ပညာရှိသူတော်ကောင်းကို ဆည်းကပ်တရားတော်မှ

တချို့ ကျတော့လည်း “ မင်း ၀, မရှိဘဲ ၀ိလုပ်နေတာ ငတ်သေနေဦးမယ်။
ပြည့်ပြည့်စုံစုံဖြစ်အောင် သမထ အရင်လုပ်ဦးမှပေါ့ကွ။
သိဒ္ဓိတွေ၊ မဟိဒ္ဓိတွေရအောင် လုပ်ဦး။
မင်းဝိပဿနာက ချက်ချင်းကြီးရတာမှ မဟုတ်ဘဲ”။
“ မင်းတို့ ဝိပဿနာလုပ်နေတာကြာလှပြီ။ ဘာမှလည်းမဖြစ်ဘူး။
ငါလုပ်တဲ့အတိုင်း ပုတီး(၁၀၈)ပတ်စိပ်ကြည့်စမ်း။
(၄၅) ရက်ဆို မင်းတို့ သိသာလိမ့်မယ် ”

ဒီလိုပြောတဲ့သူတွေလည်း မရှိဘူးလား?၊

(ရှိပါတယ်ဘုရား)

ရှိတယ်။ အဲ့ဒါမျိုးကို သဘောကျတဲ့သူတွေကလည်း အများကြီးပဲ။

အရင်ဦးဆုံး သမထလုပ်ပြီး သမာဓိရတော့မှ ၀ိပဿနာပြန်ကူးရင်တော့ မှန်တယ်နော်။

အဲ့ဒီလိုမှ မဟုတ်ဘဲ သမထနဲ့ ပဲ လမ်းဆုံးနေတဲ့ ပုဂ္ဂိုလ်မျိုးဆည်းကပ်မိရင်တော့ သေတာသေသွားရော
ဝိပဿနာကို ဘာမှ မလုပ်ဖြစ်တော့ဘူး။

အဲ့ဒါဆိုရင်တော့လွဲပြီး။ ကမ္ဘာပေါင်း အသင်္ချေ အနန္တကို လွဲသွားနိုင်တယ်နော်။

ဆည်းကပ်ရမှာက ကိုယ်တိုင်လည်း အပါယ်တံခါးပိတ်တဲ့ ပုဂ္ဂိုလ်၊
ဒါမှမဟုတ် အပါယ်တံခါးပိတ်အောင် ကြိုးစားနေတဲ့ပုဂ္ဂိုလ်၊
အပါယ်တံခါးပိတ်တဲ့လမ်းကို ပိုင်ပိုင်နိုင်နိုင်သိတဲ့ ပုဂ္ဂိုလ်၊
သူများကိုလည်း အပါယ်တံခါးပိတ်အောင်လမ်းညွှန်နိုင်တဲ့ ပုဂ္ဂိုလ်မျိုးကို မှီဝဲဆည်းကပ်ရမယ်။

ဆိုလိုတာက သီလ၊သမာဓိ၊ပညာ သိက္ခာသုံးပါးကို ကိုယ်တိုင်လည်းပြည့်စုံတယ်။
သူများကိုလည်း မဂ်ဥာဏ် ဖိုလ်ဥာဏ်ရအောင် ညွှန်ကြားပြသနိုင်တဲ့ ဆရာကောင်း ဆရားမြတ်တွေကို ဆည်းကပ်ပါ။
ဆည်းကပ်တယ်ဆိုတဲ့ နေရာမှာ သက်ရှိထင်ရှားရှိနေတဲ့ ရဟန်းသံဃာကိုမှ ဆိုလိုတာမဟုတ်ဘူးနော်။

ရှေးဆရာတော်ကြီးတွေရေးသားထားခဲ့တဲ့ ၀ိပဿနာတရားစာအုပ်တွေဖတ်တာ၊
အလုပ်ပေးတရားတိပ်ခွေတွေကို နာယူတာကလည်း ဆည်းကပ်တာနော်။
လူဝတ်ကြောင်ဆရာတွေနဲ့ တရားရသွားတာတွေလည်းရှိပါတယ်။

{{{ ပုဂ္ဂိုလ်နဲ့ ဓမ္မ ခွဲခြားတက်ဖို့ တော့လိုတယ်။}}}

သာဓကအနေနဲ့ မြတ်စွာဘုရားလက်ထက်တုန်းက သာမာဝတီမိဖုရားနဲ့ မောင်းမ ငါးရားဟာ
ခုဇ္ဇုတ္တရာ ကျွန်မဟောတဲ့ တရားကို နာပြီး သောတာပန်ဖြစ်ကုန်ကြတယ်ဆိုတာ ကြားဖူးတယ်မဟုတ်လား။

(ကြားဖူးပါတယ် ဘုရား)

ဘုရားဟောတဲ့တရားကို ခုဇ္ဇုတ္တရာ က ပြန်ဟောတာပဲ။
ဓမ္မအပေါ် ဥာဏ်မရောက်ဘဲ ပုဂ္ဂိုလ်အပေါ်သောင်တင်နေရင် တရားရပါ့မလား၊

(မရပါဘူးဘုရား)

ပုဂ္ဂိုလ်နဲ့ ဓမ္မ ခွဲခြားသိပါ။
နောက်ပြီး သတိပေးချင်တာက ခုခေတ် အခါမှာ ကြုံရတဲ့
ဆရာသမားဆိုတာကလည်း ရိုးရိုးသာဝကတွေပဲ။
ဘုရားမှမဟုတ်တာ။ ချို့ ယွင်းချက်တွေ အားနည်းချက်တွေရှိနိုင်ပါတယ်။
ကိုယ်က ပါးနပ်ဖို့ နဲ့  လိမ္မာဖို့ ပဲလိုတယ်။

ကောင်းတာလေးတွေ နည်းနာယူ၊ ချို့ ယွင်းချက်တွေ အားနည်းချက်တွေကို လျစ်လျူရှု့ ပစ်လိုက်။
အပြစ်ပြောမနေနဲ့ ။
ကိုယ့်အလုပ်ကိုယ်လုပ်။
ကိုယ့်အလုပ်က တရားရဖို့ မဟုတ်လား။

(ဟုတ်ပါတယ်ဘုရား)

မြစိမ်းတောင်ဆရာတော် ဟောကြားတော်မူသော ပညာရှိ သူတော်ကောင်းကို ဆည်းကပ် တရားတော်မှ ထုတ်နုတ်ထားပါတယ်။

Shared from Words of Buddha