ကျွန်မငယ်စဉ်ကလည်း အပျိုကြီးပဲလုပ်ချင်ပါသည်။ ဘာလို့ဆို ကျွန်မသည် အတ္တကြီးသော လူသားတစ်ယောက်ဖြစ်သောကြောင့်ဖြစ်ပါသည်။ ယောက်ျားယူသောလူများသည် အစွမ်းအစမရှိသော ယောက်ျားလုပ်စာကို ဇိမ်လေးနှင့်ထိုင်စားချင်သူများသာ ယူချင်ကြသည်ဟု ကျွန်မကလေးစိတ်နှင့်တွေးတောခဲ့ဖူးပါသည်။ နောက်တစ်ချက်ကတော့ ယောက်ျားယူပြီး ယောက်ျားတစ်ယောက်၏ တာဝန်များကို မယူချင်သောကြောင့်လည်း ယောက်ျားယူဖို့ကို ခေါင်းထဲ တစ်ခါမှ မတွေးတောခဲ့ပေ။ ဒါကြောင့်လည်း ရည်းစားနှင့်ပြတ်သွားသောအခါ ကျွန်မ အင်မတန်ပျော်ရွှင်ပါသည်။ အနှောင်အဖွဲ့ ဆိုသည့်စည်းထဲ ကျွန်မမ၀င်လိုပေ။
ဒါပေမဲ့ အသက်ရွယ်ရလာသော အခါတွင် ကျွန်မအတွေးအခေါ်များအပြည့်အ၀မှန်ပါရဲ့လားဟု ကျွန်မ ပြန်လည်ဆင်ခြင်စဉ်းစားခဲ့ပါသည်။ ယောက်ျားမယူသော အကျိုးသည် ယောက်ျားတာဝန်များကို မယူဘဲ ဇိမ်နှင့် နေနိုင်စားနိုင်ပါသည်။ သို့သော် အထီးကျန်ခြင်းဝေဒနာကိုတော့ အသက်အရွယ်ရလာလေ ပိုပိုပြီးခံစားရလေဖြစ်နိုင်ပါသည်။ ငယ်ငယ်တုန်းကတော့ သူငယ်ချင်းတွေနဲ့ ဟိုသွားလိုက် ဒီသွားလိုက်နှင့် ပျော်စရာကောင်းပြီး မသိသာသော်လည်း အသက်အရွယ်ရလာသော အခါတွင် သူငယ်ချင်းတိုင်းကလည်း ကိုယ်စီကိုယ်ငှ မိသားစုတာဝန် အိမ်ထောင့်တာဝန်များနှင့် အရင်လိုဟေးလားဝါးလား ကိုယ့်အားအဖော်ပြု ပေးနိုင်တော့မည်မဟုတ်ပေ။ ထိုအခါတွင် သင်သည် တဖြေးဖြေးအထီးကျန်ခြင်းဆိုသည့်ဝေဒနာကို စတင်ခံစားရတော့မည်ဖြစ်ပါသည်။
အသက်အရွယ်ရလာလေ သင့်မိသားစုထဲက အစ်ကို၊အစ်မ၊ညီ၊ညီမတွေကလည်း ကိုယ်စီကိုယ်စီ အိမ်ထောင်တစ်ခု ဘ၀တစ်ခုကို တည်ဆောက်ကြသောအချိန်တွင် သင်သည် အလိုလိုကို ဘေးကိုရောက်မှန်းမသိရောက်လာမည်ဖြစ်သည်။ မိသားစုအရေးနှင့် သင့်အရေးယှဉ်လာသောအခါတွင် သင်သည် ဒုတိယနေရာသို့ရောက်သွားမှာ မလွဲဧကန်ဖြစ်လေသည်။ ဒါသည် ဓမ္မတာတစ်ခုပင်ဖြစ်ပါသည်။ ဒီအတွက်နှင့် သင်ငြိုငြင်ဒေါသထွက်နေဖို့မလိုပေ။
ဒီထက်အသက်တွေတဖြေးဖြေးကြီးလာလို့ သူကိုယ်တိုင် အိုမင်းမစွမ်းဖြစ်လာသော အချိန်တွင် သင့် အပေါ်နားလည်သော စာနာသော သင့်မိသားစုဝင်များအင်မတန်မှကိုရှားပါးသွားမည်ဖြစ်ပါသည်။ တူ၊တူမများ၊ ညီအစ်ကို မောင်နှမများနှင့် သူငယ်ချင်းများကလည်း သင့်မိသားစုဝင်များဖြစ်သည့် သား၊သမီးအရင်းအချာတွေ လောက်တော့ သင့်အား စိတ်ရှည်ဂရုစိုက်ပေးနိုင်လိမ့်မည်မဟုတ်ပေ။ သင်အားငယ်တဲ့အချိန်အားပေးဖို့၊ သင်မျက်ရည်ကျသောအချိန်တွင် သင့်မျက်ရည်တွေကိုသုတ်ပေးဖို့၊ သင်အထီးကျန်တဲ့အချိန်တွင် ဘေးမှာ အဖော်ပြုပေးဖို့ သင့်ဘ၀အတွက် လက်တွဲဖော်တစ်ဦးတော့ အမှန်တကယ်လိုအပ်လာမှန်းသင်ကောင်းစွာ သိရှိလာမည်ဖြစ်ပါသည်။ ဒီအချိန်သည် သင့်အတွက် အရာရာနောက်ကျသွားသော အချိန်မဖြစ်ရန်လည်း အရေးကြီးပါသည်။
ကျွန်မ အသိအဒေါ်တစ်ယောက်ဆိုလျှင် ငယ်ငယ်တုန်းကတော့သူ့သမီးကို အိမ်ထောင်ပြု မှာအင်မတန်စိုးရိမ်ကာ အပျိုကြီးပဲလုပ်ခိုင်းလေသည်။ အခု ထိုအဒေါ်ကအသက်ကြီးလာသောအခါတွင် ထိုသမီးအတွက် သူအင်မတန်မှ ပူပန်လာပါသည်။ သူမရှိသောအချိန်တွင် သူ့သမီးအား လောကကြီးအလယ် တွင် တစ်ယောက်ထဲထားခဲ့ဖို့ကို သူတွေးမိတိုင်း ညညအိပ်မပျော်တဲ့အထိဖြစ်လာလေသည်။ တကယ်လို့များ သူ့သမီးငယ်ငယ်ရွယ်ရွယ်တုန်းက အိမ်ထောင်ပြုပေးခဲ့လျှင်ကောင်းသာဟု ပြောပြီး အမြဲစိတ်မကောင်းဖြစ်ရ လေသည်။ တကယ်လို့များအိမ်ထောင်ပြုခဲ့မယ်ဆို အခုဆို သူ့မိသားစု သူ့ယောက်ျား၊သူ့သားမီးတွေနဲ့ သူစိတ်ချစွာထားနိုင်လိမ့်မည်ဟု တွေးရင်းအမြဲစိတ်မကောင်းဖြစ်ရလေသည်။ ဒီလိုတွေပြောလို့ အိမ်ထောင်ပြု ဖို့ကို ချက်ချင်းလက်ငင်းတိုက်တွန်းတာမျိုးတော့မဟုတ်ပေ။ အချိန်တန်အရွယ်ရောက်လျှင်တော့ စဉ်းစားသင့်သည့် အရာဖြစ်သည်။ သမီးကညာ အခါမလင့်ဆိုသည့် စကားပုံကလည်း ဒါကြောင့်လည်း ပေါ်ပေါက်လာတာဖြစ်မည်ထင်ပါသည်။ အိမ်ထောင်ပြုခြင်းသည် ကောင်းကျိုးရှိသလို ဆိုးကျိုးများစွာလဲရှိနိုင်ပါသည်။ လင်ဆိုးမယားတဖားဖားတို့၊ ကုန်ရှုံးလျှင်တစ်ခေါက် လင်ကုန်ရှုံးရင်တစ်သက်လုံး မှောက်ဆိုသည့် စကားပုံများလည်း ရှိသဖြင့် မိမိရွေးချယ်သည့်လူ လူရွေးမမှားဖို့လည်း လိုအပ်ပါသည်။
စိန်ကဲခတ်ရတာကလွယ်ဦးမယ် လူကဲခတ်ရတာက ပိုခက်သည်ဆိုသည့်စကားအတိုင်း လူကဲခတ်ရတာ အင်မတန်မှခက်ပါသည်။ တစ်နဲ့တစ်ပေါင်းရင် နှစ်ဆိုသည့် ပုံသေနည်းမျိုးလဲ မရှိသဖြင့် ကိုယ်ဘယ်လောက် ကောင်းတဲ့လူကိုရွေးထားရွေးထား အနာဂတ်မှာ ဘာတွေဖြစ်လာနိုင်သည်ဆိုတာကိုတော့ မည်သူမှ အပ်ချမတ်ချသေချာမပြောနိုင်ပေ။ ဒါပေမဲ့လည်း အကောင်းဆုံးမဖြစ်ရင်တောင် အဆိုးဆုံးမဖြစ်အောင်တော့ သင်ထိန်းသိမ်းလို့ရနိုင်ပါလိမ့်မည်။ ဒါကြောင့်လည်း သင့်ရဲ့အနာဂတ်အတွက် ကြိုတွေးကြည့်ရင်း အကောင်းဆုံးပုံဖော်ဖန်တီးနိုင်ဖို့ အချက်အလက်များအား တင်ပြခြင်းသာဖြစ်ပါသည်။ တိုက်တွန်းခြင်းမဟုတ် သလို ကန့်ကွက်ခြင်းလည်း မပြုပါ။ သင်စိုက်ပျိုးသော အပင်ရဲ့ အသီးအပွင့်သည် သင်နဲ့သာဆိုင်ပါသည်။ ဘာပင်မှမစိုက်ရင်တော့ ဘာသီးမှ သင်စားရမှာမဟုတ်သလို။ ဘယ်အပင်အမျိုးစားစိုက်မလဲ ဆေးဖက်ဝင်တဲ့ အပင်စိုက်မှာလား ဒါမှမဟုတ် အဆိပ်ပင်စိုက်မှာလားဆိုတာကလည်း သင့်ရဲ့ရွေးချယ်မှုနှင့် ပြုစုပျိုးထောင်မှု ပေါ်တွင် အများကြီးသက်ရောက်နိုင်ပါသည်။ ပျော်ရွှင်စရာဘ၀လေးတွေပိုင်ဆိုင်ဖို့ ကျွန်မစဉ်းစားမိသလောက် လေးရေးသားဖော်ပြပေးခြင်းဖြစ်ပါသည်။ အမှားအယွင်း တစ်စုံတစ်ရာပါခဲ့လျှင်လည်း ခွှင့်လွှတ်နားလည်ပေးရန် တောင်းပန်လိုက်ပါသည်။
ပန်းရတု။
Shared from ပန်းရတု(အချစ်အကြောင်းပြောကြည့်ရအောင်)
No comments:
Post a Comment