အမှတ်စဉ်(၁၇) {သဏ္ဌာန်ပျက်ရင် အမည်ပြောင်းတဲ့သဘော၊ ပညတ်ကို ဘာအတွက်သုံးကြသလဲ} အဘိဓမ္မာ မြတ်ဒေသနာ (ပထမတွဲ) - ဒေါက်တာ အရှင်နန္ဒမာလာဘိဝံသ

သဏ္ဌာန်ပျက်ရင် အမည်ပြောင်းတဲ့သဘော

“ ယသ္မိံ ဘိန္နေ န တံ သမညာ” ယသ္မိ- အကြင် ပစ္စည်းဝတ္ထုဟာ၊ ဘိန္နေ- ပုံသဏ္ဌာန်ပျက် သွားမယ်ဆိုရင်၊ န တံ သမညာ - အဲဒီအမည် မဟုတ်တော့ဘူးတဲ့၊ မြေအိုးဆိုတာကိုပဲကြည့်၊ ပထမဆုံးက ရွှံစေး၊ ထိုရွှံစေးကို ပုံသဏ္ဌာန် လုပ်လိုက်တဲ့ အခါကျတော့ မြေအိုးလို့ ခေါ်တာ၊ တစ်ခါ ထိုမြေအိုး ကွဲသွားတဲ့အခါကျတော့ အိုးကွဲလို့ ခေါ်ပြန်ရော၊ အမှုန့် ထောင်းလိုက်တဲ့ အခါကျတော့ မြေမှုန့် ပြန်မဖြစ်သွားဘူးလား၊ သဏ္ဌာန်ပြောင်းတိုင်း အမည်နာမတွေ လိုက်ပြောင်းနေတာ၊ အဲဒါ ပညတ်ရဲ့ သဘောပဲ။

ပညတ်ဆိုတာ နောက်တစ်ခုက ဉာဏေန၀ါ ၀ိဘေဒိတေ- အသိဉာဏ်နဲ့ ခွဲစိပ်ပြီးတော့ ကြည့်လိုက်မယ်ဆိုလို့ ရှိရင်လည်း အမည် ပျောက်သွားတယ်တဲ့၊ သအိဉာဏ်နဲ့ ခွဲစိပ် ပြီးတော့ ကြည့်ရမယ်၊ ခွဲစိပ်ကြည့်လိုက်တာနဲ့ အမည် ပျောက်သွားရင်လည်း ပညတ်ပဲတဲ့၊ အခု တရားပွဲ လာကြတယ်၊ ဘာနဲ့ လာတုန်းမေးရင် ကားနဲ့လာတယ်၊ ကားလို့ ပြောတဲ့အရာတစ်ခုကို ရှာကြည့်ရအောင်၊ တစ်ခုစီ တစ်ခုစီ မေးခွန်းတွေ ထုတ်လိုက်မယ်၊ ကားမှာ အစိပ်အပိုင်းတွေ မြောက်များစွာ ရှိတယ်၊ အပေါ်ယံ ကြည့်လို့ရှိရင် ကားရဲ့ဘော်ဒီ ရှိတယ်၊ အောက်ပိုင်းမှာ ဘီးရှိတယ်၊ အင်ဂျင်ရှိတယ်၊ တံခါးတွေ ပါတယ်၊ အစိတ်အပိုင်းတွေ အကုန်လုံး တစ်ခုစီ တစ်ခုစီ ပြောမယ်ဆိုရင် ကားဆိုတဲ့နာမည် ရှိသေးရဲ့လား၊ ဘီးကို ကားခေါ်တာလားလို့ဆို ဘီးပဲ၊ ကား မဟုတ်ဘူး၊ ကားလို့ ခေါ်စရာ ရှာမတွေ့တော့ဘူး၊ တစ်စစီ ဖြုတ်ပြီးတော့ ကြည့်လိုက်လို့ ရှိရင် အသိဉာဏ်နဲ့ ခွဲကြည့်လိုက်မယ်ဆိုရင် ဘယ်မလဲ ကား၊ ဒါက ဘီး၊ ဒါက ဘော်ဒီ၊ ဒါက အင်ဂျင်၊ ဒါက တခြား သူ့ဆိုင်ရာ ဆိုင်ရာ စက်ကိရိယာတွေ၊ ဘယ်မလဲ ကား ဆိုတာ၊ ပြောလိုက်ရင် ကားလို့ ခေါ်စရာ ရှိသေးရဲ့လား၊ မရှိဘူး။

ဒီအတိုင်းပဲ လူတွေက ပြောကြတယ်၊ သစ်ပင်ကြီး လဲသွားတယ်၊ ဘယ်ဟာကို သစ်ပင်လို့ ပြောတာလဲ၊ သစ်ပင်လို့ မေးရင် တစ်ခုစီ တစ်ခုစီ ခွဲပြီးတော့ ပြောရတာပေါ့နော်၊ အမြစ်ကို သစ်ပင်ခေါ်တာလားဆို မဟုတ်ဘူး၊ အမြစ်က အမြစ်၊ သစ်ပင်ဆိုတာ ဒါလားလို့ ကိုင်ပြောမယ်ဆိုရင် အမြစ်ကိုပြောရင် အမြစ်လို့ပဲ ပြောရမယ်၊ ပင်စည်ကိုပြောရင် ပင်စည်ပဲ၊ အကိုင်းအခက်ကိုပြောရင် အကိုင်းအခက်ပဲ၊ အရွက်ကိုပြောရင် အရွက်ပဲ၊ အပွင့်ကို ပြောရင် အပွင့်၊ အသီးကိုပြောရင် အသီး၊ သူ့နာမည်တွေနဲ့ သူ ရှိနေကတည်းက သစ်ပင်လို့ ခေါ်စရာဟာ ပျောက်သွားပြန်တယ်၊ အဲဒါ ပညတ်ရဲ့ သဘောပဲ၊ ပညတ်ဆိုတာ တစ်ခု တစ်ခုကို စွဲပြီးတော့ လူတွေက ဝေါဟာရ တင်ပြီးတော့ အများ အသိအမှတ်ပြု ခေါ်ထားတာ၊ တကယ် လိုက်ပြီးတော့ ကြည့်လိုက်မယ်ဆိုရင် ဘာခေါ်တာတုန်းလို့ သေချာ မေးလိုက်လို့ရှိရင် ရှိကို မရှိတော့ဘူး။

လူ့ခန္ဓာကိုယ်လည်း ဒီအတိုင်းပဲ၊ လူလို့ ခေါ်တာ ဘယ်ဟာကို ခေါ်တာလဲ၊ ခေါင်းကို လူခေါ်တာလား၊ ခေါင်းက ခေါင်းပဲ၊ လက်ကို ခေါ်တာလားဆို လက်ချည်းလည်း လူမခေါ်ဘူးလေ၊ ခြေထောက်ကို ခေါ်တာလာဆိုရင် ခြေထောက်ချည်းလည်း လူမခေါ်ဘူး၊ အဲဒီတော့ ဒီအင်္ဂါရပ်တွေ အကုန်လုံး အစိတ်အပိုင်းတွေ အကုန်လုံး ပေါင်းထားမှ လူဆိုတဲ့ ဝေါဟာရတစ်ခု ဖြစ်လာတာပေါ့၊ အဲဒါကို ‘ဉာဏေန၀ါ ၀ိဘေဒိတေ’ - အသိဉာဏ်နဲ့ ခွဲစိပ်ကြည့်လို့ ရှိရင်လည်း ‘န တံ သမညာ’ အဲဒီအမည် မဟုတ်တော့ဘဲနဲ့ အမညပျောက်သွားရင် ပညတ်တဲ့၊ ဒါ သမ္မုတိသစ္စာလို့ခေါ်တဲ့ ပညတ်ရဲ့ သဘာဝလက္ခဏာပဲ။

ပညတ်ဆိုသည်မှာ ပုံသဏ္ဌာန်ပျောက်သွား, ပြောင်းသွားလို့ရှိရင် အမည်ပြောင်းသွားတယ်၊ ပုံသဏ္ဌာန်ပြောင်းတာနဲ့ အမည်ပြောင်းတာတွေဟာ ပညတ်ပဲ၊ အသိဉာဏ်နဲ့ ခွဲစိပ်ပြီးတော့ ကြည့်လိုက်တဲ့အခါကျတော့ အမည်ပျောက်သွားရင်လည်း ပညတ်ပဲ။

မိလိန္ဒမင်းကြီးနဲ့ ရှင်နာဂသိန်တို့ မေးဖြေတဲ့ အခန်းမှာလည်းပါတယ်၊ မိလိန္ဒမင်းကြီးက ရထားနဲ့လာတယ်၊ ဘယ်ဟာ ရထားခေါ်တာတုန်း မေးရင် ရထားခေါ်စရာ မရှိဘူး ပျောက်သွားတယ်လေ၊ အဲဒီ သဘောပဲ ပညတ်ဆိုတာဟာ ပုံသဏ္ဌာန်ပြောင်းရင် အမည်ပြောင်းတယ်၊ အသိဉာဏ်နဲ့ ခွဲစိပ်ကြည့်လိုက်လို့ရှိရင် ပျောက်သွားတယ်၊ အဲဒါဟာ ပညတ်ပဲတဲ့။



ပညတ်ကို ဘာအတွက် သုံးနေကြလဲ

အဲဒီပညတ်ကို ဘာအတွက် အသုံးပြုတာတုန်းဆိုရင် လောကလူတွေ စည်းကမ်းတကျ နေတက်ဖို့ စည်းမျဉ်းဥပဒေအတိုင်း နေတက်ဖို့၊ ညီညီညွတ်ညွတ် နေတက်ဖို့၊ လောကမှာ ကြီးပွား တိုးတက်ဖို့ဆိုတာ ဟောဒီပညတ်နဲ့ သွားရတယ်၊ အမေ,အဖေဆိုရင် လေးစားရမယ်၊ ပြုစုရမယ်၊ ရဟန်းသံဃာဆိုရင် ရိုသေရတယ်၊ အမျိုးစုံပဲ အဆင့်လိုက် အဆင့်လိုက် လူတွေ အသိအမှတ် ပြုထားတဲ့အတိုင်း လေးစား လိုက်နာကြရတာ၊ နို့မို့ဆိုရင် ပညတ်တွေ ဖြုတ်လိုက်မယ်၊ သမ္မုတိသစ္စာတွေကို ဖြုတ်လိုက်မယ်ဆိုရင် လူချင်းလည်း တူတူပဲ ဆိုလို့ရှိရင် အကုန်ရောထွေးမသွားဘူးလား၊ ရောထွေးသွားမှာပဲ၊ ဒါကြောင့် သမ္မုတိသစ္စာရဲ့ လောကကြီးကို ထိန်းသ်ိမ်းထားနိုင်တဲ့ စွမ်းအားဟာ အံ့မခန်းပါပဲ။

လောကကြီးဟာ ကြီးပွား တိုးတက်နေတာ သမ္မုတိသစ္စာပေါ်မှာ ကြီးပွား တိုးတက်နေကြရတာ၊ ဒါက အစိုးရ၊ ဒါက နိုင်ငံခေါင်းဆောင်၊ ဒီလိုခေါ်တာ ဒါ သမ္မုတိသစ္စာ၊ သတ်မှတ်ထားတဲ့အတိုင်း လေးစားရတယ်၊ မလေးစားလျှင် ဒုက္ခရောက်မယ်၊ သူ့ဟာနဲ့သူ သတ်မှတ်ထားတဲ့အတိုင်း လိုက်နာကြရတာ၊ ဒါ သမ္မုတိသစ္စာလို့ ခေါ်တယ်၊ မြတ်စွာဘုရား ကိုယ်တော်တိုင်ပဲ မင်္ဂလာသုတ်ကို ဟောတယ်၊ သိင်္ဂါလောဝါရသုတ်ကို ဟောတယ်၊ လူ့ကျင့်ဝတ်တွေ ဟောတယ်၊ ဒါ သမ္မုတိသစ္စာပိုင်းကနေ ဟောတာတဲ့။



*ဆက်ရန်* -------

{ပရမတ္ထသစ္စာ၊ သဘာဝအားဖြင့် မှန်ကန်လို့ ပရမတ္ထခေါ်} အား ဆက်လက်ရေးသား ပူဇော်ပါမည်။



*ကောက်နှုတ်ချက်*

အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)

အဘိဓမ္မာ မြတ်ဒေသနာ (ပထမတွဲ) (စာ ၅၉ - ၆၂) မှ ကောက်နှုတ်ရေးသား ပူဇော်ပါသည်။



ဤစာဖြင့် . . .

ဗုဒ္ဓရှင်တော်မြတ်ဘုရား အား လည်းကောင်း

အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D) ဆရာတော် အား လည်းကောင်း

ယခုစာအုပ်အား ဓမ္မလက်ဆောင်ပေးသော အန်တီဆွေ (Anatta Swe) တို့အား ရှစ်ခိုးပူဇော်ပါသည်။



ရဲဝင်းထွန်း

08.02.2012 (Wednesday) 11:45 am