ကျွန်မရဲ့ခန္ဓာကိုယ်အလေးချိန် ထိန်းသိမ်းမှုအကြောင်း

ကျွန်မကိုကလေးမွေးပြီး ဝိတ်ဘယ်လိုထိန်းလည်းဆိုတာ လာလာမေးကြတာများလို့ ကျွန်မရဲ့အတွေ့အကြုံလေးတွေကို အားလုံးနဲ့မျှဝေပေးပါ့မယ်ရှင် ။ ကိုယ်ကအလှကြိုက်တဲ့သူဆိုတော့ အင်္ကျီအဝတ်အစားဝတ်တဲ့နေရာမှာ အဆင်ပြေအောင်အမြဲတစ်စေ ခန္ဓာကိုယ်ကိုခပ်သွယ်သွယ်အနေအထားမျိုးဖြစ်အောင် ထိန်းသိမ်းဖြစ်ပါတယ် ။ ပိန်တာဝတာအရေးမကြီးပေမယ့် ကျွန်မရဲ့ခန္ဓာကိုယ်ကခပ်ပြားပြားမို့ ဝလာတဲ့အခါပုံမကျပန်းမကျနဲ့ တစ်ခြားလူတွေထက်ပိုကြည့်ရဆိုးပါတယ် ။ အဲ့ဒါကြောင့် ကိုယ့်ကိုကိုယ်ကြည့်ကောင်းနေအောင် ခပ်သွယ်သွယ်အနေအထားမှာပဲကြိုးစားထိန်းသိမ်းပါတယ် ။

ကျွန်မတွေ့တွေ့နေရတဲ့ လွဲမှားနေတဲ့ခန္ဓာကိုယ်အလေးချိန်ထိန်းတဲ့အမြင်လေးတစ်ခုကိုအရင်ပြင်ပေးပါရစေ ။ အဲ့ဒါကတော့ တစ်ချို့အမျိုးသမီးတွေက ပွဲတွေလမ်းတွေသွားစရာရှိမှ တစ်ပွဲတိုးဝိတ်ချကြတာကိုပါ ။ နောက်ရက်ကျတော့အရင်ကလိုပြန်စားကြပြီး ဒုံရင်းကနေဒုံရင်းပြန်ဖြစ်သွားကြတာပါပဲ ။ ကျွန်မအမြင်တော့ အချိန်လေးယူပြီး ခန္ဓာကိုယ်ဝိတ်ချတာက ကျန်းမာရေးအတွက်လည်းကောင်းမယ် ရေရှည်မှာလည်းခန္ဓာကိုယ်အလေးချိန်တည်ငြိမ်မယ်ထင်တယ် ။ တစ်ရက်နှစ်ရက်လောက် အငတ်ခံ ။ တစ်ပေါင်နှစ်ပေါင်လောက်ကျသွားတဲ့အခါကျေနပ်ပြီး နောက်ရက်မှာပြန်စားလိုက်နဲ့ ။ အဲ့လိုကျလိုက်တက်လိုက်မြန်တဲ့ ခန္ဓာကိုယ်ကပိုဝိတ်အတက်လွယ်ပါတယ် ။

ကျွန်မကလေးမွေးပြီးကာစက ၁၃၅ ပေါင်ပါ ။ ပုံမှန်ဆို ၁၀၈-၁၁၅ ပတ်ခြာလည်လောက်ရှိနေတဲ့သူက ၁၃၅ ဆိုတော့ ပေါင် ၂၀ လောက်တင်ကျန်နေခဲ့တာပေါ့နော် ။ ကလေးမွေးထားလို့ ဗိုက်ကလည်းခွဲထားလို့ လေ့ကျင့်ခန်းယူလို့မရသေးတဲ့အချိန်မှာ အစားနဲ့အရင်ထိန်းရပါတယ် ။ ပထမဆုံးအချက်ကတော့ ကလေးကိုအမေနို့တိုက်ပါတယ် ။ အမေနို့တိုက်ရင် ခန္ဓာကိုယ်ထဲမှာသိုလှောင်ထားတဲ့ အဆီပိုတွေကယ်လိုရီအပိုတွေပါသွားလို့ ဝိတ်ကျအောင်တစ်ဖက်တစ်လမ်းကအထောက်အကူပြုပါတယ် ။

အစားအသောက်ဘယ်လိုထိန်းသင့်လည်း ?

Diet စတဲ့အချိန်ကစလို့ ကျွန်မ ကစီများတာတွေ ၊ အချိုတွေ ၊ သရေစာမုန့်လေးတွေနဲ့ မလိုင်တွေ အကုန်ဖြတ်လိုက်ပါတယ် ။ ကိုယ်ကကော်ဖီကြိုက်လွန်းသူဆိုတော့ ကော်ဖီ ၊ လက်ဖက်ရည် မဖြတ်ပါဘူး ။ ပထမသုံးလလောက်မှာ အဲ့ဒါတွေလုံးဝမစားပဲ ပုံမှန် မနက်စာ နေ့လည်စာနဲ့ ညစာကိုပဲ အားကိုးပြီးစားပါတယ် ။ မနက်စာကိုစိတ်ကြိုက်စားပါတယ် ။ နေ့လည်စာကိုတော့ ထမင်းနည်းနည်းနဲ့ အသားငါး အသီးအရွက်ပိုစားပါတယ် ။ ညစာကိုတော့ တတ်နိုင်သလောက် ကစီဓာတ်မပါအောင်စားပါတယ် ။ ကြားထဲမှာဗိုက်စာရင် အသီးဒါမှမဟုတ်ကော်ဖီလေး အာသာပြေအောင်သောက်ပါတယ် ။ အဲ့လိုသုံးလလောက် အစားထိန်းလိုက်ပြီး နောက်သုံးလအတွက်တော့ ကိုယ်စားချင်တာလေးတွေကို အသာပြေလောက်စားပါတယ် ။ အစားထိန်းလိုက်တာမှာ တစ်ပတ်တစ်ပေါင်လောက်ပုံမှန်ကျပြီး တစ်လမှာငါးပေါင်လောက်ကျပါတယ် ။

ကျွန်မကကိုယ့်ကိုကိုယ်အကျင့်တစ်ခုလုပ်ထားပါတယ် ။ အဲဒါကတော့ အစားစားရင်ဗိုက်တင်းအောင်မစားပဲ အာသာပြေတင်းတိမ်ရင် ချက်ခြင်းရပ်ပြစ်တာပါ ။ စပြီးကျင့်ယူတဲ့အချိန်မှာ ခက်ခဲပါတယ် ။ အစားစားလို့ စိတ်ကျေနပ်တာတဲ့ရပ်လိုက်ပါ ။ ကိုယ့်ကိုကိုယ်လည်းစိတ်ထဲကနေ ငါစားချင်တာစားလိုက်ရပြီ ဝိတ်မတက်အောင်အခုနေရပ်လိုက်တော့မယ်လို့ပြောပါ ။ ချက်ခြင်းမသိသာပေမယ့် ကြာလာတဲ့အခါ စားချင်တာစားနေရပေမယ့် ဝိတ်သိပ်မတက်တဲ့ကောင်းကျိုးကိုသိသိသာသာမြင်ရပါလိမ့်မယ် ။ အဲ့ဒါလေးကို သတိထားကျင့်သုံးစေချင်ပါတယ် ။

လူတစ်ယောက်ကတစ်နေ့ကို ၂၀၀၀ ကယ်လိုရီလောက်ပဲလိုအပ်ပြီး နို့တိုက်မိခင်ဆို ၂၅၀၀ ကယ်လိုရီလောက်ပဲလိုတာမို့ နို့တိုက်နေလို့နှစ်ယောက်စာစားရမယ်ဆိုတဲ့ မှားယွင်းတဲ့အယူအဆကြီးကို မေ့ထားစေချင်ပါတယ် ။ နို့တိုက်မခင်တွေ နို့တိုက်ရတော့ဗိုက်ကဆာ ကလေးအာဟာရမပြည့်မှာစိုးလို့ပိုစားနဲ့ နောက်ပိုင်းမှာမထိန်းနိုင်မသိမ်းနိုင် ဝိတ်တွေတက်ပြီးကျန်ခဲ့တော့တာပါပဲ ။ ကျွန်မအကြံပေးချင်တာတော့ စားတဲ့သောက်တဲ့နေရာမှာ ကျန်းမာရေးနဲ့ညီညွတ်တဲ့ အစားအသောက်တွေကို လုံလောက်ရုံလောက်စားပေးရင် ကလေးရောလူကြီးရောအတွက်အဆင်ပြေပါတယ် ။ ကိုယ်စားတဲ့အစာတွေ ကယ်လိုရီဘယ်လောက်ရှိလည်းဆိုတာသိချင်ရင် internet မှာရှာတာမျိုးဖြစ်ဖြစ် အစားအသောက် package တွေရဲ့နောက်ကျောမှာပါတာတွေကနေတဆင့်ဖြစ်ဖြစ် သိန်ိုင်ပါတယ် ။

လေ့ကျင့်ခန်းဘယ်လိုယူကြမလည်း ?

ကိုယ်အလေးချိန်ကျသွားပြီးတဲ့နောက်မှာတော့ လျော့လျဲပြီးကျန်ခဲ့တဲ့ ခန္ဓာကိုယ်အတွက် လေ့ကျင့်ခန်းလေးတွေလုပ်ရပါတယ် ။ လေ့ကျင့်ခန်းလုပ်တာမှာ အလေးချိန်မြန်မြန်ကျဖို့အတွက် ခပ်မြန်မြန်အကြိမ်ရေများများလုပ်ရတဲ့ လေ့ကျင့်ခန်းတွေရှိသလို လျော့လျဲသွားတဲ့နေရာတွေပြန်ကျစ်လစ်အောင်လုပ်ရတဲ့လေ့ကျင့်ခန်းတွေလည်းရှိပါတယ် ။ အဆီကျအောင် ဝိတ်ကျအောင်လုပ်ရတဲ့လေ့ကျင့်ခန်းတွေကိုတော့ ကျွန်မဝမ်းဗိုက်ကအဆီတွေနဲ့ ပေါင်ကအဆီတွေခပ်မြန်မြန်ကျအောင် ဗိုက်ကချုပ်ရိုးစိတ်ချရတဲ့အချိန်ကနေစပြီးလုပ်ပါတယ် ။ ၁၅ မိနစ်ကနေစလို့ တစ်နေ့နည်းနည်းစီတိုးသွားပြီး ၃၀ မိနစ်လောက်အထိအချိန်ပေးပြီး လေကျင့်ခန်းတွေလုပ်ပါတယ် ။ ခါးလှည့်ကွင်းလှည့်တာတို့ ပြေးတာတို့အဓိကလုပ်ဖြစ်ပါတယ် ။ အဲ့လိုလေ့ကျင့်ခန်းကို တစ်ပတ်လေးရက် နှစ်လလောက်လုပ်ပြီးတဲ့အချိန်မှာတော့ ခန္ဓာကိုယ်အလေးချိန်က အပျိုတုန်းကအလေးချိန်ပြန်ဖြစ်သွားပါပြီ ။ ဒါပေမယ့် အဆီတက်ခဲ့တဲ့နေရာတွေ ကိုယ်ဝန်ဆောင်ခဲ့တဲ့ဝမ်းဗိုက်နေရာတွေက လျော့လျဲပြီးကျန်ခဲ့ပါတယ် ။

ဝိတ်ကျပြီးကျန်ခဲ့တဲ့နေရာတွေ ပြန်ကျစ်အောင်လုပ်ရတာ အခက်ခဲဆုံးပါ ။ အခုထိလုပ်နေရတုန်းပါ ။ ဗိုက်သားအတွက်တော့ အိပ်ထမတင် တင်ပါးအတွက်ကို Hip bridge လို့ခေါ်တဲ့ ပက်လက်လှန်ခါးကိုမတင်တဲ့လေ့ကျင့်ခန်းယူပါတယ် ။ လက်မောင်းနဲ့ကျောနောက်ဖက်အတွက်ကိုတော့ အလေးတုံးလေးတွေမပြီး ပြန်ကျစ်လစ်အောင်လုပ်ပါတယ် ။ Workout နဲ့ပက်သက်လို့တော့ အရမ်းမသိပါဘူး ။ လိုအပ်တယ်ထင်တဲ့နေရာတွေအတွက် လေ့ကျင့်ခန်းကို Workout Application တွေ download လုပ်ထားပြီး သူတို့လမ်းညွှန်ချက်တွေအတွက်လိုက်နာပြီး လေ့ကျင့်ခန်းယူပါတယ် ။ တစ်ကယ်ထိရောက်ပါတယ် ။ ကိုယ်က body building လုပ်ချင်တာမဟုတ်ပဲ ကြွက်သားလေးတွေပြန်ကျစ်အောင်လောက်ပဲမို့ သိပ်ပြင်းထန်တဲ့ workout တွေတော့မလုပ်ပါဘူး ။ ကလေးကိစ္စလုပ်ရ workout လုပ်ရနဲ့ သိပ်ပင်ပန်းလို့ပါ ။

အပေါ်ကပြောသွားတဲ့ အတိုင်းကိုယ့်ကိုကိုယ်ထိန်းသိမ်းတာ အခုဆိုဝိတ်က ၁၀၅-၁၁၀ ဝန်းကျင်နားမှာပဲ တစ်သမတ်တည်းရှိနေပါတယ် ။ အဲ့ထက်သိပ်တက်သွားပြီဆို အစားသေချာပြန်ထိန်းစားလိုက်ပါတယ် ။ နောက်တစ်ခုပြောပြချင်တာက ပိန်တုန်းကဝတ်တဲ့အင်္ကျီတွေကို ဝသွားလို့မတော်တော့ပါဘူးဆိုပြီး တစ်ခြားမပစ်လိုက်ပါနဲ့ ။ တစ်နေ့နေ့မှာပြန်တော်နိုင်ရမယ်ဆိုပြီး အမြဲထုတ်ပြီးဝတ်ကြည့်ပါ ။ တစ်ဖြည်းဖြည်းဝိတ်ကျလာပြီးတော်လာရင် စိတ်ဓာတ်ခွန်အားပိုပိုကောင်းလာပြီး ဝိတ်ချတဲ့နေရာမှာ ပိုအထောက်အကူပြုပါတယ် ။ ကျွန်မဆိုအမြဲကိုယ့်ကိုကိုယ် ကိုယ်နဲ့ကွက်တိဝတ်ရတဲ့အင်္ကျီတွေနဲ့ ဝရင်မတော်တော့ဘူးဆိုတာလေး သတိပေးဖြစ်ပါတယ် ။ အဲ့လိုအသိကြောင့် အစားအသောက်ကိုမလိုအပ်ပဲ အများကြီးမစာ
ဖြစ်တော့ပါဘူး ။ အင်္ကျီဝယ်ရင်လည်း ကိုယ်ဝတ်နေကျ Size 4 , Small ကိုပဲဝယ်ပါတယ် ။ အဲ့ဆိုဒ်ကိုပဲထိန်းထားပြီး ဆိုဒ်မပြောင်းသွားအောင် ဂရုစိုက်ရင်းနဲ့လည်း ကိုယ့်ရဲ့အလေးချိန်ကို တစ်သမတ်တည်းဖြစ်နေအောင် ထိန်းလို့ရပါတယ် ။

ပိန်ဆေးတွေပေါ်ကျွန်မအမြင် ။

ပိန်အောင်ကိုယ်အလေးချိန်ကျစေတဲ့ဆေးတွေသောက်တာ ကျွန်မအနေနဲ့လုံးဝကန့်ကွက်ပါတယ် ။ ပိန်ဆေးအတော်များများမှာ ခန္ဓာကိုယ်အတွက်ဘေးထွက်ဆိုးကျိုးတွေရှိပါတယ် ။ နှလုံးတုန်တာ ညဘက်တွေအိပ်မပျော်တာတွေ ဟိုမုန်းတွေ balance မဖြစ်လို့ စိတ်ဂနာမငြိမ်တာတွေ စတာမျိုးဖြစ်တာတွေ့ဖူးပါတယ် ။ နောက်ဆုံးမစားမလျှော့နိုင်ရင်တောင် ကိုယ်လက်လှုပ်ရှားမှုကိုအားပြုပြီး ဝိတ်ထိန်းပါ ။ ဝလို့ပိန်ဆေးသောက်တဲ့သူတွေက အဲ့ဆေးမသောက်ရရင် ငါတော့ပြန်ဝတော့မှာပဲဆိုတဲ့ စိတ်ကြီးဖြစ်ပြီး ပိန်ဆေးကိုစွဲသွားတာမျိုးတွေလည်းဖြစ်နိုင်ပါသေးတယ် ။ ကျွန်မကတော့ ပိန်ဆေးကိုလုံးဝအားမပေးပါဘူး ။

Detox Tea တွေ Mint tea တွေလိုမျိုး မလိုအပ်တဲ့အဆိပ်တွေနဲ့ အဆီတွေချေဖျက်ပေးနိုင်တာမျိုးကတော့ ပိန်ဆေးသောက်သိပ်မဆိုးတာကြောင့် သောက်တာကိစ္စမရှိဘူးပေါ့နော် ။

ခြုံပြောရရင် ကစီဓာတ်များတဲ့အစာတွေ အချိုရည်တွေ မလိုင်တွေအဆီများတာတွေကို အာသာပြေလောက်ပဲစားတတ်အောင်ကျင့်ယူပါ ။ ဗိုက်အရမ်းတင်းအောင်စားတဲ့အကျင့်ကိုဖြောက်ပါ ။ ကိုယ့်အတွက်သင့်တော်တဲ့ ကိုယ်လက်လှုပ်ရှားမှုကို တစ်နေ့မှာအနည်းဆုံး ၁၅ မိနစ် တစ်ပတ်မှာ လေးရက်လောက်လုပ်နိုင်အောင်ကြိုးစားပါ ။ ဝိတ်ကိုတစ်ပွဲတိုးကျအောင်လုပ်တာထက် ရေရှည်မှာဖြည်းဖြည်းချင်းကျသွားဖို့ကို စိတ်ရှည်ရှည်နဲ့ plan ချပါ ။

အားလုံးထက်အရေးကြီးတာကတော့ ကိုယ့်ကိုကိုယ်လေးစားပြီး ကိုယ့်ခန္ဓာကိုယ်လေးကိုကြည့်ကောင်းအောင်နေဖို့လိုတယ်လို့ စိတ်လေးထားပါ။ ကိုယ့်ကိုကိုယ်မချစ်ပဲ ပစ်စလတ်ခတ်နေမှတော့ ဘယ်သူကမှလည်းကိုယ့်ကိုချစ်ခင်အထင်ကြီးနိုင်ပါတော့မလည်းနော် ။ အထူးသဖြင့် အိမ်ထောင်သည်ကလေးအမေ အမျိုးသမီးတွေပါ ။ ကိုယ့်သားသမီးနဲ့အိမ်ထောင်ဖက်က ကိုယ့်ကိုလေးစားချစ်ခင်ဖို့ဆို အရင်ဆုံးကိုယ်ကလည်းသူတို့မျက်လုံးထဲမှာ လေးစားချစ်ခင်စရာအမျိုးသမီးဖြစ်နေဖို့လိုတယ်နော် ။ အိမ်အလုပ်တွေနဲ့ ဝိတ်ချဖို့လှဖို့အချိန်မရှိဘူး ဆင်ခြေမပေးပါနဲ့ ။ ကိုယ့်ဘဝကို အိမ်ထောင်ဖက်နဲ့ကလေးတွေအတွက် ထိုက်သင့်သလောက်ပေးဆပ်ပြီးရင် ကိုယ့်ကိုကိုယ်ပျော်ရွှင်အောင်ထားဖို့အချိန်လေးတစ်ခုလည်းပေးသင့်ပါတယ် အမျိုးသမီးတို့ရေ ။ ကိုယ့်ကိုကိုယ်ကြည့်ကောင်းအောင်ပြင်ဆင်ရင်းနဲ့ ဘာနဲ့မှဝယ်မရတဲ့ ယုံကြည်မှုကိုဖြည်းဖြည်းချင်းတည်ဆောက်ကြမယ်နော် ။

‪#‎phyodaybyday‬
Credit to: Phyodaybyday