အိမ်မွေးတိရစ္ဆာန် ခွေးလေး၊ ကြောင်လေးတွေ ရှိတာကြောင့် ကလေးတွေရဲ့ စိတ်နဲ့ ခန္ဓာကို အောက်ပါနည်းလမ်းတွေနဲ့ အကျိုးပြုနေပါတယ်။
ကြံ့ခိုင်သန်းစွမ်းမှု ရရှိစေခြင်း
ခွေးပိုင်ရှင် သုံးထောင် အပါအဝင် လူငါးထောင်ကို လေ့လာတဲ့ ဗြိတိန် လေ့လာမှုတစ်ရပ်အရ ပျမ်းမျှအားဖြင့် ခွေးပိုင်ရှင်တွေဟာ တစ်ပတ်မှာ အချိန်ရှစ်နာရီထက် ပိုပြီး ခွေးနဲ့အတူ လမ်းလျှောက်ဖြစ်တယ်လို့ သိရပါတယ်။ ခွေးရှိတဲ့ မိသားစုက ကလေးငယ်နဲ့အတူ မိသားစုစုံညီ လမ်းလျှောက်ဖြစ်ကြပါတယ်။ ယေဘုယျအားဖြင့် အိမ်မှာ ခွေးမရှိတဲ့ ကလေးအများစုက ကွန်ပျူတာရှေ့၊ တီဗွီရှေ့မှာ အချိန်ကုန်တာ များတယ်လို့ သိရပါတယ်။ ဒါကြောင့် အိမ်မွေးတိရစ္ဆာန် မွေးတာက ကလေးတွေ အပါအဝင် မိသားစုတစ်ခုလုံးကို ကြံ့ခိုင်သန်စွမ်းစေပြီး ကျန်းမာရေး ကောင်းမွန်စေပါတယ်။
ဉာဏ်ရည်ကို ကောင်းမွန်စေခြင်း
လေ့လာမှုများစွာအရ ခွေးတွေ မွေးထားတာကြောင့် ကလေးတွေနဲ့ လူကြီးတွေကို အထီးကျန်မှု ကင်းစေပြီး ဦးနှောက်ရဲ့ လုပ်ငန်းဆောင်တာကို ကောင်းမွန်စေတယ်လို့ သိရပါတယ်။ တွေးခေါ်မြော်မြင်နိုင်စွမ်း လျော့နည်းနေတဲ့ လူနာတွေမှာ အိမ်မွေးတိရစ္ဆာန် မွေးလိုက်တာကြောင့် အစာကောင်းကောင်း စားပြီး ကိုယ်အလေးချိန် တက်လာတာကို တွေ့ရတယ်လို့ လေ့လာမှုတစ်ခုက ဆိုပါတယ်။ ကလေးတွေမှာတော့ ဦးနှောက်ရဲ့ လုပ်ငန်ဆောင်တာ ကောင်းမွန်ပြီး မှတ်ဉာဏ် ကောင်းမွန်စေပါတယ်။
နှလုံးကျန်းမာရေး ကောင်းစေခြင်း
အိမ်မွေးတိရစ္တာန် မပိုင်တဲ့ သူတွေနဲ့ ယှဉ်ရင် အိမ်မွေးတိရစ္ဆာန်ရှိသူတွေက သွေးဖိအား လျော့ကျမှု ရှိပြီး သွေးတွင်း မကောင်းတဲ့ ကိုလက်စထရော အဆင့်ကို လျော့ကျစေတာကြောင့် နှလုံးရောဂါအန္တရာယ်ကို လျော့နည်းစေပါတယ်။ လေ့လာမှုတစ်ရပ်အရ ငှက်တွေနဲ့ ငါးတွေကို မွေးရင်လည်း အလားတူ နှလုံး အကျိုးပြုတဲ့ အာနိသင်တွေကို ရရှိစေတယ်လို့ သိရပါတယ်။ ကလေးတွေမှာ နာမကျန်း ဖြစ်နှုန်းကို လျော့ကျစေပါတယ်။
စိတ်ဓာတ်ကျခြင်းနှင့် စိတ်ဖိစီးမှု သက်သာစေခြင်း
အိမ်မွေးတိရစ္ဆာန်လေးတွေက အဖော်ရစေတဲ့အပြင် စောင့်ရှောက်ရတာကြောင့် စိတ်ဖိစီးမှု လျော့ကျစေတဲ့ ဓာတုပစ္စည်းတွေဟာ ဦးနှောက်မှ ထွက်ရှိမှု တိုးစေပြီး ပျော်ရွှင်မှုကို ရရှိစေပါတယ်။ လေ့လာမှုတွေအရ အိမ်မွေးတိရစ္ဆာန် ရှိတာကြောင့် ကလေးငယ်တွေမှာ အထီးကျန်ဖြစ်ကာ ပျင်းရိငေးမှိုင်နိုင်ခြေ လျော့နည်းကြောင်း သိရပါတယ်။
မိတ်ဆွေ အပေါင်းအသင်း တိုးစေခြင်း
လေ့လာမှုတွေအရ အိမ်မွေးတိရစ္ဆာန်နဲ့အတူ ကြီးပြင်းခဲ့တဲ့ ကလေးငယ်တွေဟာ ပေါင်းသင်းဆက်ဆံရေး အရည်အသွေး မြင့်တက်ပြီး လူဝင်ဆန့်ကာ ကိုယ့်ကိုယ်ကိုယ် လေးစားစိတ် မြင့်မားတယ်လို့ သိရပါတယ်။
ကိုယ်ခံစွမ်းအားစနစ် မြင့်တက်စေခြင်း
ကလေးတွေဟာ တစ်နေ့ ခွေးလေးတစ်ကောင်ကို တွေ့မြင်ရရုံနဲ့ ဆရာဝန်နဲ့ ဝေးဝေးမှာ နေနိုင်တယ်လို့ ဆိုပါတယ်။ လေ့လာမှုတစ်ရပ်အရ အိမ်မွေးတိရစ္ဆာန်လေးတွေ မွေးထားတဲ့ မိသားစုက ကလေးငယ်တွေဟာ အိမ်မွေးတိရစ္ဆာန် မွေးမထားတဲ့ မိသားစုက ကလေးငယ်တွေထက် ကျောင်းပျက်ရက် နည်းတာကို တွေ့ရပါတယ်။ အစောပိုင်း လေ့လာမှုတစ်ရပ်အရ အိမ်မွေးတိရစ္ဆာန်ရှိတဲ့ ကလေးတွေက ဓာတ်မတည့်မှု ဖြစ်နိုင်ခြေနည်းပြီး ပန်းနာရင်ကျပ် ဖြစ်နှုန်း လျော့ကျတာကို တွေ့ရပါတယ်။
By Good Health
ဇွန်ခိုင်ဦး (ဆေးဝါးတက္ကသိုလ်)
No comments:
Post a Comment