စွဲမှန်းမသိတဲ့ မောဟစွဲ

ကျမတို့ကို ဝိပဿနာပညာကို အသေးစိတ် သင်ကြားပေးနေတဲ့ ဆရာကြီး ဒေါက်တာဦးစိုးလွင်က ရေသန့်ဗူးတစ်ဗူးကို ကိုင်ပြီး ကျမတို့ကို "ဘာမြင်လည်း" လို့မေးတော့ ကျမတို့အားလုံးကလည်း "ရေ"လို့ ဖြေကြပါတယ်။

ဆရာကြီးက "ကိုယ်တကယ်မြင်တာကို ပြောကြပါ" ဆိုတော့လည်း အားလုံးက "ရေ"လို့ဘဲ ထပ်ပြောကြပါတယ်။ ဆရာကြီးက "ရေဆိုတာ သတ်မှတ်ပညတ်ထားတဲ့ နာမည်တခုသာဖြစ်တယ်။ အင်္ဂလိပ်လိုဘဲ တတ်တဲ့လူက water လို့ ဖြေမယ်။ ကုလားလို တတ်တဲ့လူက ပါနီလို့ ဖြေမယ်။ တရုတ်လိုတတ်တဲ့ လူက စွေ့ လို့ဖြေမယ်။ တကယ်တော့ လူတိုင်း အတူတူမြင်နေတာက ကြည်နေတဲ့ အရောင်လေးပါဘဲ" လို့ ပြောလိုက်တော့မှ ကျမလည်း ဆရာ့ကို တော်တော်အားနာသွားပါတယ်။

ဆရာက ကျမတို့ကို အချိန်တိုင်းအချိန်တိုင်း ရှေ့စိတ်က တကယ် မြင်တဲ့ ကြားတဲ့ နံတဲ့ အရသာရှိတဲ့ ထိတဲ့ အတိုင်းကို ဘာပညတ်မှ သတ်မှတ်ချက်မှ မပါတဲ့ သတိဦးဆောင်တဲ့ နောက်စိတ်ကနေ သိနေအောင် ရှေ့စိတ်ကို နောက်စိတ်နဲ့ သတိကပ်ထားဖို့ တဖွဖွသင်ကြားနေတဲ့ ကြားထဲက ကျမတို့ကလည်း ရှေ့စိတ်က တကယ်တော့ ကြည်နေတဲ့ အရောင်လေးကိုသာ မြင်ကြလျှက်နဲ့ အဲဒီရှေ့စိတ်ကို လွတ်သွားပြီး နောက်စိတ်မှာ တစ်သက်လုံးမှတ်ထားတဲ့ သညာအတိုင်း "ရေ"လို့ဘဲ ဖြေကြပါတယ်။

ဗုဒ္ဓမြတ်စွာဘုရားရဲ့ ဝါဒဟာ ကိုးကွယ်ရာ ဘာသာတရားတစ်ခုသာ မဟုတ်ဘဲ အနက်နဲဆုံးသော အခက်ခဲဆုံးသော အမြင့်မြတ်ဆုံးသော ပညာ တခုလည်းဖြစ်ပါတယ်။ ဒီပညာရပ်ဟာ ကျောင်းစာတွေလို အလွတ်ကျက်မှတ်ရုံနဲ့ သိမြင်တတ်မြောက်နိုင်တဲ့ ပညာ မဟုတ်ဘဲ မြတ်စွာဘုရားသင်ကြားပေးခဲ့တဲ့ မဂ္ဂင်ရှစ်ပါးကျင့်စဉ်အတိုင်း ကိုယ်ကိုယ်တိုင် ကျင့်ကြံအားထုတ်မှသာ ကိုယ်ပိုင်ပညာအဖြစ် မဂ်ဥာဏ်ဖြစ်ထွန်းမည့် အရာပါ။

မြတ်စွာဘုရားက ကျမတို့ကို သဘာဝတရားကြီးရဲ့ ဖြစ်စဉ်နဲ့ သဘာဝတရားကြီးရဲ့ အမှန်တရားကို ဖော်ထုတ်ပြသ သင်ကြား ပေးသွားတာပါ။
၁။ သဘာဝတရားကြီးရဲ့ အမှန်တရားကတော့ သဘာဝတရားကြီးမှာ အတ္တမရှိဘူး။
၂။ သဘာဝတရားကြီးရဲ့ ဖြစ်စဉ်မှာ အရာရာဟာ အကြောင်းတရားပေါ်တည်မှီပြီး အကျိုးတရားတွေက သူ့သဘောသူဆောင်ပြီး အကြောင်းအားလျှော်စွာ ဖြစ်ပေါ်နေကြတာဆိုတဲ့ အနတ္တတရားသာ ဖြစ်တယ်။

တကယ်တော့ ကျမတို့အားလုံး ပြင်ပလောကကြီးကို မြင်ခြင်း ကြားခြင်း နံခြင်း စားခြင်း ထိခြင်း ဆိုတဲ့ အမှုကိစ္စ ၅မျိုးနဲ့သာ ဆက်ဆံနိုင်ကြ ဆက်ဆံနေကြတာပါ။ အဲဒီလို ဆက်ဆံတိုင်းလည်း တကယ်စင်စစ်က အင်မတန်မှ ရိုးရှင်းသန့်စင်တဲ့ အရှိအမှန် ပရမတ်တရားတွေရဲ့ လက္ခဏာတွေဖြစ်တဲ့ အဆင်းအရောင်၊ အသံ၊ အနံ့၊ အရသာ၊ အထိအတွေ့တွေနဲ့ဘဲ ဆက်ဆံနေကြရတာပါ။

ပရမတ်ရဲ့ သဘာဝအတိုင်း ဒါတွေအားလုံးဟာ ရှေ့စိတ်မှာ အကြောင်းတိုက်ဆိုင်တဲ့ ပစ္စုပ္ပန်တခဏအတွင်း ဖြစ်လည်းဖြစ်ချုပ်လည်းချုပ်ပျောက်သွားတတ်တော့ နောက်စိတ်မှာ အင်မတန်သမာဓိခိုင်တဲ့ သတိမရှိလို့ကတော့ ဒါကိုလုံးဝ မသိမမြင်လိုက်ဘဲ ကျမတို့ကို ဆရာကရေသန့်ဗူးပြမေးတဲ့ အချိန်မှာ တကယ်က အကြည်ရောင်အဆင်းပရမတ်ကိုဘဲ မြင်သိလိုက်တဲ့ အနတ္တနေရာမှာ တသံသရာလုံးကစွဲနေတဲ့ အတ္တတရားက သူ့အလိုအတိုင်း ကြီးစိုးချယ်လှယ် ပြီး အခိုင်အမာ ပညတ်စွဲ"ရေ" ဖြစ်သွားတာပါဘဲ။

"ရေ" ဆိုတာ ကိလေသာဖြစ်ဖို့ အခွင့်အလမ်းနည်းပါးတဲ့ အရာမို့ ရေလို့ အထင်အမြင် အသိအမှတ်မှားရုံသာမှားခြင်းဟာ သိတ်ပြဿနာမရှိပေမဲ့ ဖန်ခွက်တစ်ခုထဲက ပုလင်းတစ်ခုထဲက ပယင်းရောင်အဆင်းကို ပစ္စုပ္ပန်တဲ့တဲ့မှာ ပယင်းရောင်အဆင်းလို့ မြင်ရုံဘဲ မြင်တဲ့ ရှေ့စိတ်ကို နောက်စိတ်က သတိမပြုမိလိုက်ဘဲ အရက်လို့ ပညတ်စွဲ ဝင်သွားရင်တော့ အရက်ကြိုက်တဲ့ လူမှာ လောဘကိလေသာအကုသိုလ်ဖြစ်ရသလို၊ အရက်မုန်းတဲ့သူမှာ ဒေါသကိလေသာအကုသိုလ်ဖြစ်ဖို့ သေချာသွားပါပြီ။ အကြည်ရောင်ရှိတဲ့ အဆင်းကို ရေ၊ ပယင်းရောင်ရှိတဲ့ အဆင်းကို အရက်လို့ အလွဲလွဲ အမှားမှား ထင်မှတ်လိုက်ခြင်းဟာ ကြိုက်လို့စွဲတဲ့ ကြိုက်စွဲ လောဘစွဲ၊ မကြိုက်လို့စွဲတဲ့ မကြိုက်စွဲ ဒေါသစွဲတော့ မဟုတ်ပေမဲ့ ကျမတို့ ပုထုဇဉ်တွေ အားလုံးစွဲနေတဲ့ မသိစွဲ မောဟစွဲပါဘဲ။

ို့ရုပ်ရှင်ရိုက်တဲ့ထဲမှာ အရက်သောက်ပြီး မူးတဲ့အခန်းတွေရိုက်ရင် ပယင်းရောင် အဆင်းရှိတဲ့ ရေနွေကြမ်းကို ပုလင်းထဲထဲ့ ခွက်ထဲထဲ့ သောက်ပြ မူးပြနေကြတာဟာ ပုထုဇဉ်တွေရဲ့ ဒီအမြင်မှားအမှတ်မှားမှု မောဟစွဲကို အခွင့်ကောင်းယူ မျက်လှဲ့ပြနေကြတာပါဘဲ။

ဒီအမှန်တရားကို ကိုယ်ပိုင်ဥာဏ်နဲ့ သိမြင်နိုင်ဖို့ကတော့ ရှေ့စိတ်မှာ ဖြစ်ပေါ်သွားတဲ့ မြင်သိစိတ် ကြားသိစိတ် နံသိစိတ် စားသိစိတ် ထိသိစိတ်တို့ကို သမာဓိခိုင်တဲ့ သတိဦးစီးတဲ့ နောက်စိတ် နဲ့ ကပ်ကြည့်တတ်တဲ့ အလေ့အကျင့်ကို ဝိရိယနဲ့ ပျိုးထောင်ခြင်းက စလေ့ကျင့်ရပါတယ်။

"သမထသည် အသိလွယ်ပြီး အကျင့်ခက်၏။
ဝိပဿနာသည် အကျင့်လွယ်ပြီး အသိခက်၏။" ဆိုတဲ့ ဆိုရိုးစကား အတိုင်း ဝိပဿနာကို ကျင့်ကြံအားထုတ်တော့မယ် ဆိုရင်
၁။ ရုပ်နာမ်ပရမတ်တရားတွေကို သေသေချာချာ ပိုင်းခြား သိရှိနားလည်တဲ့ "နာမရူပပရိစ္ဆေဒဥာဏ်"နဲ့
၂။ ဒီအကျိုးတရားရုပ်နာမ်တွေရဲ့ ဖြစ်ပေါ်ချုပ်ပျောက်နေမှု အကြောင်းတရားတွေ နားလည်သဘောပေါက်တဲ့ "ပစ္စယပရိဂ္ဂဟဥာဏ်" တို့ကို ရရှိပိုင်ဆိုင်ထားဖို့ သိစရာတွေ အများကြီးကို ဆရာသမားကောင်းတွေထံမှာ ဦးစွာသင်ယူထားကြရမှာပါ။

ဒီလိုသင်ယူနေကြခြင်းက မိုးကုတ်ဆရာတော်ဘုရားကြီး မိန်တော်မူခဲ့တဲ့ "ဝိပဿနာတရား အားမထုတ်ခင် ဒိဋ္ဌိကို အသိနဲ့ဖြုတ်နေခြင်း" ပါဘဲ။

(ဤဆောင်းပါးဖြင့် မသိမှု အဝိဇ္ဇာမောဟမှ သိမှု ဝိဇ္ဇာပညာ သို့ ပြောင်းလဲကြောင်း ဝိပဿနာသတိပဌါန်မြတ်တရားကို ဟောကြားတော်မူခဲ့သော ဗုဒ္ဓမြတ်စွာဘုရား အမှူးပြုသော သံဃာအားလုံးနှင့် ဝိသုဒ္ဓိမဂ်ဓမ္မလမ်းဝိပဿနာဆရာကြီး ဦးစိုးလွင် (မန္တလေး)နှင့် လူပုဂ္ဂိုလ် သင်ဆရာ မြင်ဆရာ ကြားဆရာ အားလုံးကို ပူဇော်ကန်တော့ပါ၏။)

မေတ္တာရည်လျှက်
ရွှေဇီးကွက်
Credit to Myint Myint Khin Pe