“အားလုံးကို သိရင် အားလုံးကို ခွင့်လွှတ်နိုင်တယ်”

'To know all is to forgive all'

ဒါ သိပ်အရေးကြီးတယ်။ တရားနာပရိသတ်တွေ ခွင့်လွှတ်နိုင်ကြရဲ့လား။ ခွင့်လွှတ်နိုင်တဲ့ ဒကာကြီးကလည်း ခွင့်လွှတ်နိုင်တယ်လို့ဖြေတယ်၊ ဘာမှ မပြောဘဲ ပြုံးနေတဲ့ ဒကာမကြီးတွေက ခွင့်မလွှတ်နိုင်သေးပါဘူး ဘုရားလို့ အသံတိတ် အဖြေပေးနေကြပုံရတယ်နော်။

ခွင့်လွှတ်နိုင်တဲ့ ပုဂ္ဂိုလ်တွေက ဆက်ပြီး ခွင့်လွှတ်နိုင်အောင် ကြိုးစားကြပါ။ ခွင့်လွှတ်နိုင်အောင် လေ့ကျင့်နေတဲ့ ပုဂ္ဂိုလ်တွေလည်း ဆက်ပြီး လေ့ကျင့်ကြပါ။ ခွင့်မလွှတ်နိုင်သေးတဲ့ ပုဂ္ဂိုလ်တွေလည်း ခွင့်လွှတ်နိုင်အောင် ကြိုးစားကြပေါ့။

ခွင့်မလွှတ်နိုင်ရင် ကိုယ်ပဲ ဆင်းရဲတာပါ။

ဘ၀ရတာ ဒုက္ခကို ရတာပါ။ သို့သော်လည်း ပစ္စုပ္ပန် အားထုတ်ပြုပြင်မှုလို့ ခေါ်တဲ့ စိတ်ကို ထိန်းသိမ်းပြုပြင်မှုရှိရင် ချမ်းသာခြင်းကိုရနိုင်ပါတယ်။ စိတ်ကို ထိန်းသိမ်းနိုင်ရင်, ယဉ်ကျေးအောင် လုပ်နိုင်ရင်ချမ်းသာကို ရပါတယ်။

စိတ်ကို မထိန်းသိမ်းတဲ့အတွက် ဆင်းရဲဖို့ ဖြစ်သွားမယ်ဆိုရင် မကောင်းဘူး။ ခွင့်မလွှတ်နိုင်ခြင်းတည်း ဟူသော အကြောင်းကြောင့်မိမိ ဆင်းရဲဖို့ ဖြစ်တယ်ဆိုရင် ခွင့်လွှတ်နိုင်အောင် ကြိုးစားရမယ်။ ဒါမှ မိမိ ဘ၀ အဓိပ္ပာယ်ရှိမယ်၊ တန်ဖိုးရှိမယ်နော်။

ဘာကြောင့် ခွင့်လွှတ်ဖို့ လိုသလဲ၊

ခွင့်လွှတ်ခြင်းဆိုတာ သူတော်ကောင်းတို့ရဲ့ ခွန်အား ဖြစ်လို့ပဲ။ လူမိုက်တို့ရဲ့ ခွန်အားက ခွင့်လွှတ်ခြင်း မဟုတ်ဘူး၊ တုန့်ပြန်ခြင်း ကလဲ့စားချေခြင်းပဲ။

မိုးနဲ့မြေကြီးမဆုံနိုင်သလို သူတော်ကောင်းတို့ရဲ့ တရားနဲ့ မသူတော်တို့ရဲ့တရား ဆုံနိုင်ဖို့လမ်း ဘယ်သောအခါမှ မရှိဘူး။ အပြိုင်သွားနေတဲ့ မျဉ်းနှစ်ကြောင်းနဲ့ သိပ်တူတယ်။

ဒါကြောင့် ပညာရှိတို့ရဲ့ ခွန်အားလို့ ခေါ်တဲ့ ခွင့်လွှတ်ခြင်း ခွန်အားမိမိမှာ တည်တံ့လာအောင် ကြိုးစားဖို့ လိုတယ်။

ဘယ်အခါမှာ ခွင့်လွှတ်လာနိုင်မလဲ။

'To know all is to forgive all'

“အားလုံးကို သိရင် အားလုံးကို ခွင့်လွှတ်နိုင်တယ်”။

ဒါ မြတ်စွာဘုရားရှင်ရဲ့ ဂုဏ်တစ်မျိုးပါ။ ဘုရားရှင်က အားလုံးကိုသိတော့ အားလုံးကို ခွင့်လွှတ်နိုင်တယ်နော်။

ဘုန်းကြီးတို့တစ်တွေက အားလုံးကို မသိတော့ အားလုံးကို ခွင့်မလွှတ်နိုင်ဘူး။ သို့သော်လည်း ခွင့်လွှတ်နိုင်အောင် ကြိုးစားနေပါတယ်။ ခွင့်လည်း ခွင့်လွှတ်နေပါတယ်လို့ ပြောမယ်ဆိုရင် ပြောနိုင်ပါတယ်။

ကိုယ့်ကိုယ်ကို တန်ဖိုးရှိအောင် နေချင်တယ်၊ တန်ဖိုးမဲ့ မဖြစ်အောင်ပြုချင်တယ်၊ လေးလေးနက်နက်နဲ့ နေချင်တဲ့အတွက် ခွင့်လွှတ်နိုင်ဖို့ ကြိုးစားရပါတယ်။ နည်းနည်းသိရင် နည်းနည်း ခွင့်လွှတ်နိုင်တယ်နော်။ များများသိရင် များများ ခွင့်လွှတ်
နိုင်တဲ့အတွက် များများသိအောင် ကြိုးစားနေရပါတယ်။

မိမိရဲ့ မိတ်ဆွေအကြောင်း အားနည်းချက် အားသာချက်တွေ သိလာတဲ့အခါ သဘောထားမှန်တဲ့သူ ဖြစ်ရင် အားနည်းချက် အပေါ်မှာလည်း ခွင့်လွှတ်နိုင်တယ်။ အားသာချက်အပေါ်မှာလည်း ၀မ်းသာနိုင်တယ်နော်၊ ၀မ်းမသာနိုင်ခြင်းကို သဘောထားမမှန်ခြင်းလို့ ပြောနိုင်တယ်။ ခွင့်မလွှတ်နိုင်ခြင်းကိုလည်း သဘောထားမမှန်ခြင်းလို့ ပြောနိုင်သလို ခွင့်မလွှတ်ခြင်းကို အပေါ်ယံ ဆက်ဆံမှုလို့လည်း ပြောနိုင်တယ်။

ခွင့်လွှတ်ခြင်း မပါတဲ့ ဆက်ဆံရေးဟာ ဘယ်လို လေးနက်မလဲ။ တစ်ယောက်ကို တစ်ယောက် အကျိုးဆောင်နိုင်ဖို့ ခက်သွားတယ်နော်။

လေးနက်တဲ့ ဆက်ဆံရေးမှန်ရင် ခွင့်လွှတ်ခြင်း ပါရမယ်။ အပေါ်ယံ မဆံတဲ့ ဆက်ဆံရေးမှန်ရင် ခွင့်လွှတ်ခြင်း ပါရမယ်။ အဓိပ္ပာယ်ရှိတဲ့ ဆက်ဆံရေးမှန်ရင် ခွင့်လွှတ်ခြင်း ပါရမယ်။ ဒါကြောင့် ခွင့်လွှတ်နိုင်ဖို့ ဘုန်းကြီးတို့အားလုံး ကြိုးစားရမယ်။ ခွင့်လွှတ်နိုင်တဲ့အခါ ရင့်ကျက်လာတယ်နော်။

လောကမှာ ပုဂ္ဂိုလ်အမျိုးမျိုး ရှိတယ်နော်၊ - သူတစ်ပါးကို ခွင့်မလွှတ်နိုင်တဲ့ ပုဂ္ဂိုလ်၊ 

- မိမိကိုယ်ကို ခွင့်မလွှတ်နိုင်တဲ့ ပုဂ္ဂိုလ်၊
- မိမိကိုယ်ကိုလည်း ခွင့်လွှတ်နိုင်တယ် သူတစ်ပါးကိုလည်း ခွင့်လွှတ်နိုင်တဲ့ ပုဂ္ဂိုလ်ဆိုပြီး ရှိတယ်နော်။

ဒီပုဂ္ဂိုလ်တွေထဲမှာ မိမိကိုယ်ကိုရော သူတစ်ပါးကိုရော ခွင့်လွှတ်နိုင်တဲ့ သူကတော့ အကောင်းဆုံးပဲ။ မိမိကိုယ်ကိုလည်း ခွင့်လွှတ်နိုင်ရမယ်၊ သူတစ်ပါးကိုလည်း ခွင့်လွှတ်နိုင်ရမယ်။


အရှင်ရေဝတ
ဖားအောက်တောရ
Buddhavasa Tiloka