... သောက်ရေအိုးထဲ မှန်ချိုဆေး တစ်ဗူးထည့်ရောပြီး တစ်ကျောင်းလုံး မှီဝဲနေရတဲ့အဖြစ်... ခုဆို တစ်ကျောင်းလုံးလဲ အော်ကြီးဟစ်ကျယ်တွေ ပြောတတ်နေပြီ... လူထွက်ပြီး အဆိုတော်လုပ်ရင် ဟဲဗီးရော့ခ်တွေ တစ်ခေတ်ပြန်ထ.နိုင်တဲ့အထိ... တကယ်ပြောတာ... ကျုပ်ကျောင်းက ခွေးတွေ ဟောင်တာတောင် သူများတကာခွေးတွေထက် အသံ ပိုကျယ်တယ်...

လူပျံတော် မေတ္တာရှင်ကြီးကတော့ အပူရှောင်စခန်းဆိုပြီး လုပ်နေတယ်ဆိုလား... ကျုပ်ကျောင်းမှာတော့ အသံရှောင်ခန်းဆိုပြီး အိမ်သာလိုမျိုး အလုံပိတ် လုပ်ထားရတယ်... ဖုန်းလေးဘာလေး လာတဲ့အခါ အဲဒီထဲမှာ ၀င်ပြော... ကိုရင်တွေကို အရေးကြီးကိစ္စ မှာစရာရှိရင် အဲဒီထဲကို ခေါ်ပြီး ပြောပေါ့... မဟုတ်ရင် အလွဲလွဲအချော်ချော်... ရေစက်ချတဲ့ခွက် ယူခဲ့စမ်းဆိုရင် ရေစစ်တဲ့ဟာကြီး ယူလာလိုလာနဲ့... အရေးထဲ အဲဒီအခန်းကြီးကို အိမ်သာထင်ပြီး ရေးကြီးသုတ်ပြာ ၀င်ပြေးတဲ့ ဒကာမတွေက ရှိသေး...

ကျောင်းမှာ ကိုရင်ဦးဇင်းက မြဲတယ်မရှိဘူး... ကျုပ်ရဲ့ ဒဏ်ကို မခံနိုင်လို့များ မထင်နဲ့... အဲဒီ လော်စပီကာသံတွေကို မခံနိုင်လို့ လူထွက်ကုန်ကြတာ... ဟုတ်မှာပေါ့ဗျာ... လူ့လောကထဲမှာ ပူပူလောင်လောင် မနေချင်လို့ အေးရာအေးကြောင်း လာနေတာ... အိပ်ကောင်းခြင်း မအိပ်ရ... စားကောင်းခြင်း မစားရနဲ့... နားပူဒဏ် လာခံနေရတဲ့အဖြစ်... မထွက် ရှိရိုးလား...

တစ်ခါတစ်ခါလဲ... ဟုတ်သော်ရှိ မဟုတ်သော်ရှိ ကြံကြံဖန်ဖန် စဉ်းစားမိတယ်... ဒကာ(မ) မထက်လို ထိုင်းနိုင်ငံကို သွား.. နားနှစ်ဖက်ကို ခွဲစိပ်... အလုံပိတ်... ကန်း အေးရော့... နောက်တစ်မျိုးလဲ စဉ်းစားမိတာ ရှိသေးတယ်... အမေရိကန်က တာဝေးပစ် ဒုံးကျည် တီထွင်ရင် ရရှားက ဒုံကျည်ခွင်းတဲ့ ဒုံကျည် တီထွင်သလိုမျိုးပေါ့... ကျုပ်လဲ လော်စပီကာ ဖျက်ခွင်းတဲ့ လော်စပီကာတစ်လုံးလောက်တော့ တီထွင်လိုက်ချင်တာ... ဖွင့်လိုက်တာနဲ့ ဘေးကျောင်းက လော်စပီကာတွေ ပစိပမွ ပျက်သွား အေးရော့...

ဟိုနေ့က ကျောင်းအမကြီး ဖုန်းလှမ်းဆက်တယ်... ဦးဇင်းလေး ဘာလိုသေးလဲတဲ့...

" ဒကာမကြီးရေ... အခြားဟာတော့ ဘာမှ မလိုဘူးဗျို့... လော်စပီကာခွင်းတဲ့ လော်စပီကာတစ်လုံးလောက် အမြန်ဝယ်ပေး... မဟုတ်ရင် ပုဆိုးတစ်ထည်နဲ့ အင်္ကျီတစ်ထည်သာ ၀ယ်ထားပေတော့... အေးချမ်းတဲ့ လူ့ဘောင်လူ့လောကကို ထွက်တော့မယ်ဗျို့..."

ပီနန္ဒ [မြိုင်]
11-5-2016
ရေးသားသည့်ဆရာတော် = အရှင်ပညာနန္ဒ (ပီနန္ဒ - မြိုင်)
Credit ; Ashin Pyinyar Nanda
Owner's Link ; https://www.facebook.com/pnanda.myaing.3